Љубомир Савевски – Kurir.mk

Савевски веќе не е селектор на македонските ракометарки

Ивана Ефремовски — Fri, 05 May 2023 09:40:29 +0000

Ракометната федерација на Македонија (РФМ) соопшти попладнево дека 66-годишниот стратег Љубомир Савевски веќе не е селектор на женската сениорска ракометна репрезентација. Двете страни, како што е соопштено, „заемно се спогодија да ја прекинат соработката околу ангажманот на женските ракометни категории“. Савевски беше назначен за селектор и координатор на националните селекции во женска конкуренција во летото 2021 2021 година. Прекинот на соработката доаѓа еден месец по неуспехот на македонската сениорска женска ракометна репрезентација да избори пласман на Светското првенство, по двата порази во мундијалскиот бараж од Украина (22-24, 22-31). (МИА)

Савевски: Ќе преземам одговорност ако не направиме напредок

Бошко Тасиќ — Sun, 09 Apr 2023 05:35:32 +0000

Сите категории на женскиот ракомет веќе некое време се комплетно водени од координатор-тренерот Љубомир Савевски, по поразот од Украина посочи дека ќе преземе одговорност и нема да го продолжува договорот доколку не види напредок во најсилната репрезентација. Македонија загуби на домашен терен од Украина со резултат 22:24 во првиот бараж за настап на Светското првенство, па иако Савевски се надева на подобро издание во Унгарија и надополнување на негативата од два гола, не пропушти да нагласи дека е подготвен да преземе одговорност. – Што да ви кажам, разговараме година и пол за ова. Истото ни се случи против Словенија, Црна Гора. Премногу сме импресионирани кога играме на домашен терен и играме подобро на гости. Во првиот дел, изгледаше како да не сме работеле ништо во овој изминат период. Второто полувреме беше сосема поразлично, некои млади ракометарки покажаа дека можат многу повеќе.Се надевам дека во Унгарија ќе покажеме многу подобра игра и целосно издание во двете полувремиња. Два разлика не е голема негатива, Украинките не се како другите големи екипи од Европа и прават доста грешки, мислам дека имаа девет технички грешки во вториот дел. Со овие играчи, ако бидеме мотивирани, ќе одиме да изненадиме на неутрален терен, нема друго што да правиме. Загубивме дома, се надевавме на четири-пет разлика за нас, но во многу ситуации не ни помогнаа ниту судиите. Ни останува да се поправиме и да видиме на кое место сме. Мојот договор е до септември, ако не успеам да направам напредок, ќе поднесам одговорност, – изјави Савевски.

Савевски: На ЕП не разочаравме, иако не ја поминавме групата

Ивона Петрова — Wed, 05 Apr 2023 11:06:12 +0000

Селекторот на македонската женска ракометна репрезентација, Љубомир Савевски претпладнево пред Управниот одбор на Ракометната федерација на Македонија го презентираше извештајот за настапот на Европското првенство 2022. Савевски е задоволен од игрите на македонските ракометарки, иако тие не успеаја во намерата да се пласираат во втората фаза. -Не ја поминавме групата, но не разочаравме. Игравме против Франција, Холандија и Романија кои се реално поквалитетни од нас. Загубивме на трите средби, можевме повеќе, но ова е вистинската слика за нас во моментов. Кај другите репрезентации интернационалките се носителки во своите клубови, додека нашите не се во таква позиција, истакна Савевски. Селекторот напредокот го гледа во формирање клуб-репрезентација и многу повеќе заеднички тренинзи. - Треба да се обидеме да создадеме клуб-репрезентација со што најквалитетните ракометарки ќе бидат заедно на исто место. Занем дека во моментов тоа е невозможно. Затоа инсистирав на што повеќе заеднички тренинзи. Ваквиот начин на работа даде видлив напредок, истакна Савевски. Македонските ракометарки на 8 април во СЦ „Борис Трајковски“ ја пречекуваат Украина во првиот меч од пресметката за пласман на Светското првенство 2023.

Савевски: Верувам дека Македонија може преку Украина до пласман на СП

Бошко Тасиќ — Tue, 04 Apr 2023 05:07:12 +0000

Женската ракометна репрезентација на Македонија ја очекува бараж двомечот проти Украина за пласман на Светското првенство кое на крајот на годината ќе се игра во Данска, Норвешка и Шведска. Селекторот на репрезентацијата, Љубомир Савевски пред почетокот на подготовките вели дека Украина е мал фаворит, но со помош на публиката во Скопје се надева дека по враќањето на Европските шампионати, Македонија ќе биде дел и од Мундијалот. „Според европските анализи Украина е мал фаворит во овој двомеч, но ние не смееме да се жалиме. Украина е ривал по мерка за враќање на репрезентацијата на Светските првенства. Иако има квалитетни ракометарки, не е репрезентација која во моментов се наоѓа во самиот европски и светски крем. Се надевам дека со помош на македонската публика ќе славиме на првиот меч во Скопје и дека тоа ќе ни даде ветер во грб и за реваншот. Верувам дека Македонија по долга пауза може да се врати и на Светските првенства“, изјави Савевски. Македонија првиот натпревар против Украина го игра на 8. април (сабота) во СЦ „Борис Трајковски“ во Скопје, додека реваншот кој ќе се игра на неутрален терен во Унгарија е закажан за 11. април.

Савевски го објави списокот ракометарки за мундијалскиот бараж со Украина

Бошко Тасиќ — Sat, 01 Apr 2023 11:32:42 +0000

Сениорската женска репрезентација на Македонија во рамки на женска ЕХФ неделата која започнува од 03.04 ќе оддигра натпревари против репрезентацијата на Украина во европските квалификации за пласман на Светското првенство Мундијалот ќе се оддржи во Данска, Норвешка и Шведска во период од 29 Ноември до 17 Декември 2023 година. На овој Мундијал покрај домаќините, учество на првенството обезбедија од Европа репрезентациите на Франција, Црна Гора и Холандија, од Африка репрезентациите на Ангола, Камерун, Конго и Сенегал, од Јужна Амерка репрезентациите на Аргентина, Бразил, Чиле и Парагвај, и од Азија репрезентациите на Кина, Иран, Јапонија, Казахстан и Јужна Кореја. Сениорките натпреварите ќе ги оддиграат на 08 Април во Скопје, во СЦ “Борис Трајковски”, а три дена подоцна ќе го оддиграат реванш во Кишварда, Унгарија.

Савевски објави список од 35 ракометарки за мундијалскиот бараж против Украина (ФОТО)

Бошко Тасиќ — Tue, 28 Mar 2023 04:26:27 +0000

Женската ракометна репрезентација на Македонија ја очекува бараж двомечот против Украина за пласман на Светското првенство кое на крајот на годинава ќе се одигра во Данска, Норвешка и Шведска. Дуелите со Украина се закажани за 8 и 11 април, а на првичниот список на селекторот Љубомир Савевски се најдоа 35 ракометарки. Најголемиот дел се од домашното првенство, односно на листата имаме „само“ 12 интернационалки. Средбите се играат во Скопје и Кишварда.

Савевски го соопшти списокот на ракометарки за дуелите со Турција

Бошко Тасиќ — Fri, 24 Feb 2023 06:05:08 +0000

Најдобрата македонска женска ракометна репрезентација ќе одигра две средби против селекцијата на Турција во рамките на ЕХФ неделата. Истите се закажани за 2 и 4 март во Анкара, а за истите селекторот Љубомир Савевски се реши да повика 18 ракометарки. Најголем дел се од домашното првенство, односно само шест се интернационалки и тоа Мицевска, Саздовска, Ристовска, Петковска, Кипријановска и Дабевска. Првиот собир е закажан за 27 феваруари во хотелот Александар Палас во Скопје.

Савевски без две важни ракометарки за ЕХФ неделата во март

Бошко Тасиќ — Sat, 18 Feb 2023 05:03:25 +0000

Селекторот на женската ракометна репрезентација, Љубомир Савевски нема да смета на две репрезентативки од првиот состав за престојната ЕХФ недела. Имено, поради повреди на престојниот собир во март, во составот на Македонија која има закажано и две контроли со Турција нема да бидат Симона Маџовска и Моника Јаневска. Маџовска, која игра во Германија е повредена и засега не се знае колку долго ќе биде надвор од терените. Моника Јаневска, пак, во тој период ќе има клупски обврски и не ќе може да им се приклучи на репрезентативките. Македонија во април ја очекува двомеч со Украина за пласман на Светското првенство во Данска, Шведска и Норвешка кое ќе се одржи во декември.

Савевски: Ако успееме да ги ставиме работите во прав колосек, можеме да се надеваме на добри резултати

Бошко Тасиќ — Sun, 11 Dec 2022 15:46:12 +0000

Македонската женска ракометна репрезентација на годинашното Европско првенство што се играше во Скопје, Подгорица и Љубљана, забележа три порази (Франција, Холандија и Романија). Општиот впечаток е дека не ги разочара гледачите кои доаѓаа да дадат поддршка во СЦ „Борис Трајковски”. Токму за овие впечатоци и атмосферата во тимот, МИА разговараше со селекторот на женската ракометна репрезентација, Љубомир Савевски. Според пласманот, нашата репрезентација заврши на последното, 16. место, но, и покрај тоа, ракометарките добија овации на сите три натпревари. Селекторот вели дека е задоволен од прикажаното на неговите избранички. – Задоволен сум од борбеноста, исклучителната борбеност, мотивираност. Тоа се гледаше на почетокот, при интонирањето на химната, при играта, нивната желба за победа. Ова, на крај беше наградено од публиката со аплауз и со овации на изненадување на сите нас, затоа што сепак, нели, не победуваш, а публиката е со вас. Тоа покажува дека сепак има интерес за ракометот во женска категорија во Македонија и дека ако успееме да ги ставиме работите во прав колосек, можеме да се надеваме во блиска иднина да ќе учествуваме на другите натпревари и да покажеме добри резултати. Савевски споделува дека уште на почетокот знаеле дека ја имаат најтешката група, но, тоа не ги спречило да се надеваат на победа. – Сите три репрезентации беа со олимписки, европски и светски прваци. Рековме дека би биле пресреќни ако успееме да изненадиме еден од противниците. Токму тука ја гледавме шансата на последниот натпревар со Романија. Сите сили ги усмеривме да направиме некое изненадување, да ја победиме репрезентацијата на Романија и да се пласираме во вториот круг. Првото полувреме го одигравме одлично и некаде во 40-45-та минута и потоа, после нашите последователни грешки од еден-два разлика дојде до шест разлика и беше готово.

Савевски: Против вакви противници мора да внесеме 200% од силите

Бошко Тасиќ — Wed, 09 Nov 2022 19:08:56 +0000

Селектроот на женската ракометна репрезентација Љубомир Савевски на официјалната прес-конференција издвои пофалби за нашата игра и залагање. „Среќен сум што покажавме добар ракомет во првиот дел и до средината на вториот дел. Имавме само 23 гола од 54 удари, што покажува дека имавме лоша ефикасност. Но, кога играте со срце нема што да се замери на девојките. Мора да внесеме 200% од нашите можности против вакви противници.Свесен сум дека ме критикуваат за внесувањето на неколку кадетки, но тоа се квалитетни девојчиња и во иднина ќе бидат подобри. Сепак, немавме енергија за сите шеесет минути. Се обидов со неколку измени, но тоа не е истото ниво. Ни падна и моралот, го загубивме и ритамот кога промашивме путеви од шест метри, зицери... Немавме идеја со десничар на позиција десен бек, но тоа не функционираше. Се обидовбме со Кипријановска, но и тоа не функционираше. Не сум многу разочаран, наидовме на тешка група и ќе беше поинаку ако имавме друг тип на противници во групата. Но, сега мора да се осврнеме на квалификациите за Светското првенство во април, да направиме мали корекции и да бидеме уште подобри“, заврши селекторот Савевски.