лина ѓорческа – Kurir.mk

Победнички старт на Ѓорческа во Виена

Тале Кристо — Wed, 06 Sep 2023 20:40:33 +0000

Најдобрата македонска тенисерка Лина Ѓорческа со победа го почна настапот на фјучерс турнирот во Виена што се игра за награден фонд од 60.000 долари. Ѓорческа денеска во првото коло ја совлада домашната тенисерка Алина Михалич со 2-0 во сетови (6-2, 6-2), која на турнирот настапуваше со вајлд карта. Во следното коло Ѓорческа ќе игра со победничката од мечот меѓу Арабела Колер од Австрија и Леире Ромеро Гормаз од Шпанија.

Лина Ѓорческа запрена во четвртфиналето во Астана

Бошко Тасиќ — Sat, 04 Mar 2023 05:12:07 +0000

Македонската тенисерка Лина Ѓорческа не успеа да избори место во полуфиналето на силниот фјучерс што се игра во Астана (Казахстан). Ѓорческа за противник ја имаше Анастасија Тихонова која покажа повеќе на теренот број еден и со 2-0 во сетови се пласираше во наредната фаза. Првито сет и припадна на Русинката со 6-3, а во вториот имаше поголема борба, борба која траеше 48 минути и која заврши со 7-5. Со ова Анастасија закажа меч со сонародничката Дарија Астахова. Овој турнир се игра на тврда подлога за награден фонд од 40.000 американски долари.

Калин Ивановски и Лина Ѓорческа елиминирани во Тунис и Талин

Бошко Тасиќ — Fri, 20 Jan 2023 14:42:08 +0000

Без пласман во полуфиналињата за нашите Калин Ивановски и Лина Ѓорческа на ИТФ-фјучрс турнирите во Монастир (Тунис) и Талин (Естонија). Имено нашиот најдобар тенисе, Калин Ивановски беше поразен во 1/4 финалето во Монастир од Робин Бернтранд со 1:2 во сетови (4:6, 6:4 и 6:7), додека Лина Ѓорческа пак загуби во 1/4 финалето во Талин од Зејнеп Сонмез од Турција со 0:2 во сетови (3:6 и 4:6).

Ѓорческа ќе игра за нова титула во Грција

Бошко Тасиќ — Sat, 26 Nov 2022 16:22:45 +0000

Најдобрата македонска тенисерка, Лина Ѓорческа обезбеди пласман во финалето на ИТФ фјучерсот во Ираклион Грција. Ѓорческа минатата недела го освои пехарот на ова место и сега ќе има шанса да стигне до нова титула. Денес во финалето Ѓорќеска беше подобра од Романката Мириам Бјанка Булгару со 2:0 во сетови. Ова полуфинале беше реприза на минатонеделното финале, резултатот на крајот беше ист. Македонската тенисерска го доби мечот без изгубен сет со 6:4 и 7:5. Не дојде лесно до победата Ѓорческа, а тоа го покажуваат изедначениот број на вкупни поени (80:80). Во финалето Ѓорческа ќе игра против петтата носителка Екатерина Макарова од Русија која е 260. тенисерка на ВТА листата.

Ѓорческа поразена во финалето во Оломуц

Ивона Петрова — Sun, 24 Jul 2022 15:03:07 +0000

Најдобрата македонска тенисерка Лина Ѓорческа не успеа да ја освои титулата на ИТФ турнирот во чешкиот град Оломуц. Ѓорческа во финалето загуби попладнево од домашната тенисерка Сара Бејлек со 2-0 во сетови. Чешката тенисерка убедливо го доби првиот сет препуштајќи и на Ѓорческа два гема, додека македонската тенисерка го загуби вториот сет во тајбрејк.

Победнички старт на Ѓорческа во Севиља

Ивана Ефремовски — Tue, 19 Oct 2021 19:26:13 +0000

Најдобрата македонска тенисерка Лина Ѓорческа очекувано денеска ја мина првата пречка на турнирот во шпанскиот град Севиља совладувајќи ја домашната претставничка Алба Реј Гарсија со 2-0 во сетови. Ѓорческа (279 на ВТА листата) го реши во своја корист првиот сет во тај-брек со 15-13, по што во вториот сет беше поубедлива, препуштајќи и на 890-рангираната светска тенисерка два гема. Во второто коло Ѓорческа утре за противничка ја има Мартина Ди Џузеое од Италија (283). МИА

Ѓорческа во Анталија славеше над тенисерката Бујукакчај, следи натпревар со Гарсија-Лазаро

Ивана Ефремовски — Wed, 04 Mar 2020 16:52:57 +0000

Лина Ѓорческа имаше импресивен старт на ИТФ Фјучерс турнирот во Анталија, кој се игра за награден фонд од 25.000 долари. Најдобрата македонска тенисерка славеше над Турчинката Чагла Бујукакчај, прва носителка на турнирот и 177. на ВТА листата со 6:0, 6:2. Доминацијата на Ѓорческа најдобро ја отсликуваат и дел од статистичките показатели. Максимално ги искористи брејк шансите (5 од 5) и освои 28 поени повеќе од домашната натпреварувачка. Ѓорческа во второто коло во Анталија ќе игра против шпанската тенисерка, Андреа Гарсија – Лазаро. (МИА)

Ѓорческа на 343-то место на ВТА листата

Дарко Андоновски — Mon, 10 Feb 2020 14:55:31 +0000

Лина Ѓорческа по подолго време со забележителен скок на ВТА ранг листата. Благодарение на пласманот во финалето на ИТФ фјучерс турнирот во Трнава, најдобрата македонска тенисерка напредуваше за 60 позиции и оваа недела ќе биде 343 светски рекет меѓу дамите. Најзино најдобро рангирање на ВТА листата беше 170. место во јуни во 2017 година. Лидер во женскиот тенис останува Австралијката Ешли Барти пред Симона Халеп од Романија и Каролина Плишкова од Чешка. Во топ 10 се и Елин Свитолина, Белинда Бенчич, Бјанка Андрееску, Софија Кенин, Кики Бертенс, Серена Вилијамс и Наоми Осака.

Нова титула за Лина Ѓорческа

Ивана Ефремовски — Sun, 01 Dec 2019 12:22:47 +0000

Најдобрата македонска тенисерка, Лина Ѓорческа, ја оправда фаворитската улога на турнирот во Анталија, и ја освои титулата на турнирот на кој учествуваше неделава. Ѓорческа беше прва носителка на овој турнир со награден фонд од 15.000 долари, кој се играше на тврда подлога. Во финалето, македонската тенисерка беше подобра од Она Орпана од Финска, со 6:4, 6:7, 6:1. Лина можеше ова финале да го заврши и порано, но во вториот сет при 5:4 и 40:30, испушти меч-топка. Сепак, иако во тај-брејк го загуби вториот сет, Ѓорческа во третиот сет беше доминантна, поведе со 5:0 и ги реши сите дилеми.

Ѓорческа остана без финале на турнирот во Истанбул

Предраг Кукиќ — Fri, 26 Oct 2018 15:57:16 +0000

Најдобрата македонска тенисерка Лина Ѓорческа не успеа да се пласира во финалето на ИТФ фјучерс турнирот во Истанбул, Турција. Таа во полуфиналниот натпревар беше совладана од романската тенисерка Ралука Шербан. Ѓорческа по три часа и 55 минути игра претпе пораз од 5:7, 7:6, 6;3 по сетови. Турнирот во Истанбул се игра за награден фонд од 25.000 американски долари. (МИА)