Лорис Кариус – Kurir.mk

Дилета Леота со писмо за момчето Кариус пред неговиот голем меч

Ристе Здравков — Sun, 26 Feb 2023 12:47:10 +0000

Дилета Леота, популарната италијанска водителка и девојка на германскиот голман Лорис Кариус, му „прати“ емотивно писмо на партнерот пред финалето од Карабао купот, каде што Кариус ќе добие неочекувана шанса да стартува за Њукасл против Манчестер јунајтед. Кариус, поранешниот голман на Ливерпул, кој останува најпознат по кошмарното финале од ЛШ против Реал Мадрид во 2018 година, ќе добие шанса да биде на голот на Њукасл откако првиот голман Ник Поуп е суспендиран поради црвен картон, а првата замена Мартин Дубравка е недостапен поради тоа што беше на позајмица токму во Манчестер јунајтед. „Би сакала да ти го напишам ова писмо утре, или подоцна, кога ќе завршат овие болни и неверојатни две години, кога ќе почне мечот. Две години на тажни ноќи, со грутка во грлото и лоши мисли кои те спрчиа да играш, но не ти го одземаа сонот за зелениот фудбалски терен, сон кој го имаат милиони деца секој ден. Благодарност до твојот тим и силата која ја најде таму. Како што ти ме научи, животот е 10 отсто тоа што ти се случува и 90 отсто начинот на кој ќе реагираш. Понекогаш треба да направиш чекор назад за да имаш подобар залет. Никој не го заслужува ова повеќе од тебе“, напиша Леота. Кариус нема одиграно официјален меч две години, по позајмиците во Бешикташ и Унион Берлин, пред да го направи трансферот во Њукасл.

View this post on Instagram

A post shared by 🌸Diletta Leotta🌸 (@dilettaleotta)

Њукасл го продолжи договорот со Кариус до крајот на сезоната

Тале Кристо — Thu, 19 Jan 2023 13:01:11 +0000

Голманот на Њукасл, Лорис Кариус го продолжи договорот со премиерлигашот, објави официјалниот сајт на клубот. Новиот договор со 29-годишниот Германец е до крајот на сезоната 2022/23. Првично договорот беше пресметан до крајот на јануари. Кариус оваа сезона нема одиграно ниту еден натпревар. Тој потпиша за Њукасл во септември 2022 година.

Кариус прави камбек во Премиер лигата

Бошко Тасиќ — Thu, 08 Sep 2022 18:43:33 +0000

Лорис Кариус имаше неславна епизода во Ливерпул, епизода која заврши со позајмици во Унион Берлин и Бешикташ по што остана како член на „црвените“ до истекот на договорот кој истекува оваа лето. Во моментов тој е без клуб како слободен агент, но според англиските медиуми тоа набрзо ќе се промени и тој ќе направи неочекувам камбек во Премиер лигата и тоа во редовите на Њукасл. Изборот паднал врз Кариус кој ќе биде привремено решение, поддршка за Ник Поуп кој брани во извонредна форма.Се очекува 29-годишниот Германец да се најде на клупата за резерви на пресметката против Вест Хем.

Кариус: Немам намера да го напуштам Ливерпул, ќе се борам за место во почетниот состав

Ивона Петрова — Fri, 12 Jun 2020 10:16:36 +0000

Голманот на Ливерпул, Лорис Кариус изјави дека има намера да се бори за место во стартниот состав и дека не размислува за друг клуб. – Сакам да играм фудбал и дефинитивно немам намера да го напуштам Ливерпул. Сега треба да дадам максимум, да се прикажам во најдобро светло. Сакам да се покажам на тренинзи. Во Англија, голманот кој е на замена секогаш ја добива својата шанса. Сега сум играч на најдобриот тим во светот, ќе се борам за титули, околу мене се партнери од висока класа. Што друго е потребно? Имам намера да се борам за место во составот, нагласи Кариус. Тој нема играно за „црвените“ откако направи грешки во финалето во Лигата на шампионите во 2018 година против Реал Мадрид (1:3). Оваа сезона голманот беше во Бешикташ на позајмица, но рано го раскина договорот со турскиот клуб.

Кариус го раскина договорот со Бешикташ

Дарко Андоновски — Wed, 22 Apr 2020 07:15:44 +0000

Германскиот голман Лорис Кариус го искористи своето право еднострано да го раскине договорот со Бешикташ, каде што играше под наем од Ливерпул во последните две сезони. На тој начин тој е пред враќање на Енфилд, каде стана непотребен по неговите грешки во финалето во Лигата на шампионите во 2018 година против Реал Мадрид. Кариус се обрати и на ФИФА за неисплатени плати во последните четири месеци. Бешикташ му понуди план за отплата што тој не го прифати и го искористи правото да го раскине договорот. Платата на Кариус во Бешикташ беше договорен на 1,5 милиони евра по сезона, но клубот не ја плати во целост. Турците му должат на Кариус 1,6 милиони евра, јавуваат локалните медиуми.

Животот му е пекол: Несреќниот Кариус уште добива закани!

Ивана Ефремовски — Thu, 16 Apr 2020 11:36:49 +0000

Некои работи никогаш не се забораваат, а навивачите уште му се закануваат на Лорис Кариус поради грешките кои ги направи во дресот на Ливерпул во финалето на Лигата на шампиони против Реал Мадрид. Кариус открива дека навивачите уште му испраќаат заканувачки пораки, но смета дека тие не се сериозни затоа што се од лажни профили. -Не можете да ги обвините навивачите дека се бесни на играчите. Тие ги даваат своите пари и имаат право да бидат лути. Но, тие ја преминуваат границата со нивните закани. Понекогашимав закани за смрт. Не можам да ги разберам сериозни, зашто ги праќаат луѓе кои ниту на својот профил не го покажуваат лицето. Да ги сретнам на улица, тие уста не би отвориле, кажа Кариус. Извор: Supersport

ФОТО: Девојката што му го украде срцето на Лорис Кариус

Предраг Кукиќ — Mon, 22 Jul 2019 08:19:21 +0000

Софија Томала е девојка на германскиот голман Лорис Кариус, кој стана омилена личност на навивачите на Реал Мадрид по финалето на Лигата на шампиони во 2018 година. Оваа Германка му го украде срцето на голманот и му ја подигна самодовербата кога му беше најтешко.

Покетино: Пеналот што го одбрани Лорис ни ја зголеми самодовербата

Дарко Андоновски — Wed, 10 Apr 2019 08:31:55 +0000

Тренерот на Тотенхем, Маурицио Покетино, како клучен момент за победата над Манчестер сити (1:0) во четвртфиналето на Лигата на шампионите, го посочи одбранетиот пенал од страна на голманот Лорис. Чуварот на мрежата на „Спарс“ не му дозволи на Серхио Агуеро да доднесе рано водство за Сити со удар од 11 метри. – Игравме добро, но има уште 90 минути. Ќе ни биде многу тешко, бидејќи против нас го имаме Манчестер сити. Важен момент во победата беше одбранетиот пенал на Лорис. Тоа ни даде голема самодоверба, изјави Покетино. Предводникот на Тотенхем се осврна и на повредата на Хари Кејн. – Голем хендикеп за нас. Се чини дека ја има истата повреда на глуждот како и претходниот пат. Тој може да го пропушти остатокот од сезоната. Се надеваме дека нема да биде толку сериозно. Реваншот меѓи Сити и Тотенхем е на 17 април во Манчестер.

Жалба до ФИФА: Кариус 4 месеци не зел плата од Бешикташ

Предраг Кукиќ — Wed, 13 Mar 2019 13:19:52 +0000

Голамнот на Ливерпул, Лорис Кариус, кој во моментов игра во Бешикташ на позајмица од Ливерпул, презеде правни дејства против турскиот клуб. Причината за ова е дека Бешикташ му должел плата за 4 месеци. Уште минатиот месец, Кариус го одвел случајот во ФИФА, а пред десет дена истекол крајниот рок, определен од голманот на клубот, за да му биде исплатено тоашто му се должи. Престојот на Кариус во Турција стана вистински кошмар откако навивачите и тренерот Шенол Ѓунеш се свртеа против него. Тренерот го критикуваше јавно за своите грешки против Коњаспор и рече дека Кариус се уште е стартер, само затоа што ветеранот Толга Зелгин во моментов не е достапен. За време на викендот, фановите на Бешикташ го исвиркуваа Кариус. Веројатно, ФИФА ќе наметне многу сериозна казна на турскиот клуб за неисплатените надоместоци на Кариус.

Кариус навистина нема среќа: Направи нова голема грешка на која се смее целиот фудбалски свет (ВИДЕО)

Дарко Андоновски — Fri, 05 Oct 2018 07:37:30 +0000

Германскиот голман, Лорис Кариус, направи нова неверојатна грешка и е директен виновник за поразот на неговиот Бешикташ во мечот од второто коло во рамките на Лига Европа против екипата на Малме. Овој чувар на мрежата направи две кардинални грешки во минатогодишното финале од Лигата на шампионите кое се играше помеѓу неговиот тогашен клуб Ливерпул и Реал Мадрид, па фактички им ја подари титулата европски првак на Кралевите. За потсетување, Кариус при првиот гол му ја подари топката на Бензема, додека при третиот, после шут на Бејл, топката му падна од раце. Кариус потоа се најде на голем удар во јавноста, набргу и го напушти Ливерпул, а кардинални и дури помалку бизарни грешки продолжи да прави и во дресот на турскиот гигант. Се играше 53 минута од споменатиот меч во Лига Европа, кога резултатот гласеше 0:0, а еден обичен центаршут од десната страна, при кој топката случајно се одби од левиот бек на Бешикташ, на трагикомичен начин го измами Кариус и заврши во мрежата. Тоа беше погодок преку кој домаќините стигнаа до предност. Во продолжение Бешикташ со сите сили се обиде да дојде до изедначување, но конечните 2:0 ги постави Розенберг во 76 минута од белата точка.