лионел меси – Kurir.mk

Меси би можел да игра на Светското првенство во 2026 година

Тале Кристо — Sat, 04 Nov 2023 12:55:03 +0000

Аргентинскиот фудбалер Лионел Меси одговори на прашање за неговото учество на Светското првенство во 2026 година.

– Светско првенство 2026? Со оглед на возраста на која ќе бидам, изгледа тешко – но ќе видиме, го цитира Меси новинарот Фабрицио Романо.

Меси го имаше своето деби за репрезентацијата на Аргентина во август 2005 година на мечот против Унгарија. Вкупно, 36-годишниот напаѓач одигра 178 натпревари за националниот тим, постигна 106 гола и даде 56 асистенции.

Пред четири дена Меси беше прогласен за најдобар фудбалер на светот за минатата сезона и по осми пат ја освои Златната топка.

Меси остана без награда во МЛС

Дарко Андоновски — Fri, 03 Nov 2023 13:34:13 +0000

Откако на почетокот на оваа недела осми пат во кариерата ја освои „Златната топка“ за најдобар фудбалер на годината. Аргентинецот Лионел Меси (36) остана без признанието за најдобар дебитант во 2023 година во американската МЛС лига. Аргентинскиот капитен во понеделник ја освои својата осма „Златна топка“ за најдобар играч во изминатата година која традиционално ја доделува француското списание „Франс фудбал“. Меѓутоа, во изборот за најдобар дебитант на годината во МЛС, наградата со 45.78 отсто од гласовите ја освои грчкиот напаѓач на Атланта, Јоргос Јакумакис, додека Меси кој ова лето потпиша за Интер Мајами, беше второпласиран со 27.28 отсто од гласовите. На третото место се најде играчот за врска на Сент Луис, Германецот Едуард Ловен со 15.44 отсто од гласовите. Во изборот учествуваа играчи, клубови и новинари, а Меси освои најмногу гласови од своите колеги, додека за Јакумакис најмногу гласови дојдоа од редовите на клубовите и новинарите.

Меси: Заслужувам шанса да се збогувам со Барселона

Ивона Петрова — Thu, 02 Nov 2023 07:30:39 +0000

Фудбалерот на Интер Мајами, Лионел Меси изјави дека сака да одигра проштален натпревар со Барселона. - Би сакал да можам да се збогувам со луѓето на поинаков начин. Кога заминав имав чудно чувство. Не е добро, со оглед на сето она што го споделивме и живеевме заедно. Ја заслужувам шансата да се збогувам. Барселона е мојот дом, го сакам овој клуб. Ако се одржи прошталниот натпревар, со задоволство ќе учествувам, изјави Меси за „ESPN“. Меси играше за Барселона од 2004 до 2021 година. Вкупно за шпанскиот клуб одигра 778 натпревари, постигна 672 гола и 303 асистенции. На 31 октомври, 36-годишниот Аргентинец по осми пат ја освои Златната топка.

Халанд чекаше 24 часа, а потоа објави сликата со пораката до Меси

Ристе Здравков — Wed, 01 Nov 2023 08:34:15 +0000

Лионел Меси ја освои осмата „Златна топка“ во конкуренција на Ерлинг Халанд кој со 52 гола го преводеше Сити до тројната круна и Килијан Мбапе. Аргентинецот остана голем, тој им се поклони на младите конкуренти. „Ерлинг и Килијан се двајца натпреварувачки ѕверови. Двајцата ја заслужуваат Златната топк“, рече Меси, а потоа посебно му се обрати на Халанд: „Како што кажав тој ја заслужи Златната топја. Ерлинг ја освои Премиер-лигата и Лига на шампиони, беше најдобар стрелец. Оваа награда вечерва можеше да биде твоја. Сигурен сум дека ќе ја освоиш во следните години“, рече Меси. Но, според многумина токму Халанд требаше да биде освојувач на ова признание. Иако и тој е свесен за тоа сепак господски го поднесе поразот, 24 часа по церемонијата сподели фотографија од Меси со Златната топка и му честиташе на шпански јазик.

Навивач се појавил до Меси со дрес на Роналдо, погледнете ја реакцијата на Аргентинецот (ВИДЕО)

Ристе Здравков — Tue, 31 Oct 2023 10:19:44 +0000

Аргентискиот суперстар Лионел Меси се нашол во непријатна ситуација кога еден навивач му пришол со дрес на Кристијано Роналдо. Двајцата важат за најдобри фудбалери на светот во изминативе 15 години, освоија 12 Златни топки, а ривалството помеѓу нив се разви во Шпанија кога Меси играше за Барселона, а Роналдо за Реал Мадрид. Меси е моментално член на Интер Мајами додека Роналдо е во Саудиска Арабија каде настапува за тамошниот Ал Наср.

😂😂😂😂😂 pic.twitter.com/P4XUC1sj8L
— george (@StokeyyG2) October 29, 2023

И покрај тоа што играат на различни континенти, љубителите на фудбалот и понатаму расправаат околу тоа кој е подобар фудбалер од нив двајца, па така еден навивач се обидел да го изненади Меси, застанувајќи до него со дресот на неговиот најголем ривал. Лионел бил шокиран од потегот на младиот навивач по што продолжил да гледа во него, што може да се забележи од видеото. Аргентинецот е инаку главен фаворит за освојување на 8-ма Златна топка откако ја одведе Аргентина до титулата на најдобра репрезентација на светот.

Меси: Нема подобро место да му честитам роденден на Марадона

Ивана Ефремовски — Tue, 31 Oct 2023 07:01:16 +0000

Фудбалерот на Интер Мајами и Аргентина, Лионел Меси му се заблагодари на Диего Марадона по добивањето на Златната топка. - Денес би сакал да го спомнам Диего. Нема подобро место да му честитате роденден. Има толку многу луѓе овде кои го сакаат фудбалот како што тој сакаше. Каде и да си Диего, среќен роденден. Оваа награда важи и за тебе, изјави Меси. Триесет и шестгодишниот Аргентинец ги победи Ерлин Халанд (Манчестер сити) и Килијан Мбапе (ПСЖ), кои го освоија второто, односно третото место. Минатата година Меси го освои Светското првенство во 2022 година, кое се одржа во Катар. Во финалето, селекцијата на Аргентина ја победи Франција (3:3, пенали 4:2). Меси беше прогласен за најдобар играч на финалето и на целиот турнир. На 7 натпревари на Светското првенство постигна седум гола и три асистенции. За Меси оваа Златна топка беше осма во кариерата. Тој претходно беше прогласен за најдобар играч во светот во 2009, 2010, 2011, 2012, 2015, 2019 и 2021 година. (МИА)

Лео Меси ја освои осмата „Златна топка“!

Бошко Тасиќ — Tue, 31 Oct 2023 04:55:19 +0000

Аргентинскиот фудбалер Лионел Меси по осми пат е избран за најдобар фудбалер на годината и на свечената гала во Париз пак ја крена „Златната топка“! Аргентинскиот виртуоз минатата година го исполни животниот сон и повторно ја врати својата нација на светскиот врв. Со освојувањето на трофејот од Мундијалот, Меси ја комплетира својата „збирка“ на титули во разни натпреварувања. Се работи за најдоминантниот фудбалер во изборот на „Франс фудбал“, бидејќи Меси претходно го доби признанието во 2009, 2010, 2011, 2012, 2015, 2019 и 2021 година. Аргентинецот го остави Кристијано Роналдо далеку зад себе, бидејќи тој има пет признанија за најдобар светски фудбалер (2008, 2013, 2014, 2016 и 2017), додека зад нив следат Мишел Платини, Јохан Кројф и Марко ван Бастен со по три.

Меси номиниран за најдобар дебитант во МЛС лигата

Тале Кристо — Fri, 27 Oct 2023 09:51:59 +0000

Аргентинската фудбалска ѕвезда Лионел Меси е еден од тројцата финалисти за наградата за најдобар дебитант во МЛС лигата, иако одигра само шест натпревари за Интер Мајами. Аргентинецот (36) со својот нов клуб го освои Лига купот, натпреварување во кое настапуваат американски и мексикански клубови, но во првенството не успеа да дојде до плејофот со екипата од Мајами. Двајцата конкуренти на Меси за наградата се грчкиот напаѓач Јоргос Јакумакис од Атланта Јунајтед и германскиот играч за врска Едуард Ловен од Сент Луис Сити. Меси не е меѓу номинираните за наградата за најкорисен играч во американската МЛС лига за која конкурираат Габонецот Денис Боуанга (Лос Анџелес), како и Аргентинците Лусијано Акоста (Синсинати) и Тијаго Алмада (Атланта Јунајтед). ег/сд ФОТО: Х

МЛС собори рекорд на посетеност поради Лионел Меси

Бошко Тасиќ — Tue, 24 Oct 2023 04:02:45 +0000

Американската фудбалска лига МЛС забележа рекордна посетеност на натпреварите во оваа сезона. Годината во која капитенот на Аргентина, Лионел Меси потпиша со Интер Мајами, лигата го собори рекордот за просечна гледаност на натпреварите во регуларниот дел од сезоната. На натпреварите во МЛС во просек имаше по 22.111 гледачи. Сезона претходно, посетеноста во просек изнесуваше 21.033 фанови, најлоша од 2014 година.

Меси: Не се враќам во Барселона

Бошко Тасиќ — Thu, 19 Oct 2023 03:54:52 +0000

По повредата аргентинскиот фудбалер Лионел Меси на терените се врати со два гола за Аргентина во победата против Перу од 2:0, а по натпреварот зборуваше за неговите планови во иднина. Во јавноста се шпекулираше дека би можел да се врати во Барселона на неколку месеци за време на паузата во МЛС лигата, но такво нешто сепак нема да се случи. „Враќање во Европа? Не, тоа се е не е во моите планови. За време на паузата ќе продолжам да тренирам за да бидам во форма за следните натпревари на репрезентацијата. Потоа во Аргентина ќе ги поминам празниците каде што ќе се одморам и ќе бидам опкружен со драги луѓе“, изјави Меси. Со оваа изјава Меси и дефинитивно ја затвори вратата за враќање во Барселона во блиска иднина.