Лина Ѓорчевска – Kurir.mk

Титула за Лина Ѓорческа на фјучерс во Србија

Бошко Тасиќ — Sun, 01 Oct 2023 13:09:52 +0000

Македонската тенисерка Лина Ѓорческа го освои фјучерсот во Куршумлиска бања, откако денеска во финалето ја совлада Антонија Ружиќ од Хрватска со 2-0 во сетови (6-3, 6-3). Ова е прва титула за Ѓорческа оваа година во нејзиното четврто финале. Претходно македонската тенисерка претрпе порази во финалните дуели на фјучерсите во Талин, Осиек и Куршумлиска бања. Ѓорческа со денешниот триумф на турнирот во Србија ја освои 13. титула во поединечна конкуренција. Последен пат триумфираше во ноември лани на фјучерс во Грција.

Лина Ѓорческа до четвртфинале на турнир во Србија

Бошко Тасиќ — Thu, 28 Sep 2023 17:04:39 +0000

Лина Ѓорческа имаше послаб старт во осмифиналето на турнирот во Куршумлиска Бања, но со пресврт успеа да ја совлада денешната ривалка. Македонската тенисерка се соочи со Миа Ристиќ, а талентираната српска тенисерка го доби првиот сет со 6:3. Но, тоа не ја откажа Ѓорческа од посакуваниот резултат, па нашата претставничка ги искористи квалитетот и искуството за да ги добие следните сетови со 6:2 и 6:3 и да го продолжи сингл настапот во Србија. Во четвртфиналето, противничка на Лина ќе и биде Французинката Лои Боасон, која денеска исто така играше три сета во дуел со српска претставничка. Фјучрсот во Куршумлиска Бања се игра за награден фонд од 40.000 долари.

Лина Ѓорческа се пласира во четвртфиналето на турнирот во Виена

Бошко Тасиќ — Thu, 07 Sep 2023 17:16:32 +0000

Лина Ѓорческа стигна до тешка, но и важна победа на силниот фјучрс турнир во Виена, триумфирајќи над шпанската ривалка Леире Ромеро Гомез со 2:1 во сетови. Најдобрата македонска тенисерка лесно го доби првиот сет со 6:2, но ривалката одговори на сличен начин и со 6:1 се избори за трет решавачки сет во осминафиналето на турнирот во Австрија. Мечот кулминираше со драматична завршница, во која Ѓорческа направи клучен брејк во единаесеттиот гејм, па ја потврди победата со 7:5 во третата и клучна етапа од дуелот со четвртата носителка на турнирот. Во четвртфиналето во Виена, противничка на Лина ќе и биде романската тенисерка Ирина Бара, која е шеста носителка на турнирот. Турнирот во Виена се игра за награден фонд од 60.000 долари.

Ѓорческа со победа стартуваше на турнирот во Виена

Бошко Тасиќ — Wed, 06 Sep 2023 16:20:55 +0000

Најдобрата македонска тенисерка, Лина Ѓорческа со победа од 2-0 над Австријката Алина Махалич го почна турнирот во Виена кој се игра за награден фонд од 60.000 долари.

Лина во првото коло беше подобра од домашната тенисерка Алина Михалич со 6-2 и 6-2.

Во второто коло македонската тенисерка ќе игра со победничката од дуелот меѓу Арабела Колер (Австрија) и Леире Ромеро Гормаз (Шпанија

Лина Ѓорческа поразена во финалето на турнирот во Осијек

Бошко Тасиќ — Sun, 13 Aug 2023 15:44:09 +0000

Најдобрата македонска тенисерк Лина Ѓорчевска а не успеа да ја оправда фаворитската улога како прва носителка и загуби од изненадувањето на турнирот, Романката Анка Тодони. Анка вчера успеа да ја елиминира втората носителка во Хрватска, а денеска во Осијек беше подобра и од Лина со максимални 2:0 за еден час и 24 минути игра. Мечот изобилуваше со брејк шанси и одземени сервиси на противничката, па тоа на крајот се покажа и како клучен сегмент во ова финале, во кое Романката беше поуспешна во клучните моменти . Тодони направи еден брејк повеќе од Лина во првиот сет за 6:4, а иста беше ситуацијата и во вториот кој заврши со 6:3. Вкупно на мечот видовме десет брејка, од кои шест беа на страна на победничката, а четири на страна на Ѓорческа.

Лина Ѓорческа без загубен сет до финале на турнирот во Хрватска

Бошко Тасиќ — Sat, 12 Aug 2023 18:05:59 +0000

Лина Ѓорческа оствари уште една сигурна победа на фјучрсот во Осијек и утре ќе се бори за нов трофеј во 2023 година. Најдобрата македонска тенисерка денескa остана подолго на теренот, но го доби дуелот со ривалката од Романија, Далина Амареи со 2:0 во сетови. Ѓорческа го доби првиот сет со 7:5, во вториот беше подобра со 6:4, па по 104 минути на теренот си обезбеди место во утрешното финале пред хрватската публика. Противничка ќе и биде друга Романка, односно Анка Тодони, која денеска успеа да го совлада домашниот адут Тена Лукас, тенисерка која беше втор носител на турнирот во Осијек. Турнирот се игра за награден фонд од 25.000 долари.

Лина Ѓорческа го освои турнирот во двојки кој се одржа во Хенинген

Бошко Тасиќ — Sun, 06 Aug 2023 13:35:49 +0000

Најдобрата македонска тенисерка Лина Ѓорческа заедно со својата партнерка Алена Фомина се победнички на ИТФ турнирот во двојки во германски Хенинген. Во финалето ги победија германско-грузиската двојка Хобгарски-Горгодзе со 2-0 во сетови (6-3 и 6-4). Ова е прв трофеј за Лина во двојки оваа година по априлскиот триумф во Хрватска. Од тогаш таа играше финале во Куршумлиска бања во кое доживеа пораз, потоа доживеа пораз во парови во Лиепаја (Летонија), Инаку на истиот турнир во Хенинген, Ѓорческа играше и синг меѓутоа беше запрена во осминафиналето од Фалкнер од Словенија.

Лина Ѓорческа без титулата во двојки на турнирот во Летонија

Бошко Тасиќ — Sat, 08 Jul 2023 15:46:34 +0000

Најдобрата македонска тенисерка Лина Ѓорческа заедно со Чагла Бујукакчај не успеаја да дојдат до титулата на ИТФ фјучерсот во Летонија, откако загубија во финалето на турнирот во Лиепаја со 4-6, 6-2 и 3-10. Ѓорческа и Бујукакчај загубија во финалето од Семенистаја и Висман во три сета. Одлично го одиграа вториот сет, но потфрлија во одлучувачкиот за губење на титулата во Летонија.

Лина Ѓорческа ќе се бори за пехарот во двојки на турнирот во Летонија

Бошко Тасиќ — Sat, 08 Jul 2023 06:49:05 +0000

Најдобрата женска тенисерка, Лина Ѓорческа ќе има можност да дојде до вториот пехар во двојки во оваа 2023 година и тоа на фјучерсот што се игра во Лиепаја, Летонија. Ѓорческа и нејзината колешка Чагла Бујукакчај имаат одличен турнир, па откако ги суредија првите носителки денеска им пресудија и на третите фаворитки Џеси Ејнеј и Елена Малигина со 2-1 во сетови. Скоро еден ипол час траеше борбата меѓу македонско-турската комбинација и противничките од САД и Естонија, а балканките се покажаа како поуспешни со 6-3 3-6 10-6. Последна пречка за Лина и Чагла до титулата се домашните тенисерки Дарја Семенистаја и Даниела Вајсман. Ова е турнир што се игра на земјена подлога за вредност од 60.000 долари.

Лина Ѓорческа го заврши настапот на турнирот во Макарска

Бошко Тасиќ — Thu, 08 Jun 2023 05:37:25 +0000

Македонската тенисерка, Лина Ѓорческа доживеа пораз во првото коло на Челиџер турнирот што се игра во Макарска, Хрватска. Таа во главната фаза стигна преку квалификациите, ама денеска немаше сила за изненадување против 124 на светот, Леолија Жанжан од Франција. Двата сета донесоа израмнета борба, решаваа нијанси кои беа на страната на Французинката која славеше со 6-4 и 6-4. Лина Ѓорчевска за настапот во овој дел од турнирот ќе освои шест поени.