лисандро мартинез – Kurir.mk

Заврши сезоната за Лисандро Мартинез

Бошко Тасиќ — Sat, 15 Apr 2023 04:14:29 +0000

Лисандро Мартинез дефанзивецот на Манчестер јунајтед ја заврши сезоната. Аргентинецот во четвртокот против Севиља се здоби со фрактура на метатарзалната коска на стапалото. Сепак, се очекува аргентинскиот дефанзивец навреме да закрепне целосно за да биде подготвен за стартот на следната сезона. Мартинез се повреди во 86. минута од четвртфиналниот натпревар од Лигата на Европа со Севиља, кој заврши нерешено 2:2. Голем проблем за Јунајтед е што на мечот со Севиља, само едно полувреме одигра Рафел Варан. И тој ќе биде надвор од тимот неколку недели. Во одбраната тренерот Ерик тен Хаг сега ги има само Мегваер и Линделоф.

Лисандро Мартинез е нов фудбалер на Манчестер јунајтед

Бошко Тасиќ — Sun, 17 Jul 2022 14:38:06 +0000

Англискиот фудбалски гигант Манчестер јунајтед го комплетираше трансферот на Лисандро Мартинез од Ајакс. Аргентинецот веќе го потпишал својот петгодишен договор и наскоро се очекува официјална потврда и од таборот на „црвените ѓаволи“. Премиерлигашот на Ајакс ќе плати обештетување од 55 милиони евра, плус бонуси. Дефанзивецот е третото летно засилување за новиот менаџер Ерик тен Хаг, по Масија и Ериксен.

Јунајтед испрати нова понуда за потписот на Лисандро Мартинез

Бошко Тасиќ — Sat, 09 Jul 2022 05:37:52 +0000

Манчестер Јунајтед не се откажува од желбата да го ангажира дефанзивецот на Ајакс, Лисандро Мартинез. 24-годишниот бек е една од желбите на новиот менаџер на „црвените ѓаволи“, Ерик Тен Хаг, кој минатата сезона работеше со Мартинез во клубот од Амстердам. Откако пропадна опцијата за доведување на младиот Јуријен Тимбер, клубот се сврте кон Мартинез, но во игра е и Арсенал. Понудите на „топџиите“ и Манчестер Јунајтед од по 45 милиони евра беа одбиени од Ајакс, но Јунајтед оди чекор понатаму. Клубот од „Олд Трафорд“ подготви 51 милион евра и очекува да добие одговор уште во текот на денот.