лисици – Kurir.mk

Приведен дилер од Крушопек, се барал со потерница

Ивона Петрова — Thu, 17 Aug 2023 12:33:40 +0000

Денеска (17.08.2023) во 12.30 часот на ул.„Ѓорче Петров“ во Скопје, полициски службеници од Оперативен тим потраги при СВР Скопје, Единицата за интервентна полиција при СВР Скопје и Одделението за криминалистички работи при ЕВР Ѓорче Петров го лишиле од слобода О.Е.(26) од село Крушопек, скопско. -Тој бил баран по централна потерница врз основа на наредба на Основен кривичен суд Скопје за издржување казна затвор од шест години за сторено кривично дело „неовластено производство и пуштање во промет на наркотични дроги, психотропни супстанци и прекурсори“ по член 215 од Кривичниот законик, информира МВР. Лицето ќе биде спроведено во надлежната казнено – поправна установа за издржување на казната.

Дилер од струшко фатен на дело: Наместо пари за дрога, добил лисици на раце

Ивана Ефремовски — Mon, 26 Sep 2022 15:41:05 +0000

ОВР Струга поднесе кривична пријава против И.Б.(31) од струшкото село Велешта, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“. При извршена контрола на улицата „Ѓуро Салај“ во Струга, полициските службеници го затекнале пријавениот при продажба на марихуана на лице од Струга.

Фатен крадец од Виница, расчистени 12 кривични дела

Тале Кристо — Sat, 09 Jul 2022 09:25:23 +0000

На 08.07.2022 полициски службеници од Надворешната канцеларија за криминалистички работи при ОВР Виница, по преземени мерки и активности, расчистија 12 кривични дела, од кои 10 тешки кражби сторени во цркви, една тешка кражба во продажен објект и едно одземање на моторно возило извршени на подрачјето на ОВР Виница во претходниот период. Притоа, во полициска станица е извршен службен разговор со Е.А.(20) од Виница, кој непријавено престојувал во Кочани, при што Е.А. ги признал делата и го појаснил начинот на кој ги извршил. По документирање на случајот против него ќе бидат изготвени соодветни кривични пријави.

Промовирана пролетната кампања за вакцинација на лисиците против беснило

Тале Кристо — Fri, 20 May 2022 15:06:37 +0000

Со авионско фрлање вакцинални мамки од аеродромите во Скопје и Штип, со техничка и финансиска поддршка од Европската Унија, Агенцијата за храна и ветеринарство ја спроведува пролетната кампања за вакцинација на лисиците против беснило. – Вредноста на подрршката од Унијата за оваа кампања изнесува околу 280 илјади евра со кои на целата територија на државата, со исклучок на населените места и водните површини, ќе бидат фрлени околу 500 илјади вакцинални мамки, изјави директорот на Агенција за храна и ветеринарство Николче Бабовски, кој на спортскиот аеродром Стенковец, со Штефан Худолин, шеф на Секторот за соработка при Делегација на ЕУ во Република Северна Македонија, ја промовираа пролетната кампања за авионско фрлање на мамки за вакцинација на лисиците против болеста беснило. Бабовски се заблагодари на Унијата за поддршката за реализација на оваа кмапња за вакцинација на лисиците, како и за сите други проекти кои Агенцијата ги реализира со поддршка на ЕУ. -Поаѓајќи од концептот „Едно здрваје“, и за беснилото важи максимата „Здрави животни – здрави луѓе“, а со тоа и безбедна и здрава економија и развој на општеството, потенцираше Бабовски. По завршување на вакцинацијата, рече тој, ќе спроведе контрола за проценка на успешноста и на оваа кампања, преку ловните друштва кои треба да извршат отстрел на одреден број лисици заради лабораториско докажување на успешноста на имунизацијата кај лисиците преку утврдување (присуство) на антитела и детекција на тетрациклин во забите. -Дивите животни, особено лисиците се главни носители на вирусот на беснило. Домашните животни и човекот од оваа болест најчесто се заразуваат преку гризнување од заболени диви животни. Со цел да се искорени болеста кај дивите животни и да се спречи пренесувањето на домашните животни и човекот, Агенцијата за храна и ветеринарство почнувајќи од 2011 година спроведува програма за орална вакцинација на лисиците против беснило. Досега успешно се реализирани 15 вакцинални кампањи за што говори и фактот дека од 2012 година, кога е потврден последниот случај на беснило кај мачка во Радовишко, во земјава не се регистрирани нови случаи на болеста кај домашните животни, објасни Бабовски. Покрај вакциналните кампањи, за рано откривање и пријавување на болеста, додаде тој, спроведени се неколку кампањи за подигнување на јавната свест за беснилото, како да се препознае болеста, кога и каде да се пријави и како да се постапи во случај на ризичен контакт и слично. Реализирани се и едукации на стручните лица инволвирани во контролата на болеста ветеринари, официјални ветеринари, ловџии, матични доктори, епидемиолози и други. -Апелираме до граѓаните во наредниве денови исклучително внимателно да се движат во природа, да внимаваат и никако да не ги допираат вакциналните мамки кои се со кафена боја и личат на чоколадни коцки. Во нив е сместена пластична капсула во која се наоѓа вакцината во течна состојба. Доколку сепак се случи мамката да се допре со раце, задолжително да побараат лекарска помош. Ја користиме оваа прилика да ги потсетиме сопствениците на домашни миленици (кучиња и мачки) но и сопствениците на ловџиски и овчарски кучиња на обврската еднаш годиошно да ги вакцинираат животните против оваа болест како и на обврската за обележување на животните со микрочип како единствен начин за следење на нивната здравствена состојба, рече Бабовски. Тој исто така апелираше доколку постои сомнеж дека дека некое куче, мачка, или пак диво животно покажуваат знаци на беснило (агресивност, невообичаено однесување, губење страв од човек) тоа да го пријават до официјален ветеринар или кај матичниот ветеринар по што животното веднаш ќе биде ставено под официјален надзор. До нив граѓаните треба да пријават и доколку најдат угинато животно или животно удрено од возило. Тие ќе земат и испратат мостри за дијагностичко испитување за евентуална потврда на болеста беснило кај овие животни. Според Штефан Худолин, шеф на Секторот за соработка при Делегација на ЕУ во Република Северна Македонија, со оваа вакцинална кампања продолжуваат напорите на ЕУ за искоренување на болеста беснило од регионот, за што се неопходни координирани активности на земјите членки на Унијата, но и на останатите. -И оваа кампања е поддржана од европските фондови во висина од околу 280 илјади евра. Досегашната поддршка на Унијата за изминатите вакцинални кампањи против беснило, почнувајќи од 2011 година, изнесува приближно 5 милиони евра. Со оглед на досегашната успешна реализација на изминатите вакцинални кампањи и во иднина ќе ја продолжиме поддршката на Република Северна Македонија преку фондовите на Унијата, рече Худолин и објасни дека историјата на болста беснило во ЕУ датира од поодамна, но дека во изминативе десет години таа е ставена под контрола и сега е присутна само во одредени делови од Источна Европа. – Во Западен Балкан вирусот е се уште присутен и претставува сериозна закана. Во 2020 година беше потврден случај на беснило во Босна и Херцеговина и затоа ќе продолжат регионалните активности за искоренување на болеста, истакна Худолин. Вања Кондратенко, раководител на Сектор за здравствена заштита и благосостојба на животните при АХВ, објасни дека беснилото е исклучително сериозна болест која е еднакво опасна и за животните и за луѓето и која за жал во најголемиот број случаи завршува со смретн исход. Поради ова, тој упати апел граѓаните да бидат исклучително внимателни при движење во природа и да внимаваат во комуникацијата со животните, особено со лисиците кои се приближуваат до населените места и кои не покажуваат страв од луѓето. За нив, како што истакна тој, со такво однесување, голема е веројатноста дека можат да бидат заболени од беснило.

Приведен разбојник од Богданци, при претрес пронајдени одземените пари кои ќе бидат вратени на сопственикот

Ивана Ефремовски — Thu, 21 Apr 2022 13:34:09 +0000

Денеска (21.04.2022) во 06:20 часот полициски службеници од Полициска канцеларија Богданци го лишиле од слобода А.Г.(49) од Богданци. Тој се сомничи дека во 00.35 часот во казино во Богданци со закана кон вработената одзел пари од касата. При извршен претрес во неговиот дом врз основа на наредба од Основен суд Гевгелија биле пронајдени пари од извршеното дело во вкупен износ од 65.000 денари и други предмети поврзани со кривичното дело. Лицето е приведено и задржано во просториите на ОВР Гевгелија и во координација со Јавен обвинител од Основното јавно обвинителство Гевгелија во текот на денешниот ден против него ќе биде поднесена кривична пријава поради сомнение за сторено кривично дело „разбојништво“ по член 238 став 1 од Кривичниот законик, по што ќе биде изведен пред судија на претходна постапка.

Приведен 82-годишен скопјанец, го барале со потерница

Ивана Ефремовски — Sun, 26 Sep 2021 17:07:59 +0000

Денеска (26.09.2021) во 17:35 часот полициски службеници од Оперативен тим потраги на ул."Јајце" го лишија од слобода Б.З.(82) од Скопје. Тој бил баран по Централна потерница и наредба од Основен суд-Скопје 1, за издржување казна затвор во времетраење од пет години. Б.З. е предаден во полициска станица по што ќе биде спроведен во казнено-поправна установа.

Штипјанец веднаш однесен во затвор, еве што направил

Ивана Ефремовски — Thu, 02 Sep 2021 15:57:02 +0000

На 01.09.2021 во Штип, врз основа на судска наредба, полициски службеници од СВР Штип го приведоа Т.З.(43) од Штип за издржување на казна затвор за сторено кривично дело „кражба“. При преглед кај него биле пронајдени предмети кои потекнуваат од кривично дело „кражба“ извршена околу 10.00 часот од продавница на ул.„Иво Лола Рибар“ во Штип. Украдените предмети биле вратени на сопственикот. Т.З. бил спроведен до Казнено – поправната установа Затвор Струмица.

Приведен скопјанец за издржување затворска казна

Катерина Бојаџиева — Thu, 05 Aug 2021 17:51:29 +0000

Полициски службеници од ЕВР Карпош, денеска во 17:00 часот на ул.„Иван Аговски“ во Скопје, врз основа на судска наредба го лишиле од слобода скопјанецот М.Н. (38) за издржување на казна затвор за сторено кривично дело по член 156 став 3 од Закон за игрите на среќа и за забавните игри. Лицето, како што соопшти МВР, ќе биде спроведено во казнено поправна установа.

Дома криел 45 мигранти: Приведен маж од Куманово

Ивана Ефремовски — Thu, 27 May 2021 14:14:04 +0000

Денеска (27.05.2021), по претходно добиени оперативни сознанија и врз основа на судска наредба, полициски службеници извршиле претрес во домот на С.Д.(53) од Куманово. При претресот биле пронајдени 45 лица – мигранти од разни држави од Блискиот исток. С.Д. е приведен и по целосно документирање на случајот против него ќе биде поднесена соодветна пријава.

Скопјани биле агресивни кон полицајци, па беа лишени од слобода

Ивана Ефремовски — Wed, 20 Jan 2021 15:02:56 +0000

На 20.01.2021 околу 00:30 часот на подрачје на Центар од полициски службеници од СВР Скопје биле лишени од слобода С.М.(40) и М.Е.(18) двајцата од Скопје, бидејќи истите агресивно се однесувале кон полициски службеници при извршување на работни задачи. По документирање на случајот ќе биде поднесен соодветен поднесок.