линиски судии – Kurir.mk

Австралија опен 2022 ќе се одржи без линиски судии

Тале Кристо — Thu, 23 Dec 2021 11:22:25 +0000

Нема да има линиски судии на Австралија опен во 2022 година поради пандемијата на коронавирус, објави Хералд Сан. Како што е наведено, ова ќе помогне да се намали бројот на луѓе на теренот. Судиите ќе бидат заменети со технологијата „Hawk-Eye Live“, која ќе ги следи линиите во реално време. Покрај тоа, сите „собирачи“ на топчиња мора да бидат вакцинирани за да работат на турнирот. Исто така, тенисери ќе мора сами да си ги земаат крпите, а не како што беше досега кога им ги носеа момчињата и девојчињата ангажирани од организаторот на турнирот. Така беше и на последниот УС опен. Грен слемот во Мелбурн ќе се одржи од 17 до 30 јануари.

Линиски судии веќе нема да има на УС Опен

Бошко Тасиќ — Wed, 26 May 2021 20:31:14 +0000

Тенискиот сојуз на Соединетите Американски Држави (УСТА) и челниците на АТП и ВТА ја потврдија информацијата дека претстојниот УС Опен ќе помине без линиски судии на терените. Како што е соопштено, „соколовото око“ ќе биде користено на Грен слем турнирот, како и на останатите настани на американско тло, во пресрет на спектаклот во Њујорк. Користењето на техноллогијата ќе донесе и заштеда. Минатата година беа заштедени над 300.000 долари на два турнири во Сoединетите Американски Држави. УС Опен се очекува да започне на 30 август, а ќе заврши со машкото финале на 12 септември.

Линиските судии на УС Опен ќе бидат заменети со електронски систем

Ивона Петрова — Thu, 18 Jun 2020 07:36:00 +0000

Организаторите на УС Опен најавија голем број на иновации на турнирот. Неговата главна карактеристика ќе биде замена на вистински судии со електронскиот систем „HawkEye Live“, кој во фудбалот помага да се одреди пресекот на топката на гол линијата. Линиските судии ќе продолжат да работат во арените именувани по Артур Еш и Луис Армстронг. Меѓу другите иновации воведени поради пандемијата на коронавирус, децата кои собираат топчиња ќе бидат заменети со возрасни, новинарите нема да имаат пристап до местата на турнирот, додека натпреварите ќе се одржат без квалификации. Во сингл, 120 играчи ќе одат директно на главниот турнир, а уште осум учесници ќе добијат вајлд-карта. На учесниците со ниско рангирање кои нема да се квалификуваат на турнирот ќе им биде исплатен паричен надоместок. Турнирот, како што беше планирано, ќе се одржи од 31 август до 13 септември без навивачи.