Лионел Скалони – Kurir.mk

Скалони: Меси ќе игра против Парагвај само ако е целосно подготвен

Ивана Ефремовски — Thu, 12 Oct 2023 08:24:57 +0000

Селекторот на аргентинската репрезентација Лионел Скалони изјави дали напаѓачот Лионел Меси е подготвен да учествува на утрешниот натпревар од 3. коло од јужноамериканската квалификациска фаза за Светското првенство 2026 со Парагвај. - Имаме уште тренинзи пред натпреварот со Парагвај, ова е важно за Лео. Внимателно го следиме. Ќе имаме уште време да разговараме дали Меси ќе биде подготвен за настап. Треба да видеме како ќе се чувствува. Пет дена по натпреварот со Парагвај ќе имаме средба со Перу. Она што ме смирува е дека ако Лео не е во форма, кој и да биде на теренот на негово место, ќе си ја исполни задачата. Ова е најважно, изјави Скалони за официјалната веб-страница на Аргентинската фудбалска асоцијација. Со оглед на тоа што Интер Мајами не избори пласман во плејофот на МЛС-лигата, на Меси до февруари му остануваат само натпреварите со репрезентацијата. Оваа сезона Аргентинецот одигра 13 натпревари за Интер Мајами, постигнувајќи 11 гола и пет асистенции. (МИА)

Скалони: Меси во одреден момент ќе ја напушти репрезентацијата, ќе биде многу тажен ден за сите

Ивана Ефремовски — Sun, 18 Jun 2023 17:08:11 +0000

Селекторот на Аргентина, Лионел Скалони ги откри своите размислувања за иднината на Лионел Меси во националниот тим. - Меси се уште е во националниот тим, нема да размислуваме што ќе се случи понатаму. Ние сме луѓе од светот на фудбалот, сакаме тој да игра засекогаш, но во одреден момент ќе си замине. Ќе биде тажен ден за сите, изјави Скалони. Претходно Меси објави дека нема да игра на Светското првенство во 2026 година. Турнирот ќе се одржи во САД, Канада и Мексико. Во декември 2022 година, 35-годишниот фудбалер стана победник на Светското првенство во 2022 година. Тоа беше негов петти Мундијал во кариерата. Меси е во Аргентина од 2005 година. Вкупно за репрезентацијата одигра 175 натпревари и постигна 103 гола. Освои осу трофеи со „гаучосите“. МИА

Скалони: Сакам да гледам дека репрезентацијата на Аргентина му припаѓа на секој Аргентинец

Тале Кристо — Wed, 22 Mar 2023 10:45:26 +0000

Селекторот на репрезентацијата на Аргентина, Лионел Скалони проговори за односот со навивачите на националниот тим. - Сакам да гледам дека репрезентацијата на Аргентина му припаѓа на секој Аргентинец. На натпреварите доаѓаат со таква радост и ентузијазам, како за прв пат. Ми се допаѓа што навивачите гледаат дека секој играч е еден од нив, тимот им припаѓа на сите. За оние од нас кои имавме можност да бидеме на улиците на Аргентина, вистината е дека доживеавме голема радост. Луѓето се среќни и нè гледаат како херои. И тоа не прави среќни, бидејќи им дадовме причина за радоста што се уште се чувствува, изјави Скалони за „TyC Sports“. Репрезентацијата на Аргентина го освои Светското првенство во Катар во 2022 година. Аргентинците трипати го имаат освоено Мундијалот. зс/

Скалони ќе ја води Аргентина до 2026 година!

Бошко Тасиќ — Mon, 27 Feb 2023 20:55:21 +0000

Аргентинскиот селектор Лионел Скалони кој ги предводеше „гаучосите“ до првата светска титула по 36 години на Светското првенство во Катар, очекувано го потпиша новиот договор со аргентинската федерација (АФА) до 2026 година. Скалони кој седна на клупата како привремено решение во 2015 година, а потоа доби сигурна работа и се соочуваше со безброј критики, во последниве година ипол освои три титули од Копа Америка во 2021 година, па Финалисима и на крај СП во Катар. Неговото останување беше начелно договорено уште пред СП, а со освојувањето на светската круна немаше шанси да си замине од клупата и сега тој ќе ја води Аргентина во одбрана на трофеите, прво на Копа Америка идната година во САД, а потоа и на Мундијалот во САД, Мексико и Канада во 2026 година, до кога му трае сега новата соработка.

Лионел Скалони останува селектор на Аргентина до 2026 година

Бошко Тасиќ — Fri, 17 Feb 2023 05:54:54 +0000

После големиот триумф на Мундијалот во Катар, аргентинскиот селектор Лионел Скалони се договори со националниот сојуз за потпис на нов договор. Сегашниот предводник на „гаучосите“ ќе остане селектор до СП 2026 година. Скалони уште пред Мундијалот имал начелен договор со федерацијата за продолжување на соработката. Лионел Меси ќе продолжи да соработува со новиот селектор, затоа што најдобриот фудбалер најави дека и натаму сака да го носи дресот на Аргентина. Скалони на чело на Аргентина дојде после СП во Русија. Најпрво беше назначен за в.д. а потоа после смената на Сампаоли стана и официјално селектор на оваа земја.

Скалони за Меси: Не му требаше победа на Светското првенство за да се смета за најголем

Катерина Бојаџиева — Tue, 10 Jan 2023 20:04:14 +0000

Аргентинскиот селектор Лионел Скалони проговори за статусот на напаѓачот Лионел Меси по освојувањето на Светското првенство во 2022 година. – Мислам дека не му требаше светска титула за да се смета за еден од најголемите. Само што од него секогаш се бара повеќе. Сега кога го освои Светското првенство, не знам што друго ќе се бара од него. Многу сме среќни за Меси и за целата земја, изјави Скалони за „Радио Калвија“. Аргентина предводена од Лионел Меси стана светски фудбалски шампион освојувајќи го Мундијалот во Катар во декември 2022 година. Така Меси дојде до единствениот трофеј што му недостасуваше во неговата богата кариера.

Скалони трет селектор во историјата кој ги освоил Светското првенство и Купот на Америка

Катерина Бојаџиева — Sun, 18 Dec 2022 20:44:50 +0000

Репрезентацијата на Аргентина вечерва ја победи Франција (3:3, 4:2 на пенали) во финалниот натпревар на Светското првенство во Катар и по трет пат го освои трофејот. Селекторот на Аргентина, Лионел Скалони стана третиот селектор во историјата кој ги освоил Светското првенство (2022 година) и Копа Америка (2021 година). Претходно тоа им успеа на Марио Загало (Светско првенство 1970 и Копа 1997) и Карлос Алберто Переира (Светско првенство 1994 и Копа 2004) – и двајцата како предводници на Бразил. Исто така, 44-годишниот Скалони стана најмладиот тренер кој го освоил Светското првенство од 1978 година, кога друг Аргентинец, Цезар Луис Меноти го освои Светското првенство во 1978 година на 39-годишна возраст.

Скалони: Фудбалот е спорт, но во Аргентина е повеќе од тоа

Бошко Тасиќ — Sun, 18 Dec 2022 07:12:55 +0000

Аргентинскиот селектор Лионел Скалони одговараше на прашања на прес-конференцијата, а во еден момент дури и се расплака во пресрет на голмото финале. Аргентина ја брка третата светска шампионска титула, која за сите нејзини членови би била прва, бидејќи последната е освоена во 1986 година со Диего Армандо Марадона. Пред тоа „гаучосите“ беа шампиони и во 1978 година. За Скалони, ова беше прекрасно „патување“, а колку емотивно го доживува големиот успех и пласманот на неговата селекција во финалето, говори фактот што се расплака во моментите кога зборуваше за фановите. „Мојата емоција е дел од нашата култура, сè што се чувствува во Аргентина, она што луѓето го живеат. Ги имаме најдобрите навивачи во светот. Ги исполнуваме со радост, а сликите што ги објавуваат стигнуваат до нас и нè трогнуваат. Фудбалот е спорт, но во Аргентина е повеќе од спорт. Уживаме заедно во сите моменти тука. Ние сме големо семејство кое не сака да се раздели. Тоа е спектакуларно“, низ солзи рече Скалони. Финалната средба на Мундијалот во Катар ќе се одигра в недела, со почеток од 16:00 часот.

Скалони: Ако го сакате фудбалот, не може да не сакате играчи како Модриќ

Бошко Тасиќ — Tue, 13 Dec 2022 06:07:22 +0000

Пред средбата Аргентина и Хрватска, своите очекувања ги изнесе аргентинскиот селектор Лионел Скалони. „Очекувам тесен натпревар. Хрватска е одлична екипа, се гледа нивното заедништво, но не треба овој да се спореди со претходниот натпревар од пред четири години. Сите Аргентинци се надеваат на победа. Играме за својот народ, за своите семејства. Што се однесува до Хрватска, тие имаат специфична игра. Ниту цело време не се бранат, ниту цело време напаѓаат. Имаат одличен тим и долга традиција. Нема да зборувам за слабите и силните страни на Хрватска, но ги анализиравме. Задоволство е да се гледа Лука Модриќ и неговата игра, тој ми е идол. Ако го сакате фудбалот, не можете да не го сакате Модриќ“, рече младиот аргентински стратег

Аргентинците се жалат на распоредот: Ова е лудост

Ристе Здравков — Thu, 01 Dec 2022 15:34:43 +0000

Со победата над Полска од 2-0, Аргентина како првопласирана во групата ги продолжува натпреварите во 1/8 финалето на Мундијалот во Катар. Во првата рунда од нокаут фазата ќе игра со Австралија во 20 часот во сабота. Аргентинскиот селектор Лионел Скалони реагира на распоредот, и ја критикуваше ФИФА што вака се играат натпреварите. „Лудост е да се игра натпревар за два дена кога сме први во групата. Не разбирам. Нашиот меч заврши во 1 часот по полноќ, четврток треба да одмораме, во петок само еден тренинг, и веднаш играме. Тоа не се добри услови, но на сите им е така. Први сме во групата и мислам дека требаше да добиеме повеќе одмор“, рече Скалони. Австралија во текот на истиот ден, но во термин порано, заврши како второпласирана во групата и ќе има неколку часа одмор повеќе. „Сите натпревари се тешки. Сите кои мислат дека дуелот со Австралија ќе биде лесен се лажат. Не сме фаворити. Погрешно е да се мисли дека со победата над Полска веќе сме светски шампиони“, додаде Скалони.