љубчо георгиевски – Kurir.mk

(ВИДЕО) Георгиевски: Има индиции дека Груевски соработувал со власта – но што има лошо во тоа?

Ристе Здравков — Tue, 26 Sep 2023 19:24:33 +0000

Според Љубчо Георгиевски има индиции дека Никола Груевски соработувал со власта, а тој повторува дека сѐ што Груевски му направил на Георгиевски, истото му се случува сега и на него. Во денешното гостување на „Златев поткаст“ дискутираме за тековните актуелности по преписките на релација Мицкоски – Груевски, но и за другите жестоки политички прашања се огласи Љубчо Георгиевски. Во голема мера сега се склучуваат истите работи како што се случуваа меѓу мене и Груевски. Се што ми направи тој на мене сега му се случува и на него, вели Љубчо Георгиевски. На прашањето дали Груевски соработува со власта Георгиевски категорично вели дека има индиции меѓу нив. Не можам до крај да го изградам мислењето дали Груевски соработува со власта, меѓутоа има некои индиции. Има некои индиции според лидерите на СДСМ кои јавно или во затворени седници каде велат: Не се секирајте во средната на октомври ќе бидат изгласани уставните измени“. Нешто слично кажа и Ахмети во своето интервју каде имаше некоја сигурност дека тие промени ќе бидат изгласани. ВМРО-ДПМНЕ од друга страна пак, велат дека за овие соработки имаат докази. Љубчо Георгиевски смета дека релативно безболно за Македонија е да се внесат Бугарите во нашиот Устав, а открива и кои работи би ги сменил тој во преговорите со Бугарија. Тој смета дека на следните избори ќе победи ВМРО-ДПМНЕ, но пред нив стојат две крупни прашања.

Во Софија се формира мрежа на бугарско-македонски клубови: Меѓу претставниците од Македонија се Љубчо Георгиевски и Владо Бучковски

Магдалена Андонова — Sat, 30 Apr 2022 10:45:40 +0000

Прва дигитална телеконференција на македонски и бугарски интелектуалци, општествени работници, новинари и претприемачи ќе се одржи во вторник во прес-клубот на БТА во Софија и во Институтот за Општествените и хуманистичките науки во Скопје. -На дигиталната телеконференцијата ќе биде објавен Заеднички документ за зближување и соседство, кој ќе биде патоказ за градење целосен процез за зближување меѓу двата народи и двете земји обединети во нова мрежа на клубови за бугарско-македонско пријателство во двете земји, се вели во соопштението од организаторите испратено до дописникот на МИА од Софија. Целта е да се создаде активно граѓанско општество со претставници од Бугарија и Македонија, кои ќе работат на зближување на двете општества врз основа на европските вредности. Исто така, целта на Клубот за бугарско-македонско пријателство е да организира академски, културни, спортски и секакви средби на граѓаните на двете земји за да се подобри меѓусебното познавање, разбирање, пријателство и добрососедство. -Целта е да се извлечат бугарско-македонските односи од „ќорсокакот“ во кој моментално се наоѓаат како резултат на засилениот дијалог во сите области, да се отстранат од тесните политички и дипломатски кругови, како и од оние кои се под контрола на властите или одредени тајни центри „во двете земји, кои отворено работат против добрососедската политика. Меѓу основачите на Клубот од бугарска страна се писателите Алек Попов и Чавдар Ценов, универзитетските професори Александар Ќосев, Ивајло Дичев и Маја Грекова, новинарите Бојко Станкушев, Иво Беров и Димитар Кенаров, експерт за одбрана и поранешен министер за одбрана на Бугарија Велизар Шаламанов, економистите Красен Станчев и Евгени Канев, светски познатата тенисерка Мануела Малеева, режисерот Јавор Гардев, советникот на првиот демократски избран претседател на Бугарија Жељу Желев за етнички прашања, Михаил Иванов. Од македонска страна на иницијативата се приклучуваат филозофката Катерина Колозова, политикологот Љубчо Петковски, новинарите Марјан Николовски и Столе Наумов, историчарот Драган Зајковски, како и поранешните македонски премиери Љубчо Георгиевски и Владо Бучковски. Меѓу основачите се Бугарскиот културен клуб – Скопје, Културно-просветното друштво Вардар и Здружението на граѓани за промоција, издаваштво, иницијативи и меѓународна соработка „Дело“. Како што наведуваат организаторите во нивното соопштение до дописникот на МИА во Софија, учесник во клубот може да биде секој кој за тоа ќе се пријави на веб-страницата www.bgmkclub.eu или на електронската пошта [email protected].

Георгиевски откако изјави дека македонскиот јазик не постоел до 1945: Јас не сум ништо друго освен Македонец

Дарко Андоновски — Sun, 07 Mar 2021 10:39:17 +0000

Претседателот на ВМРО-Народна партија, Љубчо Георгиевски кој деновиве излезе со предлог план за решавање на спорот со Бугарија, којшто власта не го прифати, вели дека тој не е ништо друго освен Македонец. Одговарајќи на прашање како ќе се определи на претстојниот попис во емисијата „Стадион“ на Канал 77, Георгиевски вели дека и тука и во Бугарија кажал дека тој не може да се определи како ништо друго освен како Македонец. -Јас тоа секаде сум го кажувал, дури и во Бугарија а последен пат токму на нивното радио Фокус, пред три дена ми го поставија истото прашање. И ним и на сите им велам, јас освен Македонец, не можам никако да се определам, изјави тој. Во емисијата тој уште еднаш ги повтори своите позиции во однос на историските спорни прашања со Бугарија. Инаку Георгиевски во истото гостување се стави во одбрана на ставот на Бугарија, велејќи дека македонскиот јазик не постоел до 1945, сите илинденци пишувале и говореле на бугарски. „Во времето на Османлиската Империја, во сите организации кои постоеле и македонски револуционерни и нереволуционерни, граѓански и црковни официјален јазик за користење е бугарскиот јазик и писмото“, рече Љубчо Георгиевски во гостување на „Стадион“ на Канал77. Георгиевски додаде дека во тоа време граѓаните само пишувале на бугарски јазик. „Треба да си признаеме, тоа да биде еден вовед на нивната теза, да кажеме дека до пред кодифицирањето на македонскиот јазик, македонската интелигенција, македонските револуционерни организации официјално го користеле бугарскиот јазик и писмо“, нагласи Георгиевски. Георгиевски посочи дека документите, статутот и командите на тогашно ВМРО се пишани на бугарски јазик. „Писмата на Гоце Делчев независно од содржината дали се изјаснувал вака или така, Гоце Делчев има и општи писма, дава наредба ти оди таму ти оди ваму, Гоце Делчев има 30-тина лични писма сите се пишани на официјален литературен бугарски јазик. Ѓорче Петров има и книги кои се напишани на официјален бугарски јазик. Да не зборуваме дека илинденски востаници и команданти има 120-130 книги на спомени кои што ги имаат напишано луѓе, комити кои што се бореле, на бугарски јазик“, истакна Георгиевски.

Георгиевски во одбрана на ставот на Бугарија: Македонскиот јазик не постоел до 1945, сите илинденци пишувале и говореле на бугарски

Дарко Андоновски — Sat, 06 Mar 2021 10:46:30 +0000

„Во времето на Османлиската Империја, во сите организации кои постоеле и македонски револуционерни и нереволуционерни, граѓански и црковни официјален јазик за користење е бугарскиот јазик и писмото“, рече Љубчо Георгиевски во гостување на „Стадион“ на Канал77. Георгиевски додаде дека во тоа време граѓаните само пишувале на бугарски јазик. „Треба да си признаеме, тоа да биде еден вовед на нивната теза, да кажеме дека до пред кодифицирањето на македонскиот јазик, македонската интелигенција, македонските револуционерни организации официјално го користеле бугарскиот јазик и писмо“, нагласи Георгиевски. Георгиевски посочи дека документите, статутот и командите на тогашно ВМРО се пишани на бугарски јазик. „Писмата на Гоце Делчев независно од содржината дали се изјаснувал вака или така, Гоце Делчев има и општи писма, дава наредба ти оди таму ти оди ваму, Гоце Делчев има 30-тина лични писма сите се пишани на официјален литературен бугарски јазик. Ѓорче Петров има и книги кои се напишани на официјален бугарски јазик. Да не зборуваме дека илинденски востаници и команданти има 120-130 книги на спомени кои што ги имаат напишано луѓе, комити кои што се бореле, на бугарски јазик“, истакна Георгиевски.

ВМРО-ДПМНЕ: Георгиевски и Бучковски се истурени играчи на Заев, нивниот став за Бугарија е и негов

Ивона Петрова — Fri, 05 Mar 2021 07:44:26 +0000

Георгиевски и Бучковски се истурени играчи на Заев. Нивниот став за Бугарија е и негов. Бучковски кажа дека тезите на Георгиевски за обезличување на Македонија вреди да се разговараат, велат од ВМРО-ДПМНЕ. -Бучковски го подржува Георгиевски, а Бучковски е повереник на владата за спорот со Бугарија. Ставот на Бучковски е и став на Заев. Заев, Бучковски и Георгиевски имаат за цел да го избришат македонскиот народ и да го престават како нова творба. Тие го обезличуваат нашиот идентитет, јазик и култура Заев, Бучковски и Георгиевски молчат на сите провокации и мешања во внатрешните работи на Бугарија во Македонија. Заев, Бучковски и Георгиевски се причината поради која Бугарија се чувствува комотна да ја понижува Македонија, се наведува во партиското соопштение.

Петрушевски: Владејачкото мнозинство треба да реагира за акцискиот план на Љупчо Георгиевски за решавање на спорот со Бугарија бидејќи тоа е срам за целиот македонски народ

Ивана Ефремовски — Wed, 03 Mar 2021 19:20:19 +0000

Бране Петрушевски, пратеник од ВМРО-ДПМНЕ во своето гостување во емисијата „Само Вистина“ зборуваше за акцискиот план на Љупчо Георгиевски за решавање на спорот за Бугарија и посочи дека тоа е многу срамно за целиот македонски народ и за тоа треба да реагира и владејачкото мнозинство. -Јас имам лично против акцискиот план кој го произнесе Љупчо Георгиевски за спорот со Бугарија, а многу Македонци имаат и те како сериозен проблем затоа што она кое беше таму напишано. Срамно е да биде напишано тоа од еден поранешен премиер, сегашен коалициски партнер на СДСМ, понижувачки за македонскиот народ, понижувачки за сите граѓани на Република Македонија и апсолутно се чувствувам навреден од сето она што го прочитав во неговиот предлог план. Мислам дека со иста мера треба да реагира и владејачкото мнозинство и да се оградат од овие ставови кои јавно ги има произнесено нивниот коалициски партнер, рече Петрушевски во своето гостување.

Донев: Георгиевски и Бучковски се ликови кои мора да се на функција за да може Заев да го продаде тоа што го смислил

Ивана Ефремовски — Wed, 03 Mar 2021 18:38:19 +0000

„Не би сакал да го коментирам Љубчо Георгиевски, не ме интересира тој човек. Тоа се тие ликови на таа издвоена политичка елита кои немаат допир со интересите на македонските граѓани туку тоа се ликови кои што едноставно нив судбината на Република Македонија и иднината на Република Македонија не ги интересира. Тие ја гледаат својата позиција, ги гледаат своите интереси, и своите некакви фрустрации, меѓутоа и свои лукративни интереси итн. Поради тоа не вреди да се говори за позицијата на Љубчо Георгиевски“, истакна Јован Донев, универзитетски професор и поранешен амбасадор во емисијата „Што не е јасно“. Донев додаде: “Нека му остане на чест на Георгиевски, бил премиер на Македонија, исплукал се што говорел претходно, земал туѓо државјанство. А, за жал ги има доста луѓе како него што ја продаваат македонската историја за пари“. -Бучковски е иста приказна како Георгиевски. Бучковски дури и немаше потреба таа позиција да ја прифати, воопшто не знам зошто ја прифати. Но тоа е негов избор како на Георгиески. Нема зошто тоа да го прави, ниту ја знае таа проблематика. Не верувам дека има познавања од бугарската историја за да може да зборува со авторитет со Бугарите. Не верувам дека има познавања и од бугарската политика исто така за да зборува со авторитет, рече Донев. Донев посочи дека и Бучковски е еден од тие ликови кој мора да е на функција за да може Заев да го продаде тоа што го смислил.

Скандал: За Георгиевски – Делчев, Груев, Тошев, Ѓорче, Карев биле учители на бугарската егзархија

Ивана Ефремовски — Tue, 02 Mar 2021 18:46:41 +0000

„Гоце Делчев, Даме Груев, Пере Тошев, Ѓорче, Никола Карев биле учители на бугарската егзархија. Факт е дека ние тоа го криеме во македонската историја. Во македонската историја се вели дека се учители, а не дека се учители на бугарската егзархија“, рече Љубчо Георгиевски во емисијата „24 Анализа“. Георгиевски додаде дека Кузман Шапкарев е основач и прв директор на бугарската машка гимназија во Солун. „Ние имаме фактографски податоци за многу важни личности кои едноставно ги криеме, не ги кажуваме“, истакна Георгиевски. Георгиевски посочи дека Бугарија треба да избере 15-тина личности кои ќе си ги слави. „Најпростиот комита пишува на официјален бугарски јазик. Најпростиот комита што знае да пишува, пишува на бугарски, не на македонски“, рече Георгиевски. Според Георгиевски сите документи на ВМРО не се пишувале на македонско наречје туку на бугарски јазик. Гоце Делчев никогаш не пишувал на македонски јазик.

Георгиевски: Македонска историја е измислена приказна, и пилињата знаат дека Царство на Самоил се вика Бугарија

Ивана Ефремовски — Tue, 02 Mar 2021 18:29:03 +0000

Вечерва Љубчо Георгиевски во „24 Анализа“ тврдеше дека македонизам не постои во 9-ти век, браќата Кирил и Методиј, и Наум и Климент се Бугари, не Македонци. Дури посочи дека македонската историја се гради на лаги. „Ние измислуваме приказни кои не постојат. Кој народ што зборувате? Ние со секоја лага градиме македонска историја. Пилињата, а не професор по историја знае дека државата на цар Самоил се викала Бугарија“, рече Георгиевски. Георгиевски рече дека македонската историја е заснована на фантастични приказни и лаги.

Георгиевски согласен со бугарскиот став: Кога се зборува за македонска нација и македонски јазик се мисли на јазикот после 1945-та година

Ивана Ефремовски — Tue, 02 Mar 2021 18:20:34 +0000

"Ајде сега да го видиме проблемот, што е последниот став кој го повтараат веќе сто пати Бугарите, и министри и премиерот, последниот став на Бугарија е ваков и тој трае веќе 5-6 месеци, Бугарија ќе ја признае македонската нација и македонскиот јазик од 1945-та година, а Македонија да го признае бугарското минато пред 1945 година и бугарскиот јазик како општ јазик во минатото. Што значи тоа? Тоа значи дека Македонија треба дали на ниво на Влада, и најверојатно на ниво на Влада и на ниво на Парламент да ја прифати таа бугарска позиција и да ја изгласа во Парламентот“, нагласи Љубчо Георгиевски при гостувањето во „24 Анализа“. Георгиевски додаде дека тоа е јавна дискусија и таа трае. „Бугарија да донесе исто така сопствен акт со кој ќе кажат да кога ние зборуваме за македонска нација и македонски јазик ние мислиме на јазикот после 1945-та година“, појасни Георгиевски.