љуботен – Kurir.mk

Костовски: Се решава повеќедеценискиот проблем со водоснабдувањето во Љубанци и Љуботен

Ивана Ефремовски — Tue, 22 Aug 2023 16:04:29 +0000

Општина Бутел го решава повеќедеценискиот проблем со водоснабдувањето во Љубанци и Љуботен, истакнува градоначалникот Дарко Костовски. -Ден за историја. Она што за многумина беше само утопија, за мене и мојот тим беше мотив да го решиме еден од најголемите децениски проблеми во нашата општина, а тоа е стабилно водоснабдување за Љубанци и Љуботен. Носечкиот проект пред изборите ќе биде реалност. Наскоро започнуваме со изработка на целосната проектна документација за овој проект. По завршување на целиот проект, истиот ќе биде предаден на нашите стратешки партнери САД со чии финансиски средства ќе се реализира овој голем проект, истакна Костовски. Со ова може да се каже дека проблемот со вода за над 3500 жители ќе биде конечно решен и жителите на овие две населени места ќе добијат питка вода за пиење. -Голема благодарност до нашиот најголем стратешки партнер Амбасадата на САД со чија целосна поддршка е реализира еден од најголемите проекти во историјата на Општина Бутел. Влогот во обезбедување на основни услови за живот за моите сограѓани е влог во иднината, порача Костовски.

Крвава драма во Љуботен: Две лица си го пронашле пријателот во соба со рана во стомакот откако претходно биле заедно на лов

Магдалена Андонова — Sun, 27 Nov 2022 16:05:46 +0000

Министерството за внатрешни работи информира дека на 26.11.2022 во 19.15 часот во СВР Скопје од Итна медицинска помош било пријавено дека во село Љуботен, скопско има повредено лице од огнено оружје, кое со возило било однесено во Комплексот клиники “Мајка Тереза“. Од полициски службеници од СВР Скопје излезено било на местото на настанот и било утврдено дека станува збор за М.Љ.(31) од село Љуботен, кој, според првично пријавеното од лицата кои биле со него, Р.А. и М.А., биле заедно на лов во с.Љуботен. Според пријавеното, повредениот останал сам во викенд куќа и во еден момент, Р.А. и М.А. слушнале истрел од огнено оружје и кога се упатиле кон викенд куќата, го пронашле повредениот во собата со прострелна рана во пределот на стомакот. Се работи на расчистување на случајот.

Шампионот Љуботен се засили со две бразилски фудбалерки

Тале Кристо — Fri, 08 Jul 2022 16:30:12 +0000

Македонскиот фудбалски првак во женска конкуренција Љуботен ги засили своите редови пред стартот на новата сезона во домашното првенство и настапите во квалификациите во Лигата на шампиони со бразилските фудбалерки Мајса Бенедито и Чеуру Гоја. Дефанзивката Бенедито и голгетерката Гоја во Љуботен ќе и се приклучат на сонародничката Едите Пресилиа, која изминатата сезона постигна 32 голови во дресот на шампионот од Тетово. Паралелно со ова, Љуботен денеска најави нови засилувања во своите редови пред настапот во Лигата на шампиони и дуелот против австрискиот првак Сент Полтен од првото квалификациско коло, што на 18 август ќе се игра во Скопје.

Во Тетово пристигнаа двете нови засилувања од Бразил, Роналдиња и Фараис

Тале Кристо — Thu, 21 Jan 2021 09:08:09 +0000

Во Тетово пристигнаа двете двете Бразилки кои се најнови засилувања на женскиот фудбалски клуб Љуботен за пролетниот дел од првенството. Претседателот на клубот Ивица Богдановски и потпретседателот Драгољуб Јовановски ноќеска ги пречекаа на аеродром фудбалерките Таила Гомерс Фариас и Ана Бетриз Тарантино Гуилермо Салино или со прекар Роналдиња. – Бразилките стигнаа ноќеска во 2 часот на аеродоромот во Скопје по што се сместија во Тетово. На 25 јанари во понеделник ќе има официјално претставување, запознавање со сите други во екипата и почеток со тренинзите, изјави Ивица Богдановски, претседател на Љуботен. Во Тетово утринава од Босна и Херцеговина пристигна и Сенада Муратовиќ, една од вкупното седумте нови имиња во клубот. Тетовскиот клуб во зимскиот преоден рок се договори во Љуботен да настапуваат голманката Магдалена Лековска, потоа Соња Митревска, Анѓела Миловановиќ од Србија како и Хореила Сореле од Камерун. Од декември Љуботен го назначи Небојша Бреѓан од Србија за нов спортски директор со најава дека ќе се носат звучни имиња кои се очекуваат да го засилат тимот за пролетниот дел.

Гласот го дадоа, но вода не добија: Поминаа 3 години водоводот во Љуботен остана само ветување

Ивана Ефремовски — Tue, 15 Sep 2020 17:11:22 +0000

„Ви велам, вака како што сме обединети, ќе има живот и во Љуботен и во општина Бутел“. Ова им го порача премиерот Заев на жителите на Љуботен во 2017 година во кампањата за локалните избори. Заев беше дојден на овој митинг да го поддржи кандидатот за градоначалник на Бутел Велимир Смилевски, кој, со гласовите на овие жители, дојде на чело на општината, анализира ТВ21. Жителите на ова село велат дека гласале само за едно ветување, да имаат вода во своите домови. „За една година, Љуботен ќе има вода за пиење. И поради таа изјава, целото село се согласивме да го дадеме гласот, т.е. да гласаме за тој политички субјект, со единствена цел, во 21 век, да се направи размена на гласови за вода за пиење. Дури и по четири години централна власт, веќе го почнаа и вториот мандат, ситуацијата во селото Луботен е многу лоша“, рече жител на Љуботен. Трпението на жителите веќе е при крај, затоа што, како што велат, сега и бунарите од кои се снабдувале со вода се исцрпени. „Имавме бунари но и бунарите се истрошени, ги исполнуваме овие цистерни со вода, бидејќи бунарите се исцрпени“, рече друг жител на Љуботен. Сега жителите полнат вода на сред село. Со шишиња носат вода дома. Водата од Љуботен им е позната и на другите граѓани на Скопје, кои доаѓаат и полнат вода на овие чешми. Овие две чешми на две места во селото снабдуваат над 400 куќи со вода за пиење, и ова се единствениот извор од кој овие жители се снабдуваат со вода за пиење. Му се јавивме и на градоначалникот на Бутел, Велимир Смилевски, да го прашаме зошто не се исполни ветувањето дадено пред жителите, но тој не одговори на телефон, откриваат од ТВ21.

Албанците од Љуботен крајно незадоволни од градоначалникот на Бутел, најавуваат протести

Тале Кристо — Mon, 10 Aug 2020 07:16:38 +0000

Месната заедница на село Љуботен утрово испрати писмо до градоначалникот на Општина Бутел Велимир Смилевски во кое помеѓу другото наведува дека тој нема исполнето ниту 1% од она што го ветил предизборно на локалните избори во 2017 година, исто така жителите на село Љуботен тврдат дека Велимир Смилевски предизбоно потпишал некаков договор со селаните пд ова село обврзувајкисе дека ќе ги реализира сите ветени проекти, сигурно де работи за уште една груба манипулација на жителите на ова село бидејки вакви договори не се пракса во предизборните ветувања. Љуботенци се гневни на Велимир Смилевски и најавуваат големи протести доколку градоначалникот на Бутел не го реализира тоа што го ветил, уште повеќе се лути за тоа што на локалните избори во 2017 година тие масовно му ја дадоа својата подршка при што на очиглед е грубо злоупотребена.

Пожарникари ги ваделе повредените лица: Три возила учествуваа во несреќата на патот Штип-Радовиш

Ивана Ефремовски — Sun, 12 Jul 2020 21:38:37 +0000

Тешка сообраќајна несреќа вечерва во 21:30 часот се случи на патот Штип-Радовиш, во која учествувале три возила. Портпаролот на СВР-Штип, Гордана Панајотова за МИА вели дека несреќата се случила кај сообраќајниот знак за селото Љуботен, според првичните информации од терен има повредени и во оваа несреќа, а се повикани и пожарникарите, со цел да ги издават повредени лица.

Повеќе детали околу несреќата најавуваат за утре.

Ова е втора сообраќајна несреќа на патот Штип-Радовиш и тоа во рок од само неполни два часа. МИА претходно информираше за несреќата, која се случи по 19 часот во близина на селото Лакавица во којашто, според директорот на Клиничка болница-Штип, Ален Ѓеорѓијев повредени се 13 лица, од кои 11 се мигранти и две се жени, македонски државјани. Според она што го видовме на лице место несреќата се случила меѓу две возила марка Мерцедес.

Мигрантите се транспортирале во багажникот во самиот автомобил. Овие две возила излетале од коловозот на десната страна во правец Штип-Радовиш. Според првичните информации од полицијата, возачот на мигрантите побегнал од местото на несреќата.

Жителите на Љуботен гневни на Зоран Заев: Сурово не излажа!!!

Ристе Здравков — Wed, 21 Aug 2019 08:48:24 +0000

СДСМ во село Љуботен на последните локални избори доби околу 1500 гласови, што впрочем беше и разликата со која победи нивниот кандидат на локалните избори во Општина Бутел. Практично тоа беше и разликата со која ја добија локалната власт на територијата на општина Бутел. Од владејачката партија во ова село даде големо ветување, дека до 2020 година ќе изградат водоводна мрежа во село Љуботен, а ова ветување беше дадено лично од премиерот Зоран Заев. Жителите на ова село се видно револтирани и гневни, бидејќи како што велат беа сурово излажани и јавно посочија дека СДСМ повеќе нема да добие ниту еден глас во ова село. Единствената работа која СДСМ ја направи во ова село околу водата за пиење, е што овоие денови почна да ги чисти водените резервоари кои беа изградени од владата на ВМРО-ДПМНЕ, коментираат жителите на село Љуботен.

Кривична пријава поради тутун без контролни марки: Внимавајте, ви го продаваат со овие натписи

Ивана Ефремовски — Wed, 03 Jul 2019 13:36:24 +0000

Единицата за економски и компјутерски криминал при СВР Скопје, до надлежното Јавно обвинителство, поднесе кривична пријава против Е.Ј.(20) од село Љуботен, скопско, поради постоење основи на сомнение за сторено кривично дело „избегнување на плаќање акциза“, казниво по член 279-б од Кривичниот законик. На 01.07.2019 година, при контрола на патничко возило „Фолксваген голф“ со скопски регистарски ознаки, управувано од пријавениот, полициските службеници пронашле и одзеле 100 кутии сецкан тутун со натпис „GREECE SUPER KAMELIA VIRGINIA“ и 100 кутии сецкан тутун со натпис „GREECE TOBACCO VIRGINIA“, или вкупно 120 килограми сецкан тутун без контролни марки. На тој начин пријавениот избегнал плаќање на акциза на која е обврзан со Законот за акцизите.

По акцијата во Љуботен: 20-годишно момче осомничено дека избегнувал плаќање на акциза за тутун

Ивана Ефремовски — Tue, 02 Jul 2019 14:11:39 +0000

Основното јавно обвинителство Скопје отвори постапка против едно лице осомничено дека сторило кривично дело – Избегнување на плаќање акциза од чл.279-б ст.1 од Кривичниот законик. Осомничениот 20-годишен жител на Љуботен, со намера да избегне целосно плаќање на акцизата на која е обврзан со Законот за акцизи, на 01.07.2019 година од непознато лице набавил акцизни тутунски добра без контролни маркици. Со намера да го продава тутунот на зелениот пазар Бит Пазар, го натоварил во патничко моторно возило Фолксваген голф. При обидот да го превезе тутунот, осомничениот бил сопрен од страна на полициски службеници. При контрола на возилото биле пронајдени 100 кутии од по 600 грама тутун со натпис на кутиите “GREECE SUPER KAMELIA VIRGINIA” и 100 кутии од по 600 грама тутун со натпис на кутиите “GREECE TOBACCO VIRGINIA” или вкупно 120 килограми фино сецкан тутун. За овие тутунски добра осомничениот избегнал и не платил акциза во вкупен износ од 162.000 денари. Заради обезбедување на осомничениот во текот на кривичната постапка, надлежниот јавен обвинител до судијата на претходна постапка од Основниот кривичен суд – Скопје достави предлог за определување мерки на претпазливост: забрана за напуштање на живеалиште, обврска да се јавува повремено на определено службено лице или кај надлежен државен орган и привремено одземање на патна или друга исправа за преминување на државната граница. Интегрален текст од соопштение Основното јавно обвинителство Скопје