Лилјана Затуровска – Kurir.mk

Затуроска: Да се исправиме гордо и високо и да го исправиме погазеното достоинство на македонскиот народ

Магдалена Андонова — Sat, 11 Jul 2020 17:41:05 +0000

Генералниот секретар на Унија на жени на ВМРО-ДПМНЕ, Лилјана Затуроска на својата фејсбук страница сподели видео обраќање во кое ги потенцира бенефитите и причините зошто треба да се гласа за ВМРО-ДПМНЕ. „Зошто треба да гласаме за ВМРО-ДПМНЕ? Овие избори се последната шанса за Македонија, да докажеме дека сме единствени и обединети кога станува збор за одлучување за нашата Татковина, да им докажеме дека Македонија била, е и ќе остане цела и единствена - НИЕ ОДЛУЧУВАМЕ, ОВА Е НАША ЗЕМЈА! Ние ќе бидеме дел од победничката генерација македонци кои застанаа во одбрана на Македонија, кои застанаа во одбрана на достоинството на својот народ и во одбрана на суверена, независна и унитарна Република Македонија! Зошто бројот 14? Бидејќи симболиката на бројот 14 се поистоветува со вредностите кои ги поседува ВМРО-ДПМНЕ: вредни, амбициозни, вредни, стабилни, правични и секогаш хумани. Секогаш подготвени за нов почеток и да ги премостат сите предизвици кои би им се испречиле на патот! Сакаш да бидеш свој на своето? Тогаш гласај за проверено и докажано дека е успешно! #Заокружи14, за да не сме кираџии во сопствената земја! Да се исправиме гордо и високо и да го исправиме погазеното достоинство на македонскиот народ! Затоа, на 15-ти јули, излези да гласаш и дај го твојот глас за ВМРО-ДПМНЕ и коалицијата за #ОбноваНаМакедонија! #ОдбериОбнова! #ИсправиСеМакедонијо!“

Затуровска: На Заев сите му се криви за неговата неспособност

Ристе Здравков — Fri, 29 May 2020 16:46:49 +0000

Зошто Чулев им е крив? Затоа што им ги открива криминалите на функционерите од владеачката партија! Чулев им пречи бидејќи јавно обелоденува дека мерките кои оваа Власт ги предлага за справување со КОВИД-19 се носени исклучиво за партиските интереси на СДС. И затоа Чулев е главниот виновник додека Оливер и Филипче се СВЕТЦИТЕ во оваа приказна! Зоран Заев се дрзнува, замислете, да говори за ОДГОВОРНОСТ, а ниту тој самиот воопшто ја немаше кога едно време беше, за жал, Премиер! Човеков е до тој степен контрадикторен што своите атрибути и карактеристики ги препишува на некој друг за кого воопшто не се својствени! Смешен е неговиот цитат: "Колку им е полошо на граѓаните, толку подобро за нивната партија.” - (под партија мисли на ВМРО-ДПМНЕ). Човеков очигледно има проблем и не може да направи разлика помеѓу она што ВМРО-ДПМНЕ во континуитет му сугерира да НЕ го прави, а тоа е да ги става во преден план неговите огромни апетити наспроти здравјето на граѓаните. Избори, кои тој упорно бара да се одржат час поскоро, во една ваква алармантна состојба не соодветствуваат со она што Заев го кажува! И самите можете да ја согледате дезиорентираноста на Заев: она што тој го практикува го препишува на оној кој му вели да НЕ го прави тоа! Јасна е неговата паника и желбата по секоја цена за брзи избори со 52 новозаразени и 4 починати лица за едно деноноќие, ако анализите му кажуваат дека дневно губи по еден пратеник поради неговата НЕСПОСОБНОСТ, АЛЧНОСТ и СЕБИЧНОСТ!! Фејсбук статус на Лулјана Затуровска од ВМРО-ДПМНЕ.

Затуровска до Заев: Кога ќе сакате да избегнете некое прашање немојте вакви смешки да кажувате на граѓаните

Дарко Андоновски — Tue, 12 Nov 2019 13:58:30 +0000

Лилјана Затуровска денеска на седницата во Собрание посочи не се чуди зошто здравствениот систем ни е во колапс, дојде време Венко и Вице да разговараат на ручек за стратегии и политики во здравството. -Тешко на нашата држава, кога министер за здравство на ручек со Вашиот брат Вице Заев разговара за политики и за идни чекори кои што треба да се преземат во здравство, истакна Затуровска. Затуровска додаде дека додека граѓаните се чудат зошто е ваков колапс во здравство се случува, Венко и Вице разговараат на ручек за политики и стратегии во здравството. -До каде стигна нашата држава? Почитуван премиер, кога ќе сакате да избегнете некое прашање немојте вакви смешки да кажувате на граѓаните. Кажете за реалноста, за што се разговара, нагласи Затуровска.

Затуровска: Директорот на „Македонска радиодифузија“ треба да биде со високо образование од областа на електротехничките науки

Предраг Кукиќ — Tue, 23 Jul 2019 13:05:04 +0000

Лилјана Затуровска, пратеник од ВМРО-ДПМНЕ на денешната собраниска седница рече дека основната причина за предлагање измени и дополнувања во Законот за радиодофузна дејност се во делот на допрецизирање на одредбата со која се уредуваат условите за директор. -Со овие измени прецизираме дека директорот кој треба да раководи со ова институција треба да има завршено високо образование од областа на електротехничките науки заради специфичната дејност којашто ја обавува оваа институција, истакна Затуровска. Таа потенцираше дека за спроведување на предложеното дополнување во законот не се потребни дополнителни финансиски средства и не повлекува други материјални обврски за други субјекти. Затуровска посочи дека имајки го во предвид дека се исполнети условите од членот 170 линија 1 од деловникот на Собранието на Република Македонија, односно дека не се работи за донесување на сложен и обемен закон , предлог закон за дополнување на законот на основање на јавно претпријатие “Македонска радиодифузија“ треба да се донесе по скратена постапка.

Претседателката на УЖ на ВМРО ДПМНЕ Благица Ласовска и генералниот секретар Лилјана Затуровска на меѓународна конференција во Загреб

Предраг Кукиќ — Wed, 22 May 2019 20:11:26 +0000

Претседателката на УЖ на ВМРО ДПМНЕ Благица Ласовска и генералниот секретар Лилјана Затуровска, присуствуваат на меѓународна конференција во Загреб. На конференцијата се присутни женските организации од Западен Балкан. Се разговара на тема политичко насилство врз жените и изнаоѓање начин на негово детектирање,превенирање и надминување на овој проблем Организатори се Вестминстер фондацијата за демократија. Конференцијата се одвива, под мотото #VAWP. Стоп на политичкото насилство врз жените.

Затуровска: Со законот за јавни претпријатија сакате да ги вдомите вашите партиски војници, не работите за граѓаните, туку за себе

Катерина Бојаџиева — Wed, 06 Feb 2019 18:38:38 +0000

Ако го земам ова законско решение кое што се носи во еден предизборен период и никако поинаку не можам да го окарактеризирам освен дека се носи со една цел, со една намера за да може владејачката коалиција на СДСМ и ДУИ да можат да освојат или да ги задоволат апетитите и симпатиите кај оние граѓани за да можат да добијат глас повеќе, смета пратеничката од редовите на ВМРО-ДПМНЕ Лилјана Затуровска, откако владејачкото мнозинство по скратена постапка го донесе Законот за јавни претпријатија. Според нејзе ова е надвор од сите предизборни ветување на владата на СДСМ каде што ветуваа дека нема да се трошат парите на граѓаните, туку напротив домаќински и транспарентно ќе работата. Затуровска додаде дека СДСМ ветувале департизација и професионализација на институциите но сега од позиција на власт на низок и дрзок начин во една исклучително тешка економска ситуација врши партизација на институциите. -Вие ветувавте департизација на институциите и навистина е многу дрско, ниско и подло на ваков начин да ги изманипулирате граѓаните кога имаме една исклучително сензитивна економска ситуација во државата, а вие секој месец како што знаете постојано и постојано ги задолжувате граѓаните и прагот на задолжување ја поминува црвената линија, нагласи Затуровска. Затуровска потенцираше дека СДСМ со законот за јавни претпријатија ќе потроши 2 милиони евра годишно за вработување на заменици директори на јавните претпријатија наместо тие средства да ги вложат за продуктивни работи кои ќе бидат во интерес на граѓаните на Република Македонија. Пратеничката побара да и се објасни како и на кој начин и според кои критериуми ќе се бираат директорите, бидејќи во понуденото законско решение не е добро кажано, обвинувајќи го владејачкото мнозинство дека не се транспарентни пред граѓаните како што ветувале во минатото.

Затуровска: 10 тони плашица изумира заради тотална негрижа на Власта

Ивана Ефремовски — Tue, 20 Nov 2018 13:30:52 +0000

Неодговорноста на СДСМ дозволува вистинска еколошка катастрофа во Охридското езеро. Десетици тони плашица веќе неколку дена е заробена во каналот Студенчишта, каде соочена со недостаток на кислород и се заканува целосно изумирање, истакна Лилјана Затуровска, пратеник во Собрание на Република Македонија. -Поради се помалата кота на езерото, плашицата е принудена да оди кон каналот Студенчишта, каде исто така е паднато нивото на водата, со тоа десетици тони плашица се наоѓаат на мал простор каде нема доволно кислород за преживување на овој вид и доаѓа до масовно изумирање. Охридското езеро подолг период е под биолошкиот минимум, што е директна причина за еколошкиот егзодус во езерото. Неспособноста на СДСМ овозможи езерото да се испразни од дозволената минимална кота и тоа предизвика проблем не само на плашицата, туку и на охридската пастрмка. Власта свесно дозволи поради производство на електрична енергија да се доведе ендемскиот жив свет во езерото во опасност. Оваа ситуација ја покажува целата неодговорност на СДСМ, која прво го држеше езерото неколку месеци над дозволената кота, што предизвика и поплави, за сега да го спушти под дозволената и препорачана биолошка кота. Ова почитувани е чист дилетантизам! СДСМ со ваквите свои чекори директно оди спротивно на директивата за води на ЕУ, според која производството на електрична енергија е на последната скала на приоритети, а не на прва! На прва скала на приоритети е водоснабдувањето на луѓето и животот на животинскиот свет, земјоделието, па дури на крај е елекричната енергија, истакна таа. Затуровска обвинува дека власта ги наруши сите параметри за природни и нормални услови за живот на живиот свет во езерото, затоа што има минимум вода, а голема количина на риба, која нема каде и како да опстои. -Апелираме до власта биолошкиот минимум да се држи во постојана контрола. Не смееме да дозволиме заради неспособноста и аматеризмот на власта да биде загрозена една од најголемите природни реткости во Република Македонија. Охридското езеро е заштитено со акт на УНЕСКО, како природна реткост, која е преставена преку посебните видови на био свет кои што ги нема во другите езера. Почитувани господа од СДСМ, Охридското езеро не е вештачко езеро за производство на струја. Охридското езеро е старо илјадници години, био светот во истото останал недопрен до денешен ден, токму затоа одговорноста на властите да овозможат понатамошен опстанок на истото е уште поголема, истакна Затуровска.