линда евангелиста – Kurir.mk

„Знам дека сум со една нога во гроб“: Познатата манекенка откри дека се бори со опасна болест

Ивона Петрова — Wed, 06 Sep 2023 06:22:32 +0000

Познатата манекенка Линда Евангелиста откри дека пред пет години и бил дијагностициран рак на дојка и дека имала двојна мастектомија. Како што објаснила, нејзиниот рак бил откриен при редовен преглед во 2018 година, но таа сега зборува за се што поминала. -Резултатите не беа добри, а поради други здравствени фактори, без двоумење бидејќи сакав се да оставам зад себе и да не се занимавам со тоа, решив да направам мастектомија. Мислев дека сум добро и подготвена за живот. Ракот на дојката нема да ме убие, изјави таа за WSJ Magazine. Меѓутоа, минатата година повторно почувствувала грутка во градите и, за жал, се покажало дека сега има рак на пекторалниот мускул. -Му реков на мојот лекар: „Ископај дупка во моите гради. Не сакам да изгледа убаво. Сакам да го ископаш. Сакам да ја видам дупката во градите кога ќе завршиш. Дали ме разбираш? Нема да умрам за ова, изјави манекенката. Подоцна лекарите и кажале дека прогнозите за закрепнување се добри, но таа ги прашала зошто не се одлични. Тогаш и рекле дека ракот, штом еднаш ќе се врати, секогаш може да се врати. -Знам дека сум со една нога во гробот, но тотално сум во славенички расположена, изјави Евангелиста за WSJ, додавајќи дека само мал број луѓе знаеле за нејзината борба.

Линда Евангелиста го реши случајот со операцијата што ја остави „трајно обезличена“: „Се радувам на следното поглавје од мојот живот“

Магдалена Андонова — Thu, 21 Jul 2022 07:53:08 +0000

Линда Евангелиста го реши случајот со операцијата што ѝ го уништи телото Линда Евангелиста објави дека го решила случајот со тн. „ладно обликување“ („CoolSculpting“), неколку месеци откако откри дека „останала трајно обeзличена“ од процедурата за замрзнување маснотии, што ѝ влијаело и на психичкото здравје. - Со нетрпение го очекувам следното поглавје од мојот живот со пријателите и семејството и среќна сум што го оставам ова прашање зад мене. Навистина сум благодарна за поддршката што ја добив од оние кои ми подадоа рака, напиша таа на Инстаграм.

View this post on Instagram

A post shared by Linda Evangelista (@lindaevangelista)

Еванџелиста, која е некаде при крајот од шестото десетлетие од својот живот, се врати со нова кампања за „Фенди“ – прва задача на манекенката откако во февруари јавно проговори за „козметичкиот кошмар“ којшто ѝ остави трајни физички последици. Инаку, во септември, супермоделката поднесе тужба против козметичката компанија „Зелтиг естетикс“, за отштета 50 милиони долари. Операциите на коишто Линда била подложена меѓу август 2015 и февруари 2016 година требало да ѝ ги намалат масните клетки, но наместо тоа развила масна хиперплазија – покачување на масните клетки. Со солзи потоа, во интервју од февруари годинава, манекенката призна дека „веќе не може да живее во оваа болка“ и по седум години вон јавноста, конечно проговори за тоа и имаше фотосесија.

„Трајно сум издеформирана“… Беше една од најубавите жени во светот, а сега не личи на себе! Ја упропастија (ФОТО)

Магдалена Андонова — Fri, 24 Sep 2021 08:46:46 +0000

Поранешниот топ модел Линда Евангелиста се огласи на друштвените мрежи по повеќе од пет години молчење. За Линда се пишуваше дека станала непрепознатлива и дека драстично се променила, а сега во една објава на Инстаграм објасни што и се случило.

- Денес се одлучив на голем чекор сакајќи да поправам се што е погрешно и да откријам што се поминав и чував само за себе повеќе од пет години. За сите мои обожаватели кои се прашуваа зошто не работам, додека кариерите на моите колеги, со кои започнав модна приказна, беа повеќе од успешни - причината лежи во фактот дека третманот „CoolSculpting“ ме уништи на брутален начин и направи спротивно од она што ми беше ветено, рече Линда. - Наместо да ги намали моите масни клетки, тој ги зголеми и ме остави трајно деформирана, дури и откако направив две болни, но неуспешни операции. Останав, како што пишуваа медиумите, непрепознатлива. Имав парадоксална хиперплазија. Не бев предупредена за можни последици и ризици пред третманот.Затоа, не само што ја загубив егзистенцијата, туку паднав во длабока депресија, тага и почувствував најголем презир кон себе, додала таа. - Во тој процес, станав осамена, и со оваа тужба сакам да продолжам понатаму, да го тргнам тој срам и јавно да ја раскажам мојата приказна. Уморна сум од овој живот. Посакувам да можам да излезам од дома со мојот главата крената високо, и покрај фактот дека веќе не личам на себе, заклучи таа.

Инаку, Линда во деведесетите години беше една од најуспешните и највлијателните манекенки. Во една прилика изјави дека не станува од кревет за понуда помала од 10.000 долари. Во време на нејзината најголема слава ја прогласија за најубава жена на светот.