љуботенски бачила – Kurir.mk

Мицкоски за загинатите кај Љуботенски Бачила: Хероите живеат вечно, нивната жртва нема да биде заборавена

Ивана Ефремовски — Thu, 10 Aug 2023 10:36:53 +0000

На повеќе локации во Скопје денеска ќе бидат одбележани 22 години од загинувањето на осуммината припадници на резервниот состав на Армијата на Република Македонија, кај месноста Љуботенски Бачила. На 10 август 2001 година воено товарно возило на патот кај месноста Љуботенски Бачила нагази на мина при што животите ги загубија Томе Бадаровски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димовски и Раде Јанковски, припадници на резервниот состав на Армијата. Дека хероите живеат вечно денес порача и лидерот на ВМРО-ДПМНЕ, Христијан Мицкоски. „22 години од погибието на бранителите кај Љуботенски бачила. Хероите живеат вечно. Нивната жртва нема да биде заборавена. Слава им“ - порача Мицкоски!

Дваесет и две години од загинувањето на бранителите кај Љуботенски Бачила

Ивона Петрова — Thu, 10 Aug 2023 09:55:42 +0000

На повеќе локации во Скопје денеска ќе бидат одбележани 22 години од загинувањето на осуммината припадници на резервниот состав на Армијата на Република Северна Македонија, кај месноста Љуботенски Бачила. Делегации на Армијата и на Министерството за одбрана предводени од началникот на Генералштабот, генерал-потполковник Васко Ѓурчиновски, цвеќе ќе положат пред спомен - обележјето на бранителот Томислав Настевски во Општината Ѓорче Петров, на споменикот на бранителите во село Волково и пред спомен - обележјата во село Љубанци. Делегација од Министерството за одбрана и од Армијата која ќе ја предводи министерката за одбрана Славјанка Петровска ќе положат цвеќе на спомен обележјето во касарната „Илинден“. На 10 август 2001 година воено товарно возило на патот кај месноста Љуботенски Бачила нагази на мина при што животите ги загубија Томе Бадаровски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димовски и Раде Јанковски, припадници на резервниот состав на Армијата.

Костовски со повик до Славјанка Петровска: Бидејќи Желино тактизира за споменик за бранителите, изградете споменик во Бутел, веднаш ќе обезбедиме локација

Ивана Ефремовски — Thu, 10 Aug 2023 08:35:38 +0000

Денес се навршуваат 22 години од крвавиот 10 Август 2001 година кога кај месноста Љуботенски бачила осум припадници на македонските безбедносни сили ги даваат своите животи за Македонија. Нема да оставиме нивната жртва да биде залудна, а нивното дело заборавено. Да ја цениме нашата слобода, нашата земја и заветот за Македонија. Да се одолжуваме кон хероите на тој начин што нема да ја заборавиме нивната жртва, порача градоначалникот на Бутел, Дарко Костовски. „И бидејќи министерката за одбрана Славјанка Петровска јавно посочи дека се уште чека одобрение од Општина Желино за изградба на споменик за хероите од Карпалак, Општина Бутел и јас како нејзин градоначалник сме подготвени да одстапиме веднаш простор и локација, а министерството и владата да инвестираат во градба на достојно спомен обележје на видно место во општината за паднатите херои од Љуботенски бачила. Очекуваме одговор. Државата мора да се грижи за своите херои. Слава им“ - порача Костовски.

ВЕЧНА ИМ СЛАВА: Во Ѓорче Петров одбележани 21 година од загинувањето на бранителите кај Љуботенски бачила

Ивана Ефремовски — Wed, 10 Aug 2022 10:30:48 +0000

Општина Ѓорче Петров на три локации, односно на спомен-чешмата на „Томислав Настевски-Бумбар“ и спомениците на бранителите во Волково и во реонскиот парк, денеска одбележа 21 година од згаснувањето на животите на хероите кај Љуботенски бачила во 2001 година. Бројни високи делегации, членови на семејствата, претставници на политички партии и на здруженија оддадоа почит на централната манифестација на споменикот во Волково. Пред присутните се обрати градоначалникот на општина Ѓорче Петров, Александар Стојкоски кој рече дека Раде Јанковски, Ивица Златевски, Томе Димовски, Томислав Настевски и Ацо Ангеловски кој е загинат во јануари 2000 година, но на кој му се оддава почит денеска заедно со останатите се јунаци со кои Ѓорче Петров се гордее. -Овој споменик е наша гордост. Паднатите херои чие дело го чествуваме денеска го претставуваат ликот на македонската нација која има долга историја на патриотизам, пожртвуваност и чест. Ова е нација која се бореше во многу битки за да ја задржи земјата слободна и ослободена од закани, рече Стојкоски. Само на овој начин, истакна, ќе ја сочуваме традицијата и ќе ги сокриеме спомените од заборав. -Немам доволно зборови за да ја искажам почитта кон бранителите. Горд сум што овие наши храбри сограѓани ќе останат засекогаш врежани во македонската историја. Ние Македонците сме симбол за непокор. Оваа земја помина и надмина илјадници тешки и трагични премрежја, страдни времиња. Но, оваа земја даде и големи јунаци. Нека им е вечна слава на храбрите бранители, додаде Стојкоски. На 10 август 2001 година кај месноста Љуботенски бачила од нагазна мина поставена на патот животот го загубија Томе Бадаровски, Марјанчо Бошковски, Томе Димовски, Ивица Златевски, Бранко Јанев, Раде Јанковски, Томислав Настевски и Гоце Чанкуловски.

Дваесет и една година од загинувањето на бранителите кај Љуботенски Бачила

Ивона Петрова — Wed, 10 Aug 2022 05:22:40 +0000

На три локации во општина Ѓорче Петров денеска ќе биде одбелжана 21 година од загинувањето на бранителите кај Љуботенски Бачила. Цвеќе ќе биде положено на Спомен-чешма на Томислав Настевски-Бумбар, на Споменикот на бранителите во Волково, каде ќе биде и централната манифестација, и на Споменикот на бранителите во реонскиот парк. На 10 август 2001 година на патот кај месноста Љуботенски Бачила армиско товарно возило нагази на две противтенковски мини. Животите ги загубија Томе Бадаровски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димовски и Раде Јанковски, припадници на резервниот армиски состав.

ВЕЧНА ВИ СЛАВА: Пред 20 години загинаа армиските припадници кај Љуботенски Бачила

Ивана Ефремовски — Tue, 10 Aug 2021 14:06:02 +0000

Денеска беше положено цвеќе на неколку локации по повод 20 години од загинувањето на осум припадници на Армијата кај месноста Љуботенски Бачила. Венци цвеќе положиле и почит кон загинатите оддале припадници на Армијата и полицијата, претставници на Владата, на локалната власт и блиски и членови на семејствата. На 10 август 2001 година, на патот кај месноста Љуботенски Бачила, армиско товарно возило нагази на две противтенковски мини. Животите ги загубија Томе Бадаровски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димовски и Раде Јанковски, припадници на резервниот армиски состав.

СЛАВА ИМ: 20 години од загинувањето на бранителите кај Љуботенски Бачила

Ивона Петрова — Tue, 10 Aug 2021 06:31:20 +0000

Македонија денеска одбележува 20 години од загинувањето на осуммината припадници на Армијата на Република Македонија кај месноста Љуботенски Бачила во 2001 година. На 10 август 2001 година, воено товарно возило на АРМ на патот кај месноста Љуботенски Бачила нагази на две противтенковски мини. Животот го загубија Томе Бадаровски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димовски и Раде Јанковски, сите припадници на резервниот состав на АРМ од гарнизонот Скопје.

Костовски: 10.08.2001 Љуботенски бачила, тие дадоа се за Македонија

Тале Кристо — Mon, 10 Aug 2020 10:26:57 +0000

10 Август 2001 година кај месноста Љуботенски бачила на кукавички начин се убиени осум припадници на македонските безбедносни сили. Денеска заедно со дел од раководството на ВМРО-ДПМНЕ ОК Бутел одадовме почит и положивме свежо цвеќе на споменикот на паднатите бранители во Љубанци. Сите оние кои што со живот ја платија нашата денешна слобода треба да бидат наша водилка за чинот како се сака татковината, како се сака Македонија. Тие дадоа се за Македонија. Вечна слава, пишува во својата Фејсбук објава пратеникот од редовите на ВМРО-ДПМНЕ Дарко Костовски.

Деветнаесет години од загинувањето на бранителите кај Љуботенски бачила

Ивона Петрова — Mon, 10 Aug 2020 06:16:05 +0000

По повод 19 години од загинувањето на бранителите кај месноста Љуботенски бачила во 2001 година денеска пред нивното спомен одбележје во скопско Волково ќе биде положено цвеќе од делегации од општината и армијата. На 10 август 2001 година, воено товарно возило на Армијата на патот кај месноста Љуботенски бачила нагази на две противтенковски мини. Животот го загубија Томе Бадаровски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димовски и Раде Јанковски, сите припадници на резервниот состав на Армијата од гарнизонот Скопје.

Седумнаесет години од загинувањето на бранителите кај Љуботенски Бачила

Дарко Андоновски — Fri, 10 Aug 2018 05:33:25 +0000

Македонија денеска одбележува седумнаесет години од загинувањето на осуммината припадници на Армијата на Република Македонија кај месноста Љуботенски Бачила во 2001 година. На 10 август 2001 година, воено товарно возило на АРМ на патот кај месноста Љуботенски Бачила нагази на две противтенковски мини. Животот го загубија Томе Бадаровски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димовски и Раде Јанковски, сите припадници на резервниот состав на АРМ од гарнизонот Скопје.