Љубен Арнаудов – Kurir.mk

Мукоски, Василевски, Димовски, Арнаудов и Трачуловски добија амнестија

Ивана Ефремовски — Fri, 28 Dec 2018 10:50:59 +0000

Пратениците Крсто Мукоски, Сашо Василевски, Љупчо Димовски, Љубен Арнаудов и Јохан Тарчуловски се помеѓу првите обвинети што добија амнестија за крвавиот четврток на 27 април минатата година, пишуваат дел од медиумите. Покрај петте пратеници, амнестија е одобрена и за вработените во кабинетот на поранешниот претседател на Собранието, Елена Божиновска и Иван Цветановски, како и за обвинетиот Захарије Симовски, браќата Стефан и Михаил Младеновски, Митре Питроповски и Илија Славевски. По барањата за амнестија одлучувал Кривичен совет. Други одлуки се очекуваат во текот на утрешниот ден. Од Јавното обвинителство информираа дека пристигнале 66 барања за амнестија, од кои за 12 биле дадени позитивни мислења. Обвинетите на кои ќе им биде одбиено барањето за амнестија имаат рок од 3 дена за жалба по издавање на решението. Од 33 обвинети за 27 април, барање за амнестија не поднесоа само Митко Чавков, Душко Лазаров, Игор Југ, Јане Ченто и Игор Дурловски.

Пратеникот Љубен Aрнаудов излегува од куќен притвор

Ивана Ефремовски — Tue, 16 Oct 2018 14:55:38 +0000

Пратеникот Љубен Арнаудов, кој е еден од обвинетите во случајот за настаните во Собранието за 27 април минатата година, излегува од куќен притвор откако Апелацискиот суд му ја прифатил жалбата. Пред Судот Арнаудов достави гаранција од 300.000 евра. Во куќен притвор останува само пратеникот Крсто Мукоски, откако претходно од куќен притвор беше пуштен Сашо Василевски. Арнаудов, по денешното рочиште за случајот „27 април“, рече дека уште во јули имаат поднесено барање со кауција, така да останува да се произнесе судот. Прашан дали би гласал за уставни измени во замена за амнестија, Арнадуов рече дека засега нема размислувано. - Засега немаме ништо размислувано, ама секако ќе работиме исклучиво во интерес на Македонија и македонскиот народ, рече Арнаудов.

Арнаудов, Дамовски и Илиевски пуштени дома

Катерина Бојаџиева — Thu, 22 Feb 2018 13:04:45 +0000

Пратеникот Љубен Арнаудов, организаторите на движењето „За заедничка Македонија“, Борис Дамовски и Богдан Илиевски, синоќа пред полноќ се пуштени од затворот од Шуто Оризари, пренесува Алсат М. Скопска апелација ги прифати нивните жалби и им ја преиначила мерката притвор во домашен притвор. Тие во притвор поминаа речиси три месеци.