љупчо златев – Kurir.mk

Поднесена претставка за дискриминација против Бујар Османи

Ивона Петрова — Thu, 05 Jan 2023 13:15:26 +0000

Новинарот Љупчо Златев објави дека поднесов претставка против Министерството за надворешни работи и против министерот Бујар Османи до Комисијата за спречување и заштита од дискриминација. -Претставката е во однос на воведувањето на МКарта, со која се дискриминираат околу 2 милиони граѓани по бројни основи. Во прилог, интегрално ви ја пренесувам содржината на претставката: Со воведувањето на МКарта, директно се дискриминираат стотици илјади граѓани на нашата земја, вклучително и јас. Имено, министерството предводено од господинот Бујар Османи донесе одлука според која носителите на оваа картичка ќе поминуваат забрзано на граничните премини. Овие лица не се службени лица и не се носители на дипломатски или високи јавни функции, што значи дека немаат службени или дипломатски патни исправи. Оттука, секое нивно привилигитање во однос на останатите граѓани претставува дискриминација. Дополнително изборот на "истакнати личности од земјата кои живеат во странство" е целосно нетранспарентен без јасно дефинирана методологија и единствено и со ексклузивно право на вработени во МНР да одлучуваат кој ќе добие ваков статус. Се прави дискриминација врз основа на личен или општествен статус, имотен статус и социјално потекло, со тоа што на листата на привилигирани носители на МКарта се наоѓаат лица кои само затоа што се богати ќе поминуваат побрзо на граничните премини како успешни бизнисмени или индивидуалци во странство. На сметка на тоа, обичните граѓани ќе чекаат ред и ќе бидат дискриминирани. Ред ќе чекаат и бремените жени, болните и изнемоштените и лицата со попреченост кои исто така се дискриминирани поради нивната здравствена состојба. Во исто време, на листата од 69 носители носители на МКарта која беше објавена евидентно е дека не се опфатени бројни научници и интелектуалци кои според мене се изоставени само затоа што се Македонци и Православни христијани, што значи дека министерството и министерот Бујар Османи, дискриминираат и по основ на етничка припадност и религија, објави Златев.

Златев: За жал кога немате систем кој функционира и кој проверува се случува ваква страшна трагедија

Магдалена Андонова — Tue, 23 Nov 2021 19:20:47 +0000

Не беше така одамна пред три години поминати се од една слична ваква трагедија во Ласкарци, човек едноставно нема зборови како да го опише се ова. Ова е навистина катастрофално, е сега лоша карма, или нефункционален систем е прашањето кое сите ние треба да си го поставиме, истакна Љупчо Златев во гостување во „Само Вистина“ на Канал 5 телевизија. Златев додаде дека потребно е државата да воспостави стандарди за функционирање за се во земјава. - Стандарди за функционирање во земјава се потребни независно дали зборуваме за модуларна болница, независно дали зборуваме за автобуси, заклучи Златев. Златев потсети дека 20-тина трагично загинати луѓе во Ласкарци имаше, а се уште нема никаква пресуда, ниту пак „Дурмо турс“ компанијата која беше одговорна за ова заедно со нејзиниот технички преглед има било каква одговорност. - И иронијата да биде уште поголема, се уште компанијата функционира со истите лоши, уште полоши стандарди. Сега дали овде има некаква одговорност на „Беса турс“ далеку од тоа дека јас можам да коментирам или било кој од нас, но едноставно кога немате систем кој функционира, кога немате систем кој проверува, вас секогаш ќе ви се случи нешто слично, рече Златев. Златев посочи дека денес „Дојче веле“ како сериозен медиум денес објави дека овој автобус не бил внесен во системот на министерството за транспорт и врски. Како му дозволувале да излезе од Македонија е прашање кое тој лично сам на себе си го поставува.

Новинарот Златев: Полицаец ми впери автомат во лице нарекувајќи ме мајмун

Ивана Ефремовски — Wed, 02 Jun 2021 09:52:28 +0000

Додека како професионален и легитимиран новинар доаѓав да го следам судењето во граѓанската парница помеѓу Зоран Заев и Александар Николовски, полициски службеник ми впери автомат во лице нарекувајќи ме мајмун, пишува новинарот Љупчо Златев. „Се што сакав е да поминам по патот помеѓу кривичниот суд и граѓанскиот суд кога специјалецот го впери автоматот кон мене со зборовите "Бегај од тука мајмуне" без никакво претходно предупредување. Инаку се ова се случи иако пред мене и по мене поминуваа луѓе. Треба еднаш да се стави крај на овој насилен картел“ - обелодени тој!

Стејт Департмент застана во одбрана на новинарите Љупчо Златев и Александар Митовски кои власта ги гони за оддавање државна тајна

Магдалена Андонова — Wed, 31 Mar 2021 15:01:08 +0000

Стејт Департменот, односно највисоката институција за надворешна политика на САД, застанаа во одбрана на новинарите Љупчо Златев и Александар Митовски, кои се гонети од страна на власта поради оддавање на државна тајна, посочувајќи дека се прекршени граѓански права во нивниот случај. – Владата ги гонеше новинарите во текот на годината за откривање на доверливи или класифицирани документи. На 4-ти март, скопскиот Кривичен суд го осуди новинарот Александар Митовски и го осуди на шест месеци условна казна затвор за откривање доверливи документи поврзани со кривичната истрага „Рекет“. Тој ја објави првата страница од изјавата на сведок на неговиот портал, „Инфомакс“, во август 2019 година. На 30-ти јули, ОЈО поднесе обвинение против Љупчо Златев, уредникот на финансиска новинска агенција „Лидер“, за откривање на класифицирани документи од Агенцијата за национална безбедност во два текста на порталот објавени во јули, се вели во извештајот на Стејт Департменот. Целиот извештај може да го погледнете ТУКА.

Златев: Тоа што јас сум го објавил е веќе поништено, не знам како може да ми се суди за оддавање на службена тајна

Ивана Ефремовски — Mon, 01 Feb 2021 12:36:05 +0000

Во Основниот кривичен суд Скопје денеска продолжи судскиот процес кој Обвинителството го покрена против новинарот и уредник на порталот Лидер.мк, Љупчо Златев, за наводно оддавање државна тајна, кој најавува приложување докази во негова полза. Златев очекуваше дека судот ќе се одважи и ќе го отфри обвинението, бидејќи самото обвинение, според него, содржи барање за цензура на слободата на изразување. -Имавме шанса да ги поднесеме доказите на одбраната. Тоа се докази кои покажуваат дека овде практично нема дело. Еден од доказите е пресуда на Управниот суд со која практично се укинува ова поништување на безбедносниот сертификат за кое јас објавив, односно се поништува. Значи дека тоа што јас сум го објавил е веќе поништено. Не знам како може да ми се суди за оддавање на службена тајна. Но, продолжува судскиот процес, судот ни ги прифати сите докази, таму се сите докази и Конвенциите на судот во Стразбур и Европската конвенција за човекови права со кои практиќно медиумите се заштитуваат во вакви случаи. Сето тоа го поднесовме, поднесовме и листа на сведоци, истакна Златев. Станува збор за објавен текст поткрепен со документи како докази кои покажуваат како всушност се селектираат кадри од Управата за безбедност и контраразузнавање (УБК), односно во идната Агенција за национална безбедност (АНБ).

Златев до Заев: Од денес давам безусловна поддршка на сите политички и неполитички субјекти кои ќе се обидат да го срушат ова зло од човек

Дарко Андоновски — Wed, 25 Nov 2020 22:50:46 +0000

Новинарот Љупчо Златев преку статус на Фејбсук пишува дека од денес дава безусловна поддршка на сите политички и неполитички субјекти кои ќе се обидат да го срушат ова зло од човек, алудирајќи на Зоран Заев. -Види вака Зоране. Види вака властодржецу. Кога ги слушав твоите зборови, се присетив на чувството кога пред петнаесетина години во мини библиотеката на дедо ми, најдов една монографија во која се опишува како е убиен неговиот татко. Морници ме лазеа тогаш, ми протекоа солзи... Морници ме лазат и сега кога ги слушам твоите зборови. Прадедоми Милан Андов, еден од првите партизани во тиквешијата, бил свирепо убиен од бугарските фашистички окупатори. Откако го убиле, бугарските фашисти мртвото тело му го влечеле низ селото Барово за да покажат пример дека никој не смее да се крене против фашизмот. Ти денес велиш дека тоа не биле фашисти! Велиш дека тоа не биле окупатори туку биле ослободители на оваа земја. За тебе тие монструми кои влечеле на моторцикл човек кој го убиле, додека неговите најблиски тоа го гледале не се фашисти! Ете така дошле, обични администратори биле, а? Ти денес се исмеваш со трагедиите на илјадници семејства, денес го славиш убивањето на илјадници Македонски Евреи во концлогорите. Види вака Зоране, ти го смени името на нашата земја, не ограби, не правиш луди секој ден, но и покрај се до денес за тебе не чувствував омраза кон тебе. Сега кога ни уринираш врз страдањата и трагедиите, сега кога ги славиш нашите џелати и се потсмеваш на нашите жртви - сега немам друг избор Зоране освен да те наречам ФАШИСТ! ФАШИСТ КОЈ СЛАВИ ФАШИСТИ. А јас, јас фашисти мразам Зоране... Од денес, давам безусловна поддршка на сите политички и неполитички субјекти кои ќе се обидат да го срушат ова зло од човек, стои во неговиот пост на Фејсбук.

Види вака Зоране. Види вака властодржецу. Кога ги слушав твоите зборови, се присетив на чувството кога пред... Posted by Ljupcho Zlatev on Среда, 25 ноември 2020

Златев: Јанчев го одложил протестот…

Ивана Ефремовски — Wed, 28 Oct 2020 12:05:15 +0000

Новинарот Љупчо Златев со свој коментар за протестот кој го закажа, па го откажа, градоначалникот на Кавадарци. „Јанчев го одложил протестот против раководството на ВМРО-ДПМНЕ. Веројатно до следното начукување. Следниот пат кога ќе удри некоја ракија, пак пола саат по полноќ ќе најави протест“, пишува новинарот на својот Фејсбук профил.

Златев: Самото обвинение против мене содржи барање за цензура, не оддадов државна тајна туку државен интерес

Ивана Ефремовски — Tue, 29 Sep 2020 08:54:24 +0000

Денес во 9:30 часот во Основниот кривичен суд Скопје, требаше да се одржи првото рочиште во судскиот процес кој Обвинителството го покрена против новинарот Љупчо Златев за оддавање на службена тајна. Но, утрово рочиштето беше одложено бидејќи адвокатот побарал увид во предметот. -Следното рочиште е закажано за 23-ти ноември. Верувам дека судот ќе се одважи и верувам дека ќе го отфрли ова обвинение затоа што самото обвинение содржи барање за цензура на слободата на изразување. Јас не оддадов државна тајна, туку државен интерес. Јас напишав текст поткрепен со докази во кој јасно се гледаше како се селектираат кадри во Управата за безбедност и контраразузнавање, истакна Златев. Целата изјава на новинарот ја пренесуваме во продолжение:

Почнува судскиот процес против новинарот Златев, тој порачува дека за слобода и демократија е подготвен да оди во затвор

Ивана Ефремовски — Mon, 28 Sep 2020 15:03:20 +0000

Утре во 9:30 часот во Основниот кривичен суд Скопје, ќе се одржи првото рочиште во судскиот процес кој Обвинителството го покрена против мене за оддавање на службена тајна, посочува новинарот Љупчо Златев. Неговиот Фејсбук статус го пренесуваме во целост: Самиот процес е како од роман на Кафка, ако се има предвид дека ме теретат за оддавање на службена тајна, а документите кои ги објавив се класифицирани само како "Интерно" и содржински говорат за огромни политички злоупотреби во Управата за безбедност и контраразузнавање. Вина нема да признаам, затоа што во секоја демократска и слободна земја, јавниот интерес е поважен од било која класификација. Особено ако се има предвид дека се работи за објава за злоупотреби од страна на тајните служби. Доколку обвинителството сака да покаже прозападни и демократски вредности - треба да го повлече обвинението! Во исто време, се прашувам каде се претседателот Пендаровски и премиерот Заев да кажат 2-3 збора? Устите им се полни со европски перспективи, а во исто време премолчуваат на класичното кршење на слободата на изразување. Процесот против мене е чисто политички процес, процес со кој на сите новинари треба да им се даде до знаење дека не смеат да објавуваат за кршење на човековите права од страна на службите! За слободата и демократијата во кои верувам јас сум подготвен да одам во затвор. По утрешното судење ќе следува изјава за медиумите. https://www.facebook.com/lzlatev/posts/3707080889325347

Златев: ВМРО-ДПМНЕ е помеѓу граѓаните и заедно со нив ја води битката за намалување на цената на струјата

Магдалена Андонова — Thu, 10 Sep 2020 17:48:44 +0000

Во вечерашното издание на дебатната емисија “Само вистина” на Канал 5 телевизија, гостуваше новинарот Љупчо Златев кој се осврна на моменталната политичка ситуација, очекувањата од претстојниот период, како и на протестите организирани од ВМРО-ДПМНЕ. -СДСМ во минатото протестираше за се и сешто, за работи кои во моментот ниту биле за протест, ниту некому нешто пречело, туку едноставно се чекало момент да се направи настан со кој ќе се привлече внимание. А сега кога ВМРО-ДПМНЕ е заедно со народот во борбата против покачувањето на цената на струјата, протестите се нелегитимни и им пречат на партиите на власт, вели Златев. -Поради правењето на терор од страна на властите, преку поскапувањето на струјата, се осиромашува народот кој и онака едвај врзува крај со крај. Протестите за намалување на цената на струјата не смее да се гледа како национализам, туку како борба за правата на граѓаните и намалување на енормната цена на струјата, додаде Златев. -Шарената револуција протестираше со денови и уништувајќи голем дел од јавни институции, јавни објекти, пропагираше некакви вредности кои после изминатите неколку години се испоставија како инструменти за устоличување на власт, а потоа пуштање низ вода на сите учесници. ВМРО-ДПМНЕ е заедно со народот и ќе остане со него на улица се додека властите не ги чујат барањата на граѓаните, заврши Златев.