Љубомир Врањеш – Kurir.mk

Љубомир Врањеш ја заврши тренерската кариера

Бошко Тасиќ — Fri, 21 Jul 2023 04:23:38 +0000

Љубомир Врањеш, во изјава за германските медиуми истакна дека нема намера да продолжи во тренерските води. Новиот спортски директор на Флеснбург дефинитивно се повлекува од спортските терените и во иднина ќе биде целосно посветен на неговата нова функција. Швеѓанецот со српско потекло најголемиот дел од својата кариера ја помина во Фленсбург, таму беше играч, потоа стана тренер, ја освои титулата во Лигата на шампионите во сезона 2013/14 и од претстојната сезона ќе има нова улога во некогашниот европски шампион.

„Не сакам да се вратам на клупата на Флензбург. Целта ми е да останам на функцијата спортски директор на клубот во наредните десет години“, изјави Врањеш.

Љубомир Врањеш нов тренер на Ним

Бошко Тасиќ — Tue, 14 Jun 2022 20:53:21 +0000

Екипата на Ним за следната сезона на тренерската функција го ангажираше Љубомир Врањеш. Искусниот тренер клупата на францускиот клуб ќе ја преземе од тренерската палка на Јан Балмосиер, кој беше привремено решение на тренерската позиција откако Франк Морис го напушти клубот. Врањеш и Ним се договорија на четиригодишна соработка. Врањеш во Ним ќе пристигне од бундеслигашот Рајн Некар. Во таборот на „лисиците“ беше назначен за тренер по неуспехот со словенечката репрезентација на Европското првенство оваа година, но бидејќи раководството на Рајн Некар реши да ангажира нов тренер за следната сезона.

Врањеш доби отказ и за 24 часа доби нова работа

Бошко Тасиќ — Wed, 19 Jan 2022 19:34:21 +0000

Само неколку часа по отказот од кормилото на словенечката ракометна репрезентација, Љубомир Врањеш беше промовиран за тренер на германскиот Рајн Некар Се чини дека неговиот неуспешен настап на актуелното ЕУРО не беше разочарувачки, па одлучија да му ја доверат клупата. Врањеш веќе има искуство во Бундес-лигата кога го водеше тимот на Фленсбург од 2010 до 2017 година, со кој во 2014 ја освои и Лигата на шампиони.

Врањеш заработи отказ и веќе нема да биде селектор на Словенија

Бошко Тасиќ — Wed, 19 Jan 2022 08:50:51 +0000

Најголемото разочарување на ЕП, е селекцијата на Словенија која беше елиминирана уште во првата фаза, Љубомир Врањеш не е повеќе предводник на репрезентацијата на Словенија откако по доаѓањето дома федерација на оваа земја експресно му врачи отказ. Две години по полуфиналето на Европското првенство, Словенија категорични отфрли можност шведскиот стратег да го продолжи развојот на селекцијата. Со Врањеш на клупата Словенија беше девеетта на Мундијалот пред дванаесет месеци во Египет, а подоцна не се квалификува за олимпискиот турнир во Токио. Во следниот период федерацијата ќе го избере новиот селектор, а низ медиумите во Словенија се споменуваат повеќе имиња. Најсериозни кандидати се тренерот на Тримо, Урош Зорман, австрискиот селектор Алеш Пајовиќ, поранешниот селектор Борис Дениќ и тренерот на Нексе, Бранко Тамше.

Врањеш: Ние покажавме нервоза, но покажавме и дека сме добар тим

Бошко Тасиќ — Thu, 13 Jan 2022 19:36:11 +0000

Селекторот на машката ракометна репрезентација на Словенија Љубомир Врањеш е задоволен од играта на своите момци, бидејќи игра со балканска репрезентација и во вакви натпревари секогаш се е можно. „И благодарам на Македонија за добрата игра беше тешко направија добра работа, одиграа добро. Ние покажавме нервоза, покажавме и дека сме добар тим. Зборуваме балканска репрезентација, затоа сум задоволен, меѓудругото освоивме два бода. Играчите се бореа, немавме добра реализација, но два бода. И посакувам на Македонија, многу среќа во следните мечеви, ќе се обидеме да уште подобри во следните мечеви“, изјави Врањеш на прес-конференцијата.

Врањеш: Македонија е репрезентација со ракометари кои играат со целото свое срце за својата земја

Бошко Тасиќ — Sat, 08 Jan 2022 08:33:48 +0000

Македонската машка ракометна репрезентација во првото коло од ЕП во ракомет на (13. јануари) ќе ги одмери силите со Словенија. Селектортот на оваа земја Љубомир Врањеш добро знае дека има посилен состав, и е доволно свесен дека Македонија и тоа како може да биде опасна. Врањеш во интервју за „сиол.нет“ зборуваше за првата средба токму против Македонија. „Сакам да поставувам цели кои се реални. А нашата прва вистинска цел е победа против Македонија. Тие се веројатно најлошиот прв противник што би можел да го посакаш. Свесни сме за ова и се подготвуваме за тоа. Се трудиме да се прилагодиме на секоја ситуација. Важно е постојано да останеме реални и момците во исто време да продолжат да веруваат дека речиси сè е можно“, анализира Врањеш. Предводникот на Словенија потенцира дека македонските ракометари играат со срце за својата земја, па токму затоа ќе биде тешко. „Македонците се силна репрезентација, емоциите ги носат на секој меч, многу се горди и навистина играат со сето срце за својата репрезентација. Ова е најголемата опасност. Секогаш се опасни на првите натпревари, дури и ги победија Франција и Данска на претходните турнири. Тие се добар тим, но и ние. Имаат и добри кружни напаѓачи кои се многу силни. Не знам колку ќе игра Кирил Лазаров, кој е одличен ракометар, но не може сам да го добие натпреварот. Почнуваат да играат брз ракомет и ако и нивните голмани се расположени, тогаш ќе бидат опасни“, додаде Врањеш.

Врањеш: Прва цел е да ја победиме Македонија

Бошко Тасиќ — Tue, 28 Dec 2021 17:55:04 +0000

Словенија е еден од ривалите на Македонија на Европското ракометно првенство (ЕП) кое овој јануари ќе се игра во Унгарија и Словачка. Предводникот на оваа репрезентација, Љубомир Врањеш, активно работи со екипата и ја темпира формата.На собирот на кој Словенците се подготвуваат за пријателските натпревари, Врањеш не говореше многу за континенталниот собир. Во целост е фокусиран на првиот натпревар против Македонија. „Наша прва цел ни е да ја победиме Македонија, а потоа ќе говориме за нешто друго. Засега подготовките одат по планот, атмосферата е добра и се надевам дека подготвени ќе влеземе на првенството“, изјави Врањеш. Натпреварот меѓу Македонија и Словенија се игра во Дебрецен, а е закажан на 13 јануари од 18:00 часот.

Врањеш без искусните на последните средби од европските квалификации

Бошко Тасиќ — Thu, 15 Apr 2021 20:51:04 +0000

Селекторот на ракометната репрезентација на Словенија, Љубомир Врањеш го одбра тимот за трите последни натпревари во рамките од квалификациите за Европското првенство кое ќе се одржи наредната година во Унгарија и Словачка.

Врањеш од списокот ги изостави искусните ракометари како Деан Бомбач, Марио Шоштариќ, и Драган Гајиќ.

Во квалификациската група 4 се наоѓаат репрезентациите на Словенија, Холандија, Полска и Турција. Од групата само две репрезентации ќе обезбедат место на Европското првенство. Словенците на 27 април ќе играат против Турција и веднаш после тоа гостуваат на Полска.

Врањеш го објави списокот на ракометари со кои ќе брка пласман на ОИ

Бошко Тасиќ — Mon, 01 Mar 2021 18:32:53 +0000

Машката ракометна репрезентација на Словенија ќе игра во групата со Германија, Шведска и Алжир во квалификациите за пласман на Олимписките игри во Токио. Селекторот Љубомир Врањеш го објави тимот со кој ќе настапи. Макуч, Вујовиќ и Мазеј нема да играат, а место на списокот има за Маргуч и Поточник. Словенците беа дел од претходните ОИ во Рио, но претходно пропуштија два настани, во Лондон и Пекинг. Да подсетиме од секоја група одат по две селекции од квалификациите.

Веспрем потврди: Врањеш си замина по поразот од Вардар

Ристе Здравков — Mon, 01 Oct 2018 13:30:45 +0000

По поразот од Вардар, раководството на Веспрем се одлучило за тренерска промена, унгарските медиуми јавуваат дека Љубомир Врањеш добил отказ.

Веспрем има големи амбиции оваа сезона во Лигата на шампионите, но работите не се одвиваат според планот. Вардар го победи унгарскиот тим на негов терен, а тоа се покажа како прелевање на чашата коај раководството на клубот.

Според унгарските медиуми, Љубомир Врањеш веќе не е тренер на Веспрем, а со него во пакет е избркан и тим менаџерот, Еклемовиќ.

По три кола во Лигата на шампионите, Веспрем има само една победа, тоа е премалку за амбициите на Унгарците.