лонзо бол – Kurir.mk

Лонзо Бол ќе ја пропушти цела сезона

Бошко Тасиќ — Tue, 22 Aug 2023 04:01:35 +0000

Кошаркарот на Чикаго, Лонзо Бол, во подкастот на Трае Јанг потврди дека целосно ќе ја пропушти сезоната 2023/2024. Во март, Бол беше подложен на операција за трансплантација на клетки од ‘рскавица на левото колено. Тој можеби ќе стане првиот НБА играч кој ќе се врати на терените по трансплантација на ‘рскавица. Бол имаше три операции на коленото во изминатите 14 месеци. Последен пат играше на 14 јануари 2022 година.

Лонзо Бол можеби ќе ја пропушти цела сезона

Ивана Ефремовски — Thu, 15 Dec 2022 11:10:28 +0000

Плејмејкерот на Чикаго булс, Лонзо Бол, би можел да ја пропушти целата сезона 2022/23 поради проблеми со коленото. Според инсајдерот на „ESPN“, Адријан Војнаровски, во моментов нема „гаранција“ дека Бол ќе игра во актуелната сезона. Биковите се уште се надеваат дека Лонзо ќе се врати во февруари по Ол-стар натпреварот. -Многу ќе зависи од тоа каде е Чикаго во тој момент, рече Војнаровски. Бол пропушти 47 натпревари во последната регуларна сезона во НБА поради повреда на коленото. Во септември тој беше подложен на артроскопско чистење на левото колено, но сепак чувствува непријатност. (МИА)

Бол: Чикаго е меѓу најдобрите тимови во НБА

Ивана Ефремовски — Tue, 16 Nov 2021 08:52:29 +0000

Кошаркарот на Чикаго, Лонзо Бол, го пофали нивото на тимот по големата победа против Лејкерс (121:103) во Лос Анџелес. -Чикаго е меѓу најдобрите тимови во НБА. Сè уште треба да се развиваме и да напредуваме, ни претстои долг пат, но мислам дека се движиме во вистинската насока, изјави Бол. Тој на натпреварот со Лејкерс одигран рано утрово, постигна 27 поени, седум скока, осум асистенции и две украдени топки. Чикаго булс по 14 натпревари има десет победи и се наоѓа на второто место во Источната конференција од НБА-лигата. (МИА)

Џејмс и Бол трипл-дабл тандем како Меџик и Џабар (ВИДЕО)

Предраг Кукиќ — Sun, 16 Dec 2018 09:14:59 +0000

Леброн Џејмс забележа трипл-дабл со 24 поени, 12 скокови и 11 асистенции во победата на Лос Анџелес Лејкерс со 128:100 на гости кај Шарлот Хорнетс. За ѕвездата на „езерџиите“ ова беше продолжување на неговата лична доминација над Шарлот. Џејмс има рекорд од 47 победи и 6 порази против овој противник за време на 16-годишна кариера во НБА, каде досега го носеше дресот на Лејкерс, Кливленд и Мајами. Плејмејкерот на Лејкерси, Лонзо Бол, исто така постигна „трипл-дабл“ за Лос Анџелес со 16 поени, 10 скокови и 10 асистенции. Резултати од НБА: Шарлот – Лос Анџелес Лејкерс 100:128 Сан Антонио – Чикаго 93:98 Орландо – Јута 96:89 Детроит – Бостон 113: 104 Менфис – Хјустон 97: 105 Оклахома – Лос Анџелес Клиперс 110: 104 Феникс – Минесота 107: 99