Лирој Сане – Kurir.mk

Сане нема да го обнови договорот со Манчестер сити

Тале Кристо — Fri, 19 Jun 2020 16:25:13 +0000

Напаѓачот на Манчестер сити, Лирој Сане ја отфрли понудата на клубот за обновување на договорот, изјави селекторот на тимот Јосип Гвардиола. Така, 24-годишниот Германец ќе го напушти тимот како слободен играч следното лето, доколку не биде продаден по крајот на оваа сезона. – Лирој рече дека нема да го обнови договорот. Ова значи дека тој ќе го напушти Манчестер сити. Ова ќе се случи или ова лето или следното кога ќе заврши неговиот тековен договор. Ние предложивме тој да го продолжи договорот два или три пати, но тој секогаш одбиваше, затоа што сака да игра за друг клуб. Јас сум вознемирен, навистина сакаме да го задржиме. Лерој е млад фудбалер со голем потенцијал. Се обидовме да дојдеме до договор по неговата повреда и по операцијата, но тој има и други амбиции паралелно со нашите. Ја почитуваме одлуката на Лирој. Тој само сака нов предизвик во неговата кариера, соопшти Гвардиола. Претходно беше објавено дека Сане е близу до преселба во Баерн.

Сане во Баерн за 80 милиони евра?

Дарко Андоновски — Fri, 24 May 2019 13:56:35 +0000

Германскиот шампион Баерн ќе му испрати на Манчестер сити понуда тешка 80 милиони евра за напаѓачот Лирој Сане. Како што се шпекулира во германските медиуми, претседателот на Баварците, Ули Хенес посочената сума ја поставил како лимит за евентуално реализирање на овој трансфер. Англичаните бараат 100 милиони евра па сега зависи од нив дали ќе се согласат со намалување на цената. Претходно беше објавено дека Сане е незадоволен од недостатокот на постојано играње на натпревари и бил подготвен да го разгледа предлогот на Баерн кој пак е во потрага по замена за Арјен Робен и Френк Рибери. Оваа сезона, Сане настапи на 47 натпревари за Манчестер сити, постигна 16 гола и оствари 14 асистенции.

Лев ја шокираше јавноста: Сане отпишан од списокот за Мундијал

Даниел Василев — Mon, 04 Jun 2018 10:53:21 +0000

Селекторот на германската репрезентација, Јоаким Лев изненади со списокот за Светското првенство во Русија, бидејќи го изостави фудбалерот на Манчестер Сити, Лирој Сане. Освен еден од клучните играчи на Сити во освојување на титулата во англиската Премиер Лига, Лев од широкиот список го „прецрта“ голманот на Баер Леверкузен, Бернд Лено, неговиот соиграч Џонатан Тах и напаѓачот на Фрајбург, Нилс Петерсен. Сане е отпишан зашто предност добија Јулијан Дракслер, Марко Ројс, Јулијан Брант и Леон Горецка. Лев се одлучи за конечните 23: Голамани: Мануел Ноер (Баерн), Марк-Андре Тер Штеген (Барселона), Кевин Трап (ПСЖ). Одбрана: Марвин Платенхарт (Херта), Јонас Хектор (Келн), Матијас Гинтер (Борусија Менхенградбах), Матс Хумелс (Баерн), Никлас Зуле (Баерн), Антонио Рудигер (Челзи), Џером Боатенг (Баерн), Џошуа Кимих (Баерн). Средина: Сами Кедира (Јувентус), Себастијан Руди (Баерн), Месут Озил (Арсенал), Тони Крос (Реал Мадрид), Илкај Гундоган (Манчестер Сити). Напад: Јулијан Дракслер (ПСЖ), Марко Ројс (Борусија Дортмунд), Томас Милер (Баерн), Леон Горецка (Баерн), Јулијан Брант (Баер Леверкузен), Тимо Вернер (Лајпциг) и Марио Гомез (Штудгард).