љубин – Kurir.mk

Локализиран пожарот кај Љубин

Ивона Петрова — Wed, 23 Aug 2023 16:51:12 +0000

Локализиран е пожарот кај селото Љубин, информираше директорот на Центарот за управување со кризи, Стојанче Ангелов. - Со прецизно дејство на трите авиони „ер трактори“ на ДЗС, како и едниот хеликоптер на МВР, пожарот е локализиран. Екипа скопски пожарникари вршат обиколка и догаснување на остатоците од пожарот, појасни Ангелов. Претходно, од ЦУК информираа дека избувнал пожар кај селото Љубин и навлегол во боровата шума.

ВИДЕО: Пожар во скопско зафати борова шума, активирани трите Ер трактори и хеликоптер на МВР

Ивона Петрова — Wed, 23 Aug 2023 15:58:41 +0000

Пожар кој навлегол во борова шума попладнево е пријавен во Општина Сарај кај селото Љубин. Од ЦУК информираат дека се активирани трите авиони Ер трактор и еден хеликоптер на МВР. -Заради истовремен ангажман на Бригадата за противпожарна заштита на Град Скопје на неколку пожари во исто време и недостиг на противпожарни сили, близина на населени места, а и заради намалувањето на периодот за оперирање на крајот од денот, се влучува еден полициски хеликоптер на МВР и трите противпожарни авиони ,,ер трактор" на ДЗС, велат од ЦУК.

Приведен крадец од скопско Љубин

Ивана Ефремовски — Fri, 20 Nov 2020 15:06:29 +0000

На 19.11.2020 во 19.00 часот полициски службеници од Единицата за внатрешни работи – Одделение за криминалистички работи Ѓорче Петров го лишиле од слобода А.А.(24) од с.Љубин, скопско, поради постоење основи на сомнение за сторено кривично дело „тешка кражба“ во продажен објект на подрачјето на Ѓорче Петров. Кај приведениот се пронајдени предмети кои потекнуваат од кривичното дело. По целосно документирање на случајот, против него ќе следи соодветен поднесок.

Четири дена без вода ќе останат овие скопски села

Ивана Ефремовски — Mon, 28 Sep 2020 13:22:52 +0000

Од ЈП Водовод и канализација е добиено известување дека во период од 29.09.2020 до 02.10.2020 година, поради чистење и дезифекција на резевоар во с.Љубин, прекинато водоснабдување ќе имаат корисниците на селата: Љубин, Сарај, Глумово и с.Матка. Водоснабдувањето ќе биде во прекин во период од 09:00 до 13:00 часот.

Полицаец нападнат во Љубин, едно лице уапсено

Ивана Ефремовски — Wed, 25 Dec 2019 15:53:26 +0000

На 24.12.2019 околу 21:10 часот на ул.„Борис Сарафов“ во Скопје, додека извршувал службени дејствија, полициски службеник бил физички нападнат од Б.А.(27) од с.Љубин, скопско и од А.З.(26) од с.Љубин. Б.А. бил приведен во Полициската станица Ѓорче Петров и се работи на расчистување на случајот.

Локализирани 70 проценти од пожарот кај Љубин, интервенира и авион на ДЗС

Ивана Ефремовски — Mon, 19 Aug 2019 15:14:22 +0000

Локализирани се 70 проценти од пожарот кај скопското село Љубин, што избувна на потегот кон село Рашче во Општина Сарај, а во неговото гаснење е вклучен и авион на Дирекцијата за заштита и спасување. Со пожарот е зафатена голема површина со сува трева и борова шума. -Кај што можеа да влезат противпожарните екипи, на некои места тоа изгледаше и невозмошно, се интервенираше и тој е локализиран. Останува уште еден дел непристапен за нас, а за кој се вклучи и авион од ДЗС којшто веќе интервенира, изјави за МИА Владимир Симоновски, командир на Противпожарната единица на град Скопје. По избувнувањето на пожарот на терен интервенираат пет возила и 25 пожарникари од Противпожарната единица на град Скопје. Оттаму апелират до граѓаните да бидат внимателни кога се на отворен простор. Во скопско и вчера имаше пожар, во шумскиот реон над населбата Пинтија со него беше зафатена поголема површина мешана шума. (МИА)

Гори сува трева и борова шума кај скопско Љубин- интервенираат 5 возила и 25 пожарникари

Катерина Бојаџиева — Mon, 19 Aug 2019 12:47:54 +0000

Пожар избувна попладнево во селото Љубин, на потегот кон село Рашче во Општина Сарај. -Гори сува трева и борова шума. На терен се пет возила и 25 пожарникари, информираат за МИА од Територијална противпожарна единица на Град Скопје. Од Протвпожарната единица апелират до граѓаните да бидат внимателни кога се на отворен простор.

Семејна драма во скопско: Бил во врска со братучетка, па се заканувал на чичко му зошто ја верил за друг

Ивона Петрова — Fri, 16 Feb 2018 12:44:15 +0000

Вистинска семејна драма се случувала вчера во скопско Љубин кога Е.Б. (46) од пријавил дека од страна на неговиот внук Е.Б. (19) му била загрозена сигурноста. -Според кажувањето на пријавителот, истиот ден преку Вибер, Е.Б. му испратил пораки со закана дека ќе го убие него и неговото семејство доколку не му ја даде неговата 17 годишна ќерка. Претходно, на 14.02.2018 година околу 23,50 часот му се јавил неговиот братучед А.Б. и го предупредил да внимава затоа што неговиот внук избегал од домот. Тој избегал откако дознал дека пријавителот ја верил неговата ќерка и бил револтиран затоа што бил во љубовна врска со неа, информираат од МВР. Пријавителот, исто така, појаснил дека внукот Е.Б. на 31.12.2017 година ја зел неговата ќерка и два дена биле заедно во хотел во Тетово без негова дозвола, а бидејќи не знаел каде е ќерка му тој ја пријавил за изчезната во Полициската станица.