Вкусот на традиционалната српска кујна во Limak Skopje Luxury Hotel

Ивана Ефремовски — Tue, 30 May 2023 11:55:48 +0000

На 9 јуни 2023 година љубителите на кулинарските специјалитети ќе имаат можност да уживаат во прекрасниот избор на јадења од српската национална кујна. По организацијата на „Денови на турската кујна“ и „Аргентинска вечер“, Limak Skopje Luxury Hotel овој пат ги претставува традиционалните вкусови на српската кујна. За автентичноста на специјалитетите што ќе бидат претставени се задолжени главниот готвач на хотелот и неговиот тим, а секое јадење ќе биде придружено со далеку познатата српска ракија, како и српски вина. Дел од специјално подготвеното мени се предјадењата како гибаница со сирење, кајмак, чварки, залучени пиперки, сарма од кисела зелка и Караѓорѓева шницла, додека главното јадење го сочинуваат печено прасечко и уштипци. Десертот е Васина торта во комбинација со српски ликер од орев. Автентичната атмосфера за време на оваа „Српска вечер“ ќе биде комплетирана со музика во живо и забавен дел. Традиционалната српска кујна ја сочинуваат разновидни вкусови и мириси, поради влијанијата на различни народи и култури. Во неа доминира месото, како и јадењата од тесто, млечните производи и зеленчукот. Сите што ќе одлучат да бидат дел од „Српската вечер“ на Limak Skopje Luxury Hotel, ќе имаат можност да уживаат во автентичните вкусови на традиционалната српска кујна и да ги осознаат нејзините убавини. Повеќе информации и резервации може да се добијат во хотелот.

„Аргентинска вечер“ во Limak Skopje Luxury Hotel – спој на аргентински специјалитети со звуците на тангото

Тале Кристо — Thu, 30 Mar 2023 12:30:22 +0000

Limak Skopje Luxury Hotel подготвува ново гастрономско изненадување за сите трагачи по нови и автентични вкусови. На 7 и 8 април 2023 година во Limak Skopje Luxury Hotel, ќе се одржи настанот „Аргентинска вечер“ каде посетителите ќе можат да уживаат во традиционалната аргентинска храна, приготвена по автентични рецептури, кои потекнуваат од аргентинската кулинарска традиција. Посетителите ќе можат да ги вкусат автентичните аргентински специјалитети од менито „Буенос Аирес“, подготвени од искусниот главен готвач на хотелот и од неговиот тим. Ова мени е базирано на специјалитети од телешко месо, што е карактеристично за аргентинската кујна. Имено, Аргентина е најголем потрошувач на црвено месо во светот како резултат на неговата големата застапеност во исхраната на Аргентинците. Аргентинската магија преточена во автентични вкусни рецепти ќе биде збогатена со врвните вина на најголемата македонска винарница „Тиквеш“. Аргентинскиот дух ќе биде дополнително зачинет со енергичното аргентинско танго, кое ќе го изведат дел од танчерите учесници на меѓународниот маратон во танго, кој ќе се одржува во Limak Skopje Luxury Hotel. Аргентина или сребрената земја има автентична кујна чија основа потекнува од шпанската и италијанската кујна. Во неа, во голема мера се застапени телешкото месо и тестенините. Аргентинците се познати и по производство и консумација на вино и се петти најголем производител на вино во светот. „Аргентинската вечер“ ќе се одржува на 7 и 8 април 2023 година со почеток од 19:30 часот, а сите заинтересирани можат да добијат повеќе информации во Limak Skopje Luxury Hotel.

Limak Skopje Luxury Hotel – Kurir.mk

Вкусот на традиционалната српска кујна во Limak Skopje Luxury Hotel

„Аргентинска вечер“ во Limak Skopje Luxury Hotel – спој на аргентински специјалитети со звуците на тангото