љубовна врска – Kurir.mk

Најчести причини за криза во врската

Катерина Бојаџиева — Mon, 03 Jul 2023 11:44:12 +0000

Неколку брачно-љубовни терапевти на Редит ги открија предупредувачките знаци дека врската е на работ на пропаст, одговарајќи на прашања на следачите. Следат трите најчести причини за криза во врската и стручни совети за тоа. Префрлање на вината Според стручњаците, првиот знак на којшто треба да се обрне внимание е она префрлање на вината за сите проблеми во врската на партнерот. „Секоја врска е партнерство. Многу ретко сум видел вакви проблеми во врската само по вина на една личност. Овие проблеми обично се променливи и сложени по природа. Тие генерално се резултат на когнитивните, емоционалните фактори, однесувањето и интерперсоналните модели на секој партнер. Поточно на односот еден кон друг“, напиша еден терапевт. Агресивно однесување Ова пак, и онака не треба да биде присутно во ниедна врска. Терапевтот објаснува: „Ако една личност (жртвата, б.п.) каже дека сака да престане да го провоцира агресивното однесување на другата личност, тоа е предупредувачки знак. Работам со многу двојки каде една личност е агресивна и сака да преземе одговорност и да се промени“. Меѓутоа, ако жртвата ја презема одговорноста за агресијата, а агресивниот партнер не презема одговорност, тогаш целта е жртвата да ја напушти другата личност или барем да се обиде да постави граници. Прекршување на црвените линии Следниот знак за предупредување е за кршење на границите. „Малку тестирање на границите е добро, но постојаното кршење на границите е голем предупредувачки знак. Луѓе, познавањето на вашите граници, нивната поставенот и одржување - сѐ тоа е многу важно за вашата сопствена благосостојба. Исто така, научете да почитувате туѓите граници“, напиша еден стручњак. Тој додаде и дека сите граници во врската не се засекогаш и може да се заслужат, заработат или загубат. Сѐ е во почитувањето на достоинството на другата личност. Давајќи пример, терапевтот додаде: „Ако одите на спиење во 21 часот и се будите да вежбате во 5 часот наутро, држете ја таа практика. Пристојната личност ќе го почитува тоа, но грубата личност ќе се обиде да ја саботира таа навика“.

Мажите лажат и на првиот состанок: На ОВИЕ теми најверојатно нема да ви ја кажат вистината

Ивана Ефремовски — Wed, 22 Mar 2023 21:13:39 +0000

Мажите сакаат да звучат добро на првиот состанок, исто како и жените. Иако повеќето од нив на почетокот зборуваат чесно и отворено, некои мажи едноставно мислат дека ќе биде подобро ако лажат или ако ги разубавуваат работите. Погледнете за што лажат мажите на првиот состанок: Финансиска состојба Без разлика дали сакаат да го признаат тоа или не, жените најчесто им судат на мажите според финансиската состојба и способноста да се грижат за семејството. Токму поради тоа, мажите често имаат тенденција да лажат за својата заработка или да се фалат со автомобили, со часовници или со сличен имот за да ја импресионираат потенцијалната партнерка. Станбено прашање Ако признае дека живее со цимерот или со родителите уште на првиот состанок, тоа нема многу да ве воодушеви. Тој најверојатно ќе рече дека живее сам, а својот цимер ќе го нарекува пријател на кого му прави услуга да преспие кај него неколку дена. Излегување со други жени Ова е навистина една од најчестите лаги на првиот состанок. Секако дека нема да ви каже дека пред некој ден на вашето место имало друга девојка затоа што не сака да се претстави како женкар. Последно раскинување Ако изневерил или направил нешто слично во претходната врска, веројатно тоа нема да го дознаете толку брзо, особено на првиот состанок. Вистинските намери со вас Можеби тој навистина сака да има стабилна врска со вас, а можеби го кажува тоа само за да ве однесе во својот кревет. Тешко е да ги знаете неговите намери, особено ако не го познавате од порано.

ЈАСНИ ЗНАЦИ – Доколку ги забележите овие работи во односот со мажот, знајте дека сте заглавени во токсична врска

Магдалена Андонова — Mon, 12 Sep 2022 09:05:34 +0000

Доколку сте забележале одредени ситуации на однесување во врската кои често прават да се чувствувате лошо, заробени, како да нема решение или дека другата страна не сака да се согласи на компромис, а во исто време сите активности се одвиваат многу тешко и како да имате впечаток дека нешто форсирате, земете го сето ова во предвид и запрашајте се дали вреди вашиот труд во врската. Сето ова може да бидат знаци дека не сте во врска со личност која ви одговара и со која градите здрава врска. Кога се заљубуваме, често не ја гледаме реалноста. Логично е, бидејќи во тие моменти почнуваме да ги гледаме работите низ розови очила. Ова, се разбира, не значи дека се е во ред. Постојат знаци кои ќе покажат дека нешто не е во ред, и треба да обрнете внимание на нив, пред целосно да ви се скрши срцето. Не се радувате на неговиот повик Името на личноста со која сте во врска на екранот на вашиот мобилен телефон треба да ви донесе насмевка на лицето. Ако сè повеќе се мрштите кога ви се јавува, нешто не е во ред. Секогаш ги ставате неговите потреби пред вашите Во нормална врска, односот треба да биде 50:50. Ако постојано размислувате што би сакал и се ставате себеси на второ место, а тој тоа мирно го прифаќа, не сте во врска која е добра за вас. Сите негови ветувања брзо испаруваат Ако постојано ветува работи кои никогаш не се случуваат, тоа е знак дека само се обидува да ве изманипулира со своите ветувања. Постојано наоѓате изговори за неговото однесување За некои работи навистина има оправдување, но со некои треба да се повлече линија. Ако барате оправдување за секое негово однесување и често се обвинувате себеси, не сте во здрава врска бидејќи тоа не е нормално. Вашата самодоверба е во постојан пад Добрата врска нè прави полни со самодоверба, а ако вашата постојано опаѓа, можеби тоа е затоа што прифаќате работи што не треба.

СЕ РАЗВЕДЕ ПРЕД 4 МЕСЕЦИ: Џејсон Мамоа во врска со латино бомба, еве како изгледа Еиза

Ивона Петрова — Tue, 17 May 2022 06:16:26 +0000

Популарниот „Аквамен“, актерот Џејсон Мамоа пред четири месеци се разведе од сопругата Лиса Бонет со која има две деца. Набрзо по разводот беше објавено дека живее на улица, а сега светските медиуми пишуваат за неговата нова љубов. Мамоа наводно е во врска со актерката Еиза Гонзалес, а според пишувањата парот се запознал и зближил на снимање на филм. Неименуван извор рекол дека „Џејсон е повторно среќен“. Еиза е мексиканска актерка која играла во голем број теленовели, по што патот и се отворил кон Холивуд.

View this post on Instagram

A post shared by Eiza Gore (@eizagonzalez)

3 комуникациски вештини кои ќе ја подобрат вашата врска: Научете ги заедно со партнерот

Магдалена Андонова — Tue, 03 May 2022 20:15:22 +0000

Веруваме дека многу пати во животот сте слушнале дека комуникацијата е еден од најважните фактори за секоја врска. Покрај љубовта и довербата, комуникацијата е еден од најважните фактори за успешна и здрава врска. Доколку нема добра комуникација меѓу партнерите, тоа доведува до проблеми со доверба, стрес, недоразбирања и непотребни кавги. Од друга страна, комуникацијата може да ви помогне да ги решите проблемите во врската и да ја направите вашата врска цврста и стабилна. Љубовните експерти издвоија три комуникациски вештини кои ќе ви помогнат да имате поздрав и постабилен однос со партнерот. Изберете го вистинското време за разговор Важно е да го најдете вистинското време за разговор со партнерот – особено кога сте во расправија. Вие и вашиот партнер треба да бидете мирни, да не брзате и да не сте под стрес кога треба да имате важен разговор. Понекогаш луѓето имаат тенденција да им ги презентираат проблемите на своите партнери во погрешно време; особено кога се премногу емотивни. Ако вашиот партнер е нерасположен, уморен или расеан, а вие одеднаш влетате во собата за да разговарате со него за тоа што ве мачи, тоа само ќе ја влоши ситуацијата. Избегнувајте да зборувате на телефон СМС пораките можат да предизвикаат само уште поголем проблем, па затоа е подобро лично да разговарате со партнерот. Бидете сигурни дека тие се подготвени да посветат целосно внимание на вас кога ќе им пријдете да разговарате. Одржувајте контакт со очите кога зборувате, слушајте кога зборува и реагирајте смирено. Слушањето е многу важно Треба активно да го слушате партнерот кога ќе каже нешто. Не ги прекинувајте додека зборуваат. Потврдете дека слушате и разбирате што зборуваат. Одговорете само откако ќе ја прекинат конверзацијата. Ако сакате подобро да комуницирате со партнерот и подобро да се разбирате, најдобриот совет за врска е да го научите „јазикот на љубовта“ и да го зборувате течно. Овие вештини ќе ја зајакнат вашата врска, а кавгите и недоразбирањата ќе станат минато.

Што треба да направите за да бидете подготвени за љубовна врска?

Ристе Здравков — Thu, 24 Mar 2022 13:41:14 +0000

Заборавете на непишаните правила и престанете да верувате дека некој „едноставно не е за вас“. Прескокнете ги сите совети за тоа како да се покажете во најдобро светло пред личноста што ве привлекува. Луѓето кои се искрено задоволни со своите романтични избори трошат повеќе енергија работејќи на својот сопствен развој отколку да бидат попривлечни за потенцијалниот партнер. Фокусирајте се на овие 4 принципи и дозволете времето да ви покаже кој е вистинскиот избор за вас. 1. Спознајте се себеси Пред да се одлучите да започнете врска со некого, неопходно е да се спознаете себеси, и не само во емотивен туку и во сексуален поглед. Можеби имате нереална надеж дека некој друг ќе ве разбере и ќе ве усреќи – дури и кога вие самите не се разбирате себеси. Важно е директно да комуницирате со партнерот за вашите емоции и вашата сексуална страна. Не можете да очекувате другите интуитивно да сфатат кои сте вие и што ви е потребно. Анализирајте ги вашите емоционални реакции и разговарајте со луѓето за тоа како се чувствувате или што забележувате за себе. 2. Научете да верувате во она што луѓето го покажуваат и кажуваат за себе Вообичаено е да го рационализираме лошото однесување на личноста доколку таа нè привлекува. Доколку личноста не ве почитува и ве изневерува, тоа веќе кажува многу работи за нејзиниот карактер. Доколку личноста ви каже дека „ѝ треба повеќе простор“ или дека не бара „ништо сериозно“, нека ви биде сигнал дека можеби не ги посакувате истите работи. Не занемарувајте го однесувањето на другите. Ако се однесуваат незрело, без почит, или пак ве навредуваат со своите постапки, знаете што треба да направите. Не е ваша работа да му помогнете некому да се подобри, ваше е само да работите на сопствениот развој. 3. „Оддалечете“ се од родителите Ова не е лесна задача и иако многумина сметаат дека го направиле тоа, сепак во реалноста не е така. Колку што е можно, работете на тоа да бидете независни од родителите. Тоа не значи да не поминувате време со нив и да им споделувате работи за вашиот живот. Напротив. Но, треба да бидете свесни дека самите треба да донесете одлука. Не дозволувајте тие да ви го контролираат животот така што постојано ќе барате од нив мислење, уверување или некакви насоки. Исто така, не треба да верувате дека личноста со која ќе имате романтична врска ќе се грижи за вас на начинот на кој се грижат вашите родители. Научете да го контролирате сопствениот живот и да бидете свесни за вашите цели, потреби и емоции. 4. Направете обид да ја напуштите вашата удобна зона Преку развивањето поголема емоционална и сексуална самосвест, ќе можете да стекнете поголема самодоверба. Секое искуство со партнерите и пријателите ќе ви помогне подобро да се запознаете себеси. На тој начин ќе станете свесни за вашите силни и слаби страни. Нема да постигнете никаков напредок ако продолжите да размислувате и да ги правите истите работи како и секогаш. Вашиот мозок има извонредна способност да расте и да се приспособува, а за тоа му се потребни нови искуства и предизвици. Можеби постојат работи што отсекогаш сте сакале да ги направите но сте немале храброст за тоа. Доволно е да го надминете стравот и да се препуштите во авантурата наречена живот.

Психолозите откриваат 4 главни карактеристики на партнерите кои изневеруваат: Лесно ќе ги забележите

Магдалена Андонова — Tue, 01 Mar 2022 21:48:28 +0000

Дали би простиле прељуба доколку вашиот партнер искрено се покае? Дали сте изненадени од фактот што повеќето луѓе би го направиле тоа? Измамата, како што велат љубовните стручњаци, е знак дека нешто не е во ред во емотивната врска, но има и такви луѓе кои авантурата ќе ја започнат од чиста љубопитност. Љубовните експерти велат дека карактеристиките кои ќе ве карактеризираат како интроверт или екстроверт може да укажуваат на склоност кон неверство. Екстровертите обично се фокусирани на околината составена од луѓе и настани, додека интровертите обично се фокусирани на нивниот внатрешен свет, мисли и чувства. Или партнерот ќе ве изневери или прељубата нема ни да му падне на памет, сметаат психолозите, тоа може да се открие со помош на личноста на еден човек, а ова се четирите главни карактеристики на прељубникот. Нарцис Нарцисоидните луѓе мислат дека заслужуваат сè, вклучително и повеќе партнери. Луѓето кои се високо на скалата на нарцизам имаат многу високо мислење за себе. Очекуваат туѓо восхитување, фантазираат за неограничена моќ и често веруваат дека за нив не важат вообичаените правила на однесување. Не ги почитуваат премногу туѓите чувства и го мамат партнерот со мислата дека имаат право на тоа. Манипулатор Повеќето луѓе влегуваат во емотивна врска од љубов и желба да се поврзат со друга личност, додека манипулативните луѓе тоа го прават од сосема различни причини. Тие не чувствуваат љубов и немаат способност да се поврзат и да формираат нормални односи со другите. Хедонист Прељубниците често имаат помалку развиен дел од мозокот кој е задолжен за самоконтрола. Тешко им е да одолеат на излегување и на се што им причинува задоволство. Емоционално нестабилна Проучувајќи ги сопружниците кои изневеруваат, психолозите откриле дека тие имаат поголема веројатност да имаат особини како емоционална нестабилност - која се карактеризира со чести промени на расположението и потреба за кавга.

Ненаспаноста може лошо да влијае врз љубовната врска

Ивона Петрова — Wed, 26 Jan 2022 11:05:50 +0000

Неквалитетниот сон, т.е. ненаспаноста може да има многу лош ефект врз една љубовна врска, посочува истражување објавено во списанието „Сајенс“ за социјална психологија (Social Psychological and Personality Science). Според американскиот Центар за контрола и превенција на болести (ЦДЦ), возрасните треба да спијат најмалку седум часа навечер. А, според новиот напис, доколку сонот трае помалку од препорачаното, голема е веројатноста да се појават проблеми во љубовната врска. Трудот покажа дека учесниците во испитувањата со помал просек во дневно спиење – повеќе се караат со партнерите. – Сите знаеме како се однесуваат децата кои прескокнале сон. Истото се случува и со возрасните. Тие повеќе не можат да ги контролираат своите емоции. Малите проблеми почнуваат да изгледаат поголеми отколку што се. Така, луѓето реагираат претерано на сѐ, објасни психологот Џенифер Л. Мартин. И други истражувања покажуваат дека луѓето кои не спијат доволно, честопати не покажуваат емпатија, ја губат способноста да ги решаваат судирите на нормален начин и ги занемаруваат емоциите на другиот.

Раскинале, па отвориле Музеј на пропаднати врски во Загреб- еве што оставаат луѓето во него

Катерина Бојаџиева — Tue, 26 Oct 2021 11:12:24 +0000

По секој прекин на некоја врска, остануваат спомени и секакви „сувенири“ од несудената љубов. Некои ги кријат по куќата, други ги фрлаат или ги даваат некому, а трети ги уништуваат… Но, тука е и загрепскиот Музеј на пропаднати љубовни врски. Кога решија да ја раскинат својата долгогодишна врска на почетокот на 2000 година, продуцентката Олинка Виштица и уметникот Дражен Грубишиќ се обидоа да најдат место каде што би можеле да ги остават сентиментално значајните предмети што ги споделувале еден со друг. – Одлучивме да тргнеме по друг пат. Споделивме многу работи заедно, но едно од нашите омилени беше малото зајаче за навивање. Не можевме да имаме домашно милениче, па се шегувавме со зајачето. Кога се разделивме, го фотографиравме и одлучиваме – фрлање или палење или нешто такво – би било вандализам. Ако сте минале години со некого, претпоставувам дека е поради некоја причина, нели? Не мора да ја избришете цела историја затоа што се чувствувавте разочарани, раскажува Грубишиќ. Така настанал Музејот каде поранешната двојка сместувала и од свои пријатели, но и луѓе од далечни земји кои сакаат да ја раскажат својата неуспешна приказна… – За 11 години од отворањето на Музејот во Загреб добивме неколку илјади предмети од целиот свет. Колекцијата вклучува голем број венчаници, венчални прстени, книги… Имаме и многу понеобични предмети, како на пр. како камења од жолчката, ткиво од рана по голема сообраќајна несреќа, па дури и силикон што по раскинувањето го извадила жена која поранешниот дечко ја принудил да го вгради!, низ смеа раскажува Грубишиќ. Во музејот има и градници, писма, секира, голем велосипед, забна протеза… Ова е првиот ваков приватен музеј во Хрватска, а ист таков е отворен во и Лос Анџелес, САД. – Олинка вели дека, ако ништо друго, барем го сменивме пребарувањето на „Гугл“ и сега има најде нешто повеќе од предлозите како да се уништат остатоците од неуспешните врски, заклучува Грубишиќ низ смеа.

ОВИЕ ЗНАЦИ САМИ НА СЕБЕ СЕ НАЈГОЛЕМИ НЕПРИЈАТЕЛИ: Дали може да претпоставите кој е на списокот ?

Магдалена Андонова — Fri, 15 Oct 2021 13:51:50 +0000

Самоуништувачкото однесување е израз на нашата темна страна, која произлегува од ниската самодоверба, па дури и омразата кон себе. Таа доаѓа во многу форми, и најдобро е да се соочите со вашите демони и да ги гледате директно во лице. Еве кој во Зодијакот е најмногу склон кон самоуништување во врските: СКОРПИЈА Од сите знаци, Скорпија уништува не само себе, туку и оние околу него. Иако се полни со љубов, поради што ги привлекуваат луѓето, тие имаат навика да бидат премногу посесивни и љубоморни во врската. БИК Како и Скорпијата, Бикот е познат по својата страст. Имаат необична способност да ги соборат луѓето од нозе со нивната симпатија. Дозволете вашата страст да го извлече најдоброто од вас, наместо да бидете премногу опсесивни за задушената точка на вашиот партнер. БЛИЗНАЦИ Близнаците секогаш успеваат да проектираат слика на позитивност и неограничена енергија. Меѓутоа, внатре работите не се баш такви. Постојано се борат со вознемиреност, несигурност и недоверба, а тоа влијае на динамиката на врската. Главниот проблем е неможноста да се отворите пред другите кога станува збор за нивните проблеми. ЛАВ Познат како одличен партнер кога работите се нови и свежи во врската, тој секогаш зрачи со енергија на радост кога врската е сеуште нова. Но, кога ќе навлезат подлабоко во врската, демоните на гордоста и суетата почнуваат да се појавуваат и предизвикуваат проблеми. РАК Тие главно се многу чувствителни и конзервативни, но и експресивни кога се во прашање емоциите, па луѓето секогаш знаат на што се занимаваат. Сепак, тие имаат навика да се лутат долго време. Тешко ги забораваат расправиите и несогласувањата со партнерот. ОВЕН Кога луѓето мислат на Овен, тие автоматски мислат на љубов. Секогаш кога луѓето ќе ги сретнат како да се секогаш вљубени. Овенот отворено ги покажува своите чувства и љубовта. Сепак, она што на крајот доведува до распаѓање на врската е неможноста да се посветат и да останат верни само на една личност. ДЕВИЦА Тие се најлош непријател кога станува збор за врските. Додека на самиот почеток знаат како да управуваат со врската, умот едноставно ги издава подоцна. Премногу размислуваат и анализираат работи и поради тоа завршуваат заглавени во уништување.