лимонада – Kurir.mk

Лимончело лимонада: Најлесниот рецепт за совршен летен пијалок

Ристе Здравков — Mon, 14 Aug 2023 07:16:17 +0000

Лимончело лимонадата е одличен аперитив, но и дигестив. Всушност, можете да ја пиете кога сакате. Како што сугерира името, тоа е лимонада која е збогатена со италијански ликер од лимон – Limoncello. Можете сами да направите лимонада или да купите флаширана лимонада за да го скратите целиот процес. Лесно можете сами да направите сируп од лимон, а не заборавајте да додадете и вотка од лимон – на овој коктел му дава посебна длабочина на вкус. Измешајте сè заедно со малку мраз – и подготвени сте да уживате во Лимончело лимонадата. Состојки: МразЛимончело 120 ml 120 мл лимонада 65 ml топла вода 50 гр шеќер 30 мл вотка од лимон 5 супени лажици свежо исцеден сок од лимон парчиња лимон за сервирање Подготовка: Направете сируп од лимон: во мало тенџере измешајте шеќер, 5 лажици свежо исцеден сок од лимон и 65 ml топла вода. Измешајте сè додека не се раствори шеќерот. Добиената течност оставете ја малку да се излади. Во блендер ставете мраз, лимонада, Лимончело, вотка и 30 мл од добиениот сируп од лимон. Пулсирајте додека состојките не се соединат и не добиете пијалок како кашеста маса. Истурете го напитокот во чаша и украсете со парче лимон.

Дали сте пробале БРАЗИЛСКА ЛИМОНАДА? Освежувачки пијалок совршен за летото

Ристе Здравков — Wed, 31 May 2023 14:10:30 +0000

Кога почнуваат високите температури, спасот најчесто го бараме во климатизирани простории, сладоледи и освежителни пијалоци. Покрај стандардните пијалоци, летово хит ќе биде и бразилската лимонада. Се разликува од класичната по еден додаток, а тоа е кокосово млеко. Бразилската лимонада се подготвува така што две лимети се оставаат во замрзнувач еден час, а потоа се сечат на парчиња. Парчињата и водата ставете ги во блендер (толку колку да ги покрие парчињата). Изблендирајте, па процедете го бистриот сок без пулпа и кожа. Потоа измешајте го процедениот сок со половина лименка кондензирано кокосово млеко, добро измешајте и уживајте во вкусот.

„Лимонада“ од јагоди: Рецепт за хит пијалок кој е совршен за топлите денови

Ристе Здравков — Mon, 24 Apr 2023 07:50:34 +0000

Agua frescas се популарни мексикански пијалоци за кои се вели дека уживале древните Ацтеки, а се омилени во текот на летото, кога сонцето пече. Се што ви треба за „свежата вода“ е овошје по ваш избор, вода и малку шеќер, но по желба можете да го искомплицирате рецептот со цветови кои се јадат, зачини или со додавање на алкохол како рум или вотка. Но, идејата е мексиканската вода да биде лесна, питка и да ја задоволи вашата жед. Поради оваа причина често се додаваат листови нане и малку сок од лимета. Лубеница, папаја, диња, хибискус, па дури и ориз се некои од омилените варијации на тема популарниот мексикански пијалок, а особено вкусна е „водата од јагоди“. Состојки: 300 гр јагоди 400 мл вода 2 лажици шеќер 2 лажички сок од лимета мраз Подготовка: Извадете ги стеблата од јагодите, пресечете ги на половина или грубо исечкајте ги. Во блендер ставете ги јагодите, водата, шеќерот и сокот од лимета и матете додека убаво не се соедини во изедначена смеса. Прилагодете ја количината на шеќер и вода на саканиот вкус и конзистентност. По желба процедете ја смесата и послужете со мраз.

ПИJТЕ го ова наместо кафе: ЌЕ ВЕ РАЗБУДИ и ќе ви помогне да се ослободите од надуеноста и вишокот килограми!

Ристе Здравков — Mon, 06 Mar 2023 08:38:13 +0000

Наместо кафе, ова е идеална комбинација за добро утро Сите веќе знаеме дека започнувањето на денот со кафе не е идеална опција. Речиси секој возрасен кога ќе стане од кревет оди во кујна и зема шолја кафе. Многумина мислат дека не можат поинаку да го започнат денот и му придаваат големо значење на овој пијалак… Сепак, пиењето кафе рано наутро на празен стомак е опасно на многу начини. – Пиењето кафе рано наутро, кога нивото на кортизол е највисоко, ги нарушува хормоните во телото и го нарушува деноноќниот ритам. Кортизолот лошо влијае на овулацијата, хормоналната рамнотежа и тежината – објасни нутриционистот и доктор Карлин Розенблум за порталот „PureWow“. Наместо кафе, идеална замена е зелената лимонада. Станува збор за комбинација од магдонос и лимон која помага во исфрлање на вишокот течности и токсини од телото, а може да поттикне и подобра функција на мочниот меур. Состојки: Еден лимон 60 гр магдонос 60 мл вода Овој пијалак се пие на празен стомак. Се препорачува да се пие 6 дена, а потоа да се направи пауза од 10 дена и повторно да се почне со пиење.

ЗЕЛЕНА ЛИМОНАДА: Пијте ја наместо утринско кафе – помага при надуеност и исфрлување на вишокот вода!

Ристе Здравков — Sun, 26 Feb 2023 09:38:26 +0000

Да се започне денот со кафе не е идеална опција. Речиси секој возрасен кога станува од кревет оди во кујна и пие кафе. Многу луѓе мислат дека не можат поинаку да го започнат денот и му придаваат големо значење на овој напиток… Но, пиењето кафе рано наутро на празен стомак има повеќекратни здравствени ризици. – Пиењето кафе рано наутро, кога нивото на кортизол е највисоко, ги нарушува хормоните во телото и го нарушува деноноќниот ритам. Кортизолот лошо влијае на овулацијата, хормоналната рамнотежа и тежината – објасни нутриционистот и доктор Карлин Розенблум за порталот PureWow. Наместо кафе, идеална замена е зелената лимонада. Тоа е комбинација од магдонос и лимон кој помага во исфрлање на вишокот течности и токсини од телото, а може да поттикне и подобра функција на мочниот меур. Состојки: 1 лимон 60 гр магдонос 60 ml вода Овој пијалок се пие на празен стомак. Се препорачува да се пие 6 дена, а потоа да се направи пауза од 10 дена и повторно да се почне со пиење.

Сите знаеме дека лимоните се здрави, но мора да ги знаете и НЕСАКАНИТЕ ефекти на лимонадата

Ивана Ефремовски — Mon, 05 Dec 2022 17:25:58 +0000

Водата со лимон често на наоѓа на списокот за најдобри детокс напитоци, а особено се препорачува за слабеење. Овој напиток обично се пие наутро, на празен желудник, токму затоа што ја дава дневната доза антиоксиданти и витамин Ц. Кај диетите се препорачува бидејќи не содржи шеќери и калории. Познато е дека водата со лимон ја подобрува работата на цревата, врши детоксикација на црниот дроб и го чисти телото од токсини. Сепак, иако благотворно делува на организмот, лимонадата има два несакани ефекти: ГАСТРИТИС Сите цитруси поттикнуваат лачење на киселини во желудникот, па поради тоа може да се јави гастритис. Бидете внимателни со количината која ја внесувате, односно на концентрацијата на лимонот. ОШТЕТУВАЊЕ НА ЗАБНАТА ГЛЕЃ Поради својата киселост, лимонот може да ја оштети забната глеѓ, да предизвика чувствителност на забите, а потенцијално и кариес. Во случај да имате чувствителни заби, се препорачува после лимонадата да ја исплакнете вашата уста со чиста вода.

Нејзиното Височество – лимонада: Освежување без кое не можете ова лето

Магдалена Андонова — Thu, 09 Jun 2022 14:24:47 +0000

Многумина од нас ја имаа таа среќа како деца да одат надвор од градот за време на летниот одмор, кај бабите и дедовците или роднините на село. За многумина од нас, покрај правењето шатор, куќичка на дрво и истражувањето на шумата, еден од омилените моменти ни беше враќањето дома под сенка и пиењето ладна лимонада направена од нашата баба, знаејќи дека ќе бидеме неизмерно уморни, валкани и без здив од топлината. И навистина, вкусовите и мирисите на детството се насекаде околу нас, а еден од тие вкусови е дефинитивно лимонадата. Не заборавајте да подготвите моменти на уживање од овој освежителен класик меѓу вашите омилени летни пијалоци за себе и вашето семејство ова лето. Домашна лимонада Рецептот започнува со едноставен сируп, што е само уште еден начин да се каже дека првиот чекор е да се раствори шеќерот во врела вода. Ова осигурува дека готовиот пијалок е целосно кохезивен и мазен (и спречува шеќерот да се акумулира на дното на бокалот). Потоа, се разбира, потребен ви е сок од лимон. Свежо цедениот сок е дефинитивно вистинскиот избор доколку имате свеж лимон на располагање, но флашираниот сок ќе ја заврши работата многу побрзо. Задолжителна состојка е мразот, непосредно пред послужување, за да не се разреди премногу сокот. Рецепт за „шприцер“ рузмарин и цитрус Мирисниот рузмарин во комбинација со свежи портокали и лимон ќе даде освежителен безалкохолен шприцер во кој ќе уживате цело лето. Состојки: 45 гр шеќер во прав 3 гранчиња рузмарин 5 лимони (4 за цедење, 1 за декорација) 3 портокали (2 за цедење, 1 за декорација) 1 литро сода-вода коцки мраз Во мало тенџере ставете шеќер со 150 милилитри вода и две гранчиња рузмарин. Почекајте да зоврие. Намалете на тивок оган и варете минута или две додека не се раствори шеќерот. Тргнете од оган; се трга на страна да се излади. Извадете го рузмаринот. Во поголем сад измешајте ги сокот од лимон и портокал со изладениот шеќерен сируп. Готовиот сок истурете го во шест високи чаши полни со мраз. Дополнете со сода вода. Послужете со гранчиња рузмарин и парчиња лимон и портокал. Како да чувате свежа лимонада Домашната лимонада чувајте ја во фрижидер пет до седум дена, без мраз. Бидејќи мразот ќе ја разреди смесата, најдобро е да ја додадете непосредно пред послужување. Ако лимонадата е во отворен бокал, покријте ја со фолија за складирање за максимална свежина. И за крај, препорака за вечерно уживање, за вистинските гурмани кои сепак сакаат да додадат нота на возрасните на вкусовите од детството, во овој сок од лимонада можете да ставите малку омилен алкохолен пијалок како вотка, текила или рум.

Изгледа необично, а многу е здрава: Направете си црна лимонада и уживајте!

Ивана Ефремовски — Tue, 08 Feb 2022 14:43:39 +0000

Оваа лимонада е црна и со самото тоа е посебна и различна од било кој домашен напиток. Оние кои ја пијат велат дека прави чуда за човековиот организам, бидејќи чисти од токсини и помага во намалувањето на мастите. Ако ве одбива црната боја, имајте на ум дека вкусот е идентично вкусен како и обичната лимонада. Овој напиток се прави од само три состојки. Главната состојка, која се смета за „магична“ е активниот јаглен. Тој нема вкс, а е многу добар за здравјето. Помага нашето тело да се ослободи од штетните состојки и да се намали надуеноста. Исто така, експертите истакнуваат дека има способност за намалување на нивото на холестерол и подмладување на кожата. Состојки за црна лимонада: -4 чаши филтрирана или флаширана вода. -1/2 шолја сок од лимон -1 лажица активен јаглен ( или една таблетка). Помешајте ги сите состојки и по желба додадете уше лимон. Напитокот послужете го ладен.

Лимонада и мед – комбинација која го подобрува вашето здравје

Ивана Ефремовски — Fri, 04 Feb 2022 16:04:58 +0000

Сигурно сте слушнале за комбинацијата на овие две здрави состојки, кои освен што се вкусни, го освежуваат вашиот организам. Сите експерти за диети препорачуваат да пиете најмалку една чаша лимонада и мед секој ден. Овој пијалок помага во губењето на килограмите и на различни начини го подобрува вашето здравје. Губење на килограмите Доколку додете неколку капки мед и сок од лимон во топла вода, тоа ќе ви помогне во согорување на калориите и масните наслаги. Лимонската киселина и антиоксидантите кои се наоѓаат во медот, во комбинација со топлата вода стануваат совршен пијалок за губење на килограмите. Овој сок можете да го пиете и на празен стомак, по оброк или тренинг. Варење Овој пијалок ги лекува дигестивните нарушувања. Ако страдате од подуеност, киселини или имате некој друг проблем со желудникот, треба да пиете лимонов сок со мед. Детоксикација на телото Комбинацијата на топла вода, свеж лимонов сок и мед ефикасно го чисти вашето тело од токсини и поради тоа се препорачува кога сакате да ослабете. Камен во бубрезите Недоволниот внес на вода и прекумерниот внес на калциум се само некои од причините за настанување на камења во бубрезите. За да спречите формирање на овие камења, секој ден пијте лимонада со мед. Имено, лимонот го блокира калциумот, така да телото не може да апсорбира и вишокот калциум се чисти од телото. Настинка Уште една од здравствените предности на овој пијалок. Медот има антибактериски својства, и ги елиминира бактериите кои предизвикуваат проблеми со грлото. Топлата вода, исто така, помага во чистење на грлото.

Цитрусното овошје е вистински еликсир за здравјето

Ивана Ефремовски — Mon, 06 Dec 2021 17:46:37 +0000

Поради ниската енергетска вредност го намалува ризикот од дебелина, додека високата содржина на антиоксиданти го намалува ризикот од хронични болести. Цитрусното овошје е вистински еликсир за здравјето. Поради ниската енергетска вредност го намалува ризикот од дебелина, додека високата содржина на антиоксиданти го намалува ризикот од хронични болести. Благодарение на витаминот Ц ја подобрува апсорцијата на железо, а поради присуството на калиум, магнезиум и калциум се намалува ризикот од хипертензија. Го намалува ризикот од кардиоваскуларни заболувања, благодарение на ликопенот го намалува нивото на холестерол, додека присутните флавоноиди го намалуваат ризикот од појава на тромб. Спречува појава и на запек, хемороиди, карцином на дебелото црево. Крварењето на непцата е еден од најчестите показатели дека на вашиот организам му недостасува витамин Ц, па би требало да внесувате што повеќе лимони во различни облици. Истото се однесува и за пушачите, како и за лицата кои пијат жестоки пијалоци и нередовно се хранат. Пожелно е наместо кафе повремено да испијат свежо исцедена лимонада.