Зошто градоначалникот на Кратово, Бојаџиев на лична сметка добил 12,5 илјади евра од државниот буџет ? (ФОТО)

Магдалена Андонова — Fri, 05 Feb 2021 15:21:17 +0000

При проста проверка на „Отворени финансии“ под името на Љупчо Бојаџиев, градоначалникот на Кратово, може да се забележи континуиран прилив од државниот буџет на негово име, во износ од 767 745 денари за неполни три години. Прашање е за што му се префрлани пари ОД Министерството за финансии, но и од Совет за јавни набавки на градоначалникот на Кратово? Ако биле за општински работи, општината има сметка, па не би требало да биде на приватната на градоначалникот? Доколку пак биле за обуки, како пишува во делот од парите префрлени под делот каде пишува Јавни набавки, со додавка обуки, надоместок за поднесено барање, како е можно само во ден 09.11.2017 година, Љупчо Бојаџиев да заработил 76 545 денари? Или Бојаџиев тој ден присуствувал на вкупно 29 предавања? Уште поголемо прашање е што направил Бојаџиев во месец ноември 2017 година бидејќи само за тој месец од Совет за јавни набавки на негова сметка се легнати 216 090 денари? Или дали тој на некои предавал, а на други слушал, затоа што сумите токму за тој ден се различни, од 1 260 до 5 670 денари? А што би предавал градоначалник, по професија и образование доктор, очен лекар? Но, доколку слушал предавања на обука, како државен службеник ќе добиел можеби надоместок како дневница, па дали неговата дневница, но и чии други дневници изнесуваат по 5 670 денари? Доколку навистина се работи за обуки на кои што присуствувале повеќе лица, повторно е прашање зошто се исплаќаат пари само на Љупчо Бојаџиев, бидејќи под Назив на примател стои неговото име? Дали евентуално другите немале име, немале сметки или пак, свесно се доведени во ситуација државни пари да се делат „на рака“? Легнувањето на буџетски пари на сметката на кратовскиот градоначалник продолжува и во 2018 и во 2019 година, директно од Министерството за финансии, кое во неколку наврати во двете години му исплаќа вкупно 551 655 денари. Од нив, само во 2019 година во два наврати му дава 532 755 денари, односно во јули 250 000, а во септември 282 7555 денари. И повторно назив на примач на средствата не е општинското име туку лично неговото, Бојаџиев Љупчо. Очигледно дека очниот лекар Љупчо Бојаџиев на привремена работа како градоначалник на Кратово, има за објаснување, по кои основи од државата на негово име од ноември 2017 година до септември 2019 година се исплатени вкупно 767 745 денари? Се поставува прашањето дали министерот за внатрешни работи, Оливер Спасовски со кого е во многу блиски релации, по допрен глас ќе поведе постапка за горенаведеното ?

ФОТО:Градоначалникот на Кратово, Бојаџиев со поддршка од Заев ќе подигаат споменици на бугарските окупатори во центарот на Кратово

Магдалена Андонова — Sat, 05 Dec 2020 18:23:01 +0000

Градоначналникот на Кратово, Љупчо Бојаџиев, со потекло од Струмица, родното место на Зоран Заев, а сега со место на живеење во Кратово на својот Фејсбук профил сподели објава од Спирдон Спирдонов, кој инаку е близок соработник на вицепремиерот на Република Бугарија, Красимир Каракачанов, на која што пишува дека во Кратово ќе се подигаат споменици на бугарски фашистички окупатори - војници кои загинале во 1944 година во Страцинско-кумановска операција. Инаку, во Страцин има најмногу загинати војници кои што се бореле против бугарската окупација, односно против фашизмот. Имено, овој договор е уште од март месец, како што може да се види по датумот на објавата на Спирдонов, а сега се афирмира со поддршка на Зоран Заев, што буквално би значело бугаризација на Македонија.

љупчо бојаџиев – Kurir.mk

Зошто градоначалникот на Кратово, Бојаџиев на лична сметка добил 12,5 илјади евра од државниот буџет ? (ФОТО)

ФОТО:Градоначалникот на Кратово, Бојаџиев со поддршка од Заев ќе подигаат споменици на бугарските окупатори во центарот на Кратово