љубовни совети – Kurir.mk

„Намалете ги очекувањата“ и уште два љубовни совети кои НИКОГАШ не треба да ги послушате

Ивана Ефремовски — Mon, 03 Jul 2023 20:49:52 +0000

Секој има што да каже за љубовта. И скоро секој би можел да ви даде некој совет. Сепак, многу луѓе имаат тенденција слепо да веруваат во она што им се кажува, а тоа не е многу добро. Овие три совети навистина никој не смее да ги слуша. Важно е да се сакате, ништо друго не е важно Убаво е да се помине животот во романтичен дух, но колку и да е силна љубовта, за жал, не се живее од неа. Тажниот факт е дека можете да сакате некого лудо, а тој е тотално погрешен избор за вас, поради повеќе причини. Ако не ве почитува, не ве цени и ве омаловажува, ако е агресивен и не поминува со вас онолку време колку што треба, не толерирајте го тоа. Ќе има некој кој ќе го направи сето тоа и повеќе отколку што очекувате. Љубовта не се бара, љубовта те наоѓа Секогаш истиот социјален тим, на едно исто место, не се вистинското решение за наоѓање партнер. Обидете се да ги проширите вашите хоризонти. Променете го кафулето, поканете стар пријател кој долго време не сте го виделе. Не двоумете се да запознаете нови луѓе во клуб, кафеана... Никогаш не знаете каде ќе го запознаете „вистинскиот“. Намалете ги вашите очекувања Сосема нормално и логично е да сакаш партнер кој ќе ги исполни критериумите кои ти ги сметаш за многу важни. Не треба да отстапуваш од тоа, ниту да ги намалуваш условите и да бидеш со некој што не е како тебе. Подобро е да си сам отколку да поминуваш време со луѓе со кои не гледаш иднина.

Не ги давајте овие љубовни совети: Од желба да помогнете, ќе направите контра-ефект

Ивана Ефремовски — Sun, 23 May 2021 18:10:13 +0000

Во денешно време е многу тешко да добиете добар и објективен совет. Сите мислат дека е многу лесно да се среди љубовниот живот, но тоа не е навистина така. Тешко е да најдете некој кој ќе ви се погоди, а уште потешко е да добиете вистински совет кој ќе ви помогне. Понекогаш од желба да се помогне, луѓето даваат совети кои имаат контра-ефекти и кои прават повеќе лошо отколку добро. Еве кои се тие. Морате да глумите недостижни, така ќе ве сакаат повеќе Не дека треба веднаш да им се фрлите пред нозе, но глумењето дека сте ладнокрвни и незаинтересирани може да има сосема спротивен ефект. Бидете тоа што сте и не глумете. Бидете со луѓе кои имаат исти интересирања и хоби како вас Кога се работи за важни животни прашања, сосема е во ред да се бара некој кој има слични планови и уверувања. Но, тоа не значи дека морате да ги сакате баш истите работи. Напротив, ако тоа не е случај, ќе имате прилика да научите нешто ново и да се забавувате во процесот. Машкото мора да плаќа се Живееме во време кога и жените работат и заработуваат, па да се очекува ова од некого едноставно не е реално. Без разлика дали сте машко или женско, не е фер и не е во ред едниот постојано да плаќа. Почекајте пола година пред да започнете да излегувате со нови личности Велат дека кога ќе раскинете треба да почекате 6 месеци за нови состаноци и врски. Но, ова е тотално погрешно. Што ако некоја личност навистина ви се допадне уште во првиот месец по раскинувањето? Сигурно нема да сакате да пропуштите прекрасни луѓе само заради некои правила кои едноставно не држат вода. Немојте премногу да им се отворите, затоа што ќе побегнат ...или уште полошо, ќе го искористат тоа против вас. Секако дека нема сите животни трауми да ги откриете уште на прв состанок, но ако по некое време не можете да бидете потполно искрени, зошто би сакале да сте во таква врска? Никогаш не се заљубувајте во најдобрите пријатели Секако дека можете да се заљубите во најдобрите пријатели, само морате да бидете свесни за ризикот во случај врската да не успее. Ретко кое пријателство може да се одржи по раскинување на врска, но од друга страна не знаете што може да се случи. Вие најдобро знаете и претчувствувате како стојат работите.

„Практични совети“ од 19. век за млади невести – погледнете какви љубовни совети се делеле, ќе ве насмеат до солзи!

Магдалена Андонова — Tue, 16 Mar 2021 09:00:54 +0000

Иако поприлично се оддалечивме од 19-от и почетокот на 20-от век, и сексуално, и емоционално, и социјално и во секој друг поглед, за некого ќе биде занимливо да се потсетиме на некои „заборавени“ правила на однесување, на пр., во поглед на љубовта… Во книгата „Сексуални совети за сопружници“ од 1894 година, напишана од Рут Смитерс, сопруга на свештеникот Л.Д. Смитерс, има многу „практични совети“ за млади невести, коишто денес може да послужат само за хумор. Следат неколку совети за жените… 1. Отфрли го! Ако не одбиете маж, тој ќе бара секс секој ден. Затоа, не заборавајте да се спротивставите. 2. Пасивност или како да избегнете бакнеж? Ако маж се обиде да ве бакне во уста, свртете ја главата настрана за да ве бакне во образ. 3. Облекувајте се исклучиво, во вашата соба. Тоа, за да оставите впечаток на мистерија… Бидете подготвени кога тој ќе пристигне и не дозволувајте да Ве чека. Поздравете го со насмевка. 4. Без голотија! Никогаш не излегувајте голи пред сопругот, затоа што ќе разбудите желба кај него без никаква потреба. 5. Преправај се дека си мртва! Доколку најпосле дојде до секс, најдобро е да го сторите тоа во целосен мрак. Препорачливо е и да се преправате дека сте мртва, затоа што секое, па и најмалото движење може да посочи дека навистина уживате во сексот. 6. Романса? Не доаѓа предвид! Не треба да има романса во сексот, и сопругата би требало да ја крева наметката само до колковите. 7. Задолжителен разговор. При односот, најдобро е да се молчи. Но, можете и да разговарате, ама не за што било… Најдобро е да се зборува за домашните работи, и тоа непрекинато. 8. Ако ви пристапи со „гадоста“, ја вртите главата… Мажите по природа се изопачени, па ако тој се обиде да ја приближи својата „гадост“ до Вашата уста, Вие само свртете ја главата настрана. 9. Внимавајте каде ве бакнува и трчајте кон тоалетот! Ако се обиде да Ве бакне каде било освен на образот, брзо спуштете ја ноќницата или наметката, извинете му се и кажете му дека итно треба да одите во тоалет. 10. Не дозволувајте да заспие! Спречете го вашиот сопруг да спие мирно по сексуалниот однос. Жалете му се, па и потсетете го на сè што треба да стори следниот ден. 11. Исклучете ги светлата. Ако веќе не можете да избегнете однос, исклучете ги сите светла во собата. По сè, изгледа тоа биле различни времиња, но некои од овие совети оставиле своја трага и денес… Следат уште неколку од нив. 12. „Ме боли главата“. Најдобро е да одглумите главоболка или мигрена еден час пред да одите в кревет. 13. Мажите не сакаат девојки кои позајмуваат марамчиња од нив и оставаат трага од кармин на нив. Шминкајте се во приватност, на место каде што никој не Ве гледа. 14. Не зборувајте додека танцувате. Кога мажот танцува, тогаш тој сака само да танцува. 15. Не бидете премногу интимни со вашиот придружник со тоа што ќе го допирате во јавност. Секое отворено покажување наклонетост се смета за лош вкус и затоа го срамите и понижувате. 16. Не комуницирајте премногу со другите мажи. 17. Носете градник. 18. И, конечно – почитување на тенката граница помеѓу „зашеметеност“ и „пијанството“. Тоа е исто толку паметна идеја денес, како што била, на пр., и во 1938 година. (МИА)

Вредни љубовни совети кои ќе посакате да сте ги знаеле многу порано

Катерина Бојаџиева — Fri, 07 Dec 2018 22:21:35 +0000

Никогаш не се прашувајте дали сте доволно добри за нив. Прашувајте дали тие се доволно добри за вас. Никогаш не трчајте по никого! Нема да имате потреба да трчате во вистинската личност. Не се обидувајте да ги смените. Ако влезете во врската со идејата дека треба да ги поправите или промените, тогаш вие не сте заљубени во личноста, туку во идејата за нив. Ако некому се допаѓате, верувајте дека ќе ви стават до знаење дека им се допаѓате. Тука нема сива зона, нема мистериозност. Ако има некакви искри – ќе ви го покажат тоа, ќе се потрудат. Ако не, тогаш тоа е знак дека треба да продолжите понатаму. Не можете да влијаете на тоа како некој ќе се однесува, но можете да влијаете врз вашата реакција на нивното однесување. Никогаш немојте да правите приоритет од човек кој ве смета само за нешто привремено. Не им верувајте на луѓе кои зборуваат лошо за сите нивни бивши партнер(к)и. Утре истото ќе го зборуваат и за вас пред други луѓе. Не ја барајте вашата „друга половина“. Вие не сте половина личност. Вие сте целосна и одлична личност. Морате да бидете среќни самите со себе пред да бидете среќни со друга личност. Бидете со луѓе кои можат да бидат среќни и без вас. Не можете вие да бидете изворот на нечија среќа и да носите товар дека цела нивна среќа зависи од вас. Вие треба само да бидете дополнителен извор на среќа, а истото важи и во обратната ситуација. Секогаш кога се расправате со вашите сакани, запомнете дека не се работи за натпревар: јас против тебе, туку за натпревар во кој вие двајца стоите наспроти проблемот. Љубовта не е чувство, љубовта е избор кој го правите секој ден.

Кои се најлошите љубовни совети?

Катерина Бојаџиева — Wed, 03 Oct 2018 19:17:55 +0000