Лоренцо Инсиње – Kurir.mk

Инсиње со гол во последниот домашен меч во Неапол, Џенова пред портите на Серија Б

Ристе Здравков — Sun, 15 May 2022 16:41:36 +0000

Капитенот Лоренцо Инсиње имаше емотивно збогување со навивачите на Наполи, за потоа да постигне и гол при 3:0 победата над Џенова, резултат кој го остава поранешниот тим на Горан Пандев пред преселба во понизок ранг. Инсиње, кој потпиша договор со Торонто ФЦ во американската МЛС лига за следната сезона, доби подароци од своите соиграчи и од газдата Аурелио де Лаурентис пред почетокот на мечот, и овации од домашната публика. Кога започна мечот, тој со капитенската лента го предводеше тимот до победа која немаше големо резултатско значење за клубот о Неапол – третото место на табелата и пласман во Лигата на шампиони веќе беше обезбеден. Виктор Осимен во 32. минута ги донесе „партенопеи“ во водство, за Инсиње да добие шанса да постигне гол во 65. минута по досудениот пенал и да не згреши од белата точка. Станислав Лоботка во 81. минута со гол од слободен удар стави точка на мечот, по што Инсиње беше повлечен од игра, а на неговото место влезе македонскиот репрезентативец Елиф Елмас.

Емоции и аплаузи: Инсиње се збогуваше со Наполи! (ВИДЕО)

Ристе Здравков — Sun, 15 May 2022 14:27:58 +0000

Пред мечот Наполи – Џенова, емоции и аплаузи за Лоренцо Инсиње кој по цели 16 години го напушта клубот, неговиот Наполи каде ја стекна сета своја фудбалска слава. Кариерата ќе ја продолжи во Канада. Тој не ги криеше своите емоции, а од Наполи доби и пригодни подароци. Посебно импресивно беше како тоа се збогуваа со новниот досегашен херој фановите на еден од најголемите клубови во Италија.

La última vez de #Insigne al #Maradona: "Nos hemos querido, hemos luchado, a veces peleamos... Pero siempre juntos" pic.twitter.com/o3aSYgcr1i
— Mirko Calemme (@mirkocalemme) May 15, 2022

Македонија и пресуди – три ѕвезди повеќе нема да играат за Италија

Ристе Здравков — Sun, 27 Mar 2022 11:51:15 +0000

Италијанската фудбалска репрезентација шокантно беше поразена од Македонија (1:0) и остана без пласман на Светското првенство во Катар. Овој натпревар од баражот за Светското првенство може да биде последен за трите големи ѕвезди на италијанскиот фудбал кои го напуштија тренинг кампот пред неважниот дуел против Турција. Лоренцо Инсиње, Чиро Имобиле и Жоргињо добија дозвола од селекторот Роберт Манчини да го напуштат таборот на репрезентацијата, а италијанските медиуми наведуваат дека и тројцата сериозно размислуваат да ја напуштат репрезентацијата. Иако се уште нема официјална одлука, многу е можно ѕвездите на репрезентацијата да стават крај на меѓународната кариера, особено што Аѕурите нема да го гледаат Катар оваа година.

Инсиње летово ќе се пресели во Торонто, трансферот е договорен

Дарко Андоновски — Tue, 04 Jan 2022 16:19:13 +0000

Играчот од средниот ред на Наполи, Лоренцо Инсиње ќе се пресели во Торонто ова лето. Според инсајдерот Фабрицио Романо, 30-годишниот Италијанец одлучи да ја заврши сезоната во Наполи и да се пресели во Торонто како слободен играч. Инсиње се договорил за сите детали со канадскиот клуб. Договорот ќе трае до 2027 година. Претходно беше објавено дека Инсиње ќе заработи 15 милиони евра. Во тековната сезона 30-годишниот фудбалер одигра 15 натпревари во Серија А, постигна четири гола и направи пет асистенции.

Њукасл може да го ангажира Инсиње бесплатно следното лето

Тале Кристо — Thu, 11 Nov 2021 07:53:23 +0000

Њукасл покажува интерес за напаѓачот на Наполи, Лоренцо Инсиње, објави новинарот Николо Шира. Англискиот клуб ја следи моменталната ситуација на 30-годишниот Италијанец и е подготвен да го ангажира фудбалерот како слободен играч следното лето. Во сезоната 2021/22, Инсиње одигра 14 натпревари за Наполи, постигна пет гола и четири асистенции. Актуелниот договор на фудбалерот со клубот од Неапол е со важност до крајот на јуни 2022 година.

Инсиње сака да добие седум милиони евра за продолжување на договорот со Наполи

Дарко Андоновски — Wed, 10 Nov 2021 08:57:07 +0000

Напаѓачот на Наполи, Лоренцо Инсиње може да го продолжи договорот со клубот, тврди новинарот Николо Шира. Според Шира, 30-годишниот Италијанец бара четиригодишен договор со плата од шест милиони евра и бонус за потпис од седум милиони евра. Во исто време, раководството на „наполитанците“ не сака да плаќа повеќе од 4,6 милиони евра годишно. Тоа е сумата што сега ја добива играчот. Во тековната сезона Инсиње за Наполи одигра 14 натпревари на кои постигна пет голови и четири асистенции.

Инсиње ја сруши Легија за прва победа на Наполи – Елмас играше цел меч (ВИДЕО)

Ристе Здравков — Fri, 22 Oct 2021 05:35:17 +0000

Италијанскиот репрезентативец Лоренцо Инсиње го имаше клучот за прва победа на Наполи во оваа сезона во Лига Европа за наполитанците со Елиф Елмас, кој го одигра целиот меч, да се вратат во трката за место во пролетните елиминации во второто по ранг натпреварување, после вечерашната победа со 3-0 против лидерот во групата Легија. Долго време Наполи се мачеше за да дојде до гол и да стигне до победа, па Инсиње во завршните 15 минути, набрзина со гол и асистенција им пресуди на Полјаците. Откако не можеа да најдат начин како да дојдат до погодок, еден прекрасен гол на Инсиње кој беше неодбранлив го трасираше патот кон триумфот, биејќи неодбранливо и погодувајќи во мрежата на Легија, а само четири минути потоа, со асистенција му овозможи на Виктор Осимен да ја дуплира предноста и да ја завери победата. Матео Политано во 95-та минута само даде трет гол за убедлив триумф на наполитанците. Наполи со оваа победа сега има четири бода на контото и се искачи на второто место, колку и Лестер третото, а Легија остана прва со шест, додека Спарак Москва со 3 е последна. Вест Хем со 3-0 го здроби Генк за максимален ефект од 9 бода во групата на Динамо Загреб и практично со една нога во пролетните елиминации, а победи и Лион на гости во Прага кај Спарта со 4-3, како и Ајнтрахт Франкфурт дома со 3-1 против Олимпијакос. Монако го доби дербито со 2-1 во Ајндховен против ПСВ, а Диоп беше клучен со гол на минута пред крајот на мечот. ГРУПА А: Спарта Прага – Лион 3-4, Глазгов Ренџерс – Брондби 2-0 ТАБЕЛА: Лион 9, Спарта П. 4, Г. Ренџерс 3, Брондби 1 ГРУПА Б: ПСВ – Монако 1-2, Штурм – Реал Сосиедад 0-1 ТАБЕЛА: Монако 7, Реал Сосиедад 5, ПСВ 4, Штурм 0 ГРУПА Ц: Спартак Москва – Лестер 3-4, Наполи – Легија 3-0 ТАБЕЛА: Легија 6, Наполи 4, Лестер 4, Спартак М. 3 ГРУПА Д: Фенербахче – Антверпен 2-2, Анјтрахт – Олимпијакос 3-1 ТАБЕЛА: Ајнтрахт 7, Олимпијакос 6, Фенербахче 2, Антверпен 1 ГРУПА Е: Лацио – Марсеј 0-0, Локомотив Москва – Галатасарај 0-1 ТАБЕЛА: Галатасарај 7, Лацио 4, Марсеј 3, Локомотив М. 1 ГРУПА Ф: Лудогорец – Брага 0-1, Митјиланд - Ц. Звезда 1-1 ТАБЕЛА: Ц. Звезда 7, Брага 6, Митјиланд 2, Лудогорец 1 ГРУПА Г: Селтик – Ференцварош 2-0, Бетис – Баер Леверкузен 1-1 ТАБЕЛА: Баер Л. 7, Бетис 7, Селтик 3, Ференцварош 0 ГРУПА Х: Рапид Виена – Динамо 2-1, Вест Хем – Генк 3-0 ТАБЕЛА: Вест Хем 9, Динамо З. 3, Рапид В. 3, Генк 3

Наполи ќе му понуди нов договор на Инсиње по завршувањето на ЕП

Ивона Петрова — Mon, 28 Jun 2021 05:44:53 +0000

Наполи ќе му понуди нов договор на капитенот на тимот Лоренцо Инсиње по завршувањето на Европското првенство, пренесува „Кориере дело Спорт“. Тековниот договор помеѓу фудбалерот и клубот се пресметува до јуни 2022 година. Прелиминарните преговори меѓу страните не поминаа добро. Наполитанците сакаат да му понудат договор на играчот со намалување на платата, што апсолутно не му се допаѓа на напаѓачот. Порталот „Трансфермаркт“ ја проценува вредноста на играчот на 48 милиони евра. Во сезоната 2020/21, Инсиње играше на 48 натпревари на сите турнири, постигна 19 гола и направи 11 асистенции.

Инсиње за победата над Рома: Наполи сакаше да прикаже одлична игра заради Марадона и овој град

Ивона Петрова — Mon, 30 Nov 2020 07:07:18 +0000

Напаѓачот на Наполи, Лоренцо Инсиње ги сумираше впечатоците од натпреварот од 9. коло на италијанскиот шампионат против Рома (4:0). – Атмосферата околу натпреварот сигурно ни даде дополнителна мотивација бидејќи сакавме да му оддадеме почит на нашиот идол. Смртта на Марадона е болна, а на овој натпревар повеќе од вообичаеното сакавме да прикажеме одлична игра за него и за овој град. Се надевам дека ова ќе биде нашата почетна точка, бидејќи ако играме така, можеме да создадеме сериозни проблеми за секој противник. Ако продолжиме во ист дух, ќе можеме да постигнеме големи цели, истакна Инсиње за „Скај Спорт Италија“. По синоќешниот триумф Наполи се искачи на 5. место на табелата во Серија А со 17 бода, Рома е една позиција подоле со ист број бодови.

Инсиње: Тажни сме за испуштената победа

Ристе Здравков — Thu, 25 Oct 2018 07:01:32 +0000

Наполи не успеа да ги освои трите бода на гостувањето кај ПСЖ синоќа во 3.коло од Лигата на шампионите. Гостите во два наврата имаа водство и затоа жалат што на крајот мораа да се задоволат само со бод. – Тажни сме поради пропуштената шанса од Париз да си заминеме како победници. Не издржавме, иако два пати водевме. Сепак, покажавме дека сме одличен тим, изјави Инсиње кој успеа да се запише во листата на стрелците. За италијанскиот репрезентативец ова беше втор гол по ред во ЛШ. – Не е важно кој ќе реализира. Тимот е на првото место. Сите имаат заслуга кога некој ќе постигне гол, потенцира Инсиње. По три рунди во Ц-групата од Лигата на шампионите, Ливерпул е прв со шест бода, Наполи има пет, ПСЖ четири, Црвена ѕвезда еден.