локал – Kurir.mk

Две пријави за ист настан: Скопјанка тврди дека била нападната од сопственик на локал во центарот на Скопје

Тале Кристо — Tue, 07 Feb 2023 16:38:59 +0000

На 06.02.2023 во 22.00 часот во СВР Скопје, М.И.(42) од Скопје пријавила дека околу 19.25 часот на работното место во угостителски објект на ул.„Аминта Трети“ била физички нападната од сопственикот на објектот С.Т.(56) од Скопје. По целосно документирање на случајот ќе следи соодветен поднесок.

Сопственик на угостителски објект нападнат пред својот локал во центарот на Скопје

Тале Кристо — Tue, 07 Feb 2023 16:31:38 +0000

На 06.02.2023 во 19.55 часот во СВР Скопје било пријавено дека пред угостителски објект на ул.„Аминта Трети“, едно лице физички го нападнало сопственикот на објектот С.Т.(56) од Скопје, при што употребило и тврд предмет. Се преземаат мерки за расчистување на случајот.

ВИДЕО: Сораја избркана од скопски локал, старлетата се огласи и раскажа што се случило

Ивона Петрова — Mon, 01 Nov 2021 08:48:26 +0000

Српската старлета Сораја пред неколку дена била избркана од скопски локал, пишуваат српските медиуми. Според наводите, старлетата во локалот била во придружба на маж. Во еден момент сопственикот на кафулето им пришол да ги поздрави, бидејќи првпат биле во неговиот локал, но Сораја и мажот дрско му возвратиле. Кратко потоа до нивната маса дошол келнер кој ги замолил да го напуштат локалот и да ја платат сметката. Сораја, наводно негодувала велејќи дека таа сметки не плаќа, но мажот со кој била уредно платил, по што двајцата си заминале. Додека излегувале од локалот кон нив било дофрлувано од страна на останатите присутни. Според коментарите на социјалните мрежи, старлетата излегла од кафулето со насмевка наметнувајќи ја својата бунда, но надвор почнала да вика и да изговара пцовки. Став бил побаран и од Сораја која ги демантира ваквите пишувања. -Не се случи ништо од тоа, не дојде до никакво напуштање на локалот како на пример „исфрлување“. Бев во друштво со пријател од Србија, поголемо друштво, а не со момче. Сопственикот пријде да не угости, но откако сфати дека гостите се од Србија, кажа многу непријатна работа, а тоа е дека Србите не се добредојдени кај него во локалот бидејќи сите тие се Албанци, го цитирам него. Штом го слушнав тоа мирно му кажав на друштвото дека не сакам да седам некаде каде моето друштво не е посакувано, а најмалку што сакам се националистични испади од било кого бидејќи патувам по целиот свет и никогаш ништо слично не дум слушнала ниту доживеала, тврди Сораја. Сепак таа не ја негира веродостојноста на снимката (може да ја погледнете тука), но вели дека наводните детали се плод на бујна фантазија.

До крајот на оваа година Брисел ќе отвора безбедно место за корисниците на дрога

Магдалена Андонова — Thu, 01 Jul 2021 07:56:45 +0000

До крајот на оваа година, градот Брисел планира да обезбеди сигурно место за корисниците на дрога, градоначалникот смета дека репресијата не може да биде одговор, јави дописничката на МИА од Брисел. Весникот “Ле Соар“ објавува дека бриселскиот градоначалник, Филип Клоз, денеска во Советот на Европа во Стразбур ќе го презентира овој нов проект на градот. -Сакаме социјален и здравствен пристап, со оваа иницијатива да бидеме јасни дека не промовираме дроги, изјави Клоз, додавајќи дека корисниците имаат право да имаат безбеден локал за нивната консумација каде ќе добијат и социјална поддршка. Се очекува до декември во центарот на Брисел да се инаугурира првиот локал во градот со поддршка на невладиниот сектор. Државните средства за овој проект ќе изнесуваат околу 1,7 милиони евра. Брисел очекува дека со овој пристап ќе се намалат ризиците за корисниците на дроги, но и дека ќе имаат место каде нема да се чувствуваат осудувани и стигматизирани од средината. За пристап до локалот корисникот треба да исполнува два услова: да биде полнолетен и да има проблематична консумација на дрога. При првата посета корисникот прво ќе се сретне со социјален работник со кого ќе обработи анализа на неговиот профил. Повеќе сали се предвидени: за инхалација и инјекција. Локалот ја става на располагање само опремата, но не и дрогата. Присутен ќе биде и медицински персонал, посебно за да им помогне на лицата кои користат интравенозни дроги поради ризик од повреди при инјектирање, како и за дезинфекција на опремата. Медицинскиот персонал, исто така, ќе има обврска да ја провери здравствената состојба на корисниците за да се избегне предозирање или други фатални последици. Начелно е предвидено локалот да има пет места за инјекција и пет за инхалација, отворени пет дена во неделата од 10 до 18 часот. (МИА)

Доказ за неспособноста на институциите: Наместо скопскиот локал да биде затворен, вечерва повторно прави забава со многу гости

Ивана Ефремовски — Sat, 03 Oct 2020 20:33:01 +0000

Кафулето „Мош“ работи и вечерва. Настапува Владо Ѓоргиев, има гласна музика и многу гости. Гостите се без маски, дистанца не се одржува. Беше најавено затворање на овој локал откако иста ваква забава веќе имаше. Но, власта покажува неуспеси на дневна основа, а резултатот од нивната неработа е екстремно високиот број на заразени. Ветија дека ќе превземат мерки, но тоа не го направиле бидејќи верувале или не, токму таа инспекторка што требало да го затвори кафулето била во изолација. Лента ќе добиеле наредната недела, откако ќе се одржат уште забави без почитување на протоколи и мерки!!! А1ОН вечерва стапи во контакт со директорот на инспекторатот, Стојко Пауновски од СДСМ. -Не е затворен, ќе биде наредната недела. Инспекторката што требаше да го затвори е со решение за изолација. Секој инспектор го завршува својот предмет. Наредната недела ќе добие лента, вели Пауновски за „А1он“.

И покрај забраната за работа, го отвориле локалот: Едниот муштерија се сокрил под шанкот, другиот во тоалетот – Моментот кога полицијата упадна во отворениот кафе бар! (ВИДЕО)

Тале Кристо — Tue, 24 Mar 2020 14:47:14 +0000

Албанската полиција продолжува со редовните контроли на целата територија во земјата, со цел да се осигураат дека предложените мерки од надлежните се почитуваат. За време на контролите утврдено е дека се прекршуваат препораките, односно еден кафе бал работел, а надворешниот влез затворен и спуштена ролетна. Полицијата побара од жената да отвори и да ја дигне ролетнат, додека таа тврдела дека нема никој во локалот. Кога полицијата влегла во објектот останале зачудени. Имено, еден човек се сокрил под шанкот пошто се прекрил со перде, додека друг муштерија се сокрил во тоалетот, пренесуваат тамошните медиуми.

Приведен угостител поради непочитување на владината одлука за затворање на угостителските објекти

Ивана Ефремовски — Mon, 16 Mar 2020 16:44:52 +0000

Полициски службеници на Секторот за внатрешни работи Тетово – Одделение за внатрешни работи Гостивар денеска околу 13 часот го лишија од слобода 51-годишниот гостиварец А.А., сопственик на угостителски објект во Гостивар, поради непочитување на владината одлука за затворање на угостителските објекти. Како што информираат од МВР, во неговиот угостителски објект на ул. „Гоце Делчев“, кој бил отворен спротивно на владината одлука и препораките за справување со „корона вирусот“, неколку лица биле послужени со храна во внатрешноста на објектот. А.А. е задржан во Полициската станица Гостивар и по целосното расчистување и документирање на случајот ќе му биде изготвен соодветен поднесок. МВР апелира до граѓаните целосно и безусловно да ги почитуваат мерките и да се придржуваат на владините одлуки, препораки и совети и укажува дека секое нивно непочитување адекватно ќе биде санкционирано согласно важечката законска регулатива.