љупчо палевски – Kurir.mk

Приведено едно лице за нападот врз Љупчо Палевски

Ристе Здравков — Fri, 25 Sep 2020 15:49:45 +0000

Министерот за внатрешни работи Оливер Спасовски соопшти дека едно лице е приведено за нападот врз активистот и претседател на движењето „Трета“, Љупчо Палевски. Палевски среде бел ден, на 17 септември беше нападнат од две лица со метален предмет кај неговиот дом во близина на трговскиот центар Буњаковец во Скопје. Тој беше хоспитализиран во болница со нанесени тешки телесни повреди.

Реваншизам кон неистомисленици, метод на власта за замолчување и дефокус од реалните проблеми во државата

Дарко Андоновски — Wed, 23 Sep 2020 13:24:46 +0000

Заплашување, сеење страв, политички реваншизам и освета се методи на власта за дефокус на јавност од реалните проблеми во државата и замолчување на политички неистомисленици во недостаток на економски резултати и реформи. Во изминатиот период во Македонија се почесто се јавуваат различни форми на прогон против неистомисленици, напади на новинари, притисок врз медиуми и слично. Ваквиот вид на притисок кој се врши води кон уназадување на демократските процеси во Македонија и е спротивен на европските вредности кон кои се стремиме. Примери има многу. Љупчо Палевски, претседател на движењето Трета во изјава за телевизија Алфа кажа дека премиерот Зоран Заев и поранешниот шеф на тајната полиција Сашо Мијалков стојат зад нападот врз него извршен пред неколку дена од две маскирани лица со шипки. Притоа, тој изјави дека Мијалков дека му се заканувал оти ќе го стави во буре со киселина. „За ова имам и сведоци, кои се подготвени да сведочат и на суд и да кажат на кое место и кога ми се заканил дека планира да ме стави во буре со киселина да не постојам“, изјави Палевски. Инаку, Палевски е критичар на власта односно и континуирано објавува свои статуси и ставови. Исто така Палевски преку објави на својот фејсбук профил во јавноста сподели низа на доверливи информации, почнувајќи со аферата „Атлантик“ во која масовно се следеле и прислушувале опозициски претставници и активисти кои се бореа против промената на името. Пред некое време исто така имаше физички напад врз новинарот и уредник на сајтот „Лидер“, Љупчо Златев. Според Златев, мотивот за нападот е текст кој тој го објавил на порталот „Лидер“, дека поранешниот шеф на УБК, Сашо Мијалков купил луксузен имот покрај Охридското езеро. Во низата на случаи е и нападот и пресудите за новинарот на „Инфомакс“, Александар Митовски. Тој доби затворска пресуда за објавување. Овде не запира тортурата врз новинарите и новинарската фела од страна на власта и луѓето блиски од неа. Има низа на случаи за напади, како вербални во смисла на клевета и навреда, така и физички, но надлежните не наоѓаат начин или можеби сила да ги расветлат истите.

Палевски: Кадарот на ДУИ ќе ја угуши истрагата за нападот, Мијалков ми се закануваше дека ќе ме стави во буре со киселина да не постојам

Ристе Здравков — Mon, 21 Sep 2020 17:21:15 +0000

Љупчо Палевски – Палчо, активист и лидер на движењето „Трета“ вечерва на Алфа телевизија со шокантни обвинувања кон власта за нападот и истрагата која се води, вели дека началниците на ДУИ ќе ја угушат истрагата, а го посочи поранешниот директор на УБК Сашо Мијалков дека му се заканувал дека ќе го стави во буре со киселина, а за нарачатели ги обвини Мијалков и премиерот Зоран Заев. Началникот на насилен криминал на Град Скопје, кадар на ДУИ и оној на Република Македонија е кадар на ДУИ и прават опструкции да нема ништо од ова истрага, најбрутално од се тоа што не дозволуваат со „Сејв сити“ да има вештачење обвинителството, односно да го искористи како аргумент за расчистување на овој циркуз којшто го направија и ова насилие, вели Палевски. Палевски вели исто така дека по цела вертикала во делот на насилен криминал е во рацете на ДУИ, тука спаѓаат и протести, како тоа што се случува со навибачката група „Комити“, а познато е дека професионалност кадарот на ДУИ го поистоветува со тоа како ќе им кажат од партијата, како партиска задача, не како државна задача, вели тој. Политиката на ДУИ е насилна, јас не се откажувам од полицијата, но таа може се да заврши, ама кога началникот од ДУИ нема да му даде материјали од „Сејф сити“, нема да има никаков доказ, едноставно ДУи владее со такви структури, така дојде на власт и така и ќе продолжи да владее- рече Палевски. Палевски остана на ставот дека нарачатели на нападот во кој беше брутално претепан се Сашо Мијалков и Зоран Заев, за кого вели дека Мијалков на неколку наврати му се заканил. -За ова имам и сведоци, подготвени на суд, на кое место и кога ми се заканил дека планира да ме стави во буре со киселина да не постојам, потенцираше Палевски.

Палевски: Знам дека зад нападот извршен врз мене стојат Заев и Мијалков

Магдалена Андонова — Mon, 21 Sep 2020 17:05:00 +0000

Љупчо Палевски- Палчо, активистот и претседател на движењето „Трета“, вечерва во Алфа телевизија истакна дека зад нападот кој што му се случи, во кој беше брутално нападнат и претепан стои власта, односно Заев и Мијалков кои ги обвини јавно дека стојат зад нападот. -Тие беа наркомани, дилери, со мали скутери кои разнесуваат дрога низ градот, за грам –два, очигледно дека подземјето работи со власта, со политичката елита која бара вакви услуги од време на време, не само што ги обвинувам јавно, точно знам кои се, тоа се господинот Заев и Мијалков, затоа што имам и сведоци дека Мијалков официјално ми го праќа веќе три месеци откако излегов од затвор, вели Љупчо Палевски – Палчо. Палчо говорејќи за напаѓачите вели дека биле двајца од кој еден со пендрак на извлекување кој му нанел 4 удари и еден со боксирач кој му нанел 8 удари. Палчо исто така истакна дека причини за нападот од страна на носочените нарачатели има повеќе, од аферата „Атлантик“, во која тој ги изнел доказите дека е злоупотребена целата правна процедура, дека се прислушкувани активисти на „Бојкотирам“ за по секоја цена да се протне името зад оној референдум кој не успеа. -Со настаните од 27 април, тоа е истата онаа истрага, не е затворена, туку во истата се надоврзани сите активисти од „Бојкотирам“ и истрагата од 27-ми си ја продолжиле со тоа што не прогласиле за терористи и македонски екстремисти и јас сум идеолошки инспиратор за атентат врз Зоран Заев , така стои во истрагата штоја спроведува тогашната УБК, истакна Палевски. Палевски рече дека тотална измислица е тоа што е дел од обвинението дека тој бил инспиратор на можен атентат на Зоран Заев кој требало да се изврши во болницата 8-ми Септември за да може некој судија да потпише налог за да бидеме ние следени. Јас барав од обвинителката Вилма Русковска која го работеше 27-ми да ме викне барем на информативен разговор зошто и како јас тоа сум планирал да убијам премиер на една држава, што е најсериозно кривично дело, но тоа не се случи еве поминаа два месеци, но се случи ова, вели Палевски.

Демократски сојуз: МВР да ги открие напаѓачите на Палевски

Ивона Петрова — Fri, 18 Sep 2020 10:09:24 +0000

Демократскиот сојуз го осудува бруталното насилство врз Љупчо Палевски, бизнисмен и претседател на Движењето "Трета". -Ги повикуваме службите за безбедност и МВР брзо да ги откријат сторителите и нарачателите на ова кривично дело и да ги изведат пред лицето на правдата. Безбедноста на граѓаните и на учесниците во јавниот и политичкиот живот е од највисок приоритет во едно демократско општество, а државата мора да испрати порака дека насилството не смее да се толерира и да остане неказнето, се наведува во соопштението на партијата. Од партијата на Палевски му посакуваат брзо оздравување и враќање на секојдневните обврски.

Мицкоски со осуда за нападот врз Љупчо Палевски

Ивана Ефремовски — Thu, 17 Sep 2020 17:40:16 +0000

Иако имаме различни мислења за одредени теми, иако и често знае да ме критикува, но искрено и човечки давам поддршка за Љупчо Палевски и најостро го осудувам дивеењето по улиците и физичкиот напад врз него, напиша лидерот на ВМРО-ДПМНЕ Христијан Мицкоски. „И да не се залажуваме, власта многу добро ги знае сторителите и нарачателите на ваквиот крвав инцидент. Наместо Европска Македонија, добиваме држава во која мафијата со неистомислениците се пресметува со тупаници и шипки. Ако владата не го расветли инцидентот во најбрз можен рок, тогаш народот треба да знае како да се самозаштити во иднина“- порача тој.

Претепан активистот Љyпчo Пaлeвcки, лекарите се борат за неговиот живот

Ристе Здравков — Thu, 17 Sep 2020 16:30:06 +0000

Активистот и претседател на движењето „Трета“, Љупчо Палевски попладнево е брутално нападнат и претепан, пренесе „Нетпрес“. Тој е во критична состојба во Систина, а лекарите се борат за неговиот живот. Неофицијално тој бил пресретнат и брутално нападнат пред својот дом на пат кон својата викендичка од непозната група на сторители. Изминатиот период Палевски се чини беше единствениот човек кој се бореше за вистината во Република Македонија. Преку објави на својот Фејсбук тој со јавноста сподели низа на доверливи информации, почнувајќи со аферата Атлантик во која масовно се следеле и прислушкувале опозициски претставници и активисти кои се бореа против промената на името, а потоа ја објави и вистината за како што вели тој за случајот „27 април“. Првичната претпоставка, според „Нетпрес’“ е дека нападот е политички мотивиран.

Бoмбa на Љупчо Палевски: Приcлyшкyвани и следени новинари, политичари и активисти на „Бојкотирам“

Ивона Петрова — Tue, 07 Jul 2020 10:32:26 +0000

Љупчо Палевски на прес-конференција открива дека во период пред референдумот биле прислушкувани и следени, новинари, политичари и активисти на движењето „Бојкотирам“, пренесува Инфомакс. Кодното име на операцијата е „Атлантик“ и истата се одвива во период пред референдумот кога се следат сите противници на промената на името и против нив се калемат тешки обвинувања за домашен тероризам и македонски екстремизам.

Уапсен е Љупчо Палевски

Ивана Ефремовски — Fri, 19 Jun 2020 12:49:08 +0000

Љупчо Палевски- Палчо предмалку бил уапсен поради непочитување на мерката за самоизолација, дознава “Фокус”. Палески пред неколку дена се вратил од странство, но наместо да седи во својот дом, полицијата го пронашла во кафуле во центарот на Скопје, информира нивниот извор. -Во моментот Палески се наоѓа во полициска станица Центар. Бизнисменот Палчо, во септември беше приведен на белградскиот аеродром на пат кон Москва, а неодамна, по 8 месеци, е повторно на слобода, по што се вратил во Македонија, пишува Фокус. Тој беше уапсен по потерница на Хрватска, за некаков наводен долг на негова фирма во оваа земја. Палчо беше осомничен во една од предистрагите на СЈО “Никола Тесла”, поради што во неговиот дом беше направен претрес. Наводно беа пронајдени “бомби”, но случајот досега нема завршница

Мицкоски: Се шпекулира во јавноста дека постои некое УСБ стикче на Палевски на кое има доста работи со кои треба да се позанимава македонската јавност

Катерина Бојаџиева — Wed, 18 Dec 2019 17:11:00 +0000

Истото што вие сега ме прашувате истото и јас сум го слушнал постојат некаков вид на такви материјали сум слушнал и се шпекулира во јавноста дека постои некое такво УСБ стикче кое што во судските, односно во обвинителството е заведено под број НСКРО 74/17 и дека на тоа стикче има доста работи со кои што можеби треба да се позанимава македонската јавност, но сето ова е на ниво на шпекулации јас немам потврдени информации за ова кое што вие ме прашувате и за она кое што јас го слушам. Ова го истакна лидерот на ВМРО-ДПМНЕ Христијан Мицкоски, одговарајќи на новинарското прашање: На господинот Љупчо Палевски веќе 4 месеци не му се слушнало ни трага ни глас еве ние бараме одговори од српските органи никој ништо не кажува она што се шпекулира во јавноста е дека кај него постои некаков, некое УСБ на кое што има некои инкриминирачки материјали за господинот Зоран Заев и некои други политичари, сте побарале ли вие некакви одговори каде е Палевски дали е здрав и жив, дали е точно она што се шпекулира во јавноста? -Но, навистина ако ова е точно тогаш е катастрофално, дури и го повикувам обвинителството дури и до таму се оди во тие шпекулации дека тоа стикче било најдено во моментот кога е вршен претрес кај еден од осомничените во случајот Рекет 1, и дека се наоѓа во обвинителството така што ако ова е вистина кое што вие ме прашувате, а јас исто така го слушам на ниво на шпекулации, тогаш навистина ќе биде уште еден пораз за македонското обвинителство и за македонското судство и доказ дека се тие денеска реформирани од како што велеше порано Зоран Заев од Сваровски во Луј Витон правосудство, додава Мицкоски.