љубовна приказна – Kurir.mk

Се вљубил во неа кога влегла во неговиот бар: Љубовната приказна и семејниот живот на познатиот Ѕверка!

Магдалена Андонова — Sun, 25 Oct 2020 16:35:59 +0000

Крис Нот е воодушевен што уште еднаш станал татко Актерот Крис Нот (65) оваа година ужива во неизмерна среќа, иако целиот свет се наоѓа во многу тешка ситуација. Популарниот актер од серијата „Сексот и градот“ кон крајот на февруари станал татко на уште едно момче. Ѕверка со 27 години помладата сопруга Тара Вилсон добил син кому пресреќните родители му го дале името Китс. -Директно од небото пристигна нашиот втор син Китс, напишал тогаш Ѕверка воодушевено на својот инстаграм-профил.

View this post on Instagram

Down from the heavens comes our second son- Keats! “ A thing of beauty is a joy forever”

A post shared by Chris Noth (@chrisnothofficial) on Feb 18, 2020 at 8:25pm PST

Потоа се случила вонредната состојба и изолација во која актерот Крис Нот уживал повеќе од сите останати. Љубовната приказна на Крис и на неговата сопруга на многумина им личела на филмско сценарио. Се запознале случајно во Њујорк кога Тара дошла во неговиот бар да бара работа. Веднаш се вработила како келнерка, а на Крис му се допаднала на прв поглед. Се венчале на Хаваите по три години веридба и десет години врска.

View this post on Instagram

We had a great time in Mexico. Wanted to share this picture with you because I think this Lucerne and Lee coverup looks great on Tara. A new brand launched by our great friend @bridgetlwiley. Check it out @lucerneandlee. xx

A post shared by Chris Noth (@chrisnothofficial) on Jan 21, 2019 at 5:20pm PST

Поради неа ја оставил жена му и 2 пати се обидел да си го одземе животот: Најинтригантната љубовна приказна во Холивуд

Магдалена Андонова — Wed, 09 Sep 2020 13:49:14 +0000

Френк Синатра никогаш не ѝ бил претерано верен на својата сопруга Ненси, со која имал три деца, но никогаш не ни помислил да ја остави поради некоја од неговите љубовници. Сè додека не се појавила љубовта на неговиот живот, неговата женска верзија, Ава Гарднер. Ава и Синатра се запознале кога таа имала само 18 години и штотуку почнувала со својата кариера. Тогаш била во брак со Мики Руни, а иако Синатра уште тогаш помислил дека таа е една од најубавите жени што некогаш ги имал видено, сепак била премлада за него, па не ни помислувал дека тие двајца некогаш би можеле да бидат заедно. Меѓутоа, речиси шест години подоцна, по нејзиниот развод од Руни и нејзиниот втор сопруг Арти, повторно се сретнале на една забава.

View this post on Instagram

Frank Sinatra and Ava Gardner at Riverside Hotel Casino Restaurant. Sinatra told reporters "You can safetly say we will be married". Sinatra was completing a two week Riverside singing engagement while he was establishing a Nevada residence. (Photos by NY Daily News Archive)

A post shared by Frank Sinatra Fans (@sinatragram) on Aug 20, 2020 at 7:22pm PDT

-Знаев дека е оженет и, навистина, оженетите мажи никогаш не котирале добро на мојата скала, но тој беше згоден, шармантен и очигледно маѓепсан од мене, изјавила таа подоцна. Таа вечер отишле на пијалак и подоцна завршиле во неговата соба. Кружат приказни дека иако воопшто не се колебала пред други мажи, Ава Гарднер таа вечер не попуштила пред Синатра. Ја одвезол дома и така завршила таа ноќ. Поминале неколку месеци до нивната повторна средба, но ни времето не успеало да ја уништи нивниот обостран занес.

View this post on Instagram

No matter how much the stars, the moon, and the sun shine, you will always be the brightest thing in life. ? #avagardner #franksinatra

A post shared by Tricia (@mybella_moda) on Sep 6, 2020 at 12:00pm PDT

-И двајцата бевме љубоморни, импулсивни. Кога ќе ги изгубам нервите, готово е. И тој е таков, рекла Ава за нивната врска. На почетокот, Ава не му верувала дека ќе ја остави сопругата поради неа, но тој навистина го направил тоа. Наводно, ја довел во куќата каде што живеел со Ненси за да присуствува на моментот кога ќе ѝ соопшти дека сака развод. Обожавале забави, алкохол, цигари и музика. Мразеле самотија, обожавале секс и двајцата се плашеле од смртта. Биле потполно исти. Се венчале во 1951 година кога таа имала 28 години, а тој 35.

View this post on Instagram

#franksinatra#singer#actor#italian#hollywood#avagardner#actress Frank Sinatra & Ava Gardner share a soda ?

A post shared by My.Daily.Vintage.Photos (@my.daily.vintage.photos_) on Sep 6, 2020 at 10:40am PDT

Иако била луда по Френк, се знаело дека го изневерува. Особено кога морала да патува поради работата. -Ава мразеше самотија, никогаш не можеше да биде сама. Постојано бараше некој да ѝ прави друштво, раскажал еден од членовите на филмскиот сет кој работел со неа. Наводно спиела со режисери, но и техничари, како и други членови на сетот. Важно ѝ било само да не остане сама. -Имаше проблем со врзување. Кога некој маж ќе се вљубеше во неа, таа му возвраќаше со иста мера, но набрзо губеше интерес, открил еден нејзин познајник.

View this post on Instagram

Frank Sinatra and Ava Gardner in NYC ❣️ #franksinatra #franksinatraquotes #avagardner #avagardneralifeinmovies #avagardnermuseum #oldhollywoodglamour #oldhollywood #oldmovies #vintage #hollywood #hollywoodstudios #nyc

A post shared by My Vintage Love ✨ (@my.vintage.lovex) on Sep 6, 2020 at 2:39am PDT

Френк постојано се плашел дека ќе ја изгуби, му пречеле мажите со кои била пред него, а се плашел и од мажите со кои работела. -Си ги фрлаа работите од прозорец, врескаа еден на друг, сето тоа поради љубомората, раскажувале подоцна нивни познајници. Меѓутоа, и тој бил сличен на неа. Неговите пријатели тврделе дека не можел да заспие ако немал жена покрај себе во кревет. Ава била на врвот од славата, додека Синатра станувал уште попосесивен и пољубоморен. Сепак, нивни познајници тврдат дека тој повеќе вложувал во нивната врска.

View this post on Instagram

"Every single day during our relationship, no matter where in the world I was, I'd get a telegram from Frank saying he loved me and missed me." - Ava Gardner • • Ava Gardner and Frank Sinatra photographed by Paul Hesse, 1952.

A post shared by Classic Hollywood (@classicalluringstars) on Sep 3, 2020 at 8:58am PDT

-Таа беше себична, гледаше само за себе, а тој многу вложуваше во тој брак, тврделе. Ава била таа која одлучила дека е време за развод. Наводно кажала дека не можел повеќе да ја задоволи сексуално. Тој бил очаен, два пати се обидел да си ги пресече вените, но таа не се вознемирила поради тоа. Не отишла дури ни да го посети. Сепак, по разводот во 1957, рекла: -Никогаш не сум била посреќна од периодот кога бев во брак со Френк. Кога би се мажела повторно, би се омажила само за него. Да сакав да го делам со други жени, ќе бевме среќни. И по разводот редовно се слушале. Ава починала во 1990 година, а Френк осум години подоцна. Неговата ќерка Тина подоцна открила дека тој никогаш не ја преболел нејзината смрт.

Пресврт во најпознатата љубовна приказна: Клепетан е жив и се врати кај Малена

Ивона Петрова — Thu, 04 Jun 2020 10:49:13 +0000

Една од најдолговечните љубовни приказни во Хрватска, онаа на штрковите Клепетан и Мален сепак ќе има среќен крај. Иако сите, вклучително и Стјепан Вокиќ кој се грижи за Малена мислеа дека Клепетан минатата година угина, тој се вратил годинава повторно кај неа. -Иако не бев сигурен на почетокот дека станува збор за Клепетан, сега знам дека е тој. Се врати во април, засега имаат три јајца, едно се скрши, студот лошо влијаеше за нив. Баш сега тој беше со мене во двор додека таа лежи на јајцата, вели за Индекс.хр Стјепан кој вели дека е шокиран од враќањето на Клепетан. Тој додава дека мислел дека Клепетан угинал бидејќи цела година не се враќал. -Сега повторно се врати. Само игра околу мене, како да се извинува, не знам како поинаку да го наречам тоа, вели Стјепан. Тој 27 години се грижи за Малена, а нејзината љубовна приказна со Клепетан го обиколи светот.

Тажен крај на најубавата љубовна приказна: Умре Клепетан, претходно дојде да се поздрави со Малена

Ивона Петрова — Thu, 29 Aug 2019 19:43:37 +0000

Приказната за штрковите од Хрватска, Малена и Клепетан ги воодушевуваше луѓето ширум светот. Клепетан во Бродски Варош се вратил на 18 март, што било порано од вообичаено, но не за да остане во својата Малена преку летото, туку да се поздрави со неа. Пензионираниот домар, Стјепан Вокиќ кој веќе 30 години се грижи за Малена, објаснува дека неговиот Клепо дошол во гнездото стар и болен. -Четири штркови дојдоа кај мајката на даската и три-четири часа тажно штракаа со клуновите. Тогаш знаев дека Клепо замина да умре. Знаете како велат, птиците умираат пеејќи. Малена порасна 66 млади, тоа е многу за една мајка. Многу сум поврзан за неа. Не одам ни на море, ниту со пријателите, секогаш се грижам за неа. Се обидувам да најдам риба за да ја прехранам, но многу е тешко, вели Вокиќ. Стјепан ја поминал цела околина во потрага во Клепетан откако тој се поздравил во Малена, но не успеал да го најде. Тогаш му било јасно дека тој угинал. – Клепетан го дочекувам 17 години. Лани со Малена имаа 7 јајца, а оваа година нешто лошо се случи или во прашање е старост на птицата. Имаа само три јајца. Во сите овие 17 години од нивната љубов се испилија 66 штркови. Тоа е раритет во светски размери, кога се во прашање штркови, вели Вокиќ.

Љубовната приказна која го освои регионот: „Не е важно дали се крстите или клањате”

Катерина Бојаџиева — Mon, 01 Jul 2019 08:28:41 +0000

Љубовта ги руши границите, бариерите, предрасудите, гордоста... пишува Елизабет Хргиќ на нејзиниот Фејсбук профил под една од свадбените фотографии, која стана вирален хит. Елизабет Хргиќ и Инаса Дагоја, кои оваа година стапија во брак во Травник докажаа дека љубовта е најголемата сила во универзумот. Инаку, фотографијата која собра огромен број лајкови, е направена пред училишната зграда во Травник кај католичкиот училишен центар „Петар Барбариќ” во кој одела Елизабет и мешаното училиште „Травник” во кое одел Инас. Двете институции се поделени со жица, а Елизабет под фотографијата објави емотивен текст. -Радувај се на секој нов ден и учете ги децата дека сите се исти, дека не е важно дали сме црни или бели, дали се крстиме или се клањаме. Учете ги децата да бидат добри луѓе, кои нема да веруваат дека оградата е заштита, и дека и од другата страна растат добри, талентирани, духовити и деца полни со љубов. Нека вашата смисла на животот биде љубов, пишува меѓудругото Елизабет.

Најубавата љубовна приказна: По 75 години брак починале ден за ден, не можеле да бидат еден без друг

Ивона Петрова — Thu, 01 Feb 2018 21:14:58 +0000

Лес и Хелен се родени во ист ден, иста година, во брак биле 75 години и починале ден по ден. Прво починала Хелен, а следниот ден Лес во своите 94 години. Таа не сакала да го види мртов, а тој да живее без неа. Нивната љубовна приказна започнала во средношколските денови, а нивните родители не верувале дека ќе останат заедно. Нивниот потомок Лес Џуниор вели дека ние уживале во заедничко друштво и биле неразделни. Љубовната приказна на овој неверојатен пар, кој починал во 2013-та година, се смета за една од најголемите на сите времиња.

Најубавата торта крие љубовна приказна: Еве како „Васина“ го добила името

Катерина Бојаџиева — Tue, 23 Jan 2018 18:16:56 +0000

Васина торта е една од поубавите торти. Според народните прераскаувања, Васина торта настанала на почетокот на 20.век во Парачин, Србија, а ја направила една домаќинка во знак на благодарност кон својот зет, кој се викал Васа. Причина за оваа благодарност е тоа што Васа ја спасил нејзината ќерка Јелена која била бремена. Поради нејзината слабост и проблеми со поднесувањето на бременоста, докторите го предупредиле нејзиното семејство дека постои ризик девојката да не го преживее пораѓајот. Меѓутоа, Васа не сакал да размислува за тоа и затоа ги зел сите пари кои ги имал и со жената заминал во Виена каде го пронашол најпознатиот гинеколог кој целосно безбедно го извршил пораѓањето. Затоа нејзината мајка откако се вратил брачниот пар, во знак на благодарност на својот зет му приготвила специјална торта, чие име го носи до ден денешен – Васина торта. Ова се потребните состојки за васина торта: КОРА 5 јајца 60 г шеќер 1 супена лажица меко брашно 50 г мелени ореви ФИЛ 4 жолчки 60 г шеќер 125 мл млеко 125 г шеќер 200 г мелени ореви 200 г путер 1 портокал ШАМ 4 белки 250 г шеќер 180 мл вода ПОДГОТОВКА НА КОРА Разделете ги жолчките од белките. Изрендајте ситно кора од портокал и исцедете го сокот. Белките изматете ги во цврст снег со постојано матење, додавајте шеќер и матете додека да се растопи. Додадете брашно, ореви и жолчки и се со лажица лесно промешајте. Смесата печете ја во тркалезен калап во рерна на 200 степени околу 25 минути. ПОДГОТОВКА НА ФИЛ Оревите за фил потопете ги во млеко со 125 г шеќер и ставете на оган да провријат. Жолчките и 60 г шеќер измиксајте ги на пареа и изладете. Изматете го путерот, додадете ги попарените ореви, крем од жолчки, кора и сок од портокал. Добро соединете ги сите состојки. ПОДГОТОВКА НА ШАМ Провријте вода со шеќер додека смесата да стане густа како мед. Изматете ги белките во цврст снег и со постојано матење додавајте го сирупот од шеќер. Кората премачкајте ја со фил и украсете со шам од белки.