Лино Червар – Kurir.mk

Червар: Сите ми го свртеа грбот и после сѐ јас пак не сум добар

Бошко Тасиќ — Thu, 16 Mar 2023 05:43:56 +0000

Еден од најтрофејните тренери во европскиот ракомет, хрватскиот стратег Лино Червар, зборуваше за неговата смена во Хрватската ракометна федерација (ХРС) по настапот на Светското првенство (СП). Зоран Гобац, ги разреши селекторот Хорват, заедно со него настрада и Лино Червар како координатор, но искусниот стручњак не може да ја преболи смената. „Не сум стар, сега сум опкружен со пензионери, но се чувствувам младо. За жал, залудни ми се целото мое знаење и резултатите кои стојат зад тоа знаење кога некои луѓе одлучија дека тоа не им е потребно. Токму кога како координатор поставив состав кој во иднина ќе дадеше резултати, ме сменија. Токму кога почнавме да работиме заедно, во сите категории и со сите тренери, не знам зошто, одлучија да ме сменат. Мислам дека тоа не го заслужив, сепак, зад мене нешто стои.Сите ми свртеа грб, тоа не го заслужив. Барав некој да ми објасни зошто тоа се случи, но немам одговори. Би сакал некој од одговорните да ми каже зошто е тоа така. Се сеќавам на многу неправди во животот, бев критикуван и кога освојував сребрени медали. „Зошто не е злато?“, ме напаѓаа со тие зборови. Нема никогаш да зборувам против колегите, тоа не е мој стил. Нема да удрам по Голужа, Бабиќ, Хорват, ете сега Перковац, но прво по моите злата и сребра освоивме бронза, а сега го немаме ниту тоа. Повторувам, сите мои наследници дадоа и даваат се од себе, ама статистиката не може да се избрише. И после се, јас пак не сум добар“, изјави Червар за „Јутарњи“.

Червар: Ми приредија понижување

Бошко Тасиќ — Sun, 26 Feb 2023 16:15:44 +0000

Лино Червар предложи промена на селекторот Хрвоје Хорват како координатор на хрватскиот ракомет, но покрај тоа што беше прифатена неговата сугестија, водечките луѓе на хрватскиот сојуз му врачија отказ и на трофејниот стручњак. Поранешниот тренер на Металург и најуспешен селектор во историјата на хрватскиот ракомет доби низок удар од челниците на Федерацијата, па иако првично беше резервиран и остави да спласнат страстите, сега распали по луѓето кои му забија „нож во грб“. Во ексклузивното интервју за „Спорт Клуб“ кое ќе биде целосно емитувано вечерва во 19:30 часот, Червар говори за катастрофалниот третман кој го добил, а најавата за разговорот носи извадок кој тој целата оваа ситуација ја доживеал како големо понижување. – Заработив отказ во предвечерјето од одбележувањето на првата и единствена титула која ја имаме како светски шампиони. Да се однесуваат кон мене со таква фарса и на таков начин е едноставно понижување. Сакам да го видам животниот пат на луѓето кои ја донесоа оваа одлука. Уште повеќе ме интересира што мисли за оваа одлука највисоката институција во хрватскиот спорт, а тоа е Олимпискиот комитет, како и министерството за спорт. Навистина ме интересира како тие гледаат на ова понижување кое ми го приредија, – вели Лино Червар.

Лино Червар со подршка за Хрвоје Хорват

Бошко Тасиќ — Sun, 23 Jan 2022 08:21:22 +0000

По сериозните критики од хрватските легенди за ракометниот селектор на Хрватска Хрвоје Хорват, поранешниот селектор Лино Червар застана во одбрана на својот претходник и долгогодишен соработник. „Треба да се даде шанса, но сериозна шанса на младите играчи. Треба конечно да престанеме да се сомневаме во младоста и да им дадеме одговорност. Тоа е единствениот начин да ги добиеме вистинските играчи. Јасно е дека во тимот треба да има поискусни играчи, како Мариќ, но овие играчи мора да бидат во синергија со овие млади момци. Мора да има хомогеност и неопходно е сите да дишат како еден.Сите го пцуеја Хорват поради Мараш, а тој Мараш мораше и претходно да биде во тимот. Кој би рекол пред натпреварот дека малиот Матео ќе игра вака и ќе постигне неколку важни голови? Лесно е да се биде паметен после натпревар. Не заборавајте дека оваа младина до самиот крај парираше против репрезентацијата која освои злато на последните две Светски првенства“, истакна претходникот на Хрвоје Хорват.

Червар: На никого нема да му биде лесно со Македонија

Бошко Тасиќ — Wed, 05 Jan 2022 19:08:46 +0000

Овој месец стандардно е резервиран за големо ракометно натпреварување, па така годинава го имаме Европското првенство во Унгарија и Словачка од кое дел ќе биде и Македонија. Некогашниот македонски селектор и екс тренер на Металург Лино Червар смета дека на никого нема даму биде лесно со Македонија предводена од Лазаров. -Јас искрено ја подржувам мојата втора татковина Македонија. Мораме да бидеме објективни, македонската репрезентација минува низ промени, се случува смена на генерации. Тимот го предводи Кире Лазаров, најголема легенда во државата. Тоа е човек што го сакам и почитувам. Сите мора да го следат неговиот пример, тој е голем човек кој се грижи за се, блазе си им на оние што ќе имаат можност да работат со него.Тој е вистински идол, ракометар, пример како еден спортист треба да игра на терен и да се однесува надвор од него. Иако рано влезе во тренерски води, мислам дека има голем квалитет и тоа ќе го покаже. На никого нема да му биде лесно со Македонија, ниту на Словенија, ниту на Црна Гора, па ни на Данска, која веќе еднаш загуби од Македонија во квалификациите за овој шампионат, -истакна Лино за „Моцарт Спорт“. Хрватот воедно смета дека нема фаворит за златото на престојното ЕП. -Целиот свет живее во неизвесност поради пандемијата и таа може да ви ги одземе играчите во секој момент. Тешко е да се зборува за фаворити. На хартија, тоа се Данска, Франција, Шведска и Шпанија. Но, никој не е комплетен. Затоа на сите им посакувам пред се здравје и се надевам дека на ова ЕП ќе гледаме добар и квалитетен ракомет. Па, нека победи најдобриот, -порача Червар.

Лино Червар отпуштен од болница после оперативен зафат

Бошко Тасиќ — Fri, 12 Feb 2021 17:46:57 +0000

Проблеми за сега веќе поранешниот селектор на ракометната репрезентација на Хрватска Лино Червар не завршуваат после ракометниот Мундијал во Египет. Трофејниот тренер во последниот период имаше здравствени проблеми, па беше приморан да замине не операција, која мина успешно по која Лино Червар веќе е на домашно лекување. „Ми беа отстранети камења од бубрегот. Поминав четири дена во болница, ми ставија катетер, го проширија каналот. Моето семејство дојде да ме посети и претпоставувам дека сега сите тие проклети проблеми се завршени. Но, сè уште имам проблеми со грбот и дискот што ми удира по нервот. Морам да направам магнетна резонанца, па ќе видиме дали треба да направам уште една операција или ќе можеме да ја решиме со конзервативен метод“, рече Червар.

Жал ми е што вака заминувам- Лино Червар поднесе оставка!

Дарко Андоновски — Sat, 23 Jan 2021 19:19:58 +0000

Аргентинската селекција приреди изненадување на Мундијалот во Египет, совладувајќи ја репрезентацијата на Хрватска со 23-19 (12-12), во рамките од второто коло во главната рунда. „Гаучосите“ триумфото го најавија со маестралниот почеток на мечот кога поведоа со 5-0. „Коцкастите“, до крајот на првиот дел се вратија во игра 12-12 и поведоа на стартот од второто полувреме, но аргентинците беа расположени за игра. Поразот од Аргентина е голем удар за амбициите на Хрватска. На онлајн средбата со медиумите, хрватскиот селектор Лино Червар изјави дека заминува од селекторската позиција, после завршување на Мундијалот. Ако селекцијата му игра вака на одлучувачки натпревар, тој селектор не заслужува да ја води повеќе Хрватска. Жал ми е што вака заминувам. Ќе дадам поддршка за мојот наследник, но многу жалам што вака го одигравме одлучувачкиот натпревар. – изјави Червар.

Червар: Патуваме со оклопни возила, како да одиме во војна

Ивона Петрова — Sun, 17 Jan 2021 14:59:44 +0000

Лино Червар со Хрватска на Мундијалот во Египет стартуваше со нерешен резултат против Јапонија, средбата заврши 29-29, ова е големо изненадување во Египет. Червар смета дека атмосферата на светското првенство ја нарушуваат некои детали, како на пример патувањето до салата каде се играат натпреварите со воени оклопни возила. -Кога одиме на тренинг или натпревар со шест оклопни возила, изгледа како да одиме во војна, а не на натпревар. Ова светско е посебно по многу нешта, посебна ситуација, некои се болни, некои тренираа помалку, некои повеќе, не би сакал да говорам ништо околу фаворитите, но се чини дека тој што ќе се прилагоди подобро на ситуацијата, ќе биде успешен на крајот, изјави Червар. Хрватска вечерва од 18 часот се среќава со Ангола, средба која мора да ја добие по секоја цена.

Червар: Роналдо е победник, Меси е губитник!

Ивана Ефремовски — Fri, 01 Jan 2021 16:29:54 +0000

Лино Червар се надева дека со олимписки медал ќе се прости од клупата на репрезентацијата на Хрватска. „Коцкестите“, овој месец ќе настапат на Светското првенство во Египет, а потоа ги очекуваат квалификациите за пласман на Олимписките игри во Токио. Поранешниот тренер на Металург и селектор на Македонија, во интервју за „24sata.hr“, со една своја изјава покрена лавина од коментари. За Червар, еден од најдобрите фудбалери во историјата, Лиоенле Меси е губитник. „Барате да изберам најдобар ракометар, па вие барате да изборам помеѓу оние кои Хрватска ја искачија на тронот, а тука има толку големи играчи. Балиќ, Џомба, Метличиќ, Дувњак. Невозможено е да одберам…Ако ги гледаме и странските ракометари, тогаш сигурно меѓу најдобрите е Никола Карабатиќ. Не можам да кажам дека е најдобриот, но сигурно е меѓу најдобрите. Карабариќ е вистински ас, а на пример Лео Меси не е. Меси е само ас во медумите“, рекол Червар и дополнил. „Марадона беше победник и Кристијано Роналдо е победник, во ракометот победници се Карабатиќ и Балиќ, сметам дека Меси не е победник. Па со Барселона прими осум гола од Баерн. Каде беше тој? Па мораше да преземе одговорност. Роналдо е победник, Меси е губитник. Доколку беше толку голем играч тогаш ќе станеше светски првак со Аргентина. За мене Роналдо е поголем, тој секогаш кога е потребно дава гол, тој е лидер, за разлика од Меси тој вистински фудбалски ас.“

Червар го надмудри противникот, Хрватска и со половина тим ја совлада Чешка

Ивона Петрова — Tue, 21 Jan 2020 06:31:32 +0000

Во претпоследното коло од главната фаза во групата 1, Хрватска минимално ја совлада Чешка, со гол на Степанчиќ во последната секунда. Тоа беше средба без посебно значење за двете селекции, бидејќи Чешка поодамна ги загуби шансите за пласман во полуфинале, додека Хрватска е единствената која и теоретски е веќе во полуфинале. Се играше без многу жар, па средбата изгледаше рамноправно и без поголеми резултатски осцилации. Дополнително, Лино Червар на овој натпревар настапи без својата убијствена тројка Дувњак/Карачиќ/Циндриќ, која средбата ја преседе на клупа. Најитересните моменти се случија во самата завршница на средбата. Хрватска водеше со два гола разлика, но Чесите израмнија на 20 секунди до крајот. Во последниот напад топката дојде до високиот Степанчиќ, кому не му беше тешко да поентира – во последната секунда. Извор: Dribling.mk

Расистички тајм-аут на Лино Червар: Тие се црнци, а играат попаметно од нас! (ВИДЕО)

Предраг Кукиќ — Sun, 05 Jan 2020 18:30:49 +0000

Поранешниот селектор на македонската ракометна репрезентација и моментно предводник на Хрватска, Лино Червар, направи неверојатен расистички испад за време на денешниот пријателски натпревар против Катар. Хрватите одиграа пријателски меч против Катар во Пореч, а селекторот Червар беше незадоволен од перформансите на своите избраници во првото полувреме и повика тајм-аут во кој на скандалозен начин им објасни на ракометарите како играат. Престанете да играме селјачки ракомет. Тие се црнци, а играат попаметно од нас ..., започна Червар, со што ги шокираше сите гледачи кои го слушнаа тоа. Инаку, Хрватска славеше на овој меч со 33-28.

pic.twitter.com/w52bW4WAUN
— SportTime (@SportTi43915378) January 5, 2020