Љубомир Ѓурчевски – Kurir.mk

Ѓурчевски: До сега некој требаше да понесе одговорност, но ние како држава како да заборавивме што е тоа морална одговорност

Магдалена Андонова — Thu, 25 Nov 2021 19:43:53 +0000

Поранешниот началник во Министерството за внатрешни работи, Љубомир Ѓурчевски во „10 Минути“ на ТВ21 посочи дека досега некој требаше да понесе одговорност заради тоа што поради системски слабости се дозволило да дојде до ситуација да ни се случи толкава трагедија. - За морална одговорност мислам дека ние како држава сме заборавиле што е тоа морална одговорност години наназад. Инаку, во најмала рака, во еден ваков случај требаше да си поднесат оставка од морални причини министерот за внатрешни работи, помошникот директор за сообраќајни работи, директорот во Бирото за јавна безбедност, министерот за транспорт и врски, директорот на Царина, помошник министерот во министерството за транспорт и врски надлежен за лиценцирање на патничкиот превоз, додаде Љубомир Ѓурчески додавајќи дека после два дена ние гледаме дека нема ни најава за морална одговорност. Тој посочи дека истрагата треба да одговори што било пресудно за да се случи автобуската несреќа, особено за причините што предизвикало да има и толку голем број жртви. Додаде дека истражителите треба да посветат внимание околу тоа за кое се наведува дека во автобусот имало туби со бензин и петарди. - Истражителите треба да посветат најголемо внимание околу точноста на оние индиции кои што укажуваат на присуство на запаливи течности кои што по ниту еден основ не смееле, тоа е горивото во туби, не смееле да се најдат во автобусот и не смееле да се најдат опасни експлозивни материи како што се петардите. Знаете што значи 35 илјади парчиња петарди, тоа е повеќе од 2 – 3 рачни бомби. И можеби затоа имаме таква експлозија. Тоа треба да го потврдат истражителите, ние сеуште само поставуваме верзии кои што треба да бидат елиминирани, затоа што ако ова се докажи како точно, ќе има огромен револт кај семејствата на починатите спрема превозниците, а особено према фирмата која што го организирала превозот, истакна Љубомир Ѓурчески. Според негово мислење, најголемите недоследните се прават заради ситни профити на поединци кои што се присутни во општеството, додека корупцијата ни ги разгради правните системи. - Контролните механизми кај нас и коруптивните елементи во вкупниот систем имаат и те како битен допринос во ваквите трагедии кои ни се случуваат како оваа последнава. Корупцијата ни ги разгради правните системи, затоа што ние се доведовме во ситиуација, да превозниците кои што се дрзнуваат да прават вакво кривично дело и да ги доведуваат во опасност патниците, тие се сигурни дека безбедно ќе ја поминат границата за 20, 30, 50 или 100 евра дека ќе ја поминат границата и дека безбедно ќе пренесат 35 илјади петарди, илјада литри гориво доведувајќи ги во опасност и загрозувајќи ги живототе на луѓето. Тоа е најтешкото кривично дело и затоа викаме дека за овие кривични дела истрагата мора да даде одговори, рече Ѓурчевски.

Ѓурчевски: МВР и обвинителството направија огромен пропуст со расветлување на скандалот со пасоши за мафијаши

Тале Кристо — Fri, 25 Jun 2021 17:52:01 +0000

Во Македонија имаше патни испрати за оние кои се занимаваат со криминал кој влијае на безбедноста на државите, ама не и за граѓаните, рече поранешниот началник во МВР Љубомир Ѓурчевски на гостување во емисијата Што не е јасно што се емитува на телевизија Алфа. -Зошто нема обрасци за пасочи, лични карти, и другите обрасци? Па името е променото пред две години, а тие не успеаја да спроведат јавни набавки и граѓаните да ги остварат своите права, сега министерот вели склучен е договор за 11 милијарди денари договор, а не знае јавноста ништо во врска со тендерот за пасоши, за таблички, за лични карти. И постапката течела, ама некој заборавил на граѓаните, рече Ѓурчевски. Кога зборувам за светски моќници зборувам за високите претставници на ЕУ и НАТО, затоа што нивната горчина што се издавани пасаши на мафијаши, допрва ќе ја видиме зошто Македонија штити големи криминалци кои ги гонат големите држави. -МВР требаше списокот да го достави до сите држави во светот и кој идентитет на кој е даден за да ако лицето се појави на граница да биде проверено и МВР требаше веднаш да го извести обвинителството. Обвинителството потфрли во класификација на делото каде не станува збор само за злоупотреба на службена должност, рече Ѓурчевски.

Ѓурчевски: Одговорноста за аферата МАФИЈА треба да ја сноси министерот Спасовски

Магдалена Андонова — Sat, 10 Apr 2021 14:59:10 +0000

- Невидениот скандал со над 200 пасоши што им беа дадени на меѓународни мафијашки босови, оштети над 1000 истраги спроведени од различни држави. Експертите проценуваат дека скандалот ги нарушил принципите на Интерпол и го нарушил имиџот на земјата. Мега-скандалот што им обезбеди на криминалците „скриен азил“, ќе биде забележан во сите извештаи на меѓународните институции, вели Лубомир Ѓурчевски, поранешен помошник во МВР, а пренесува Алсат. Тој смета дека за оваа држава ќе биде многу тешко да ја исчисти таканаречената црна дамка, и вели дека најмалку што може да се направи е да се вклучи ЕУ во расчистување на овој случај. Ѓурчевски посочи дека според него постапката за издавање пасош не е едноставна и дека не може да ја спроведе само референт па затоа одговорноста треба да ја сноси шефот на министерството за внатрешни, Оливер Спасовски.

Ѓурчевски: ЈО е должно да отвори истрага за снимката со Ден Дончев, бидејќи има индиции за сторено противправно дело

Ивана Ефремовски — Wed, 24 Jun 2020 06:38:43 +0000

Прикажана снимка која се појави на интернет со Ден Дончев како зема пари има индиции и основани сомненија дека е сторено противправно дејствие за кое што треба да се отвори истражна постапка, изјави магистерот по безбедносни науки Љубомир Ѓурчевски во „Што не е јасно“ на Алфа Телевизија. Тој истакна дека согласно Законот за кривична постапка, Јавното обвинителство е должно да отвори истрага, а дали таа истрага ќе финишира со обвинителен акт или ќе се потврди дека нема докази за сторено кривично дело, тоа ќе покажат дејствијата кои се должни да ги преземат. -Никој нема намера да преадуцираме вина, но држат сите дилеми кои се наметнуваат, дали се работи за приватна работа, по кој основ се земени парите, зошто се земени во кеш, дали тоа не се пари од друго кривично дело итн, рече Ѓурчевски. Тој посочи дека Јавното Обвинителство треба да си ја поправи грешката и да отвори истрага и тоа е во интерес на јавноста и на странките да се докаже вистината. -Доколку постојат основани сомненија и тие се потврдат со докази тогаш ќе следи обвинителен акт, па судот ќе оцени дали тие докази го потврдуваат кривичното дело, или не. Од без проблем сега создаваат проблем, каде јавноста ја вмешува политиката и кажува дека обвинителството е исполитизирано и се става во услуга на заштита на политички личности и се потврдува тезата дека неказнивоста е на големо ниво каде политичките елити никако да се судрат со правдата, заклучи вчера Ѓурчевски.