лиле стафанова – Kurir.mk

Обвинителката Стефанова побара поблаги казни за оние кои признаа вина за „Титаник“

Ивана Ефремовски — Fri, 11 Feb 2022 14:00:06 +0000

Обвинителката Лиле Стефанова на денешното рочиште за предметот „Титаник” по признанието на вина на дел од обвинетите, пред судот ги претстави олеснителните и отежителните околности и посочи на ублажување и условување на казните. Посочувајќи дека го почитува признанието на вина на обвинетиот Мартин Протуѓер, Стефанова побара да му биде изречена намалена и условна казна поради повеќе олеснителни околности меѓу кои тоа дека се работи за татко на три деца, невработен, со влошена здравствена состојба. За обвинетиот Миле Јанакиески, кој, исто така, ја призна вината, таа побара од судот да ги цени олеснителните околности и да изрече ублажена казна. Ублажување на казните Стефанова побара и за Гордана Јанкулоска и Билјана Бришковска-Бошкоски кои, исто така, денеска ја признаа вината. Преземањето на дејствија на Јанкулоска како министерка за внатрешни работи, Стефанова ги посочи како отежителна околност. Обвинетите Мунир Пепиќ, Кире Тодоровски и уште двајца други се, исто така, помеѓу оние кои признаа вина. Судењето за Никола Груевски, Илија Димовски, Кирил Божиновски и останатите кои не се чувствуваат виновни продолжува на 9 март. Случајот „Титаник“ го води судијата Осман Шабани, додека, обвинението го застапува обвинителката Лиле Стефанова. Освен поранешниот премиер Никола Груевски, во „Титаник“ обвинети се и Кирил Божиновски, Миле Јанакиески, Гордана Јанкулоска, Билјана Бришкоска Бошковски, Илија Димовски, Мунир Пепиќ, Едмонд Темелко, Леко Ристоски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска. Тие се осомничени за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања.

Обвинителката од СЈО Лиле Стефанова повикана во Обвинителството за сведок во „Рекет“

Дарко Андоновски — Sat, 10 Aug 2019 07:50:26 +0000

Обвинителката од Специјалното јавно обвинителство, Лиле Стефанова била повикана од Основното јавно обвинителство за гонење организиран криминал и корупција, дознава „Пресинг Тв“ и таа во својство на сведок за случајот „Рекет“ треба да се појави во Обвинителството во вторник. Како што неофицијално дознаваме следна на сослушување ќе биде повикана и специјалната обвинителка Катица Јанева. Стефанова вчера преку соопштение објавено на веб страницата на СЈО и се спротивстави на Јанева во врска со предметот „Империја“ и првпат дојде до нивно јавно разидување.

Лиле Стефанова: Мислењата за пуштање од куќен притвор и враќањето на пасошите се потпишани од Јанева

Предраг Кукиќ — Tue, 16 Jul 2019 13:09:35 +0000

-Согласно законот за СЈО сите одлуки, секој спис кој излегува единствено го потпишува Јанева. Или во нејзино име овластени обвинителите. Јас немам потпишано ниту една одлука излезена од ова обвинителство. Ниту мислењата за пуштање од куќен притвор, ниту враќањето на пасошите на Панделески и камчев – изјави специјалната јавна обвинителка Лиле Стефанова и повторно демантираше дека во нејзиниот дом е извршен претрес.