Шкупи против Линколн во првото квалификациско коло од ЛШ

Ивона Петрова — Tue, 14 Jun 2022 10:59:43 +0000

Екипата на Линколн од Гибралтар е ривалот на Шкупи во првото коло во квалификациите за Лигата на шампионите. Вака одлучи денешната ждрепка во седиштето на УЕФА во Нион. Првиот натпревар ќе се игра на 5 или 6 јули, реваншот ќе биде на 12 или 13 јули. Македонскиот фудбалски шампион првиот меч ќе го игра на домашен терен во Скопје. Тимот од Чаир е фаворит во пресметката со Линколн, кој беше најпосакуваниот противник од можните ривали во третата група.

Најлуксузниот Lincoln Continental ќе чини преку 100.000 долари

Ристе Здравков — Tue, 18 Dec 2018 21:45:17 +0000

Lincoln ја претстави специјалната, продолжена верзија на нивната луксузна лимузина Continental. Највпечатливниот детал на прв поглед се задните врати кои се отвораат спротивно од предните, но овој автомобил е многу повеќе од само тоа. Lincoln Continental „80^th Anniversary Coach Door Edition“ го слави минатото на една од најлегендарните американски лимузини, а планот на компанијата е да се произведат само 80 примероци од овој модел во 2019 година. За разлика од регуларната верзија на моделот Continental, оваа верзија се разлика по тоа што има специфични задни врати кои се отвораат наназад, слично како на коњските кочии од минатиот век. Од компанијата велат дека тоа ќе го олесни пристапот до возилото и ќе им обезбеди поголема удобност на патниците. Суперлуксузниот ентериер е опремен со специјални седишта со систем кој дозволува нагодување на 30 различни начини, со што се постигнува секој да ја заземе идеалната позиција во текот на возењето.

Под хаубата се наоѓа 3.0 V6 twin-turbo мотор со 406 коњски сили и 542 Nm. Светската премиера на овој модел ќе биде на 14 јануари, а неговата цена ќе биде нешто над 100.000 долари. Тој е значително поскап од регуларниот Continental, кој чини 46.145 долари.

линколн – Kurir.mk

Шкупи против Линколн во првото квалификациско коло од ЛШ

Најлуксузниот Lincoln Continental ќе чини преку 100.000 долари