лизгалиште – Kurir.mk

Јанчев: Четврта година по ред децата бесплатно го користат лизгалиштето во Кавадарци

Ристе Здравков — Wed, 26 Jan 2022 13:59:50 +0000

Градоначалникот на Општина Кавадарци Митко Јанчев изјави дека од денеска во функција е пуштено лизгалиштето во Кавадарци. Јанчев посочи дека четврта година по ред децата бесплано го користат ова лизгалиште за дружба и рекреација. Лизгалиштето ќе работи се додека дозволуваат временските услови, односно додека има пониски температури за мразот да може да опстане.

Лизгалиштето во Кавадарци ставено во функција

Ивона Петрова — Fri, 10 Jan 2020 09:11:45 +0000

Лизгалиштето во Кавадарци е ставено во функција, основците и средношколците ќе можат организирано и според програма бесплатно да го користат до крајот на февруари, подучени од наставници. -Убаво е секое дете да проба да лизга, да се учи вештината на лизгање, нагласи градоначалникот Митко Јанчев. Лизгалиштето ќе може да се користи и надвор од предвидените термини за ученици, а тогаш за лизгање ќе се плаќа симболична цена. Кавадарчани вторпат можат да го користат ова лизгалиште, откако минатата сезона него го обезбедија компаниите „Кожувчанка” и „Црна Река”. Општина Кавадарци ја плаќа струјата за да работи лизгалиштето.

Јорданов: Тендерската постапка за новото лизгалиште во Штип е отворена наредниот ден по неговото поставување

Ивона Петрова — Sun, 23 Dec 2018 12:37:26 +0000

Скандал и криминал ќе ја зачинат новогодишната бајка која Општина Штип ја организира втора година по ред. Новопоставената лизгалница на плоштадот, уште пред да ја отвори, криминалното раководство на СДСМ, ја обви со матни зделки, изјави денес Иван Јорданов, член на ИК на ВМРО-ДПМНЕ и претседател на ВМРО-ДПМНЕ ОК Штип. Тој вели дека лизгалницата била поставена на 20.12.2018 година, за кое може да посведочи секој граѓанин на Штип, меѓутоа тендерската понуда била отворена наредниот ден, на 21.12.2018 година во 09:00 часот. -Затоа прашуваме како е можно, компанија која уште не е избрана на тендер, да врши работи за Општина Штип? Како е можно компанијата да знае дека е одбрана уште пред да и биде одобрена понудата? Како е можно да се вршат услуги без да е потпишан договор и без да е добиен налог за работа? Како е можно проценетата вредност на тендерот да е идентична со понудената сума од компанијата?, прашува Јорданов кој ги повика јавното обвинителство и МВР да го истражат случајот. Јорданов цели дека иституциите треба да ги споредат датумите на потпишувањето на договорот и поставувањето на лизгалницата на плоштадот! -Да проверат кога е издаден налог за работа, кој го издал и дали тоа е истиот ден кога е поставена лизгалницата! И за крај, да проверат дали ова е зделка од цели 800.000 денари, во четири очи од која некој многу добро ќе се офајди! Црнила на национално, црнила на локално ниво! Граѓаните на Штип во ек на новогодишните празници не заслужуваат да бидат жртви на оваа криминална банда во заминување! Воедно, го повикуваме надлежните институции да преземат итни и неодложни истражни мерки за тоа како се потрошени 800.000 денари, за услуги од времетраење од само 15 дена, да се утврди виновник, а градоначалникот да преземе одговорност за направената штета, изјави членот на ИК на ВМРО-ДПМНЕ.

ФОТО + ВИДЕО: Кавадарци доби лизгалиште

Ивона Петрова — Tue, 18 Dec 2018 10:58:21 +0000

Кавадарци доби лизгалиште. Градоначалникот Митко Јанчев денеска соопшти дека идејата била негова и на Општината, а е остварена во соработка со компаниите донатори “Црна Река Петрол” и “Кожувчанка”. -Општината преку Сојузот на спортови организира бесплатно лизгање за учениците од сите основни и средни училишта за време на часови по физичко воспитување, во месеците декември, јануари и февруари. Чест и задоволство ми е кога ја гледам оваа еуфорија кај младите поради ова лизгалиште, со кое се доближуваме до поголемите градови, нагласи Јанчев. Набавени се околу 300 лизгалки, а комерцијалното неограничено лизгање ќе чини 100 денари. Тренерот од Хокејарската федерација, Стефан Децковски рече дека редовно ќе испраќаат тренер во Кавадарци, согласно потребите. Задоволство од лизгалиштето изразија и учениците и наставниците по физичко образование.

ФОТО: Кавадарци ќе добие лизгалиште

Ристе Здравков — Tue, 04 Dec 2018 13:38:19 +0000

Општина Кавадарци на иницијатива на градоначалникот Митко Јанчев, а во соработка со општествено одговорните компании „Црна Река“ и „Кожувчанка“ реализира проект за изградба на монтажно лизгалиште. Лизгалиштето е лоцирано на тениските терени при спортскиот центар „Јасмин“ на површина од близу 500м2. Предвидено е да се користи во текот на зимската сезона, со намена за спорт и рекреација пред се на најмладите.