Љупчо Ристовски – Kurir.mk

СДСМ осудена дека клевети: Мицкоски со две добиени тужби против СДСМ и Љупчо Ристовски од Интегра

Ивона Петрова — Fri, 01 Apr 2022 09:21:03 +0000

Основниот граѓански суд во Скопје ги усвои тужбите на претседателот на ВМРО-ДПМНЕ Христијан Мицкоски за клевета. Мицкоски на суд ја доби правната битка против СДСМ и Љупчо Ристовски од Интегра. Во судската пресуда за случајот против СДСМ, судот пресудил дека партијата на својата официјална страна, а пред пошироката јавност со намера да нанесе штета на честа и угледот на тужителот изнел невистини факти дека „Мицкоски му е вечен должник на Груевски. Тој мора да го штити и прави онака како што сака Груевски. Политиките на Мицкоски се политики на Никола Груевски.“ Судот утврдил и дека СДСМ го навредила Мицкоски со изнесување невистини и нарушување на угледот и честа со изјава дека „Мицкоски е пион кој се збогатил благодарение на неговиот шеф и ментор.“ СДСМ изнела невистини и со изјавата дека „Во 2015 година, Груевски му доделил на Мицкоски и неговата фирма „Енерготек ДОО“ 33.000 квадратни метри државно земјиште за изградба на хидроцентрали. Фирмата е 99% сопственост на Мицкоски, а не 7% како што ја лаже јавноста.“ Покрај добиената тужба поднесена против СДСМ, Мицкоски по судски пат за клевета и навреда го доби и Љупчо Ристовски од Интегра. Судот утврдил дека тужениот Ристовски со цел да го наруши угледот на Мицкоски изнел невистини дека ВМРО-ДПМНЕ и лидерството било против македонските национални интереси.

Професорот Ристовски: СДСМ за две години потрошила 9 милијарди евра, а граѓаните немаат видено ниту еден инфраструктурен проект

Дарко Андоновски — Tue, 21 May 2019 09:50:27 +0000

Во своето гостување во емисијата „Само вистина“ ма Канал 5 телевизија, професорот Љупчо Ристовски вели дека власта на СДСМ за две години власт потрошиле неверојатни 9 милиони евра, а за граѓаните нема ниту еден инфраструктурен проект. -За волја на вистината оваа влада за две години потроши 9 милијарди евра. Читајте ми од уста, две години 9 милијарди евра, потроши оваа влада, не видовме еден голем инфраструктурен проект освен крпеници. 9 милијарди се отидени од џебовите на граѓаните. Дали знаете што тоа значи? Ние секојдневно се задолжуваме да го сервисираме долгот, на ивица на свлечиште сме, вели Ристовски.

Ристовски: Не можеме по цена на скршено достоинство да влеземе во НАТО и во ЕУ

Курир — Mon, 04 Jun 2018 07:52:49 +0000

Во дебата на „360 Степени“, која се емитува на „Алсат – М“, Љупчо Ристовски од Институт „Интегра“, зборуваше за впечатоците по една година од новата влада и нејзиниот најголем фокус на решавање на прашањето за името. Ристовски рече дека Владата не доби мандат само за едно прашање, туку за да го подобри животот на граѓаните и да ги реши отворените прашања. – Страотно погубна е тезата да очекуваме дека овој народ ќе го биде или не ако влезе во НАТО или почне преговори со ЕУ. Ако Израел така размислуваше, ние ќе бевме во неврат уште многу одамна. Не е нож под грло. Не смееме да го плашиме народот, дека ако не влеземе во НАТО сега во јуни, или ако не почнеме преговори со ЕУ, готово е, нема да не биде. Не е точно. Има безброј латерални решенија, ако малку само размислат, или се советуваат со мудри луѓе, ќе ги најдат тие решенија. Не можеме ние по цена на скршен дух на македонската нација, по цена на скршено достоинство на македонските индивидуи и граѓани кои се чувстуваат етнички Македонци, да влеземе во НАТО и во ЕУ. Па така ќе направиме поголема штета отколку било што. Ние сме опстоиле во турско 500 години, не газеле, не палеле, не уништувале, па сме опстоиле и сме се задржале такви какви што сме. 100 години српско не владеело, не газела српска чизма, па сме имале трауми. Значи, ние ќе опстоиме. Не е прашањето дали ќе не биде или не. Ние покажавме виталност и како држава, и како нација и како граѓани на оваа територија уште во 2001 година, после конфликтот, умеевме да направиме клучни компромиси, ние правиме и сега клучни компромиси. Нема да јадеме подобро и поквалитетно ако влеземе во НАТО или ако почнеме преговори со ЕУ. Јас сум прв за, тоа е нашиот единствен пат, да не ме разберете погрешно. НАТО и ЕУ се патеката на Македонија, но ако имаме сериозни пречки на тој пат, не можеме ние да го кршиме достоинството и духот на нацијата. Па тоа да се случуваше на нашите сограѓани Албанци, зар ние Македонците ќе го дозволевме тоа, рече Ристовски и потенцираше дека правдата е на наша страна.