лион – Kurir.mk

Ловрен ја напушта Русија и се враќа во Лион

Тале Кристо — Sun, 01 Jan 2023 14:22:15 +0000

Хрватскиот фудбалски репрезентативец ќе ги напушти редовите на Зенит од Санкт Петерсбург и ќе се врати во редовите на францускиот прволигаш Лион, објави весникот Л’Екип. Според весникот, францускиот стратег Лоран Блан, кој во октомври седна на клупата на Лион, настојува да го засили својот тим со „играч со дух, карактер и агресивност“ и негов избор е токму Ловрен. Угледниот француски весник наведува дека трансферот наскоро треба да биде финализиран, а 33-годишниотѕ Ловрен, наводно, ќе ги минал и задолжителните медицински прегледи. Ловрен со рускиот прволигаш Зенит има важечки договор до крајот на сезоната. Хрватот го носеше дресот на Лион од 2010 до 2013 година, по што настапуваше за Саутемптон и Ливерпул, а во Русија се пресели во 2020 година.

Пожар кај Лион: Најмалку 10 загинати, меѓу нив и пет деца

Ивона Петрова — Fri, 16 Dec 2022 06:44:36 +0000

Десет лица загинаа во пожар што избувна во седумкатница во предградие на Лион, а во исклучително тешка здравствена состојба се четири други лица, јави дописникот на МИА. Пожарот избувна во 3:12 часот утринава, во источните предградија на Лион, наведе префектурата на Рона, според која во нсреќата загинааа најмалку 10 лица, од кои пет се деца. Првичните информации говораат декса во пожарот има и четворица потешко и 10 полесно повредени лица, од кои двајца се пожарникари. Во гаснењето на пожарот се мобилизирани околу 165 пожарникари и над 70 возила. Пожарот во меѓувреме е изгаснат, известија од префектурата.

Вест Хем договори засилување од Лион

Бошко Тасиќ — Sat, 27 Aug 2022 07:41:33 +0000

Лукас Пакета доби понуда кариерата да ја продолжи во Премиер лигата. Тој се договори со Вест Хем, чија управа пак направи „дил“ со неговиот сегашен клуб Лион за трансфер вреден 60 милиони евра. Пакета по матичниот Фламенго продолжи да игра за Милан во Серија А, а потоа и за „лавовите“ од Франција, за кои минатата сезона во Лига 1 на 35 средби постигна девет голови со пет асистенции. Ова ќе биде дури 32. трансфер во Премиер лигата летово за најмалку 30 милиони евра, што е четири пати повеќе во однос на истиот период лани.

Лион е подготвен да го продаде Пакета за 65 милиони евра плус бонуси

Дарко Андоновски — Mon, 11 Jul 2022 08:33:08 +0000

Премиерлигашот Арсенал е заинтересиран за потписот на играчот на Лион, Лукас Пакета, објави новинарот Бен Џејкобс на Твитер. Според Џејкобс, францускиот клуб е подготвен да го продаде 24-годишниот Бразилец за 65 милиони евра плус бонуси. Се забележува дека „Топџиите“ ја сметаат оваа сума превисока и затоа не даваат понуда. Претходно претседателот на Лион, Жан Мишел Олас потврди дека играчот од средниот ред би можел да го напушти тимот во летниот преоден рок. Пакета минатата сезона за Лион во сите натпреварувања постигна 11 гола и имаше седум асистенции на 43 натпревари. Неговиот договор со францускиот клуб е до 30 јуни 2025 година.

Фудбалерките на Лион шампиони на Европа

Ивона Петрова — Sat, 21 May 2022 19:56:57 +0000

Екипата на Лион ја освои годинешната женска Лига на шампиони на УЕФА. Со погодоците на Амандин Хенри, Ада Хегеберг и Катарина Макарио, Лион ја совлада Барселона со резултат од 1-3. Голот за Барселона го постигна најдобрата светска фудбалерка, Алексија Путелас. Барселона не успеа да ја одбрани титулата од лани, а за Лион ова претставува 10-то финале и осми трофеј од Лигата на шампионите.

Њукасл го купи Бруно Гимараеш

Бошко Тасиќ — Sat, 29 Jan 2022 18:25:33 +0000

Бразилскиот фудбалер Бруно Гимараеш е најновото засилување за Њукасл, објавуваат англиските медиуми.

Англискиот фудбалски клуб се договори со Лион за цена на трансферот од 40 милиони евра, плус два милиони во бонуси. Фудбалерот од средниот ред ќе потпише петгодишен договор со најбогатиот фудбалски клуб во светот.

Боатенг за Алаба кој го бакна амблемот на Реал: Не правете врева…

Ивана Ефремовски — Sat, 04 Sep 2021 12:46:16 +0000

Дефанзивецот на Лион, Жером Боатенг, се заложи за Давид Алаба, кој го бакна амблемот на Реал Мадрид на промоцијата по трансферот од Баерн Минхен каде помина 13 години. -Секој знае колку значи Баерн за Давид. Она што го направил или било поради одредени околности, или фотографот го замолил да го стори тоа. Сигурен сум дека Алаба немаше лоши намери. Нема потреба да се крева врева околу ова, изјави Боатенг. Лион е мојот нов клуб и никогаш нема да ги заборавам 10-те години поминати во Баерн. За мене, се започнува одново, но нема потреба од претерување. Се надевам дека ќе успеам во Лион и ќе бидам успешен со клубот, додаде Боатенг. Во својата кариера, Боатенг има играни и за Херта, Хамбургер и Манчестер сити. (МИА)

Лион не ја отфрли можноста Бензема да се врати во клубот

Ивана Ефремовски — Thu, 02 Sep 2021 17:30:53 +0000

Претседателот на Лион, Жан Мишел Олас изјави дека напаѓачот на Реал Мадрид, Карим Бензема може да се врати во францускиот клуб. – Карим никогаш порано не играл на нашиот нов стадион. Во иднина, кога ќе ја завршува кариерата, ќе има можност да ја зајакне својата врска со клубот. Бензема има исклучителна кариера во Реал Мадрид и француската репрезентација. Тој е голема гордост, бидејќи тој е дете на Лион, изјави Олас за „Goal“. Бензема во јули 2009 година од Лион се пресели во Реал Мадрид. Порталот „Transfermarkt.com“ ја проценува моменталната цена на 33-годишниот Французин на 25 милиони евра. Договорот на фудбалерот со „Кралскиот клуб“ важи до крајот на јуни 2023 година. (МИА)

Џердан Шакири нов фудбалер на Лион

Тале Кристо — Mon, 23 Aug 2021 18:35:39 +0000

Швајцарскиот фудбалски репрезентативец Џердан Шакири потпиша договор до 2024 година со Лион, соопшти вечерва францускиот прволигаш, изфдвојувајќи шест милиони евра за поранешниот играч на Ливерпул. Трансферот, исто така, вклучува бонуси во износ од пет милиони евра, соопшти францускиот клуб, кој се надева дека со ангажманот на швајцарскиот офанзивен играч за врска ќе го надомести заминувањето на Мемфис Депај во Барселона. Шакири (29) изминатите три сезони го носеше дресот на Ливерпул со кој ја освои Лигата на шампиони (2019) и Премиер лигата (2020).

Познати условите за трансфер на Дембеле во Атлетико

Ивана Ефремовски — Sun, 10 Jan 2021 14:14:11 +0000

Познати се условите за трансфер на напаѓачот на Лион, Муса Дембеле во Атлетико. Според „Гол“, клубот од Мадрид ќе го изнајми 24-годишниот Французин до крајот на сезоната 2020/21 со опција за откуп од 33 милиони евра. Објавено е дека утре фудбалерот ќе пристигне во главниот град на Шпанија со цел да му се направат лекарски прегледи пред да го потпише договорот. Во сезоната 2020/21, Дембеле одигра 16 натпревари за Лион, постигнувајќи еден гол. Transfermarkt.com ја проценува вредноста на играчот на 30 милиони евра. (МИА)