лос анџелес галакси – Kurir.mk

Енис Барди се сели во Америка?

Ристе Здравков — Sun, 21 May 2023 09:58:12 +0000

Македонскиот фудбалски репрезентативен плејмејкер, Енис Барди, по завршувањето на сезонава ќе си замине од Трабзонспор, но нема да има недостаток од понуди за продолжување на кариерата. Се шпекулира дека сериозен интерес за Барди има од американскиот тим Лос Анџелес галакси. Во моментов дресот на Галакси го носат неколку познати имиња кои играле во Европа како Даглас Луиз, Хавиер Ернандес Чичарито, Мартин Касерес, Рики Пуиг, а во минатото дресот на овој клуб од МЛС лигата го носеа и мега ѕвезди како Дејвид Бекам и Златан Ибрахимовиќ. Засега не е испратена официјална понуда за Барди, но американскиот клуб чиј директор е некогашниот американски репрезентативец со македонско потекло, Јован Кировски, тоа ќе го направи наскоро.

Чичарито го менува Ибра во Л.А.Галакси

Дарко Андоновски — Sat, 11 Jan 2020 11:51:22 +0000

Откако Златан Ибрахимовиќ одби да го обнови договорот со Лос Анџелес Галакси и се врати во италијански Милан, американскиот тим сега ќе бара нов напаѓач за да ја пополни празнината што ја остави Швеѓаните. Според „ЕСПН“, претставниците на Л.А. Галакси отпатувале во Севиља на почетокот од оваа недела за да разговараат со Хавиер Ернандез – Чичарито за неговиот можен трансфер во МЛС. Фудбалерот е заинтересиран за понудата, згора на тоа, од преминувањето кај Шпанците во текот на летото има само 9 запишани мечеви како носител и вкупно 14 учества (вкупно одиграни минути – 446). Мексиканецот пристигна во Севиља од Вест Хем за 7,7 милиони евра. Тој настапуваше за екипи како Манчестер Јунајтед и Реал Мадрид, но тој призна дека ако постигне гол против „белиот балет“ ќе слави и нема да остане толку безличен, како што им се кажува на играчите да дејствуваат при бележење против поранешен тим.

Ибрахимовиќ го најави своето заминување од Галакси

Ивона Петрова — Thu, 14 Nov 2019 07:16:48 +0000

Напаѓачот на Лос Анџелес галакси, Златан Ибрахимовиќ, најави дека ќе го напушти клубот. На 38-годишниот Швеѓанец му завршува договор на крајот на годината. – Дојдов видов победив. Благодарност до Лос Анџелес галакси што ме натера повторно да се чувствувам жив. За фановите на Галакси – го сакавте Златан, ви го дадов Златан. Ве молам. Историјата продолжува … Сега вратете се на гледање бејзбол, напиша Ибрахимовиќ на Инстаграм. Ибрахимовиќ во Галакси дојде во 2018 година од Манчестер јунајтед. Претходно беше дел од ПСЖ, Милан, Барселона, интер, Јувентус, Ајакс и Малме.

Ибрахимовиќ може да ја продолжи кариерата во Фиорентина

Ристе Здравков — Thu, 17 Oct 2019 09:10:59 +0000

Напаѓачот на Лос Анџелес Галакси, Златан Ибрахимовиќ, се најде во сферата на интерес на италијанскиот фудбалски прволигаш Фиорентина.

Сегашниот договор на 38-годишниот играч со американскиот клуб истекува во декември, пренесува Ла Назионе.

Оваа сезона, Ибрахимовиќ настапи на 29 натпревари во МЛС, постигна 30 голови и оствари седум асистенции.

Претходно, Ибрахимовиќ веќе настапуваше во Серија А, играјќи за Јувентус, Интер и Милан.

Ибрахимовиќ: Тажен сум кога го гледам ваков Милан

Ивона Петрова — Wed, 09 Oct 2019 08:53:35 +0000

Напаѓачот на Лос Анџелес Галакси, Златан Ибрахимовиќ, кој претходно играше за Милан, го сподели своето мислење за ситуацијата во италијанскиот клуб. Милан вчера поради слаби резултати го отпушти тренерот Марко Џампаоло. – Жално е кога го гледам Милан ваков. Клубот треба да биде на врвот, треба да има најдобри играчи на светот, но сега не е така. Тие треба да инвестираат, во спротивно нема да постигнат ништо. Квалитетот не се добива бесплатно, вели шведскиот интернационалец. Според Ибрахимовиќ, Јувентус е симбол на италијанскиот фудбал поради неговиот состав, додека Интер“ добро напредува, иако заостануваат зад Јувентус. По седум кола во Серија А, Јувентус е прв со 19 бода, Интер е втор со 18, додека Милан е 13. Со само девет бода.

ФОТО: Ибрахимовиќ ќе добие споменик во Шведска

Ивона Петрова — Tue, 10 Sep 2019 06:51:22 +0000

Напаѓачот на Лос Анџелес Галакси, Златан Ибрахимовиќ ќе добие споменик во Шведска, пренесува „АС“. Иницијативата потекна од шведската фудбалска асоцијација која одлучи споменикот да биде во Малме меѓу стариот и новиот стадион на локалниот клуб. Ова е родниот град и матичниот клубот на шведскиот напаѓач. Висината на статуата ќе биде 2,7 метра, тежина – околу 500 кг. Задолжен за изработката на споменикот е скулпторот Питер Линд.

Ибрахимовиќ сериозно повреди колега, но се спаси од казна

Ивана Ефремовски — Thu, 25 Jul 2019 07:21:45 +0000

Ѕвездата на Лос Анџелес Галакси, Златан Ибрахимовиќ, беше поштеден од страна на Дисциплинската комисија на МЛС. Шведскиот напаѓач сериозно повреди ривалски фудбалер во градското дерби со ФК Лос Анџелес пред неколку дена, но не доби никаква казна. Настраданиот Мохамед Ел Мунир беше удрен со лакт во главата, што резултира со скршена коска и се наметна операција. Дефанзивецот сигурно ќе биде надвор од теренот најмалку 4 недели. Ибра и претходно дејствувал на сличен начин против ривалите. Во овој случај, тој дури и не доби жолт картон, но во социјалните мрежи потсетија на времето кога играше во Манчестер Јунајтед, кога за истиот потег, шведскиот напаѓач беше избркан со црвен картон, а потоа беше дополнително казнет. Триесет и седум-годишниот поранешен шведски репрезентативец има договор со Л.А. Галакси до зимата. Од почетокот на сезоната тој одигра 17 натпревари во кои постигна 16 гола. (МИА)

Златан крши рекорди во Америка

Дарко Андоновски — Sat, 22 Dec 2018 11:53:59 +0000

Шведската фудбалска ѕвезда, Златан Ибрахимовиќ може да стане рекордер на МЛС, пренесе „ЕСПН“. Според неговиот нов договор со Лос Анџелес Галакси, 37-годишниот напаѓач ќе добие меѓу 7 и 7,5 милиони долари. Ова може да биде највисока плата во историјата на МЛС. До моментов, најплатен фудбалер во Лигата беше Кака, кој во 2017 година зеде 7,17 милиони долари од Орландо Сити. Во 2018 година, Ибра доби 1,5 милиони долари од Л.А. Галакси. Тој постигна 22 гола и направи 10 асистенции за 27 натпревари во својата прва сезона во МЛС.