Кошчелни опериран, ќе одмора шест месеци

Ивона Петрова — Tue, 08 May 2018 12:10:04 +0000

Капитенот на Арсенал, Лоран Кошчелни претрпе операција на Ахиловата тетива на десната нога. Триесет и две годишниот Французин ќе биде надвор од игра шест месеци. Францускиот репрезентативец беше повреден во натпреварот со Атлетико во Мадрид во реваншот од полуфиналето за Лигата на Европа. Поради повредата, дефанзивецот ќе го пропушти Светското првенство во Русија и првите месеци од сезоната во Премиер Лигата.

Проблеми за Франција: Кошчелни го пропушта Светското во Русија

Даниел Василев — Fri, 04 May 2018 09:54:36 +0000

Дефанзивецот на Арсенал и француската репрезентација, Лоран Кошчелни ќе го пропушти Светското првенство во Русија од 14 јуни до 15 јули. Централниот дефанзивец се здоби со тешка повреда при поразот од 0:1 во полуфиналето на Лигата на Европа против Атлетико во Мадрид. Кошчелни беше заменет во 12-та минута од Калум Чемберс, откако се лизна и падна на теренот со силна болка. Капитенот на „топџиите“ помина низ медицински прегледи, кои откриле дека повредена е Ахиловата тетива, а за обновување на таква повреда потребни се речиси шест месеци. Ова значи дека Кошчелни сигурно нема да учествува на Мундијалот 2018 за „петлите“, во чиј дрес има 51 настап и еден гол. Франција започнува на Светското првенство против Австралија на 16 јуни. МИА

Лоран Кошчелни – Kurir.mk

Кошчелни опериран, ќе одмора шест месеци

Проблеми за Франција: Кошчелни го пропушта Светското во Русија