Лиснато тесто – Kurir.mk

ЈАБОЛКА ВО ЛИСНАТО ТЕСТО! Вкусно уживање кое се топи во устата

Ристе Здравков — Wed, 26 Apr 2023 12:42:41 +0000

Ако сакате јаболка, тогаш од ова овошје, кое се подготвува со лиснато тесто, можете да направите вкусен десерт. Состојки: 500 гр лиснато тесто 700 гр јаболка 80 гр суво грозје 50 гр ореви 10 гр шеќер 25 мл сок од лимон 10 гр ванилин-шеќер жолчка лажица шеќер Подготовка: Расукајте го лиснатото тесто. Во средината на кората ставете рендани јаболка измешани со шеќер, сок од лимон, суво грозје, ореви и ванилин-шеќер. Краевите од тестото спојте ги преку филот, избодете го тестото со вилушка на неколку места, премачкајте го со жолчка и ставете го во сад кој претходно сте го измиле со ладна вода. Се пече на температура од 225 степени околу половина час. Пред сервирање посипете со шеќер во прав. Уживајте!

СОВРШЕН ДЕСЕРТ ЗА ЛЕТНИТЕ ДЕНОВИ Пита од јаболка во лиснато тесто, врвно уживање

Ристе Здравков — Thu, 23 Jun 2022 14:15:08 +0000

Однадвор крцкава кора, а внатре мек и сочен фил, мириса на цимет, а подготовката е едноставна. Може да се направи со секое овошје. Состојки: 2 лиснати теста, без разлика дали се замрзнати или свежи. 5 средни јаболка 150 гр бел и 100 гр кафеав шеќер 1 лажичка цимет (по желба и повеќе) сок од половина лимон 1 лажица густин/скроб 2 лажици вода Подготовка: Излупете ги јаболката и исечете ги на коцки. Се стават во тенџере, па се додава шеќерот и лимонот и се промешува. Оставете да отстои 10 минути. Се става на оган и кога ќе проврие намалете на средно и варете 7-8 минути. Изматете го густинот со вода, додадете ги јаболката, промешајте и кога ќе згусне, тргнете од оган и оставете да се излади. Вклучете ја рерната на 200 степени да се загрее. Расукајте го тестото во големина на голем плех, а потоа на 4 или 5 ленти. Ставете полна лажица фил на секоја лента. Ако ви е поредок, избегнувајте сок, само јаболка. Од едната страна се става филот, а другата се витка и се затвора. Се редат на подмачкан плех. Секоја пита со јаболка премачкајте ја со изматено јајце и посипете со мешавина од кристален шеќер и цимет. Печете околу 15 минути, во зависност од тоа колку сакате да биде печено. Се служи и топло и ладно. Пријатно.

Крцкаво лиснато тесто полно со неодолив фил: Рецепт за лесна торта што се топи во уста

Магдалена Андонова — Sun, 30 May 2021 15:05:46 +0000

Повеќето домаќинки користат лиснато тесто за да подготват колачи, паштети или триаголници полнети со сирење или џем. Но, овој ефтин производ сега доби нова намена - може да се искористи и за правење фантастично вкусна торта полнета со лесен крем кој освојува и со вкус и со изглед. Состојки: 250 гр смрзнато лиснато тесто 1 јајце 60 гр шеќер Ванилин шеќер Супена лажичка брашно 200 мл млеко 50 гр путер 200 мл слатка павлака 70 гр бадеми Подготовка: Извадете го лиснатото тесто во правоаголна форма, а потоа исечете го на ленти. Ставете хартија за печење во плехот за печење, а потоа ставете го лиснато тесто. Бидете сигурни дека ќе направите место помеѓу тестото, за да не залепи за време на печењето. Печете 10 минути на 200 степени. Во сад изматете ги јајцето, шеќерот, брашното и ванилиниот шеќер, па истурете го млекото, промешајте добро и варете додека млекото не почне да врие. Потоа додадете 50 грама путер, измешајте добро, потоа тргнете го од оган, префрлете го во стаклен сад, покријте го со проѕирна фолија за истегнување и оставете да се излади. Потоа изматете ја слатката павлака, па додајте лажица по лажица од филот и промешајте со миксер да се соединат павлаката и жолтиот фил. Ставете хартија за печење на плех, нанесете тенок слој фил врз хартијата, па наредете 6 парчиња печено лиснато тесто. Нанесете тенок слој полнење со шпатула, а потоа ставете уште 5 стапчиња лиснато тесто над филот. Повторно нанесете го филот, над него наредете 4 стапчиња лиснато тесто, премачкајте ги со филот, па нанесете го филот од сите страни на тортата. Потоа превртете ја целата торта во хартија за печење, ставете ја на плех за печење и чувајте ја во фрижидер неколку часа. Кога тортата е цврста, одделете ја од хартијата за печење, посипете ја со бадемово снегулки и исечете ја на парчиња. Пријатно!