лого – Kurir.mk

Повик за дизајн на лого за 30-годишнината од дипломатските односи меѓу Јапонија и Северна Македонија

Катерина Бојаџиева — Thu, 05 Oct 2023 07:40:02 +0000

Амбасадата на Јапонија во Северна Македонија објави јавен повик за изработка на дизајн на лого за 30 години од дипломатски односи помеѓу двете земји. - Целта на овој натпревар е да се вклучат дизајнерската заедница, професионалци од областа на графичкиот дизајн и уметници, креативни ентузијасти, како и млади таленти во Северна Македонија да создадат заедно со Амбасадата на Јапонија дизајн кој ќе ја долови суштината на овој многу важен пресврт во односите помеѓу нашите две земји, соопшти Амбасадата на Јапонија во земјава. Концептуалното решение треба графички и симболично да го покаже пријателството помеѓу двете земји и заедничките вредности кои ги споделуваме. Треба да има можност да се користи на печатени документи и брошури, како и на веб-сајтови и социјални медиуми. Највисоко оценети ќе бидат оние идејни решенија кои ќе бидат едноставни, модерни, но со значење. Изборот ќе биде направен од претставници на Јапонската амбасада. Секој учесник може да поднесе едно или најмногу три идејни решенија. Концепт решенијата се поднесуваат на e-mail адресата [email protected], не подоцна од 20 октомври 2023 година (полноќ). Покрај концептуалното решение, неопходно е да се наведат податоци за креаторот - име и презиме, телефонски број за контакт. Потребно е учесниците да вклучат краток опис на нивниот дизајн и инспирација кога го поднесуваат предлогот. - Основни технички барања: Графички предлог за лого и неговите предложени употреби (Логото треба да биде во векторски формат.) Независно авторство на сите елементи - ако се користат дополнителни елементи, тие, исто така, треба да бидат поднесени како посебни графички елементи. Ако фајлот надминува 10 MB треба да користите надворешен линк за преземање. Препорачани графички формати: .pdf .ai, .png, стои во соопштението. Со поднесувањето на свој дизајн, учесниците се согласуваат авторските права на победничкиот дизајн да се префрлат на Амбасадата на Јапонија, која потоа може да го користи, измени и дистрибуира логото за промотивни и славенички цели. Сите заинтересирани доколу имаат прашања можат да пишат на следниот маил: [email protected]

ФОТО: Барселона на Ел Класико ќе игра со логото на Ролинг Стоунс!

Ристе Здравков — Thu, 14 Sep 2023 07:26:46 +0000

На следното Ел Класико кое е на програмата на 29. октомври, фудбалерите на Барселона ќе имаат поразлично лого на дресовите. Логото на рок легендите, Ролинг Стоунс ќе се најде на дресовите на Барселона на дуелот со Реал Мадрид. Тоа е дел од договорот со спонзорот Спотифај. Мечот е закажан на 29. октомври, неколку дена по излегувањето на новиот албум на Ролинг Стоунс. Откако потпишаа договор со Спотифај, повремено играчите на Барселона носат дресови со познати музичари, претходно го носеа логото на Дрејк и на Розалија.

Barcelona x Rolling Stones

After collaborations with Drake and Rosalía, the next rumoured collab is with the Rolling Stones.

They are set to feature on the shirt during the el Clásico match at the end of October. pic.twitter.com/EtHWvERjJ1
— Classic Football Shirts (@classicshirts) September 13, 2023

Македонија изостанува од логоата на владата за 8-ми Септември, почна ли СДСМ да се срами и од независноста?

Ристе Здравков — Fri, 08 Sep 2023 15:26:44 +0000

И оваа година владата на СДСМ и премиерот Ковачевски ја слават независноста на Република Македонија без воопшто да го споменат името на државата. Петта година по ред во ниту еден од слоганите на владата на СДСМ за чествување на државниот празник 8ми Септември не стои името на државата, Република Македонија. Уште во 2019 та година тогашниот премиер на владата и претседател на СДСМ, Зоран Заев го одбележа роденденот на татковината со слоганот ,,Боите на татковината". Додека само една година подоцна или во 2020 година, слоганот на прославата за независноста на Република Македоника го насловија ,,Ја славиме независноста на Северна Македонија. Во 2021 година година кога се одбележуваше 30 години од независност на Македонија, владата на СДСМ дизјанираше лого ,,МК30 Северна Македонија", а како што тогаш соопштија од владината прес служба, за називот на логото биле инспирирани од македонската државност, од денот кога граѓаните одлучија да имаат независна држава Република Македонија, и од се она кое што денеска Република Северна Македонија го носи во себе како демократска држава. Иако во 2022 година, граѓаните очекуваа промена во делот на прославување и одбележување на 8ми Септември со премиерот Димитар Ковачевски, воопшто немаше промена на подобро. Логото со кое се прославуваше денот на независноста во 2022 година беше насловено ,,Обединети во слободата", повторно изостана името на државата Република Македонија. Но, иако беше помпезно најавено дека денот ќе биде одбележан со свечени и културни активности во целата држава, на плоштадите ширум државата воопшто немаше народ, освен во Скопје каде што само неколку министри во владата на СДСМ и ДУИ беа присутни да го слушат премиерот Ковачевски во својот говор. Денеска, 8ми септември 2023 година логото со кое го слави владата на СДСМ и премиерот Ковачевски, денот на независноста на Република Македонија, е речиси идентично со логото во 2022 година кое беше насловено ,,Обединети во слободата", ,,Гласник на слободата. И денеска повторно владата и Ковачрвски изостануваат да го изговорат или напишат името на државата, Република Македонија. Петта година по ред во речиси сите честитки или обраќања, соопштенија на СДСМ и премиерот Ковачевски изостанува да се спомене само Македонија, македонскиот народ, македонската историја, македонскиот јазик, Македонци или македонско. И ова не е само за денот на независноста 8ми септември. Ковачевски и СДСМ покажуваат дека се срамат од државата и кога се прославува 2ри Август Илинден, кога во своите говори изостанува да се спомене името на државата и историските личности од тој период. Но, како и да е, дали му се допаѓало на Ковачевски и СДСМ, или пак дали се срамат од независноста на Македонија, денеска 8ми Септември македонскиот народ го прославува 32 роденден на Република Македонија, бидејќи во 1991 година 95 проценти од граѓаните кои излегле на гласање преку референдум се изјасниле дека сакаат да живеат во суверена, независна и самостојна Македонија.

ВИДЕО: ФИФА го претстави логото за Мундијалот во 2026 година

Ивона Петрова — Thu, 18 May 2023 06:36:17 +0000

Светската фудбалска федерација (ФИФА) го откри логото за Мундијалот во 2026 година. Амблемот e комбинација на трофејот на Светското првенство и годината на турнирот. Промоцијата се одржа ноќеска во Лос Анџелес на кој учествуваа фудбалски легенди и специјални гости од Канада, Мексико и САД. Главните ликови беа претседателот на ФИФА, Џани Инфантино и двократниот победник на Светскиот куп, Бразилецот Роналдо.

2026 #FIFAWorldCup Emblem: Launched ✅🔥#WeAre26 pic.twitter.com/IiKaQKRkS6
— FIFA World Cup (@FIFAWorldCup) May 18, 2023

Во текот на денот ќе бидат претставени 16 поединечни логоа на градовите домаќини. Светското првенство во 2026 година ќе се одржи во САД, Канада и Мексико. За прв пат во финалната фаза ќе учествуваат 48 репрезентации.

Што се случува со Твитер? Маск повторно се шегува

Ивона Петрова — Tue, 04 Apr 2023 07:15:25 +0000

Твитер го замени своето лого на почетната страница со фотографија од познатото „меме“ создадено во 2010 година. Многу корисници на Твитер беа изненадени од овој потег. На социјалната мрежа пишуваат твитови упатени до Илон Маск прашувајќи се зошто тој го замени вообичаениот сино-бел дизајн на птица што куче. „Илон, што правиш воопшто на Твитер во моментов?“, „Куче се појави на Твитер поради некоја причина и можам само да претпоставам дека ова требаше да биде првоаприлска шега“, „Илон, ми се чини дека навистина ти е досадно овие денови“, се дел од коментарите на Твитер.

pic.twitter.com/wmN5WxUhfQ
— Elon Musk (@elonmusk) April 3, 2023

На крајот се огласи и самиот Маск кој објави „меме“ и скриншот од претходните објави на социјалните мрежи во кои вети дека ќе го промени логото на социјалната мрежа. Претпоставката е дека користењето на популарното мем како лого е дел од првоаприлска шега, но веќе е 4-ти април и мемето се уште е на Твитер.

Познатото лого „I Love NY“ заминува во пензија, ова е новата замена

Ивона Петрова — Sun, 26 Mar 2023 18:36:14 +0000

Секој кој барем еднаш бил во Њујорк земал сувенир, без разлика дали станува збор за маица, кригла или магнет за фрижидер, а на кој било испечатено најпознатото лого поврзано со тој град - „I Love NY“ каде наместо зборот „љубов“ имаше срце. По педесет години постоење, логото заминува во пензија, а ќе биде заменето со ново. Со раѓањето на кампањата „WE love NYC“, историското лого „I love NY“ се повлекува и се отвора нова ера која ја става индивидуалноста на задниот дел и ја заменува заменката „I“ или „јас“ со „WE“, т.е. „ние“. Сè започна во 2020 година, кога група њујорчани ја создадоа непрофитната организација „NYCNext“ со цел да му донесат малку радост на градот погоден, како и остатокот од светот, од пандемијата на коронавирус. Тие веруваа дека градот живеел предолго во стилот „јас и јас“, концентрирајќи се премногу на индивидуализмот каде што „секој се грижи за својата работа“ што со логото „Го сакам Њујорк“ во нивното мислење, е совршено опишано. Поради оваа причина, донесена е одлука логото да се смени во „Го сакаме Њујорк Сити". -Се бориме за она што ни е важно, градот сам нема да оживее, му требаме сите ние, изјави Мери Баникарим од агенцијата.„Марием Б“. Слоганот „Го сакам Њујорк“ е создаден во 1976 година за да го промовира туризмот на овој американски град. Истиот е создаден од уметникот и дизајнер Милтон Глејзер. Логото е создадено со помош на буквите на American Typewriter и стана симбол на „Големото јаболко“ со текот на годините. Новото лого „We Love NYC“ (наместо зборот „love“ и тука е срцето) е огледало на променливите времиња и покажува дека работите нема да се променат сами по себе, туку со помош на сите, без поделби и разлики.

ФОТО: Барса со специјални дресови на првото „Ел Класико“ во Мадрид

Ристе Здравков — Fri, 14 Oct 2022 09:27:46 +0000

Договорот со „Спотифај“ ја обврза Барселона да го промени името на стадионот. Парите добиени од оваа спонзорска зделка намалија дел од проблемите на каталонскиот клуб. Овој викенд на програмата е првото големо дерби во Приемра. Лидерот на табелата ќе гостува кај Реал Мадрид, а на мечот во престолнината ќе се појави со специјални дресови. Познатиот рапер од Канада, Дрејк, заедно со неговото лого ќе бидат дел од опремата на каталонските фудбалери за „Ел Класико“ судирот.

Barça to wear the logo of the singer, @Drake, on the front of their jersey against Real Madrid 🦉https://t.co/2RSY7rsYyE
— FC Barcelona (@FCBarcelona) October 14, 2022

Шпанскиот судир на гигантите е закажан за в недела со почеток од 16:15 часот.

Објавено логото и слоганот за Мундијалот за жени 2023 година

Ивона Петрова — Thu, 28 Oct 2021 11:15:55 +0000

ФИФА го претстави новото лого и слоган за Светското првенство за жени кое ќе се игра во 2023 година. Турнирот ќе се одржи во Австралија и Нов Зеланд. „Повеќе од одлични“ (Beyond Greatness) е нов слоган кој има за цел да ги обедини и инспирира луѓето ширум светот околу женскиот фудбал. Логото содржи живописни пејзажи и богати бои од двете земји домаќини, Австралија и Нов Зеланд. Исто така, амблемот прикажува 32 обоени квадрати – во чест на проширувањето на бројот на земји учеснички на 32. Светското првенство во 2023 година ќе се одржи од 20 јули до 20 август. Квалификациските натпревари за турнирот започнаа во септември 2021 година.

INTRODUCING... The exciting new #FIFAWWC 2023 brand identity, incorporating the vibrant local landscapes & rich colours of 🇦🇺🇳🇿. Beyond Greatness™ – a new tournament slogan to unite & inspire people around the 🌏 through the power of the tournament AND 👩⚽. 😍 pic.twitter.com/3KpZFH7cN0
— FIFA Women's World Cup (@FIFAWWC) October 28, 2021

ФОТО: ПСЖ ќе го смени логото, на местото на Ајфеловата кула ќе се најде силуета на познатиот кошаркар

Ивона Петрова — Fri, 15 Jan 2021 10:51:25 +0000

Следната сезона фудбалерите на Пари Сен-Жермен ќе носат дресови со необичен амблем на клубот. Според „Footy Headlines“, парижаните ќе ја заменат Ајфеловата кула со ликот на Мајкл Џордан. Претходно, ПСЖ го направи само третиот комплет дресови заедно со легендата на НБА и неговиот бренд. Наместо логоата на техничкиот спонзор, беше насликана силуетата на кошаркар.

Клубот Милан со моќна порака поради коронавирусот (ФОТО)

Ивана Ефремовски — Fri, 27 Mar 2020 08:05:14 +0000

Фудбалскиот клуб Милан на својот профил на „Твитер“ објави апел до своите навивачи да не доаѓаат во контакт со други лица додека трае пандемијата. Северна Италија е најпогодена од коронавирусот. Поради коронавирусот великанот од „Сан Сиро“ изврши промена на клупскиот грб. Грбот е раздвоен на три дела – црно, бело и црвено поле. „Раздвоеноста е нова сила. Сега мораме да бидеме раздвоени за подоцна да се споиме на посебен начин“, пишува во објавата на седумкратниот европски првак.

Staying distant now will make being back together all the more special later ❤? Ora stiamo distanti, ma quando torneremo a stare insieme sarà ancora più bello ❤?#SempreMilan #iorestoacasa pic.twitter.com/x70SCLNkwc
— AC Milan (@acmilan) March 26, 2020