Љубомир Јосифовски – Kurir.mk

Екс-пратеникот Јосифовски независен кандидат за Скопје

Дарко Андоновски — Fri, 27 Aug 2021 11:51:27 +0000

Некогашниот пратеник Љубомир Јосифовски ќе се кандидира како независен кандидат за градоначалник на главниот град Скопје. Тој денеска на социјалните мрежи објави дека собира 1.000 потписи и дека ја поднел својата кандидатура до Државната изборна комисија (ДИК). Јосифовски е предложен од „Група граѓани“ и како независен кандидат ќе се бори за град Скопје, а потписите за него веќе се собираат.

Јосифовски: Четири години владеете и се што кажавте, ИЗЛАЖАВТЕ

Катерина Бојаџиева — Wed, 18 Aug 2021 17:29:01 +0000

Четири години владеете и се што кажавте, ИЗЛАЖАВТЕ...До пред 6 години, едни ДРУГИ се изживуваа, не малтретираа и не натераа да излеземе на улица. Знаеме како ја платија цената, пишува Љубомир Јосифовски, екс- пратеник на НСДП. -ВАМ времето уште првата година ви помина, но добивавте шанса и пораки, со надеж дека ќе се поправите и ништо не послушавте. Памет очигледно не ви иде... ВЕДНАШ ДА ГИ УКИНЕТЕ тоа дискриминаторските одлуки и забрани со селекции и поделби, затоа што последиците и сите штети се на ВАША одговорност. Ако не сте кадарни и незнаете како, уште денес ОСТАВКА да си поднесете. Инаку..... НАРОД ЌЕ ВИ СЛУЧИ, НАРОД... Кај и да е, јас ќе го најдам пенкалото и пак излегувам на улица деновиве ... Сам, двајца, тројца... небитно П.С Нема само улица да остане... Се гледаме и на избори, директно во рингот....

Јосифовски: Заев и Пендаровски не смеат да си дозволат за полемизираат за историјата и македонштината

Дарко Андоновски — Wed, 23 Sep 2020 17:31:19 +0000

Екс пратеникот на НСДП Љубомир Јосифовски во гостување во емисијата Анализа на ТВ 24, вели дека ниту премиерот Зоран Заев, ниту шефот на државата Стево Пендаровски не смееле да си дозволат да ја полемизираат за историјата на Република Македонија и македонштината. -Мислам дека претседателот Пендаровски се залепи на она што веќе во континуитет трае извесни три години, од моментот на потпишување на договорот за добрососедство со Република Бугарија и тука ја гледам и неговата најголема грешка. Но не само неговата грешка, туку исто така и на премиерот Заев. Договорот за добрососедство со Република Бугарија, е договор кој што се заснова помеѓу две држави. Чин каде што одлучуваат и потпишуваат политичарите во име на граѓаните. Она што не смееше ниту претседателот, ниту премиерот да си го дозволат е моментот да ја дискутираат историјата на Република Македонија, не смеа да си дозволат да влезат во полемика за македонштината, не смеа да влезат во полемика и да аргументираат туѓи изјави на наши пресови како факти, вели Јосифовски. Јосифовски, вели дека Македонија е држава со сопствена историја, укажувајќи дека политичарите треба да треба да се иземаат од разговори, преговори и факти кои што можат да ги толкуваат само историчарите. -Република Македонија е држава која што има сопствена историја, која ја негува со векови и кој што секој ќе допре до нејзе ќе наиде на еден одбранбен штит кој што е многу голем иако во моментот сите мислам дека поминува многу лесно. Она што е битно е што во најкраток можен рок политичарите кои што ја управуваат државата треба да се иземаат од разговори, преговори, и факти кои што можат да ги толкуваат само историчарите, рече Јосифовски.

Јосифовски се сомнева дека е приведен поради политички реваншизам: Не сум хакер, ниту пак сум упаднал во системот

Ивана Ефремовски — Tue, 03 Sep 2019 12:05:21 +0000

Поранешниот пратеник Љубомир Јосифовски негира дека извршил било каков упад во компјутерскиот систем на Централен регистар. Според него, ова можеби е политички реваншизам, иако, како што нагласува, не би сакал да верува дека станува збор за политика или за осветништво од страна на Тито Петковски и луѓето околу него. -Вчера ми се јавија од полициската станица Беко и ме повикаа на разговор. Ме држеа 9 часа. Ми кажаа дека сум обвинет за компјутерски упад во системот на Централен регистар, иако не ми покажаа ништо конкретно како доказ дека сум направил такво нешто. Јас како сопственик на фирма сум 10 години корисник на податоците од Централен регистар. Десет години сум претплатни според официјалниот ценовник на регистарот и користам јавно достапни информации, вели Јосифовски во изјава за „Слободен печат“.

Приведен опонентот на Тито Петковски за лидерското место во НСДП

Ивана Ефремовски — Tue, 03 Sep 2019 11:42:52 +0000

Поранешниот пратеник Љубомир Јосифовски синоќа бил приведен и однесен на распит во полициската станица Беко. Јосифовски беше пратеник на НСДП во претходниот паламентарен состав. Му беше директен ривал на Тито Петковски за позицијата лидер на НСДП. Јосифовски се сомничи за неовластено влегување во комјутерскиот систем на Централниот регистар. -Секторот за компјутерски криминал и дигитална форензика во Биро за јавна безбедност при МВР на РСМ, на 02.09.2019, по претходно доставена пријава од страна на Централниот регистар на Република Северна Македонија и консултација со надлежен јавен обвинител од ОЈО Скопје, го лиши од слобода лицето Љ. Ј. (46) од Скопје поради постоење основи на сомнение за сторено кривично дело „Оштетување и неовластено навлегување во компјутерски систем“, предвидено и казниво по чл.251 од КЗ на РСМ, информираат денеска од МВР. Опонент на Тито Петковски за лидерското место во НСДП Пред изборот на претседател на НСДП, која од формирањето во 2005 ја предводи основачот Тито Петковски, поранешниот пратеник од оваа партија, Љубомир Јосифовски, ја разбранува јавноста со внатрепартиските односи. -Имаше конфликт, не се согласував со тоа што тој ја злоупотреби позицијата како претседател. Согласно статутот на НСДП секој член има право да бира и да биде избран. Јас поднесав кандидатура пред еден месец и истата беше поздравена од Тито Петковски и од органите на партијата. Кога се соочи со реалноста дека не може да биде избран одлучи да направи радикален чекор и да ги изманипулира членовите на Централниот одбор, изјави лани Јосифовски за „Фокус“. По ова интервју, Јосифоски обелодени дека Петковски ја злоупотребувал функцијата во својата партија. Обвини дека Петковски спроведува диктатура, недозволувајќи демократија.

Познато е за што е осомничен поранешниот пратеник Јосифовски

Ивана Ефремовски — Tue, 03 Sep 2019 11:06:19 +0000

Поранешниот пратеник Љубомир Јосифовски на распит во полициската станица Беко Поранешниот пратеник од редовите на НСДП Љубомир Јосифовски синоќа бил приведен на распит во полициската станица Беко во Скопје. Јосифовски се сомничи за неовластено влегување во комјутерскиот систем на Централниот регистар. -Секторот за компјутерски криминал и дигитална форензика во Биро за јавна безбедност при МВР на РСМ, на 02.09.2019, по претходно доставена пријава од страна на Централниот регистар на Република Северна Македонија и консултација со надлежен јавен обвинител од ОЈО Скопје, го лиши од слобода лицето Љ. Ј. (46) од Скопје поради постоење основи на сомнение за сторено кривично дело „Оштетување и неовластено навлегување во компјутерски систем“, предвидено и казниво по чл.251 од КЗ на РСМ, информираат денеска од МВР.

Приведен поранешен македонски пратеник (ФОТО)

Ивана Ефремовски — Tue, 03 Sep 2019 10:10:44 +0000

Поранешниот пратеник Љубомир Јосифовски синоќа бил приведен и однесен на распит во полициската станица Беко, дознава Сител од извори во истрагата. Полицијата потврдува дека бил приведен, но засега не се познати детали за случајот. Според неофицијални информации тој се поврзува со делото "неовластено навлегување во компјутерски систем", објави телевизијата. Според извори од полицијата се истражува неовластено навлегување во комјутерскиот систем на Централниот регистар. Се очекуваат повеќе детали за случајот. Љубомир Јосифовски беше пратеник на НСДП во претходниот паламентарен состав. Му беше директен ривал на Тито Петковски за позицијата лидер на НСДП.