Липково – Kurir.mk

ДРАМА ВО ЛИПКОВО – му дошол пред семејната куќа и пукал кон него поради нерасчистени односи

Дарко Андоновски — Wed, 28 Jun 2023 14:35:17 +0000

На 27.06.2023 околу 18.45 часот во СВР Куманово 63-годишен скопјанец пријавил дека околу 18.00 часот во с.Никуштак, Општина Липково, А.М. од с.Никуштак, со кого имал нерасчистени должничко-доверителски односи, пред семејната куќа испукал кон него со огнено оружје, но не го погодил. Во координација со Јавен обвинител, извршен е увид од страна на увидна екипа од СВР Куманово и се преземаат мерки за целосно расчистување на настанот.

Во браните Глажња и Липково има 14 милиони кубни метри вода

Ивона Петрова — Tue, 21 Feb 2023 13:09:00 +0000

Во моментов во браните Липково и Глажња има 14 милиони метри кубни вода, соопштија денеска од Водостопанство „Кумановско-липковско поле“. Според надлежните, количината ќе биде доволна за да се задоволи потрошувачката на вода за кумановци. -До почетокот на сезоната за наводнување очекуваме приливи на вода кои ќе бидат доволни да ја истуркаме оваа сезона успешно како и минатите. Притоките кои се влеваат во браната Глажња имаат доволна количини на вода, кои ја покриваат количината на вода која се троши за Куманово за овој момент. Очекуваме поголеми дождови за да се подигне нивото на двете брани. Оваа количина на вода ќе биде доволна за Куманово за вода за пиење, додека за наводнување ќе знаеме до почетокот на сезоната 15-ти април, изјави директорот на подружницата, Оливер Илиевски. Според него, потребни се дополнителни четири до четири и пол милиони метри кубни вода ќе за да почне сезоната за наводнување. Земјоделците навреме ќе бидат известени за начинот на наводнување кое ќе зависи од временските прилики. Доколку има помала количина, тогап ќе има рестрикции за земјоделците, ќе им биде дозволено наводнување само во одредени денови. - Бај пасот е исклучен по 31-ви јануари, лани затоа што преку него се троши голема количина на вода, иако „Водовод“ Куманово користи само 150.000 метри кубни од тој цевковод, но ние мора тој да биде полн за да може да стигне водата под притисок до филтер станицата. Затоа што го исклучивме бај пасот и затоа што минатата година имавме рестрикции кон земјоделците, за да се зачува доволно ниво на вода, за да не го ставиме во ризик Куманово. Бај пасот се вклучува со отпочнување на сезона за наводнување, 15-ти април, изјави Илиевски. Според кумановската подружница, критично може да биде во август и сè зависи од временските услови во наредниот период. Но, со оваа количина на вода кумановци ќе имаат вода за пиење.

Претрес во Липково, пронајдена дрога, приведено едно лице

Тале Кристо — Fri, 03 Feb 2023 14:54:47 +0000

На 03.02.2023 во 11.30 часот, полициски службеници од СВР Куманово го лишиле од слобода Н.А.(19) од село Слупчане, општина Липково. При претрес во неговиот дом, извршен со судска наредба, била пронајдена марихуана. Тој бил приведен во полициска станица и по целосно документирање на случајот против него ќе биде поднесена соодветна пријава.

Жител на кумановско примен во болница со повреда во нога од оружје, лицето раскажа кој пукал во него

Магдалена Андонова — Sun, 14 Aug 2022 15:02:46 +0000

На 13.08.2022 во 18.00 часот во СВР Куманово е пријавено дека во Медицински центар Куманово со повреда во нога од огнено оружје бил донесен М.М.(40) од с.Липково, кумановско. Според негово кажување, повредата со пиштол му ја нанел неговиот роднина и сосед Р.М.(58) од с.Липково, околу 17.30 часот во неговата викенд куќа во близина на с.Липково, со кого имале нерасчистени имотно-правни односи. За случајот е известен Јавен обвинител, а по издадена судска наредба од Основен суд Куманово бил извршен претрес во дом и други простории на Р.М., каде биле пронајдени пиштол „ЦЗ“ со рамка и два куршума и пиштол „Пиетро Берета“ и празна рамка. Се преземаат мерки за расчистување на случајот.

ВМРО-ДПМНЕ: Каде е Ковачевски да искоментира за столбот на ДУИ во Липково, зошто селото нема пат и квалитетна струја, а има столб од 20 метри

Тале Кристо — Tue, 03 May 2022 06:55:13 +0000

Каде е Ковачевски да го искоментира столбот во Липково на ДУИ?, прашуваат во партиското соопштение од ВМРО-ДПМНЕ. Во Битола бугарско здружение за ликот на Михајлов, во Липково 20 метарски столб на УЧК. Има ли оваа држава премиер и институции? Дали СДС наместо инвестиции сега поддржува градење столбови и споменици? Дали Ковачевски на ова аплаудира, или негодува? Зошто Липково нема квалитетна патна мрежа, а има столб од бетон висок 20 метри? Зошто Липково нема квалитетна струјна мрежа а има споменик, и дали споменикот ќе ги врати иселените од Липково? Ветуваа Европа, а донесоа бетонски столбови. Колку вреќи пари СДСМ и ДУИ ќе украдат во име на столбот во Липково?, прашуваат од ВМРО-ДПМНЕ.

Жител на Липково нападнал сосед

Ивана Ефремовски — Sun, 24 Apr 2022 18:48:18 +0000

На 23.04.2022 во 19:20 часот Е.О.(23) од с.Липково пријавил дека околу 17:05 часот во с.Оризаре по претходна расправија бил физички нападнат од С.Н. од с.Липково. Се работи на расчистување на случајот.

Приведени две лица во Липково, кај нив полицијата пронашла марихуана

Магдалена Андонова — Tue, 01 Feb 2022 11:41:19 +0000

На 31.01.2022 во 19.40 часот, полициски службеници од СВР Куманово ги лишиле од слобода Ј.М. (25) од с.Слупчане и З.А.(39) од с.Оризаре, двете во општина Липково, затоа што кај нив била пронајдена марихуана. По целосно документирање на случајот против нив ќе биде поднесена соодветна пријава.

Претрес во липковско, пронајдено оружје, приведено постаро лице

Магдалена Андонова — Thu, 11 Nov 2021 11:53:39 +0000

Денеска (11.11.2021) во 08.35 часот во с.Лојане, општина Липково, полициски службеници од Одделот за криминалистичка полиција – Сектор за недозволена трговија со дрога и опасни материи и СВР Куманово го лишиле од слобода З.И.(67) од с.Лојане. При претрес во неговиот дом, извршен со судска наредба, биле пронајдени и одземени пиштол „Чешка зброевка“, две рамки за пиштолот и 50 куршуми калибар 9 мм, кои ги поседувал без дозвола. Тој бил приведен во полициска станица и по целосно документирање на случајот против него ќе биде поднесена соодветна пријава. (МИА)

Во Куманово, Липково и Старо Нагоричане гласањето се спроведува тековно

Магдалена Андонова — Sun, 17 Oct 2021 14:36:28 +0000

Тековно се спроведува гласањето во Куманово, соопшти претседателката на ОИК, Бранкица Димковиќ. Право на глас во најголемата општина во државата имаат 93.986 избирачи кои гласаат на 167 места. Според податоците на ДИК, до 15 часот гласале 28,56 проценти од обработените 87, 40 проценти. – Сега засега гласањето се одвива тековно, имаме поситни техники проблеми, но тие веднаш се решаваат, изјави Димковиќ Гласањето се спроведува тековно и во општина Липково. – Сѐ е тековно, полека се надминаа техничките проблеми со апаратите за отпечаток на прст- информираше претседателката на ОИК, Ајше Демири . Во Липково право на глас имаат 26 042 избирачи кои гласаат на 36 места. Според ДИК, излезноста во оваа општина до 15 часот е 19,99 проценти. Во Старо Нагоричане право на глас имаат 3 262 гласачи кои правото на глас го остваруваат на 38 места. – Тековно си оди гласањето, рече членот на ОИК Старо Нагоричане, Мирослав Славковски. Според ДИК, излезноста во оваа рурална општина до 15 часот е 39,17 проценти.

Тече гласањето во Куманово, Липково и Старо Нагоричане

Тале Кристо — Sun, 17 Oct 2021 08:09:34 +0000

Тече изборниот процес во Куманово, соопшти претседателката на ОИК, Бранкица Димковиќ. Право на глас во најголемата општина во државата имаат 93.986 избирачи кои гласаат на 167 места. Спроед податоците на ДИК, досега се обработени извесен процент на избирачки места во трите општини кои се менуваат од минута во минута. -Имаме технички проблеми со уредите за биометриска идентификација. Екипите за техничка поддршка постојано се на терен, изјави претседателката на ОИК, Димковиќ. Гласањето се спроведува тековно и во општина Липково. Технички проблеми на почетокот од гласањето имало со апаратите за отпечаток на прст, информираше претседателката на ОИК, Ајше Демири која посочи дека веќе се надминуваат. Во Липково право на глас имаат 26.042 избирачи кои гласаат на 36 места. Во Старо Нагоричане право на глас имаат 3.262 гласачи кои правото на глас го остваруваат на 38 места. -Имаме проблеми со фингерпринтовите на некои места, рече претседателот на ОИК, Марјан Даиловски.