лопетеги – Kurir.mk

БОМБА ВО РЕАЛ: Лопетеги доби отказ, ова е новиот тренер на „Кралевите“

Ивона Петрова — Mon, 29 Oct 2018 21:19:18 +0000

Фудбалскот клуб Реал Мадрид го отпушти тренерот Хулен Лопетеги, ден по понижувачкиот пораз од Барселона од 1:5. За привремен тренер е именуван Сантиаго Солари, кој до сега го предводеше тимот Б на Реал. -Управата на Реал Мадрид одлучи да го раскине договорот со тренерот Лопетеги. Тоа е потег кој е повлечен со најголемо чувство на одговорност и со цел да се смени динамиката во првиот тим. Лопетеги провремено ќе го заменува Сантиаго Солари, кој од утре ќе се преземе екипата, се наведува во соопштението на клубот. Поранешниот фудбалер на Реал, сега тренер, ја има освоено Лигата на шампионите и две титули со клубот откако во 2000 година дојде во тимот од градскиот ривал Атлетико. Аргентинецот помина 5 години во клубот, по што замина во Интер каде освои три шампионски титули во три сезони. Многумина сметаат дека Солари е привремено решение за „Кралевите“, но никогаш не се знае.

Перез веќе бара замена за Лопетеги

Ивона Петрова — Wed, 10 Oct 2018 19:14:41 +0000

Шефот на Реал Мадрид, Флорентино Перез размислува за варијанти за тренерскиот пост на Хулен Лопетеги, кој може да биде отпуштен при продолжување на лошите резултати. Според шпанските медиуми помеѓу опциите за иден тренер на „Кралскиот“ клуб се поранешниот менаџер на Челзи, Антонио Конте, но и Жозе Мурињо, чија позиција на „Олд Трафорд“ останува несигурна. Друго име за кое се шпекулира е Сантијаго Хернан Сколари, кој во моментов е на чело на вториот тим на „Кралевите“, а опции се уште Французите Лоран Блан и Арсен Венгер. Првиот за последно беше на чело на ПСЖ, а вториот си замина од Арсенал на крајот на минатата, по над 20 години во клубот. Перез имал најголема желба за Масимилиано Алегри, кој сепак е цврсто на чело на Јувентус, кој се претставува прекрасно оваа сезона. Во зависност од резултатите на Реал против Леванте, Викторија Плзен и Барселона ќе се реши и судбината на сегашниот тренер Лопетеги, под чие раководство Реал е без успех во четири последователни натпревари во сите натпреварувања без одбележан гол, а во само еден од нив не запиша пораз. МИА

Лопетеги по поразот од ЦСКА: Среќата ни го сврти грбот

Ивона Петрова — Wed, 03 Oct 2018 07:03:01 +0000

ЦСКА Москва синоќа го совлада европскиот шампион Реал Мадрид (1:0), а тренерот на гостите причината за поразот ја гледа во немањето доволно среќа на неговиот тим. - Имавме многу шанси, но не успеавме да реализираме. Три пати ја погодивме рамката на голот, се обидувавме на разни начини. Немавме среќа. Натпреварот доби неочекуван тек за нас и се одвиваше како по совршено сценарио за ЦСКА, рече Лопетеги. Тој побара неговите играчи да не ја губат самодовербата и да продолжат да работата на ефикасноста. - Ова е рецептот. И натаму ќе играме офанзивно. Фудбалерите ја имаат мојата поддршка. Ќе дојдат и головите и победите, додаде предводникот на Реал Мадрид. По две рунди во Г-групата од Лигата на шампионите, ЦСКА е прва со четири бода, Реал и Рома имаат по три, Викторија Плзењ е последна со еден освоен бод. МИА

Лопетеги започна шампионски во Реал Мадрид

Ивона Петрова — Mon, 24 Sep 2018 17:17:52 +0000

Во последните 10 години, Реал Мадрид освои само две титули во шпанската Ла Лига. Тоа се случи во сезоните 2011/12 и 2016/17, кога тимот беше воден од Жозе Мурињо, односно Зинедин Зидан. Во двата случаи, Мадрид ја започнува кампањата со 13 поени по пет натпревари, како што е и ситуацијата оваа сезона. Со Португалецот, „белите“ завршија со 100 поени, а со Французинот - 93. Во моментов, тимот предводен од Лопетеги е втор во Премиера, заостанувајќи во однос на Барселона само по гол разлика. Ова е, исто така, втор најдобар почеток во шампионатот на клубот откако се доделуваат три поени за победа од 1995 година. Освен во споменатите две сезони, „кралскиот“ клуб започна со 13 поени по пет дуели уште на три пати - при Бернд Шустер во 2007/08 (ја освои титулата со 85 поени), при Карло Анчелоти во 2013/14 (завршува трет со 87 поени) и во 2015/2016 на чело со Рафаел Бенитез, заменет подоцна од Зинедин Зидан (завршуваат втори со 90 бода). Европскиот клупски шампион се претставува во моментов подобро од минатата сезона во Ла Лига, кога во исто време имаше само 8 поени по 2 победи, 2 реми и 1 пораз. Тогаш Реал ја заврши кампањата со заостанување од 17 поени од шампионот Барселона.

Лопетеги: Модриќ ќе се врати во првиот тим кога ќе биде целосно подготвен

Ристе Здравков — Mon, 27 Aug 2018 10:34:36 +0000

Тренерот на Реал Мадрид, Хулен Лопетеги, објасни зошто Лука Модриќ не добива шанса во стартниот состав. - Лука имаше напорни настапи со хрватската репрезентација на Мундијалот во Русија. Тој подоцна се приклучи на подготовките. Нема потреба од брзање. Кога ќе биде целосно подготвен ќе се врати. Имаме одлични алтернативи, изјави Лопетеги. Покрај Модриќ, уште и Варан и голманот Тибо Куртоа ја чекаат својата шанса за влез во стартните 11. - Со варан ситуацијата е слична како со Модриќ, додека за голманската позиција конкуренцијата е извонредна. И Кејлор Навас е одличен голман. Ќе има шанса и за него и за Куртоа, дополни тренерот на Реал Мадрид. (МИА)

Лопетеги ја разреши мистеријата околу заминувањето на Модриќ

Ристе Здравков — Sun, 05 Aug 2018 10:52:23 +0000

Новиот тренер на Реал Мадрид, Хулен Лопетеги, ги отфрли гласините за заминувањето на Лука Модриќ во Интер и соопшти дека хрватскиот фудбалер ќе им се приклучи на тренинзите на осми август. Лопетеги го повтори ставот на претседателот на клубот, Флорентино Перез, кој рече дека Реал не е заинтересиран за продажба на Модриќ и единствена можност тој да си замине е доколку некој е подготвен да плати 750 милиони евра.

- Мислам дека претседателот беше јасен. Модриќ е одличен играч, а планирано е да се приклучи на тренинзите на осми август, истакна Лопетеги.

Претходно во италијанските медиуми се појавија информации дека хрватскиот фудбалер сака да си замине од Реал и дека наводно неговата сопруга ги остварила контактите со Интер за неговиот трансфер.