лои 2020 – Kurir.mk

Каратистката Јованоска седми македонски спортист на ЛОИ во Токио

Бошко Тасиќ — Fri, 18 Jun 2021 19:33:47 +0000

Македонската каратистка Пулексенија Јованоска ќе настапи на претстојните летни Олимписки игри во Токио, откако доби вајлд карта од Меѓународниот олимписки комитет. Јованоска е седмиот спортист, кој ќе настапи под македонското знаме на Олимписките игри, соопшти Македонскиот олимписки комитет. Каратистката Јованоска, која во 2019 беше избрана за спортист на година, на Игрите во Токио ќе настапи во дисциплината Кати.

Нишикори: Планирав да учествувам на Олимпијадата па се повредив, одложувањето на Игрите ми одговара

Ивона Петрова — Fri, 18 Dec 2020 10:25:55 +0000

Јапонскиот тенисер Кеи Нишикори, зборуваше за неговите планови да настапи на Олимписките игри во Токио во 2021 година. – Планирав да учествувам на ЛОИ 2020. Сепак, се повредив, па одложувањето на најголемиот светски настан ми оди во прилог. Следната година, мислам дека сепак ќе биде тешко за секого, но кога коронавирусот според прогнозите, ќе замре, сите ќе имаме цел да учествуваме на Олимпијада, изјави 30-годишниот Нишикори. Четириесет и првиот светски рекет, кој не се натпреваруваше една година поради проблеми со лактот, се врати на турнејата во септември и одигра шест натпревари, од кои победи на два.

ЗОИ 2018 во Пјонгчанг и ЛОИ 2020 во Токио – на Македонската Телевизија

Ивона Петрова — Mon, 05 Feb 2018 14:33:47 +0000

Македонската Радио Телевизија со гордост информира дека на нејзините програми ексклузивно ќе ги емитува настаните од 23-те Зимски Олимписки игри во Пјонгчанг, коишто ќе се одржат од 9 до 25 февруари оваа година. -По долги и исцрпувачки преговори со Дискавери, официјалниот носител на правата за Олимписките игри на територијата на Европа во периодот 2018-2024, Јавниот сервис успешно ја круниса важната мисија - да ја продолжи полувековната традиција, според којашто спектакуларните манифестации се меѓу главните препознатливи белези на неговата богата спортска програма. Договорот со којшто МРТ обезбеди дека ќе ги пренесува и Олимписките Летни игри во Токио во 2020 година, е склучен на само три дена пред почетокот на Игрите во Пјонгчанг, пред се поради цената на телевизиските права, далеку повисока во однос на цената од претходните олимпијади. Сепак, Македонската Радио Телевизија вложи максимални напори и успеа да издејствува поволни услови, врз основа на коишто ќе остане главниот промотор на олимпизмот и на олимпиското движење во земјава, соопштуваат од јавниот сервис. Од 9 до 25 февруари, на МТВ-1 и на МТВ-2, гледачите ќе можат да уживаат во околу 150 часа ексклузивна премиерна програма од најатрактивните случувања на снежните терени во Пјонгчанг. Во периодот од 2 часот изутрина до 15.30 часот попладне, директни преноси ќе одат од натпреварите во алпско скијање, хокеј на мраз, уметничко лизгање, скијачки скокови, бијатлон и во нордиско скијање. Поради временската разлика со Кореја од осум часа, дел од возбудувањата во боб, санкање, брзо лизгање, акробатско скијање и во сноуборд ќе бидат емитувани одложно во попладневните и во вечерните часови, па заедно со репризите, Јавниот сервис ќе понуди повеќе од 200 часа ексклузивнa олимпискa содржинa. Олимписките Зимски игри во Пјонгчанг ќе бидат вистински програмски темел во текот на шеснаесетте дена, но МРТ нема да ги заборави ниту вообичаените спортски настани. Во редовните термини ќе бидат емитувани и преносите од фудбалската Лига на шампионите и од Лига Европа, од ракометната Лига на шампионите во двете конкуренции, од ракометната СЕХА лига, како и од завршниот турнир на кошаркарскиот Куп на Македонија.