љубомир цуцуловски – Kurir.mk

Цуцуловски за пожарите: Власта, а со неа и државата, се наоѓаат во ЦЕЛОСЕН КОЛАПС, а на најбезобразен начин се чаталат- никој од нив не помислувал на оставка

Катерина Бојаџиева — Thu, 05 Aug 2021 18:48:21 +0000

ЦЕЛОСЕН КОЛАПС. Што може да се каже во врска со пожарите, кои сѐ повеќе ја зафаќаат Македонија, освен дека власта, а со неа и Државата, се наоѓаат во целосен колапс, како резултат од нечовечната лакомост, самообземеностa и негрижата/неодговорностa за животите и судбините на луѓето, граѓаните, вели универзитетскиот професор и аналитичар Љубомир Цуцуловски. -Дури и животинчето – верверичката, на пример – умее да ги антиципира настаните што следат. Затоа, навреме се подготвува за зимата. Песот, за секој случај, останатата коска, грижливо ја обезбедува/закопува. За разлика од животните/ајванчињата овие (не знам како да ги наречам) ниту едно противпожарно средство не набавиле, ниту постоечките антипожарни средства го сервисирале, ниту на каков било начин се организирале и координирале, пишува Цуцуловски на Фејсбук и додава: „Сепак, на најбезобразен начин се чаталат – никој од нив не помислувал на оставка, бидејќи секој од нив, без каква било грешка, го направил она што требало да го направи. Вината била кај другите. Другитете ја бараат кај првите. И сѐ така, во бескрајно бесрамен круг“.

Цуцуловски: Македонија по три години од договорот со Грција не доби ништо, ама го загуби името и сега има блокада од Бугарија за ЕУ

Катерина Бојаџиева — Wed, 23 Jun 2021 19:40:48 +0000

Мислам дека Македонија е во бездна, но според сите информации кои ги знае секој граѓанин говорат дека ова што се случува во земјава само се продлабочува. Ситуацијата во Македонија е се полоша, рече аналитичарот Љубомир Цуцуловски на гостување во емисијата Што не е јасно што се емитува на телевизија Алфа, коментирајќи ја состојбата во земјава и полседната ситуација со блокадата од Бугарија за старт на преговори за Македонија со ЕУ. „Се знаат работите, но се прикрива. Потоа има неверојатна фрустрираност кај бугарските интелектуалци, значи не говорам за бугарскиот народ. Кај голем дел од бугарските политичари, историчаи и интелектуалци воопшто постои исфрустрираност меѓу претставата и она што се реално. Ова е еден од одговорите на ситуацијата со Бугарија“, вели Цуцуловски. Професорот се осврна и на три години по Договорот со Грција. „Македонија доби една голема клоца и пак е таму кај што беше, само без име или е и полошо. Мене ми е важно градење на земјата, потоа следи дали ќе влеземе во ЕУ. Важно е да ги има вредностите. Договорот не оддалечи од Европа, и го загубивме името“, кажа професорот. Според него она што го говорат од Владата „Македонија испорача е лош термин“. „Тоа е поштарски термин кога нешто се дава, спакувано и тоа не е добро ниту да се зборува кога станува збор за политика“, рече Цуцуловски.

Цуцуловски: Состојбата е критична – доколку пописот се одржи, тогаш неговото одржување ќе предизвика бројни ефекти со негативен предзнак

Тале Кристо — Sun, 28 Mar 2021 12:45:49 +0000

Состојбата е критична, доколку и покрај сите предупредувања Пописот се одржи, тогаш неговото одржување ќе предизвика бројни ефекти со негативен предзнак, пишува на својата Фејсбук страница универзитетскиот професор Љубомир Цуцуловски. Во продолжение интегрален текст од објавата на професорот Цуцуловски: СИТУАЦИЈАТА Е СЕРИОЗНА. Напишав дека ситуацијата е сериозна, макар што е повеќе од сериозна. Таа е критична! Ќе наведам неколку елементи во прилог на оваа теза. (1) Ако и покрај сите предупредувања Пописот се о д р ж и, тогаш неговото одржување ќе предизвика бројни ефекти со негативен предзнак. (А) Ретко кој од населението (особено неалбанското) ќе верува во конечните резултати, бидејќи и самата опозиција не верува дека Законот за попис е донесен според сите законски процедури, ниту верува во неговиот квалитет – особено во предвидената методологија. За таа цел, ВМРО-ДПМНЕ покрена акција за собирање потписи, со кои Законот би бил доведен во прашање, односно повлечен. Меѓутоа, колку и да беше бомбастично најавувана, акцијата е прекината! (Б) Во меѓувреме, некои министри со албанско етничко потекло агитираат маѓу албанската дијаспора за што поголем одзив на Пописот, што не е нивна работа – ниту се избрани за тоа, ниту е нивна надлежност. (В) Накнадна сомнеж во активноста на овие министри внесува фактот што таа е еднострана – не ги опфаќа граѓаните кои не се со албанско етничко потекло, како да не се министри на Република Македонија, туку на Албанија или Косово. (Г) Претходните елементи, како и сомнежот дека не е во ред да се спроведе попис во услови на пандемија, чиј трет бран е во тек и засега најпогубен, ќе доведе до несакани ефекти/ситуации, почнувајќи од вербални негодувања, непуштање на попишувачите во домовите (особено ако не се вакцинирани и ако нивното вакцинирање не е докажано/проверено), па сѐ до отворени тензии помеѓу граѓаните, кои можат да доведат до излегување на улиците и физички пресметки. Тоа, секако, нема да води кон зголемување на стабилизацијата и довербата во државата, особено ако тензиите добијат меѓуетнички карактер, ситуација која не е исклучена. На пример, некои албански лидери отворено тврдат дека резулатите нема да ги прифатат, ако не не опфаќаат одреден процент на етнички Албанци, кои самите го определуваат/наметнуваат. (2) Б о ј к о т о т, според некои, би можел да биде излезот. Меѓутоа, мора да се води сметка дека тој нема да биде целосно спроведен и, според тоа, ни би се добиле точните/валидните податоци за етничката структура на населението, бидејќи бојкотот би одел (најверојатно) по етничка линија. Од друга страна, колку што знам, не е дефинирано/определено колкав процент од населението треба да биде попишан за да може Пописот да биде прогласен за невалиден/поништен. Прашање е и дали е тоа можно, бидејќи за да се определи тој процент однапред би требало да се знае точниот број на населението. Меѓутоа, целта на секој попис е токму тоа – да се определи, помеѓу другото, точниот број на населението. Кога би се знаел, тогаш зошто би се одржувал? (3) О д л а г а њ е на пописот, се чини, е најразуманата одлука. Пописот може да се одложи за есен или за наредната година, бидејќи секое одлагање е подобро отколку попис по секоја цена. Притоа, одлагањето на Пописот не ќе претставува исклучок, бидејќи тоа го направија повеќе држави, меѓу кои САД и Бразил. Во меѓувреме, тензиите би спласнале, а Законот за попис би се подобрил и усогласил со светските стандарди. Ако, сеедно од кои причини, не дојде до одлагање на Пописот, одговорноста подеднакво ќе ја имаат и власта и опозицијата, која ништо (или скоро ништо) не направи на овој план, повлекувајќи се пред наметнатите услови. Конформизмот, пак, не води никаде. Ако некаде води, тогаш не води кон добро, туку кон уште полошо, пишува во својата објава Цуцуловски.

Цуцуловски: Според кој закон граѓаните се должни во својот дом да примаат попишувач, а ако не го примаат ќе бидат казнети со 300 евра?

Тале Кристо — Thu, 25 Mar 2021 13:40:52 +0000

Според кој закон, како и според кој член од тој закон, граѓаните се должни во својот приватен/личен дом да п р и м а т/п у ш т а т лице, макар било и попишувач, и дека ако не го примат ќе бидат глобени до 300 евра?, прашува универзитетскиот професор Љубомир Цуцуловски. Во продолжение интегрално ви ја пренесуваме целата објава на професорот Цуцуловски: СПОРЕД КОЈ ЗАКОН? Време е властите конечно да одговорат на следните прашања: 1.Според кој закон, како и според кој член од тој закон, граѓаните се должни во својот приватен/личен дом да п р и м а т/п у ш т а т лице, макар било и попишувач, и дека ако не го примат ќе бидат глобени до 300 евра? Значи, прашањето не ги опфаќа лицата, партиите, здруженијата или организациите кои повикуваат на бојкот, туку единствено лицата, кои (сеедно од кои причини) не сакаат попишувачите да ги пуштаат во својот личен/приватен дом/посед! Односно, граѓанинот не дека не сака да даде податоци на попишувачот, туку едноставно не прифаќа во домот да му влезе попишувачот или кој било друг без судски налог. Притоа, не барам од властите да толкуваат одреден закон или член, туку директно да укажат на него, без какви било толкувања/замаглувања, бидејќи од таквото однесување на сите им е дојдено преку глава. 2. Која е смислата да се одржуваа попис, ако подолго време клучни лидери, од одредени политички партии, отворено (без никаков срам) се закануваат дека резултатите од Пописот нема да ги прифатат, ако не се постигне – што ќе рече, н а ш т е л у в а! – точно определен процент од одредена етничка заедница? Односно, кому е потребен попис во кој однапред би биле познати/определени резултатите? Или сѐ се сведува на политичка трговија, за чие остварување граѓаните на Република Македонија без каква било мера се заплашуваат? Притоа, со ваквите уценувања граѓаните, самите луѓе, се сведуваат на голи броеви. Сепак, луѓето не се бројки/броеви. П.С. Одржувањето попис во услови на сеопшта пандемија е посебно прашање за кое посебно треба да се одговори и да се о д г о в а р а. П.П.С. Повикувањето на член 51 од Законот за попис на населението, домаќинствата и становите во Република (с) Македонија од 2021 година, не може да биде бараното објаснување, бидејќи со тој член се санкционираат лицата кои одбиваат да ги дадат податоци што се бараат од нив, а не и оние кои не дозволуваат попишувачот да влезе (повторувам: да влезе!) во нивниот дом/посед, пишува професорот во својата објава.

Цуцуловски: Мерките на Филипче се тотално контрадикторни и непродуктивни

Дарко Андоновски — Mon, 08 Mar 2021 17:54:15 +0000

Во вечерашното издание на дебатната емисија „Што не е јасно?“ на ТВ Алфа гостуваше универзитетскиот професор Љубомир Цуцуловски, кој зборуваше за предложениот полициски час од страна на министерот Филипче, како и на другите лоши владини политики. Цуцуловски потенцираше дека здравствената состојба во Република Македонија е загрозена и факт е дека мора да се донесат мерки кои ќе вродат со плод, односно ќе ги намалат бројките, но истакна и дека предложениот полициски час од Филипче е тотално бесмислен и непродуктивен. Тој вели дека одреден период наназад граѓаните сведочат на голем пораст на бројот на заболени и починати граѓани, што е доволен показател колку е сериозна ситуацијата и колку треба институциите да се вложат во борбата со пандемијата. Исто така, Цуцуловски вели дека не треба да се донесуваат одлуки и мерки колку само да се донесат, туку тие да бидат издржани. "Чудно е тоа како умешно се манипулира со бројките од пандемијата, зависно од потребите на одредени политички структури. Факт е дека пандемијата владее и таа некогаш прогресира, некогаш стагнира, но се уште тотално не прекинува. Но, не може драконски мерки да се донесуваат кога следуваат одредени процеси или пак празници. Згора на тоа, власта несомнено сака да го реализира пописот, кој директно влијае врз здравјето на граѓаните, што е спротивно и контрадикторно на она што Филипче го зборува", додаде Цуцуловски. Не може да се бара да примате некого дома и да ве попишува, а од друга страна да велиме дека се бориме со пандемија и треба да се избегнуваат контакти со луѓе. Ниту еден граѓанин не може да биде сигурен дали некој некому ќе пренесе вирус и тоа е доволно за некој да не сака да ја отвори вратата кога некој ќе заѕвони, истакна Цуцуловски. Контрадикторно и спорно е тоа што Филипче сака да спроведе полициски час од 22 до 5 часот наутро, а локалите работат до 21ч. Корона вирусот најверојатно ја има во секој еден момент, а не само по 22 часот, но за тоа најдобро би требало да знае Филипче, иако неговите постапки не го кажуваат тоа, заврши Цуцуловски.

Цуцуловски: Организатор на 27.април е тој што највеќе доби од настаните, никако тие што се осудени не смеат да одговараат за тероризам

Катерина Бојаџиева — Fri, 26 Feb 2021 21:55:05 +0000

Универзитетскиот професор Љубомир Цуцуловски, во „Само Интервју“ на Канал 5 телевизија истакна дека тој што најмногу добил од 27-ми април, тој е и организатор. За луѓето кои на 27-ми април влегоа во Собрание, вели дека не требало да ги судат за тероризам.

Цуцуловски: Погубно е прифаќање на преговори за историја и идентитетски прашања

Катерина Бојаџиева — Fri, 26 Feb 2021 19:23:19 +0000

Погубно е секое наше прифаќање за било каков разговор со Бугарија на теми за историја, идентитет и јазикот смета универзитетскиот професор Љубомир Цуцуловски, кој вели дека добрососедство е економија, развивање туризам, инфраструктура, меѓучовечка соработка, а не разговор за заедничка историја и идентитетски прашања. - Ние со Бугарија можевме да разговараме како да се подобри патната инфраструктура помеѓу двете земји, како да се развие туризмот, за стопанска соработка, а за заедничка историја и идентитетски прашања такви теми воопшто не треба да се прифаќаат, рече Цуцуловски за „Само Интервју“ на Канал 5 телевизија. Тој додаде дека дали Македонците сме Македонци и дали македонскиот народ е македонски, за тоа не се разговара помеѓу комисии, ниту помеѓу држави. - Фактот дека таа комисија е државна говори дека државата преку таа комисија разговара со Бугарија за овие прашања. Што е сегашноста ако не е резултат на минатото. Нема што јас да разговарам дали сум или не Македонец, дали постојам или не постојам, дали Гоце Делчев е Македонец или Бугарин, дали ќе го славиме заеднички. Ако Бугарија сака да го слави, нека го слави, но зошто би го славеле заеднички? Зошто браќата Кирил и Методи или Свети Климент да ги славиме заеднички, вели Цуцуловски. Тој додаде дека апсурдот оди до таму што Чешка и Словачка реагираа на нивното присвојување на сесловенските просветители, затоа што нивното значење е за целиот словенски народ. Во однос на изјавите дека бугарската политика е ваква каква што е сега заради предизборието, вели дека тоа значи дека се обвинува бугарскиот народ за националнистички народ. - Според оваа теза значи дека бугарските граѓани се националисти, па политиката мора да биде националистичка за да може да ги придобие нивните симпатии и така да се победи на избори. Тоа е страшно да го тврдите за сопствениот народ, како што го прават бугарските политичари, нагласи Цуцуловски.

Цуцуловски: Заев треба да каже каде биле службите кои не успеале да го детектираат Мијалков тие два дена

Ивана Ефремовски — Fri, 26 Feb 2021 18:26:15 +0000

Господинот Заев треба да каже каде биле службите кои не успеале да го детектираат болниот или неболниот Мијалков, изјави за „Само Интервју“ на Канал 5, универзитетскиот професор Љубомир Цуцуловски кој додаде дека ова се помалку чудни и збунувачки работи. Тој вели дека според снимката што можевме да ја видиме воопшто не оддаваше дека Мијалков претходната ноќ имал температура 40 степени, бидејќи делувал доста добро, лежерно со доста цврст и енергичен глас. - Затоа прашањето е што всушност се случувало тие 46 или 48 часа. Власта треба да каже што точно се случувало и зошто не можела да направи контрола на една земја која е според своите димензии сосема мала и мал број на население каде секој со секого е братучед или во некаква сватовска врска, рече Цуцуловски. Според Цуцуловски оправдувањата дека виновен е системот и префрлањето на вината од едни на други, единствено значи замаглување на јавноста и дека власта не функционира како што треба. -Замаглување е дека виновен е системот, бидејќи системот не е сам по себе, системот е тоа што луѓето прават преку институциите, така што во прашање е функционирањето на системот кој зависи од функционирањето на другите. Власта самата на себе си префрла одговорност, односно едни делови на власта на други. Кога власта почнува вината да ја префрла тоа значи дека власта не функционира добро и не би дошло до такво несовпаѓање на изјавите и префрлање на вината, потенцира Цуцуловски. Тој додаде дека во Македонија постојат повеќе заврзани ткива кои меѓусебно се спротивставени, но можеби и соработуваат и тоа донекаде го објаснува помалку зачудувачкиот феномен, како се бара човек во една земја која е три педи. -Земја која не живеат ни 2 милиона граѓани, да го барате два или три дена, да распишувате меѓународна потерница, а потоа тој самиот да се појави и да не знаете од каде дошол и каде бил, а претходно, пред да го снема го имале пред своите очи. Тоа се помалку чудни и збунувачки работи, нагласи Цуцуловски.

Цуцуловски: Лошата политика на Заев води до создавање на две Влади, две општества

Ивана Ефремовски — Tue, 08 Sep 2020 17:15:06 +0000

Денес во емисијата „Што не е јасно“ гостуваше Љубомир Цуцуловски. При своето гостување тој посочи дека досега никогаш не се довело во прашање постоењето на македонската нација, историја и јазик како денес. Сето зло овие години кое се нанесе на нашата држава единствен виновник за тоа е незаконската, нелигитимната влада која ја предводи Заев. -Ние не само што имаме две паралелни влади, туку постојат и две паралелни општества условно кажано во македонската држава. Едното општетсво условно кажано е македонското, другото апаралелно општетство е албанското. Само еден мал пример – постои да речеме стопанска комора на Северозападна Македонија која е чисто етнички изградена. Значи се градат паралелни институции кои што можат да послужат како добра база за утрешното и формално прогласување не само формирање на две влади, на две паралелни општества, туку и раздвојување на тие две општествени заедници бидејќи некој наводно ќе заклучи дека животот и соживотот е неможен, истакна Цуцуловски. Цуцуловски додаде дека оваа влада е на апарати, влада која што тешко може да издржи цел мандат. -Ние денес имаме псевдо Собрание што е налик на Собрание. Но за жал имаме и псевдо образование кое што оди онлајн, тука ќе немате директна комуникација кој е најбитниот дел во образовниот процес помеѓу наставникот и учениците. Ќе имаме квази спортски настани, фубал, ракомет без публика. Се ќе ликува на нешто, но нема да е тоа што треба да биде, нагласи Цуцуловски. Цуцуловски посочи дека оваа влада носи непромислени одлуки кои можат да наштетат на граѓаните и во нивното секојдневно живеење. -Оваа влада како што дојде на власт така продолжија да владеат. А, како ќе владеат историјата покажува така најчесто и змаинуваат, рече Цуцуловски. Цуцуловски појасни дека оваа влада продолжува по старата навика едно да ветат, едно да прават.

Цуцуловски: Нека не се трудат дворските толкувачи да ја ублажат изјавата на Заев за преименувањето на училиштата

Ивана Ефремовски — Wed, 04 Mar 2020 14:37:29 +0000

Професорот Љубомир Цуцуловски порачува дека залудни се обидите да се ублажат или демантираат изјавите на Зоран Заев поврзана со преименувањето на училиштата. „ВЕЌЕ ОДАМНА... Веќе одамна не постои причина тоа што ќе го изјави некој македонски политичар, накнадно да се демантира, да се објаснува или дообјаснува, бидејќи граѓаните одамнаа научија изјавите да ги објаснуваат обратно/спротивно од кажанато. Ако кажале „Да“, значи мислеле „Не“; ако мислеле „Не“, кажале „Да.“ Ова го потврдува вчерашната изјава на Заев, поврзана со преименувањето на училиштата „Никола Вапцаров“ и „Рајко Жинзифов.“ Нека не се трудат ниту тие, ниту нивните дворски егзегети/толкувачи да објаснуваат што изјавувачот сакал да изјави. Така ќе се заштеди на време, на медиумски простор и на вишокот вработени егзегети/толкувачи, како непотребен буџетски баласт. Башка, според бугарските историчари/политичари, тие биле Бугари. Тогаш, што ќе ни се? И, зарем за нив ќе ги нарушуваме добрите односи со соседната држава? П.С. Кој рече дека ништо не е случајно? Срам да му е!“-напиша тој на својот Фејсбук профил.