лиле стефанова – Kurir.mk

Лиле Стефанова ќе ја менува Русковска додека трае суспензијата

Ивана Ефремовски — Wed, 17 Aug 2022 13:20:15 +0000

По суспензијата на Вилма Русковска, нејзиното место според годишниот план за распоред на обвинители ќе го преземе обвинителката Лиле Стефанова. Стефанова ги водеше случаите Империја и Плацеви на Водно кои беа отпочнати во СЈО. Русковска за Телма вели дека дополнително ќе одлучи кому ќе ги предаде двете предистраги кои ги води за работењето на финансиката полиција и истрагата за техничките центри при МВР. Русковска ја пишува и жалбата до советот на јавни обвинители против одлуката на државнито обвинител Љубомир Јовевски за нејзино оддалечување од предметите.

Одбиено барањето на одбраната за изземање на обвинителката Стефанова од случајот „Плацеви на Водно“

Ивана Ефремовски — Mon, 27 Sep 2021 12:12:21 +0000

Барањето за изземање на јавниот обвинител Лиле Стефанова од случајот „Плацеви на Водно“ се одбива како неосновано. Ова е решението донесено од Основната јавна обвинителка на Основното јавно обвинителство за гонење на организиран криминал и корупција Вилма Рускоска, на барањето поднесено од одбраната на обвинетиот Јордан Камчев, се вели во писмениот допис од ОЈО до Судот. Според бранителот на Камчев, адвокатот Еленко Миланов, ова барање за изземање го поднеле врз основа на поднесена кривична пријава во однос на застапникот на обвинението. Пријавата се однесува на постоење на основано сомнение за кривично дело несовесно работење во службата како и поднесување лажни докази. По одбивањето на Барањето, денешно рочиште во Основниот кривичен суд – Скопје, продолжи со презентација на останатите докази од доказниот материјал на обвинителството. Случајот го води судијата Илија Трпков а застапник на обвинението е обвинителката Лиле Стефанова. (МИА)

И банкарските службеници ја избламираа Лиле Стефанова

Ристе Здравков — Tue, 06 Oct 2020 17:03:55 +0000

На обвинителката која зела 93 илјади евра на незаконски начин надоместоци од СЈО денес на рочиштето на случајот Титаник по кој знае кој пат и беше побиена тезата на обвинението од нејзините сведоци. Александар Горенцев и Јана Божиновска како вработени на шалтер на НЛБ во 2013 и 2014 денес сведочеа дека сите уплати на средствата за политичката партија ВМРО-ДПМНЕ биле во целост со тогашните позитивни законски прописи. Горенцев потврди дека повеќе од 60 луѓе во свое име уплатиле средства на име донација за партијата на шалтерите во ескпозитурата во Кисела Вода. Истото тврдење го дадоа и лицата кои ги уплаќале средствата во таа експзитура на минатите рочишта. Божиновска пак сведочеше дека немало ништо спорно во сумата и налозите кои биле примени на шалтер и реализирани кога биле донесени од едно лице. Нервозата на Стефанова по по овие тврдења кулминираше кога побара преку судиите сите присутни да ги извадат заштитните маски во судницата со цел сведокот Божиновска да врши препознавање на обвинетите. Откако од нејзина страна беше потврдено дека ниеден обвинет не ги уплаќал средствата Стефанова побара пауза бидејќи не се чувствувала добро. Останатите сведоци како членови на ВМРО-ДПМНЕ потврдија дека редовно донирале средства за партијата како и дека во матичните месни и општински комитети плаќале членарина. Иако Стефанова и тука се обиде да ги дискредитра сопствените сведоци сепак тие потврдија дека сопствените уплати ги вршеле во банка, а средствата акумулирани од членарини се совпаѓаат со сумите кои истите пред кампања кумулативно ги уплаќале на сметка на партијата. Голем број на видни и активни членови на ВМРО-ДПМНЕ потврдија дека се повикувале да сведочат во СЈО без да има присуство на одбраната и преку суптилни закани за работните места и дека од сведоци ќе преминат во обвинети им се вршел притисок да сведочат во корист на СЈО.

Обвинителката Стефанова до адвокатот Василев: Ај бе ќути таму

Дарко Андоновски — Tue, 22 Sep 2020 17:05:23 +0000

На денешното рочиште за случајот Титаник обвинителката Лиле Стефанова со уличен речник до бранителите на обвинетите побара да не реагираат на очигледната повреда на Законот за кривична постапка. Откако виде дека исказот на сведокот Наќо Николоски од Кичево не се совпаѓа со она што го кажал во просториите на СЈО, Стефанова побара од судијата Осман Шабани сведокот да не биде директно испрашуван од одбраната. На ова реагираше одбраната на обвинетите дека сведокот е во листата на сведоци за директно испрашување под точно утврдени околности како и поради фактот што истиот не е испрашан во присуство на одбраната иако Законот за кривична постапка тоа го предвидува. Откако овој факт му беше предочен на судијата Шабани како и фактот дека на обвинетите не им беа презентирани доказите во истражната постапка Стефанова целосно се избезуми и на адвокатот Петар Василев од место му се обрати со зборовите „Ај бе ти, ќути таму“ што предизвика реакција кај сите присутни. Судијата Шабани откако ја смири ситуацијата сепак одлучи во полза на Стефанова и го одби барањето на одбраната сведокот да биде директно испрашуван. На ова уследи и уште една нервозна реакција откако сведокот на Стефанова, шалтерски работник од НЛБ банка потврди дека уплатите на средствата за донација на наменската сметка на коалицијата предводена од ВМРО-ДПМНЕ во 2013 се реализирани на законски начин. Имено, во 2013 година согласно тогашната законска регулатива, било кое лице можело да уплати за друго лице до 60.000 денари на сметка во банка. Со тоа во целост се побива тезата дека уплатите во платниот промет биле незаконски. Инаку и шалтерскиот работник како и другите сведоци потврдија дека ниту некогаш се сретнале со некои од обвинетите ниту ги познаваат ниту пак ги присилиле на било какво незаконско дејствие. Ова е веќе десетти случај во низа на побивање на тезите на Стефанова иако упорно и на сила пробува да ја турка Заевата приказна дека ВМРО-ДПМНЕ е злосторничка организација. Додека трае судското рочиште во просторијата се наоѓаат околу 40 лица без истата да се проветри, а самата обвинителка често ја вади заштитната маска иако за истото обвинетите редовно се опоменуваат.

АЈДЕ OCЛОБОДЕТЕ ГИ ЛУЃЕТО ОД ПРИТВOP, УТРЕ ЌЕ СЕ ГЛАСА ЗА СЕВЕРНА: Митовски открива што кажала Лиле Стефанова пред Русковска

Ивана Ефремовски — Fri, 06 Mar 2020 22:05:35 +0000

Коментирајќи ги разговорите кои што СДСМ ги лиферуваше за пратеникот на ВМРО-ДПМНЕ, Антонио Милошоски, главниот и одговорен уредник на Инфомакс, Александар Митовски истакна дека овие бомби Заев ги има чувано во рака подолго време со цел да ги уценува пратениците на опозицијата. Тој откри дека според сведоштвото на обвинителката на СЈО, Лиле Стефанова, од нив се барало да се укинат притворите за пратеници бидејќи тие ќе треба да гласаат за промена на името, посочувајќи дека веројатно биле уценувани со вакви нелегално снимени разговори. -Веројатно овие бомби си ги чувале во рака како што впрочем беше и со оние 8-мина за кои впрочем постојат сведоштва забележани, сведоштва како и на кој начин биле уценувани. Вие не заборавајте на сведоштвото на Лиле Стефанова пред Вилма Русковска во врска со случајот Рекет. Лиле Стефанова објаснува дека на Вибер им пуштиле порака, вака и вака, ослободите ги луѓето, укинете ги приговорите, утре треба да се гласа за промена на името, вели Митовски.

Анализа: Зошто на Кацарска и требаа цели 96 часа за да се „згрози“ од сведочењето на Стефанова?

Љупчо Цветаноски — Fri, 31 Jan 2020 16:24:16 +0000

Судијката која го ослободи Зоран Заев од „Поткуп“, која обвинетите патриоти за местенката на 27 април ги осуди на драконски 211 години, судеше и пресуди во патетичниот случај на СЈО - „Тенк“ за мерцедесот кој и ден-денеска се вози и судијка на која фамозниот АКМИС постојано и ги доделува најжешките случаи против екс раководството на ВМРО-ДПМНЕ, сега бара од Судскиот совет да ги утврди сите факти и обвинувања на обвинителката Лиле Стефанова за притисоци врз неа и обвинителите во СЈО и јавноста да ја дознаела целата вистина. Јавноста се прашува, зошто на Кацарска и требаа цели четири дена (96 часа) за да реагира за Стефанова и чуму и' требаше толку многу време за да го напише ова одбранбено писмо до Судскиот совет? Истата таа јавност македонското судство одамна го перципира токму како Кацарска судство, фраза која стана општоприфатена, исто како и Рускоска обвинителството. Индикативно е што во само два дена разлика, обвинителката Рускоска е обвинета за криминал од 4 милиони евра од обвинетиот во рекет Бојан Јовановски, а судијката Кацарска за влијанија и силни притисоци врз СЈО од сведокот во истиот случај, обвинителката Лиле Стефанова. Познавачите на состојбите, овие акти не ги сметаат како случајни, туку ги поврзуваат со доаѓањето на изборите, очигледноста на еден брод кој тоне и вистината која полека, со губењето на стегите поставени од актуелната влада, се почесто ќе излегува на виделина. Велат дека основното прашање кое деновиве се поставува по судските кулоари е - „Кој е следниот кој ќе „пропее“ и ќе посведочи за нов криминал или притисок“ на инволвираните ликови сплотени во волшебниот триаголник во кој е создадена судско-обвинителско-владината спрега. Судијката Добрила Кацарска четири дена по обвинувањатаво понеделникот, денеска испрати емотивно писмо до Судскиот совет, во кое наведува дека по сведочењето на обвинителката Лиле Стефанова во случајот „Рекет“ секојдневно се соочувала со сè повеќе вербални напади од обвинети, нивните бранители, како и од некои политичари. Три дена по сведочењето, навредената Кацарска сфатила дека во случајот „Рекет“ нејзиното име било злоупотребено со цел да се наруши нејзиниот „интегритет, дигнитет и независност во постапувањето“ и дека е згрозена од изјавата на Стефанова дека таа ѝ вршела притисок. „Имено, јавниот обвинител од Основното јавно обвинителство Радовиш, Лиле Стефанова, во својство на сведок во предметот со кодно име ‘Рекет’ во својот исказ меѓу останатото навела дека и се вршеле притисоци преку разни емисари, односно обвинители, судии, бизнисмени и политичари, а притоа го споменала моето име, наводно јас сум ѝ вршела притисок, но не лично нејзе, туку наводно сум ѝ пуштила некој колега обвинител, како што известија и сите присутни медиуми,“ пишува Кацарска во емотивното писмо. Силно навредената судијка наведува дека била згрозена од ваквата изјава и тврди дека не е вистина дека вршела притисок врз Стефанова, ниту лично ниту преку нејзин колега. „Во делот на нејзините наводи дека јас сум „окапала“ во судот денот кога се одлучуваше за притворот на Јордан Камчев, додава Кацарска, истакнувам дека тоа беше работен ден, а јас секој работен ден од 8 часот сум на работа, а од месец јануари 2018 година до месец јули 2019 година бев секој ден на работа од раните утрински часови, па до доцна во ноќта, без оглед дали се работело за работни денови, празник или викенд, со оглед дека и јавноста знае на кои предмети во тој период работев и кои пресуди се донесоа и пресудите беа изготвениво законски рок“, се правда судијката, признавајќи притоа дека фамилијата Камчеви се нејзини фамилијарни пријатели, но таа нејзина искреност не смела да се злоупотребува од кого било, а посебно не од јавен обвинител, бидејќи шетните последици од изнесување невистини доведувале до нарушување на угледот на оној на кого се однесуваат, а имајќи предвид дека ја извршувала функцијата судија, се нарушува и угледот на судиската функција воопшто, нешто што во никој случај не сакала и не смеела да го дозволи, наведува растревожената Кацарска во писмото. Индикативно, ова е веќе четврто писмо кое треба да излезе во јасноста последните два дена. Трите други, досега непознати за јавноста која мислеше дека се работи за едно писмо, ги најави токму обвинителот Јовески. Нему, опозицијата која е „режим“ и кога не е на власт, му забрани да ги објави на дебатат за предлог законот за ЈО во собранието. Нивен автор наводно е Катица Јанева. На социјалните мрежи велат :„Јавноста е во очекување на ново писмо од новата епистоларна тактика на атавизмите од системот на заминување.“

Лиле Стефанова им „згреши“ па ќе ја тргаат од „Империја“?

Љупчо Цветаноски — Thu, 30 Jan 2020 13:25:40 +0000

Се подготвува ли тргање од случајот „ Империја“, па и од обвинителската функција на обвинителката Лиле Стефанова, по нејзиното сведочење во „Рекет“, пишува Република. Ова прашање се наметнува, откако денеска шефицата на ОЈО за гонење на организиран криминал и корупција, Вилма Рускоска, испрати критики на нејзина адреса и обелодени дека случајот на бизнисменот Орце Камчев, покрај Стефанова, ќе го води и обвинителката Гордана Смаќоска. -Сите кои мислат дека судот постапува непрофесионално, треба да пријават во Судскиот совет. Недозволиво е такви сомневања да се изнесуваат во судница, без да се извести Судскиот совет, изјави денеска обвинителката Рускоска, одговарајќи на прашањето како го оценува сведочењето на Стефанова во „Рекет“ и обвинувањата на адреса на судијката Добрила Кацарска. Во своето сведочење за „Рекет“, одговарајќи на прашање на одбраната на Бојан Јовановски алијас Боки 13, во редот на емисарите, кои ургирале за „Империја“, Стефанова ја спомена судијката Кацарска. Таа, според Стефанова, не ургирала директно кај неа, туку кај нејзин колега од Специјалното јавно обвинителство. Рускоска денеска, одговарајќи на прашање дали е точно дека се интензивираат активностите за „Империја“, меѓу другото изјави дека и обвинителката Гордана Смаќоска „се повеќе навлегува во случајот“. Острата стрела на Рускоска и ангажирањето на Смаќоска можат да бидат сигнали дека на обвинителката Стефанова не и „цветаат рози“. Стефанова доби и кривична пријава од бизнисменот Орце Камчев за злоупотреба на службената положба. Откако и беше прекинат мандатот во поранешното СЈО, Стефанова беше вратена во обвинителството во Радовиш, но предметот „Империја“ повторно и беше доделен.

Од искусен професиналец до гомарка и оропија: Каде “пукна тиквата“ меѓу Јанева и Стефанова?

Ивана Ефремовски — Tue, 28 Jan 2020 09:28:25 +0000

„Стефанова е иста како и првиот момент кога ја повикав и во овој момент. Ја има целосно мојата доверба во работата, а најповеќе бидејќи се работи за еден искусен професионалец кој поминал многу саати во судница, во разни видови на ситуации кои ги налагале предметите“. Верувале или не, екс-специјалната јавна обвинителка, а сега осомничена за „Рекет“ пред една година ова го говореше за поранешната колешка Лиле Стефанова. Да, истата таа Стефанова која на почетокот од 2019-та ја нарекуваше „искусен професиналец“, а на почетокот од 2020-та ја почести со зборовите гом*арка и оро*пија. Гостувањето каде се испофалија една со друга беше, очекувано, на телевизијата на Боки 13, првоосомничен за „Рекет“. На тогашното прашање на новинарката до Јанева дали се кае што ја ангажирала Стефанова, таа одговори: -Апсолутно не, напротив, сметам дека мојот избор со секој ден, се повеќе што се работи во СЈО на определени предмети, повеќе сум уверена и јавноста е уверена дека вистински избор сум направила со сите обвинители, не само со специјалната обвинителка Лиле Стефанова, порача тогаш Јанева.

Како Катица ја фалеше Лиле ? pic.twitter.com/zohAchyBlM
— Хибридната (@PravednaTavita) January 27, 2020

Каде „пукна тиквата“? Со скандалозно однесување и погрдни зборови поранешната шефица на СЈО, Катица Јанева, ја испрати својата колешка Лиле Стефанова по двочасовното сведочење на судењето за „Рекет“ кое се одржа вчера. Кога Стефанова се подготвуваше да излезе од судница, Јанева ѝ извика гом*арка и оро*пија. На овие зборови Јанева веднаш доби опомена од судијката Васка Николовска Масевска, која ги повика полицајците што ја спроведуваат од куќен притвор и нареди таа да биде изнесена од судница. По ова, видно вознемирена, Катица Јанева застана и пред да излезе од судницата и пред новинарите рече: „Дека ѝ го возев мачето, затоа ли не ѝ чинам?“. Расплакана и вознемирена Јанева го напушти Кривичниот суд. Драстичната промена во ставовите на Јанева е симптоматична и мора да се утврди на што истата се однесува. Дали додека Јанева е обвинета за Рекет се плаши дека Стефанова знае премногу?

„Страв не страв, отидов во емисијата заедно со Јанева“

Обвинителката Лиле Стефанова рече дека немала никаков контакт со Бојан Јовановски сè до еден ден кога била повикана во канцеларијата на Катица Јанева. Таму биле Боки и Гордана Дувњак. Тие од Стефанова барале да даде изјава за 1ТВ, но таа рекла дека не е подготвена. На тоа Јанева луто ѝ одговорила дека тогаш ќе зборуваат во живо на емисија. Иако не дала согласност Стефанова се изненадила кога ја видела најавата за емисијата со нејзиното име како гостин. -Страв не страв отидов во емисијата заедно со Јанева, откри Стефанова. Станува збор за емисијата „Правда и неправда“ со Гордана Дувњак емитувана лани на 29 јануари, а во која покрај Јанева и Стефанова гостуваше и јавниот обвинител Трајче Пеливанов. Во истата емисија Јанева ја нарече Стефанова искусен професионалец. Не ги спомна погрдните зборови ниту пак мачето што го возела во автомобил. Причините за трансформацијата на Јанева се јасни за сите.

Најнова епизода „Рекет“: Кацарска ургирала за предмети, мачето на Стефанова добило државен автомобил за прошетка

Ивана Ефремовски — Tue, 28 Jan 2020 08:44:51 +0000

Вчерашното сведочење на обвинителката Лиле Стефанова отвори најнова епизода од „Рекет“. Стефанова посочи дека судијката Добрила Кацарска, преку колега на обвинителката, вршела притисок да не се одреди мерката притвор на осомничениот Јордан Камчев, за предметот „Империја“ и додаде дека имало притисок и од политичари. -Точно е дека судијата Добрила Кацарска, беше цел ден и ноќ во судот кога се одлучуваше за притворот на Камчев, рече Стефанова, во прашање на одбраната на обвинетиот Бојан Јовановски. Стефанова пред судот јасно посочи дека меѓу емисарите што се јавувале за ургенции била и судијката Добрила Кацарска. Во друга држава, по ваков исказ, Кацарска треба да биде разрешена, но кај нас, омилената судијка на СДСМ се заканува со тужби. Кацарска во изјавата на ТВ24 изјави дека е згрозена од сведочењето на обвинителката Стефанова, која пред Кривичниот суд изјави дека Кацарска била една од повеќето кои ургирале на бизнисменот Орце Камчев да му биде укинат притворот во случајот „Империја“. -Згрозена од таквата изјава на обвинителката Лиле Стефанова. Јас очекував да зборува кога го отворила преметот „Империја“, како го отворила, дали тогаш имала притисоци да го отвори овој предмет, дали тоа е во склад со надлежноста на СЈО. Згрозена сум и во поглед на изјавата за јавувањата и ниското ниво кое што го покажа обвинителката а особено обвинителка на СЈО во кое сите ние се крстевме и сметавме дека тоа се тие кои што ќе се изборат за правдата. Не очекувам обвинител да даде изјава дека и‘ вршеле притисоци судии, обвинители, бизнисмени и политичари а јас сум била емисарот. Која е причината за ова? Јас добро ќе прочитам и ќе проучам околу сведочењето на обвинителката и ќе одлучам дали да тужам за клевета ако за тоа се исполнети условите, кажа Кацарска. Кацарска, инаку, е судијката која лицата кои на 27-ми април 2017-та влегоа во Собранието, ги судеше за тероризам. Досуди скандалозни 211 години казни затвор. Прашање е сега: Кој ќе суди на Кацарска по силните обвинувања на нејзина сметка?

Јанева кон Стефанова: Гонарке, оропијо!

„Гомн*рке и оро*пијо една“, со овие зборови Катица Јанева се обрати кон поранешната колешка од СЈО, Лиле Стефанова, по што вчера беше веднаш отстранета од судењето за „Рекет“. При крајот на денешното сведочење на обвинителката Лиле Стефанова, кога таа го облече капутот да си оди, судијата Васка Николовска Масевска почна да ја предупредува обвинетата Јанева да не дофрлува од место, оти ќе биде отстранета. Но, Јанева почна да вика: „Оро*пијо и гомн*рке!“ „Надвор, изнесете ја обвинетата од судница“, нареди судијката по што полицијата веднаш ја исфрли Јанева од судницата. На излегување, Катица Јанева дојде кај новинарите, застана и рече: „Оти мачето ѝ го возев, затоа не чинам“, нервозна и пред плачење рече Јанева.

„Гомн*рке и ороспијо една“: Катица Јанева избркана од судница!

Ивана Ефремовски — Mon, 27 Jan 2020 12:25:18 +0000

„Гомн*рке и ороспијо една“, со овие зборови Катица Јанева и кажа на поранешната колешка од СЈО Лиле Стефанова, по што беше веднаш отстранета од судењето за „Рекет“. При крајот на денешното сведочење на обвинителката Лиле Стефанова, кога таа го облече капутот да си оди, судијата Васка Николовска Масевска почна да ја предупредува обвинетата Јанева да не дофрлува од место, оти ќе биде отстранета. Но, Јанева почна да вика: „Ороспијо и гомн*рке!“ „Надвор, изнесете ја обвинетата од судница“, нареди судијката по што полицијата веднаш ја исфрли Јанева од судницата. На излегување, Катица Јанева дојде кај новинарите, застана и рече: „Оти мачето ѝ го возев, затоа не чинам“, нервозна и пред плачење рече Јанева. Јанева во моментов е на скалите во судот, плаче, се тресе, а нејзиниот син Лазар ја смирува во присуство на полицијата бидејќи таа е во куќен притвор. Денешното судењето заврши без Јанева. Извор: СИТЕЛ