линчување – Kurir.mk

Бајден потпиша закон според кој линчувањето станува федерален злосторнички чин

Ивона Петрова — Wed, 30 Mar 2022 05:48:20 +0000

Претседателот на САД, Џо Бајден, синоќа потпиша историски закон според кој линчувањето во САД се смета за злосторнички чин што ќе се гони на федерално ниво. Со потпишувањето на Закон против линчување „Емет Тил“, за првпат во историјата на САД линчувањето станува државен криминален чин, а новиот закон доаѓа по повеќе од 200 обиди во Конгресот да се поднесе и усвои федерален закон против линчување. Непостоењето на овој закон досега овозможи мнозинство од извршителите да останат неказнети. Станува збор за речиси 6.500 документирани случаи на расистички терор на линчување извршени во периодот меѓу 1865 и 1950 година. Според новиот закон, злостор во кој резултат е смрт или тешки телесни повреди како последица на заговор да се изврши криминал заснован на омраза може кривично да се гони како линчување. Осудениот извршител ќе се соочи со 30 години затворска казна. Законот е именуван во чест на Емет Тил, 14-годишно афроамериканско момче чие брутално мачење и убиство во 1955 година во Мисисипи го поттикна граѓанското движење во САД за борба за повеќе права за афромериканците.

Во Индија уапсени 23 лица по серијата линчувања на осомничени грабнувачи на деца

Матеја Петровски — Mon, 02 Jul 2018 10:51:07 +0000

Индиската полиција денеска соопшти дека уапсила 23 лица обвинети дека учествувале во линчувањето на пет лица во текот на викендот кои биле лажно обвинети за киднапирање деца. Во драматичните настани изминатите денови индиските власти дури привремено го прекинаа пристапот до интернет во повеќе северо-источни региони, за да го спречат ширењето на лажни обвинувања. Пораките се ширеле преку апликацијата ВацАп, и во нив конкретни лица биле обвинувани дека киднапирале деца. Во областа Западна Трипура, топла од 1.000 луѓе нападнала четири лица, убивајќи еден од нив, додека другите одвај биле спасени од страна на армијата. Дури 25 лица биле убиени од толпи во изминатите неколку месеци, честопати, како во случајот во областа Дула во западна Индија, само затоа што некој непознат човек ќе биде забележан дека разговара со дете. Секоја година во Индија исчезнуваат околу 90.000 деца, што ги подгрева обвинувањата за групи грабнувачи. (Миа)

Канаѓанец линчуван во Перу

Даниел Василев — Mon, 23 Apr 2018 14:24:20 +0000

Перуанските власти истражуваат линчување на канадски државјанин во далечниот Амазонски регион во Перу. Телото на Себастијан Вудроф (41) било пронајдено закопано во саботата од страна на полицијата. Телото било пронајдено на место каде што неколку дена претходно бил пронајден убиен духовен лидер. Истражувачите велат дека локалното население се сомневало оти Вудроф го убил 81-годишниот Оливиа Аревало. Властите соопштија дека нема да одмораат додека двете убиства не бидат решени.