Лилјана поповска – Kurir.mk

Поповска по страшната автобусака нестреќа во Бугарија: До кога ќе ни гинат луѓе поради непочитување стандарди и неказнивост?

Тале Кристо — Tue, 23 Nov 2021 11:27:37 +0000

До кога ќе ни гинат луѓе поради непочитување стандарди и неказнивост?, прашува преку социјалната мрежа на Фејсбук поранешната пратениччка и претседателка на ДОМ Лилјана Поповска, после страшната автобуска несреќа која утрово се случи во Бугарија во која животот го загубија 46 македонски граѓани.

Лилјана Поповска, коалиционен партен на Заев се вакцинираше во Србија

Тале Кристо — Mon, 29 Mar 2021 13:35:31 +0000

Поранешната пратеничка и поранешен лидер на ДОМ, Лилјана Поповска преку совојата Фејсбук страница објави дека викендов се вакцинирала во соседна Србија. -Викендов се вакциниравме во Србија и сме благодарни што сме поблиску до толку мечтаениот имунитет. Сакам сите македонски сограѓани да ја знаат оваа можност. Едноставно, дури и без закажување, одлично организирано, со краен професионализам и љубезност. Фала Ви, комшии! Овој гест ќе го помниме, пишува Поповска во својата објава. Инаку, ДОМ е во коалиција со СДСМ и е дел од актуелната власт предводена од Зоран Заев.

Дури и коалиционите партнери на Заев реагираат за емитувањето на бугарската национална телевизија во Македонија

Магдалена Андонова — Wed, 03 Feb 2021 22:08:08 +0000

Лилјана Поповска, претседател на политичката партија ДОМ, која што е коалиционен партнер на СДСМ, остро реагира на својата официјална Фејсбук страница по повод воведување на бугарската национална телевизија во Македонија. „НЕ МОЖЕ бугарска телевизија во Македонија, имате ли ум, луѓе?? Внесувате официјална антидржавна пропаганда, како Егзархијата во 19век?? Но тогаш сме биле во Отоманска Турција, а сега во самостојна држава ова да си го правиме? Ова е национално самоубиство“ стои во нејзиниот Фејсбук статус.

Коалиционата партнерка на Заев: Ужас до болка, вие во чие име зборувате? Никој нема мандат за ова!

Дарко Андоновски — Wed, 25 Nov 2020 21:10:48 +0000

Поранешната пратеничка и коалиционен партнер на Зоран Заев Лилјана Поповска од партијата ДОМ преку статус на Фејсбук пишува дека денешните изјави на Заев се национално и ментално самоубиство. -Ужас до болка. Ако на ЕУ и треба вакво национално и ментално самоубиство, тогаш ЕУ каква што ја почитуваме и посакуваме, престанала да постои!? Неприфатливи се вакви изјави од македонски политичари за сериозни прашања! Во чие име се зборува? Никој нема мандат за ова!!, стои во нејзиниот пост на Фејсбук.

Ужас до болка. Ако на ЕУ и треба вакво национално и ментално самоубиство, тогаш ЕУ каква што ја почитуваме и посакуваме,... Posted by Liljana Popovska on Среда, 25 ноември 2020

Поповска не прифаќа нова кандидатура за претседател на ДОМ

Катерина Бојаџиева — Sun, 07 Oct 2018 09:39:00 +0000

На седницата на Централниот одбор на ДОМ, претседателката Лилјана Поповска ги замоли колегите да не ја предлагаат за претседател, затоа што останува на својот став, искажан уште на претходниот конгрес пред четири години, а повторен повеќе пати во изминатиот период, дека тоа ќе биде нејзин трет и последен мандат на таа позиција. Ова беше дискутирано во контекст на внатрепартиското предлагање кандидати по општинските организации, кое е во тек. Подготовките за Конгресот на големо течат, откако на 11 септември оваа година беше објавен јавен повик за кандидирање за носители на највисоките партиски функции. - Денеска, ДОМ е стабилна партија со јасно профилирана зелена опција, полноправна членка на Европските Зелени. Заокружен е циклусот од иницијатива, преку изградба на структура и идеолошко профилирање, до меѓународно вмрежување. ДОМ има изградено одлични кадри, искрено посветени на зелената идеологија, кои низ демократска процедура ќе изберат ново раководство, спремно да се носи со сите предизвици,“ истакна Поповска. На вчерашната седница на Централниот одбор на ДОМ беше донесена одлука со која се утврдува 28 октомври 2018 година како датум за одржување на редовниот Четврти конгрес на партијата. Се водеше сметка терминот да не се поклопи со евентуалното одржување на предвремени парламентарни избори, кои се најавени за крајот на ноември или декември.

Заев ги крие разговорите за името и од коалициските партнери: ДОМ за преговорите дознава преку медиуми

Даниел Василев — Mon, 14 May 2018 17:03:55 +0000

Демократска обнова на Македонија (ДОМ) како коалициски партнер на владата предводена од Зоран Заев не е информирана од владините претставници за разговорите за спорот со името со Република Грција, кои се одржаа во саботата близу Атина. Претседателката на партијата, Лилјана Поповска во изјава за Курир кратко изјави дека сите информации во врска со разговорите ги добиле од медиумите. Грчките медиуми пишуваат дека македонската страна во преговорите бара прво влез во НАТО и Европската Унија, а потоа на Македонија да и се даде рок од две години за имплементација на ерга омнес решение и ревизија на Уставот. -Не ми се верува дека тоа е прифатено зашто ставот на преговарачите цело време беше јасен, дека промена на Уставот е апсолутно неприфатливо барање кое задира во сувереното право на граѓаните да одлучуваат за своето внатрешно уредување и именување, изјави Поповска за Курир во однос на пишувањата на грчките медиуми. Грчкиот весник „Та Неа“ во саботното издание напиша, повикувајќи се на свои извори, напиша дека договорот не може да биде постигнат сега и веднаш, но оти македонската страна смета дека временскиот период од две години е задоволителен за да се направат потребните уставни промени, дали со или без распишување на избори.