локален дожд – Kurir.mk

Од вторник локален дожд и намалување на температурите

Ивана Ефремовски — Sun, 07 Nov 2021 11:03:24 +0000

Времето во наредните денови ќе биде умерено до значително облачно. Во вторник ќе има појава на слаб локален дожд и ќе дува засилен северен ветер, што ќе услови намалување на дневната температура, особено од среда. Кон крајот на неделата ќе биде поведро, па ќе се намали и утринската температура. Како што информира УХМР, минималните температури во петок и сабота ќе бидат под нулата и ќе се движат од -3 до пет степени, а дневните ќе достигнат максимум 19 степени. Утре утринските температури ќе бидат во интервал од 4 до 9 степени, а дневните од 16 до 24 степени. (МИА)

Променливо облачно време со локален дож, а на планините снег

Тале Кристо — Sat, 06 Mar 2021 08:06:56 +0000

Времето денеска во Македонија ќе биде променливо облачно, од наутро во западните, а потоа и во северните делови ќе има повремен локален дожд, а на планините снег. Ќе дува умерен до засилен северен ветер (понекаде со брзина од над 70 км/час). Ветерот ќе биде најизразен долж пошироко Повардарие и на повисоките места. Максималните дневни температури ќе достигнат во Скопје 11 Целзиусови степени, Маврово 5, Охрид 11, Битола 12, Крива Паланка 9, Кавадарци 13, Берово 10, Дојран 17. И за утре прогнозата е променливо облачно и посвежо со сончеви периоди особено во посеверните делови. Во јужните делови ќе има услови за слаб локален дожд, на планините за слаб локален снег. Ќе дува слаб до умерен претежно јужен ветер. Дневните температури ќе се движат од 3 до 12 степени.

УХМР најавува локален дожд и мал пад на температурите

Ивона Петрова — Thu, 29 Oct 2020 11:12:21 +0000

Повремен дожд во северните делови од земјата и мало опаѓање на температурите најавуваат од УХМР за утрешниот ден. Во утринските часови во северните делови ќе има повремен слаб дожд. Ќе дува умерен до засилен северен ветер, најизразен долж Повардарието, што ќе предизвика опаѓање на дневната температура. Потоа во следните денови времето ќе биде сончево со мала до умерена, а на места, особено во северните и источните делови повремено значителна облачност со услови за слаб дожд. Ќе дува слаб до умерен северен ветер, особено вдолж Повардарието.