локализиран – Kurir.mk

Локализиран шумскиот пожар во Каталонија

Дарко Андоновски — Sat, 29 Jun 2019 10:42:54 +0000

Шпанските власти денеска соопштија дека е локализиран шумскиот пожар во Каталонија, најголем во тој регион во последните 20 години. Сепак, тие предупредуваат дека ветерот и најавените високи температури од 40 степени можат повторно да го разгорат огнот. Пожарот го гаснеа речиси 500 пожарникари, од кои 21 побараа лекарска помош во текот на ноќта. Истражувачите сметаат дека пожарот избувнал по спонтано согорување на куп пилешки измет на една фарма за добиток. Во цела Шпанија има неколку шумски пожари чие ширење беше овозможено и од високите температури.

Локализиран пожарот што изби попладнево меѓу селата Богородица и Стојаково

Дарко Андоновски — Wed, 17 Oct 2018 17:14:09 +0000

Со брза интервенција на територијалната противпожарна единица од Гевгелија доцна попладнево беше локализиран пожарот кој изби на потегот меѓу селата Богородица и Стојаково, под ридот Рудине. Постои сомневање дека пожарот е предизвикан од сточари кои од тука минувале. По избивањето пожарот набргу ги зафатил земјоделските површини на териториите на општините Гевгелија и Богданци и блиската борова шума. Пожарникарите од Гевгелија брзо интервенирале и го ставиле огнот под контрола, а доцна попладнево е локализиран со што е оневозможено негово ширење кон селото Стојаково. Истовремено избил пожар и во близина на автопатот кај селото Прдејци кој зафатил дел од крајпатните треви, но не ги зафатил лозовите насади на фирмата „Виторија грапс“. Пожарот бил локализиран од пожарникарите и вработените на лозовата плантажа.

Локализиран шумскиот пожар над Ново Село

Матеја Петровски — Tue, 04 Sep 2018 07:24:12 +0000

Шумскиот пожар што синоќа избувна над Ново Село на местото викано „Рамна ритка“ е ставен под контрола и е локализиран, изјави Александар Гудев, командир на Територијалната противпожарна единица во Струмица. Пожарот избувнал синоќа и зафатил нискостеблеста шума на поголема површина. Во гаснењето на пожарот учествувале две противпожарни возила и шест пожарникари и екипи на јавното претпријатие „Македонски шуми“. На местото на пожарот останале противпожарни екипи кои ги санираат остатоците од пожарот. (Миа)